Новости за 20.06.2021

საარჩევნო კოდექსში დაგეგმილ ცვლილებებს პარლამენტში განიხილავენ დღეს, 21 ივნისს პარლამენტის იურიდიულ საკითხთა კომიტეტში მეორე მოსმენით საარჩევნო რეფორმას განიხილავენ. საარჩევნო კოდექსში შესატანი ცვლილებების პაკეტი ითვალისწინებს: ცესკოს წევრთა რაოდენობის ცვლილებას; მათი არჩევის წესის ცვლილებას; პარტიების მიერ ცესკოს წევრების დანიშვნისა და მათი უფლებამოსილების შეწყვეტის წესის ცვლილებას. კანონპროექტში არ არის ასახული კონკრეტული მექანიზმები საზოგადოებისთვის ერთ-ერთ ყველაზე საინტერესო საკითხზე... Читать дальше...

მინიმუმ ოთხი ადამიანია დაკავებული ბათუმში, აჭარის მთავრობის შენობასთან გამართულ საპროტესტო აქციაზე, იტყობინება გამოცემა „ბათუმელები“. დღევანდელი მიტინგი მოაწყვეს იმ შვიდი სპორტსმენის ნათესავებმა, რომლებსაც ბრალად ედებათ ნამახვანჰესის მშენებლობის წინააღმდეგ საპროტესტო აქციების დროს არეულობების ორგანიზება და მათში მონაწილეობა. დღევანდელი აქციის მონაწილეები მიიჩნევენ, რომ 12 აპრილის აქცია პროვოკაცია იყო. ისინი სპორტსმენების დაკავებას „პოლიტიკურ შურისძიებად“ აფასებენ და აღნიშნავენ, რომ შვიდივე დაკავებული აკრიტიკებდა მმართველ „ქართულ ოცნებას“. Читать дальше...

სომხეთში რიგგარეშე საპარლამენტო არჩევნები გაიმართა. ქვეყნის მასშტაბით გახსნილი იყო 2000-მდე საარჩევნო უბანი. არჩევნები დილის 8 საათზე დაიწყო და 20 საათამდე გაგრძელდა. არჩევნებში 21 პარტია და 4 ბლოკი მონაწილეობს. სულ 2510 კანდიდატი. ნიკოლ ფაშინიანის მმართველი პარტიის მთავარ კონკურენტად მოიაზრება ბლოკი „ჰაიასტანი“ („სომხეთი“), რომელსაც სომხეთის ყოფილი პრეზიდენტი, რობერტ ქოჩარიანი ხელმძღვანელობს. პარლამენტში შესასვლელად, პარტიებმა ხმათა მინიმუმ 5% უნდა დააგროვონ, ბლოკებმა კი - 7%. ცენტრალური საარჩევნო კომისიის ინფორმაციით... Читать дальше...

აშშ-ის პრეზიდენტ ჯო ბაიდენის ადმინისტრაცია მზადაა, რუსეთის მიმართ დამატებითი სანქციები შემოიღოს ამჟამად პატიმრობაში მყოფი ოპოზიციონერის, ალექსეი ნავალნის მოწამვლის გამო. ამის შესახებ კვირას განაცხადა უშიშროების საკითხებში აშშ-ის პრეზიდენტის მრჩეველმა ჯეიკ სალივანმა.   CNN-ისთვის მიცემულ ინტერვიუში სალივანმა თქვა, რომ ვაშინგტონი არ აპირებს თავის შეკავებას საპასუხო ნაბიჯებისგან კიბრთავდასხმებზე, საარჩევნო კამპანიაში ჩარევასა ან ნავალნის საქმეზე, როცა საქმე ეხება რუსეთის მავნე ქმედებებს. სალივანმა აღნიშნა... Читать дальше...

