Новости за 21.02.2022

د پېښور په تاریخي اسلاميه کالج پوهنتون کې د ښوونکو احتجاجي کاربندیز روان دی چې له وجې یې د زده کوونکو زده کړې اغېزمنې شوې دي. استادان د فبرورۍ له ۱۵مې راهیسې په احتجاج دي او وايي، په تنخاګانو کې تر اضافې پورې کاربندیز نه ختموي. د اسلامیه کالج پوهنتون زده کوونکو هم د فیسونو د زیاتېدو ضد او له استادانو سره د یووالي په موخه احتجاج پیل کړی. خو د پوهنتون مشر وايي، د استادانو لپاره یې غونډې ورغوښتې دي ځکه چې د کاربندیز له وجې تعلیمي بهیر اغېزمنېږي. د خیبر پښتونخوا حکومت د ښوونکو د غوښتنو په غبرګون څه نه... Читать дальше...

د فبروري پر ۲۱مه د خوست د مرکز او ولسوالیو د بېلابېلو قومونو ګڼو مشرانو په یوه قومي پرېکړه کې د ښځې مهر درې نیم لکه افغانۍ وټاکه او په دښمنیو کې يې د ښځو ورکول منع اعلان کړل. دوی همدارنګه وویل چې په اسلام دین کې د کورنۍ د نارینه وو غړو په شان ښځې د پلار په میراث او د ژوند د ملګري په انتخاب کې حق لري او هغوی څخه دا حقونه باید وا نه خیستل شي. د خوست قومي مخورو په دې قومي ناسته کې پر ښځې غږ کول یو ناوړه کار وباله او ويې ویل، که کوم چا د بل کس خور، لور غږ وهلې کړه، نو قوم به په پښتني دود او دستور د هغه کس کور سوځي. Читать дальше...

د کابل ځینې ښاریان د برښنا له کموالي او دوامداري پارچاوۍ شکایت کوي.   د کابل ښار اوسېدونکې مینا وایي، په ۲۴ ساعتونو کې یوازې ۲ یا ۳ ساعته برښنا لري.   مینا وایي:" د برښنا نشتوالی په کابل او نورو ولایتونو کې په یو ستونزې بدله شوې. خلک له ډېرو ستونزو سره مخ دي، هغه کسان چې له کوره د دفتر کار کوي، ټیلیفونونه او کمپیوټرونه یې په کافي اندازه برښنا ته اړتیا لري، زما په ګډون ډیری کسان خپل کمپیوټرونه له کوره وړي چې چارج یې کړي، دا یوه ستونزه ده."   د کابل بل اوسېدونکی محراب وايي، د برښنا د منظم او عادلانه وېش لپاره پروګرام نه شته. Читать дальше...

د پښتون ژغورنې غورځنګ مشر منظور پښتین وايي، د قامي اسمبلۍ د غړي علي وزیر د خوشې کولو پر موضوع یې د سیند له صوبايي حکومت سره رابطې شوې دي. نوموړي د فبرورۍ پر ۲۰مه مشال راډیو ته په دې اړه نور تفصیل ور نه کړ. خو د سیند حکومت د پښتین د څرګندونو په اړه څه نه دي ویلي. غورځنګ د فبرورۍ له ۱۳مې راهیسې په کراچۍ کې د سیند اسمبلۍ مخې ته پرلت وهلی او د وزیر د خوشې کولو غوښتنه کوي چې له ۲۰۲۰ز کال راهیسې د ریاست ضد د ویناګانو او د خلکو پارولو په تور په درو مقدمو کې بندي دی. نوموړی پر ځان له لګېدلو تورونو انکار کوي. Читать дальше...

قومي مشر توریالی منګل مشال راډيو ته وويل چې په دې قومي پرېکړو کې دا هم ول چې ښځې باید په دښمنیو کې ورنکړل شي.

د طالبانو حکومت د امر بالمعروف او نهي عن المنکر وزارت د دوشنبې په ورځ د یوه اعلامیې په خپرولو سره ویلي چې د دې وزارت سرپرست وزیر محمد خالد حنفي له پوهنې وزارت، ښار جوړونې وزارت، د عدليې وزارت، اوبو او برښنا وزارت، فوائد عامې وزارت، د کلیو د پراختیا وزارت، سترې محکمې او کابل ښاروالۍ څخه لیدنه کړې.  په دې اعلامیه کې چې د طالبانو د رسنیو مسؤلینو له خولې له رسنیو سره شریکه شوې، راغلي چې د طالبانو حکومت د امر بالمعروف وزارت سرپرست وزیر په لیکلي بڼه له دغه وزارتونو او ادارو غوښتنه کړې چې په دولتي ادارو... Читать дальше...