სამკვირიანი პაუზის შემდეგ განახლდა სამხედრო კონფლიქტი როგორც ისრაელსა და ჰამასს შორის, ისე დაპირისპირება თვით ისრაელის ებრაელ და არაბ მოქალაქეებს შორის. რამდენად არის ებრაულ-არაბული კონფლიქტი ფატალური, გარდაუვალი რეალობა? ერთი ებრაული ანეკდოტის მიხედვით, მეოცე საუკუნის მეორე ნახევარში ალჟირიდან საფრანგეთში გაქცეული სეფარდი ებრაელები დასახლდებიან აშკენაზი ებრაელების უბანში. ერთი-ორი კვირა მათთან ურთიერთობის შემდეგ, სეფარდები ეჭვს შეიტანენ აშკენაზების ჭეშმარიტ ებრაელობაში - ისინი ხომ არც არაბულად... Читать дальше...

პარლამენტის წინ მიმდინარეობს აქცია გზავნილით „არა ოკუპანტის ამნისტიას“, რომელსაც აწყობენ ორი წლის წინ, 2019 წლის 20 ივნისს, რუსთაველის გამზირზე სამართალდამცავთა მიერ ანტისამთავრობო დემონსტრაციის დაშლისას დაზარალებული აქტივისტები. ისინი აპროტესტებენ პარლამენტის მიერ ორი მოსმენით მიღებულ ამნისტიის კანონპროექტს, რომლის თანახმადაც, სისხლისსამართლებრივი პასუხისმგებლობისა და სასჯელისაგან თავისუფლდება ყველა პირი, რომელმაც 2019 წლის 19-21 ივნისის მოვლენებთან დაკავშირებით ჩაიდინა დანაშაული და უარს არ აცხადებს მის მიმართ ამნისტიის გავრცელებაზე. Читать дальше...

აშშ-მექსიკის საზღვარზე შეიარაღებულმა პირებმა რამდენიმე თავდასხმა განახორციელეს მექსიკის სასაზღვრო ქალაქ რეინოსაში, რის შედეგადაც მინიმუმ 15 ადამიანი დაიღუპა. შეტაკებებმა ფართო მასშტაბის პანიკა გამოიწვია მოსახლეობაში, იტყობინებიან ადგილობრივი სამართალდამცავი ორგანოები. ტამაულიპის შტატის უწყებამ, რომელიც კოორდინაციას უწევს უშიშროების ძალებს, განაცხადა, რომ თავდასხმები განხორციელდა ქალაქის აღმოსავლეთ ნაწილში, რომელიც ტეხასს ესაზღვრება. სროლის შედეგად მობილიზებულია არმია, ეროვნული გვარდია, სახელმწიფო პოლიცია და სხვა ძალოვანი უწყებები. Читать дальше...

ბრაზილიაში COVID-19-ით გარდაცვლილთა რიცხვმა 500 ათასს გადააჭარბა. აშშ-ის შემდეგ ეს პირველი ქვეყანაა, რომელშიც ამ მაჩვენებელმა ნახევარ მილიონს გადააჭარბა. ეს რაოდენობა აღირიცხა 19 ივნისს, როცა ათასობით მემარცხენე შეუერთდა საპროტესტო აქციას პრეზიდენტ ჟაირ ბოლსონაროსა და პანდემიის თაობაზე მისი პოლიტიკის წინააღმდეგ. ბრაზილიაში კორონავირუსით ინფიცირებულთა დადასტურებულმა რაოდენობამ 18 მილიონს მიაღწია. 213-მილიონიან ქვეყანაში დღეში ინფიცირების 100 ათასი და გარდაცვალების 2000-მდე ახალი შემთხვევა აღირიცხება. Читать дальше...

საქართველოს ვიცე-პრემიერის, საგარეო საქმეთა მინისტრის, დავით ზალკალიანის მოსაზრებით, რუსეთის დესტრუქციული პოლიტიკის ფონზე მნიშვნელოვანია, რომ საქართველოს სტრატეგიული მოკავშირეები, აშშ-ის, ევროკავშირისა და თურქეთის სახით, აქტიურად ჩაერთონ რეგიონში მიმდინარე პროცესებში. ამის შესახებ მან ანტალიის დიპლომატიურ ფორუმზე, სამხრეთ კავკასიისადმი მიძღვნილ სესიაზე სიტყვით გამოსვლისას განაცხადა. მისი თქმით, საქართველოს კონსტრუქციული მიდგომების მოუხედავად რუსეთი დესტრუქციულ პოლიტიკას განაგრძობს, რაც საქართველოს... Читать дальше...