د افغانستان له رسنیو د ملاتړ بنستونه د طالبانو له حکومت وغوښتل چې رسنیو ته د مالیاتو په بښلو او د برښنا د لګښتونو د بیې په کمولو سره یې د سقوط مخنیوی وکړي.  د افغانستان د رسنیو د بنسټ رئیس ابوذر صارم د دوشنبې په ورځ په دې اړه جوړې شوې غوندې ته وویل:" د نړیوالو مرستندویانو له‌ خوا د خبریالانو او د رسنیو د کارکوونکو لپاره د معاشونو ورکړه د دې لپاره ده چې بهر ته یې د تلو مخه ونیول شي او مجبور نه شي چې درانده کارونه وکړي. تر څنګ یې ځینو رسنیو ته د مالیاتو معاف کول، کولای شي ستونزې کمې کړي. "  دا... Читать дальше...

یو شمېر افغانو ښځو نن د ملګرو ملتونو د استازولۍ یوناما دفتر په وړاندې اعتراض کړی. دوی چې ځان د افغانستان ملت د پیوستون کاروان په نوم د یوه بنسټ غړې بولي وایي چې د امریکا متحده ایالاتو د جمهور رئیس له لوري د سپتمبر ۱۱می پېښې د قربانیانو کورنیو ته د افغانستان د ۳.۵ میلیاردو ډالرو د ځانګړي کېدو د پرېکړې د ردولو غوښتونکي دي.   د دی بنسټ مسؤلې شګوفې نجات احمدزۍ او د یاد بنسټ یوې غړې ارزو صدیقي ازادي راډیو ته وویل:" موږ د امریکا متحده ایالاتو له محکمې غواړو چې یو عادلانه قضاوت وکړي، ځکه دا د افغانانو... Читать дальше...

د اسلام اباد له نړیوال اسلامي پوهنتونه د ۵۷ افغان زده کوونکو د فراغت غونډه وشوه چې ورته په پاکستان کې د طالبانو د حکومت ناظم الامور هم ورغلی وو. د فبرورۍ پر ۲۰مه تر غونډې وروسته زده کوونکو مشال راډیو ته وویل، د طالبانو حکومت دې ورته د کار موقعې برابرې کړي. ناظم الامور شکېب احمد په خپله وینا کې وویل چې حکومت یې فارغو شویو زده کوونکو ته د کار زمینې برابرولو ته ژمن دی. ویډیويي رپورټ.

په یو لیک کې چې څو خبري اژانسونو یې متن لیدلی متحدوایالاتو ملګروملتونو ته ویلي کره معلومات ورسره دي چې ښيي روسیه پر اوکراین د برید په صورت کې پلان لري چې د اوکراین یو شمېر ځانګړي وګړي په نښه کړي او ویې وژني، یا یې کمپونو ته واستوي. دا لیک فرانس پرېس، رویټرز او DPA خبري اژانسونو لیدلی دی خو امریکايي چارواکو یې سرچینې نه دي افشا کړي. په ژنیو کې د ملګروملتونو په څانګه کې د امریکا سفیرې بات شیبا نیل کراکر پرون د ملګروملتونو د بشري حقونو لویې کمیشنرۍ ته د هغه لیک محتویات روښانه کړل چې د امریکا د... Читать дальше...

د یونېسېف افغانستان څانګې د فبرورۍ پر ۲۰مه نېټه په بیان کې ویلي، ۳.۲ مېليونه افغان ماشومان دا مهال د خوارځواکۍ له خطر سره مخامخ دي.

که څه هم نږدې هره ورځ په ټولنیزو رسنیو کې د طالب وسله ‌‌والو له‌خوا له خلکو سره د ناسم، نا قانونه او خپل سري چلند په اړه شکایتونه خپریږي، خو د طالبانو په لیکو کې د تصفیې کمېسیون نن خپل صفونه پاک اعلان کړل. دا په داسې حال کې ده چې یوازې روانه اوونۍ په کابل او کندهار کې یوه مېرمن او یو ډاکټر د طالبانو په ډزو کې وژل شوي دي. خو د طالبانو د لیکو د تصفیې کمېسیون رئیس او د دفاع وزارت سرمفتش لطف‌الله حکیمي‌ نن رسنیو ته وویل، دوی په تېرو پنځو میاشتو کې نږدې درې نیم زره شکایتونه څېړلي او پر همدې بنسټ یې... Читать дальше...