20 ივნისს ვენაში იმართება მოლაპარაკებები ირანის ბირთვულ პროგრამაზე გარიგების განახლების შესახებ. მოლაპარაკებებში, რომელიც აპრილიდან მიმდინარეობს, ირანის გარდა მონაწილეობს მსოფლიოს ექვსი წამყვანი ქვეყანა. აშშ-მა 2018 წელს დატოვა საკვანძო მნიშვნელობის ხელშეკრულება, რომლითაც ირანი დათანხმდა შეზღუდოს თავისი ბირთვული ამბიციები მის მიმართ დაწესებული მრავალი საერთაშორისო სანქციის გაუქმების სანაცვლოდ. ოფიციალური პირების თანახმად, აზრთა სხვადასხვაობა კვლავაც რჩება მთელ რიგ მნიშვნელოვან საკითხებში. საფრანგეთის... Читать дальше...

აშშ-ში რუსეთის ელჩი, ანატოლი ანტონოვი კვირას დილით მოსკოვიდან ნიუ-იორკში გაფრინდა. ის სამთვიანი პაუზის შემდეგ ბრუნდება ვაშინგტონში. მარტში ის კონსულტაციისთვის გაიხმეს მოსკოვში მას მერე, რაც ერთი დღით ადრე აშშ-ის პრეზიდენტი ჯო ბაიდენი ტელეინტერვიუში დაეთანხმა მოსაზრებას, რომ რუსეთის პრეზიდენტი ვლადიმირ პუტინი „მკვლელია“. აპრილში, რუსეთის ხელისუფლების მრავალჯერადი დაჟინებული მოთხოვნის შემდეგ, მოსკოვი დატოვა აშშ-ის ელჩმა ჯონ სალივანმა. ვაშინგტონში აღნიშნავდნენ, რომ ის რამდენიმე კვირის შემდეგ დაუბრუნდებოდა თავის პოსტს. Читать дальше...

„მაშინაც მიმაჩნდა და ახლაც მიმაჩნია, გაზთან ერთად წყლის ჭავლის მანქანები რომ ყოფილიყო გამოყენებული, შეიძლება თავიდან აგვეცილებინა მძიმე დაზიანებები, რომლებიც მოქალაქეებმა მიიღეს“, - ასე ეხმაურება რეგიონული განვითარებისა და თვითმმართველობის კომიტეტის თავმჯდომარე სოზარ სუბარი 2019 წლის 20 ივნისს, ანტისაოკუპაციო დემონსტრაციის დაშლის ფაქტს. სოზარ სუბარი აქციის დაშლიდან ორი წლის თავზეც დარწმუნებულია, რომ 20 ივნისს, დემონსტრანტებმა პარლამენტზე შტურმი განახორციელეს: „მთელი საქართველო უყურებდა პირდაპირ... Читать дальше...

თბილისის საქალაქო სასამართლომ 6 წლის ბავშვის წამების საქმეზე დაკავებულ დედას და მამინაცვალს აღკვეთის ღონისძიების სახით პატიმრობა შეუფარდა. საქმის პროკურორი, ნათია ნოზაძე აცხადებს, რომ არსებობდა მიმალვის და მტკიცებულებათა მოპოვებისათვის ხელშეშლის საფრთხე, რაც სასამართლომ გაიზიარა. მისივე თქმით, მტკიცებულებებით დასტურდება, რომ დანაშაული ორივე ბრალდებულმა ჩაიდინა: „ბრალდების მხარის მიერ, ამ ეტაპზე, მოპოვებულია მოწმეთა ჩვენებები, ფოტო და ვიდეო მასალა. აღნიშნული მტკიცებულებების განხილვას ბრალდების... Читать дальше...

სომხეთში პრემიერ-მინისტრობის კანდიდატი „დემოკრატთა ალიანსის“ ბლოკიდან არმან ბაბაჯანიანი აცხადებს, რომ მის პირად ავტომანქანას ცეცხლსასროლი იარაღიდან ესროლეს. არმან ბაბაჯანიანი რადიო თავისუფლების სომხურ ბიუროსთან საუბარში აცხადებს, რომ მან სავარაუდო ტყვიის კვალი ავტომობილის საქარე მინაზე, 20 ივნისის დილით აღმოაჩინა. მისი სიტყვებიდან ირკვევა, რომ სავარაუდო სროლისას, მანქანაში არც ის და არც სხვა პირები არ იმყოფებოდნენ: „ავტომობილი სახლთან მყავდა გაჩერებული. მე სახლში ვიყავი. სავარაუდოდ, ინციდენტი დილით მოხდა. Читать дальше...

სომხეთში ვადამდელი საპარლამენტო არჩევნები იმართება. ქვეყნის მასშტაბით 2000-მდე საარჩევნო უბანია გახსნილი. არჩევნები დილის 8 საათზე დაიწყო და 20 საათამდე გაგრძელდება. არჩევნებში 21 პარტია და 4 ბლოკი მონაწილეობს. სულ 2510 კანდიდატი. სომხეთის პრემიერ-მინისტრობის მოვალეობის შემსრულებელი, მიმდინარე არჩევნებში, პარტია „სამოქალაქო შეთანხმების“ პრემიერ-მინისტრობის კანდიდატია. მმართველი პარტიის მთავარ კონკურენტად მოიაზრება ბლოკი „ჰაიასტანი“ („სომხეთი“), რომელსაც სომხეთის ყოფილი პრეზიდენტი, რობერტ ქოჩარიანი ხელმძღვანელობს. Читать дальше...

20 ივნისს, დევნილთა/ლტოლვილთა/იძულებით გადაადგილებულ პირთა საერთაშორისო დღესთან დაკავშირებით, ფონდ „სოხუმის“ ინიციატივით, ახალ ტრადიციას ჩაეყარა საფუძველი. ბულვარში გამვლელებს სოხუმური ყავით უმასპინძლდებიან. ბულვარში წარმოდგენილია აფხაზეთიდან დევნილი ოჯახური ფოტოარქივის რეტროსპექტივაც. მსურველებს საშუალება აქვთ, ფოტოები გადაიღონ სიმბოლურ "სოხუმის სანაპიროსთან". "ჩვენ მოვიტანეთ ის არომატი, იმედი, ემოცია, რომელიც სოხუმს ახასიათებს და ჩვენ ამ პერფორმანსით გვინდა ვთქვათ, რომ ისევე გვინდა დაბრუნება სოხუმში, როგორც იქედან წამოსვლის პირველივე დღეს. Читать дальше...

19 ივნისს, ბოლნისში მომხდარი მკვლელობის ფაქტზე ამ დრომდე არავინაა დაკავებული. წინასწარი ინფორმაციით, 38 წლის კაცს ცეცხლსასროლი იარაღიდან ესროლეს. მას ჭრილობა ზურგის არეში ჰქონდა მიყენებული და საავადმყოფოში მიყვანამდე გარდაიცვალა. გარდაცვლილი დმანისიდან იყო, ის ბოლნისში მუშაობდა და მეგობართან ერთად დროებით ნაქირავებ ბინაში ცხოვრობდა. გავრცელებული ინფორმაციის თანახმად, დაპირისპირებაში 30-მდე პირი იღებდა მონაწილეობას. ბოლნისში ამ დრომდე მიმდინარეობს სამძებრო სამუშაოები. შსს-ს ინფორმაციით, ფაქტზე გამოძიება სსკ-ის 108-ე მუხლით დაიწყო... Читать дальше...