د اسلامي همکاریو سازمان غواړي په افغانستان کې دبشري مرستو ترڅنګ له افغان بزرګرانو سره په بېلابېلو برخو کې مرستې وکړي.   د افغانستان د سوداګرۍ او پانګونې خونې په یوې خبرپاڼه کې ویلي، د خونې چارواکو د اسلامي همکاریو سازمان د سرې میاشتې له ځانګړي استازي سره تېره ورځ ناوخته په کابل کې تر لیدنې وروسته په ورته نور مسایلو هم خبرې کړي.   د خبر پاڼې له مخې، د اسلامي همکاریو سازمان د سرې میاشتې ځانګړي استازي عمر تاسلي افغان بزګرانو ته د مالدارۍ، د عصري کرنیزو فارمونو جوړولو او ابو لګولو په برخه کې د مرستو ژمنه کړې. Читать дальше...

د طالبانو حکومت اقتصادي کمېسیون پرېکړه کړې چې هېواد ته د واردېدونکو نفتي موادو او مایع ګازو د کیفیت او قیمتونو د کنټرول لپاره دې یو کمېټه جوړه شي.   د ارګ په رسمي ټویټر پاڼه کې لیکل شوي چې تېره ورځ ناوخته د طالبانو د حکومت د رئیس الوزرا مرستیال ملا عبدالغني برادر په مشرۍ د اقتصادي کمېسیون په ناسته کې د نفتي موادو او مایع ګازو دولتي شرکت او اړوندو ادارو ته د دې کمېټې د ژر جوړېدو امر شوی.   په خبر کې راغلي، په دې ناسته کې دغه شان افغانستان ته د واردېدونکو خوراکي توکو او درملو د کیفیت د کنټرول لپاره... Читать дальше...

په مسکو کې د امریکا د متحدو ایالاتونو سفارت په روسیه کې ډېره امریکايي وګړو ته خبرداری ورکړی، چې له دغه هېواده احتمالي وتلو ته چمتووالی ولري. دغه سفارت دا خبرداری د روسیې د اهدافو ناڅرګندو ګواښونو ته په پام داسې وخت ورکړی چې غربي حکومتونو ویلي، پر اوکراین د روسیې یرغل ډېر ژر پېښېدونکی ښکاري.  د سفارت په بیانیه کې ویل شوي چې د مسکو په ګډون په سنټ پټرزبورګ او د اوکراین پولې ته څېرمه په لانجنمنو سیمو کې پر پلورنځیو، د رېل ګاډو او مېټرو پر تمځایونو او نورو عمومي ځایونو او د خلکو د راټولېدو پر مرکزونو د حملو تهدیدونه شته. Читать дальше...

محب زیاته کړې چې اشرف غني اوس هم د ولس د خیر لپاره د داسې اساسي بحث ملاتړ کوي چې د هېواد د ټولو وګړيو استازیتوب پکې وي.

د امریکا د متحدو ایالاتونو ولسمشر جو بایدڼ په محتاطانه ډول د روسیې له ولسمشر ولادیمیر پوتین سره په را روانو ورځو کې پر کتنه موافقه وکړه.   ولسمشر بایډن هڅه کوي چې د روسیې ولسمشر پر اوکراین له احتمالي یرغله را وګرځوي.   د سپینې ماڼۍ ویاندې جن ساکي پرون په یوه اعلامیه کې وویل،که پر اوکراین یرغل نه و شوی، بایډن به د امریکا او روسیې د بهرنیو چارو وزیرانو تر خبرو وروسته سره وګوري.  په پام کې ده انتوني بلېنکن او سرګي لاوروف را روانه پنجشنبې سره خبرې وکړي.   د دواړو ولسمشرانو د کتنې نظریه د فرانسې... Читать дальше...

د فبرورۍ پر ۲۰مه نېټه له مشال راډيو سره د خبرو پر مهال منظور پښتين وويل چې د احتجاجي پرلت له لارې له سيند حکومته غواړي چې د علي وزير پرضد درج شوي د اېف ای ارونه (مقدمې) دې بیرته واخلي.

هلمند کې طالب چارواکي وايي په ناوې ولسوالۍکې د نامعلومه کسانو په ډزو کې ۲ کسان وژل شوي او يو بل ټپي دی.   د هلمند ولايت د اطلاعات او فرهنګ ریاست څخه په خپره شوې خبر پاڼه کې راغلي دي چې پېښه تېره شپه ۸ بجې رامنځته شوې ده.   خبر پاڼه زیاتوي ټپي د طالبانو له خوا د هلمند ايمرجنسي روغتون ته انتقال شوی دی.

په غزني کې د طالبانو د حکومت سیمه ییز چارواکي وايي هڅه کوي چې د دغه ولایت اړوند په ټولو ولسوالیو کې د مخابراتي شبکو خدمتونه فعال کړي.  دوی وايي تر اوسه پورې یا په ځینو ولسوالیو کې د دغه شبکو فعالیتونه نه دي وړاندې شوي او یا هم د جګړو له امله بېرته له کاره لوېدلي دي.  د اطلاعاتو او کلتور ریاست سرپرست، مولوي حبیب الله مجاهد د یکشنبې په ورځ ازادۍ راډیو ته وویل د دغه کار پیل یې د غزني له مرکز څخه کړی.  نوموړی وايي، د یکشنبې په ورځ د دغه ولایت د والي مولوي محمد اسحاق اخندزاده په هڅو او زیار یې د... Читать дальше...