თბილისის საქალაქო სასამართლო 6 წლის ბავშვის წამების საქმეზე დაკავებული დედისა და მამინაცვლის აღკვეთის ღონისძიების შეფარდების საკითხზე მსჯელობს. სასამართლო სხდომა დახურულ რეჟიმში მიმდინარეობს. საქართველოს პროკურატურამ სასამართლოს ორივე ბრალდებულისთვის აღკვეთის ღონისძიების სახით პატიმრობის გამოყენების შუამდგომლობით მიმართა. ერთ-ერთი ბრალდებულის ადვოკატი, მუხრან ღურცკაია აცხადებს, რომ მისი დაცვის ქვეშ მყოფი პირი ბრალს არ აღიარებს და ბრალი დაუსაბუთებელია: „რეალურად საქმე არის შეთითხნილი, იმიტომ... Читать дальше...

მომავალ კვირაში პარლამენტის საგაზაფხულო სესია დაიხურება. პარლამენტის რეგლამენტის გათვალისწინებით, საგაზაფხულო სესია ივნისის ბოლო პარასკევს, 25 ივნისს დაიხურება. ამ დღეს დაგეგმილია პლენარული სხდომა, სადაც გაწეული მუშაობის ანგარიშით პრემიერ-მინისტრს ირაკლი ღარიბაშვილს მოუსმენენ. მიუხედავად რეგლამენტისა, პარლამენტი მუშაობას არ ასრულებს და რიგგარეშე სესიის ფორმატში მთელი ივლისის განმავლობაში იმუშავებს. არსებული ინფორმაციით, ივლისში დაგეგმილია უზენაესი სასამართლოს მოსამართლეების არჩევასა და ასევე... Читать дальше...

საქართველოში, გასული დღე-ღამის განმავლობაში გარდაიცვალა COVID-19-ით დაავადებული 12 პაციენტი. სამთავრობო საიტ stopcov.ge-ზე გამოქვეყნებული მონაცემებით, ბოლო 24 საათში ჩატარებული 18 737 ტესტირებიდან გამოვლენილია კორონავირუსის 521 შემთხვევა. დადებითობის მაჩვენებელია: დღიური - 2,78%; ბოლო 7 დღის - 2,66%; ბოლო 14 დღის - 2,46%. გასული დღე-ღამის განმავლობაში 911-ით გაიზარდა კორონავირუსისგან გამოჯანმრთელებულთა რიცხვი. 2020 წლის 26 თებერვლიდან, როცა საქართველოში კორონავირუსით ინფიცირების პირველი ფაქტი დადასტურდა... Читать дальше...

საპატრიარქოს საზოგადოებასთან ურთიერთობის სამსახური იღუმენ იონას (მაისურაძე) მიერ არასრულწლოვნის შესაძლო სექსუალური შევიწროების ფაქტზე ინფორმაციას ავრცელებს. განცხადებაში აღნიშნულია, რომ ბოლო დღეებში სატელევიზიო ეთერში გასული სიუჟეტიდან ცნობილი გახდა იღუმენ იონას მხრიდან არასრულწლოვნის შევიწროების შესახებ. „ბოლო დღეებში ინტენსიურად გვიკავშირდებიან იღუმენ იონას (მაისურაძე) გამო. ვპასუხობთ ხშირად დასმულ კითხვებს: 2019 წელს მას მღვდელმსახურება ნამდვილად შეუჩერდა. საკითხი ეხებოდა მღვდლისა და მონაზვნისთვის შეუფერებელ ზნეობრივ გადაცდომას. Читать дальше...

ორი წელი გავიდა რუსთაველის გამზირზე, პარლამენტის წინ, ანტისაოკუპაციო აქციის დაშლიდან, რომლის შედეგადაც ოფიციალური მონაცემებით, 275 ადამიანი დაშავდა. მათ შორის, რამდენიმემ სხეულის მძიმე დაზიანება მიიღო, დაკარგა თვალი და მხედველობა. 2019 წლის 20 ივნისს ანტისაოკუპაციო აქცია მოჰყვა საქართველოს პარლამენტში მართლმადიდებლობის საპარლამენტთაშორისო ასამბლეის 26-ე სესიის სხდომას, რა დროსაც პარლამენტის თავმჯდომარის სავარძელი რუსეთის დუმის დეპუტატმა, კომუნისტმა სერგეი გავრილოვმა დაიკავა. სწორედ ის უძღვებოდა სხდომას... Читать дальше...