د افغانستان او پاکستان د سوداګرۍ د ګډې خونې شریک مشر وايي، اسلام اباد ژمنه کړې ده چې د دواړو هېوادونو د سوداګرۍ په برخه کې به اسانتیاوې پیدا کوي. خانجان الکوزی له افغان سوداګرو سره د پاکستان په سفر دی او هلته یې د فبرورۍ پر ۱۶مه او ۱۷مه په غونډو کې ګډون کړی دی. نوموړی وايي، په افغانستان کې د طالبانو حکومت هم باید د پاکستانیو سوداګرو لپاره اسانتیاوې پیدا کړي. الکوزی وايي، نړیواله ټولنه دې د افغانستان پر بانکي نظام لګېدلي محدودیتونه لیرې کړي چې افغانان په اسانۍ تجارت وکړای شي. الکوزی وايي، د هغو بندیزونو... Читать дальше...

په داسې حال کې چې نن په افغانستان د طالبانو د واکمنۍ شپږ میاشتې او شپږ ورځې کېږي، د حکومت د دفاع وزارت یې ډېر ژر د اردو د جوړېدو خبره کوي. د طالبانو د حکومت د دفاع وزارت ویاند عنایت الله خوارزمي ازادي رادیو ته وویل چې د پوځ یا اردو د جوړولو پنځه اتیا سلنه کار مخته تللی او ډېر ژر به د افغانستان خلک د یوې مجهزې اردو خاوندان شي. خوارزمي زیاتوي:" تقریباً اتیا، پنځه اتیا سلنه کار شوی، په ډېر نېږدې راتلونکي کې به د افغانستان خلک یوه مجهزه، منظمه، خپلواکه او ژمنه اردو ولري." دا په داسې حال کې ده،... Читать дальше...

د کونړ سرکاڼو ولسوالۍ اړوند د شونکړۍ درې اوسېدونکي وايي،د اوبو رسولو پایپي سیسټم مو د پاکستانیو ځواکونو توپونو ویجاړ کړی او د اوبو نشتون ستونزو سره مخ کړي دي. د دوی په خبره چې ماشومان يی له ليرې چینو او خوړونو اوبه راوړي چې له دې امله یې بچي له ښوونځي او درس ویلو بې برخې دي. د خلکو په وینا اوس چې له کوم ځایونو اوبه راوړي هغه غیري صحي دي چې د بېلابېلو ناروغیو سبب کېږي. اته کلنې سلما په یخ ژمي کې نرۍ جامې په تن کړي،له اوبو ډکه لس کیلو يي بوشکه يي پر سر کړې او له یو کیلو متر لیرې پرتې چینې په کنډو کپر او په غرنۍ لاره کور ته روانه ده. Читать дальше...

د امریکا د مرستو پر سر د څار ادارې سیګار ویلي افغانستان د خپلو پيسو د چاپ لپاره تخنیکي وړتیاوې نه لري. سیګار یکشنبه په خپل ټوېټر باندې دې مسئلې ته اشاره کړې او زیاته کړې یې ده چې طالبانو لا تر اوسه داسې یوه داخلي مرجع پيدا یا تقویه کړې نه ده چې افغاني نوټونه چاپ کړي.  د امریکا د مرستو د سرمفتش ادارې داسې وخت دې مسئلې ته اشاره کړې چې د راپورونو له مخې افغانستان کې بانکونه لا هم په کافي اندازه د پيسو زیرمې نه لري او خلکو ته د پیسو په ورکړه کې پراته محدودیتونه نه دي لیرې شوي. د افغانستان د بیا... Читать дальше...

د فرانسې او روسیې ولسمشرانو پرون د اوکراین پولې ته نږدې د عسکرو د ځای پر ځای کېدو له امله د رامنځته شوي کړکېچ د علتونو په تړاو د نظر اختلاف درلود خو په اروپا کې د یوې پراخې جګړې د مخنیوي لپاره د ډیپلوماټیک فشار د مثمر واقع کېدو هیله پیدا شوې ده. د سولې د خبرو غوښتنه داسې وخت شوې چې کیف د اوکراین په ختیځ کې د روس پلوه بېلتون غوښتونکو تر کنټرول لاندې سیمو باندې د توغندیو د لګېدو  خبره کړې.  هغه هم وروسته له دې چې بېلتون غوښتونکو له دغو سیمو د خپلو ځواکونو د ایستلو او د هغوی د منسجمولو اعلان وکړ. Читать дальше...