Новости за 12.02.2022

سلګونه افغان پناه غوښتونکي چې اوس د ابوظبي په یو کمپ کې پراته دي د درېیمې پرلپسې ورځې لپاره یې مظاهره وکړه. دوی غواړي چې زر تر زره دې برخلیک معلوم او د امریکا متحده ایالتونو ته دې ولېږدول شي. د هغو افغانانو شمېر چې له شپږ میاشتو راهېسې د ابوظبۍ په یو کمپ کې ژوند کوي، نژدې ۹۰۰۰ کسانو ته رسیږي. دا ډیر یې هغه کسان دي چې یا خپله او یا یې د کورنۍ غړیو د امریکا له متحدو ایالتونو سره کار کړی. د امریکا متحده ایالتونو تر ۸۰ زرو زیاتو کسانو ته په امریکا کې د ژوند کولو شرایط برابر کړي دي خو زرګونه نور... Читать дальше...

په سيند کې د زده کونکو د تنظيمونو د بحالۍ د منظورۍ په خوشحالۍکې، د فبرورۍ پر ۱۲مه، زده کوونکي د کراچۍ پرېس کلب مخې ته راغونډ شول او خوشحالۍ ېې وکړې. په پاکستان کې په ۱۹۸۴ز کال کې، د هغه مهال پوځي واکمن جنرال محمد ضیاوالحق په تعلیمي ادارو کې د زده کوونکو اتحادیو بندېز لګولی وو.سيند لومړۍ صوبه ده چې دغه بندېز پورته کوي۔

د فبروري د ۱۲مې نېټې ناوخته د خوست له محبس څخه ۴۵ بندیان د دې ولایت د بېلابېلو ادارو د یو ګډ پلاوي له ارزونې وروسته خوشې او خپلو کورونو ته ولاړل. پلاوي وویل چې د خلاص شوېو کسانو جرمونه سپک وو او په بند کې د هغوی تیره شوې موده کافي وبلل شوه او هغوی يې خلاص کړل. د خوست په محبس کې تر دې وخته ۹۲ کسان په بند کې وو چې د پلاوي د ارزونې وروسته يې نږدې نیمايي کسان خوشې شول. د خوست د ښاري محکمې رئیس عزیز احمد راشد ازادي راډيو ته وویل، د پاتو بندیانو دوسیې به هم محاکمو ته وسپارل شي، تر څو برخلیک يې معلوم شي. Читать дальше...

د افغانستان بانک وايي، هېڅ‌کله هغه پرېکړه نه مني چې د افغانستان بانکي زېرمه د بشري مرستو او یا هم د غرامت لپاره د خلکو په واک کې ورکړل شي. د افغانستان په یوه اعلامیه کې د جو بایډن پرېکړه چې د دې بانک اووه میلیارډه زېرمه په افغانستان کې په بشري مرستو مصرفوي او پاتې نیمايي یې د سېپټمبر د ۱۱مې د پېښې د قربانیانو کورنیو ته ورکوي، ناعادلانه او د نه منلو وړ بللې. د افغانستان بانک له‌خوا خپره شوې اعلامیه کې زیاته شوې: "د اسعاري زېرمو اصلي خاوندان د افغانستان ولس دی. دا زېرمې په تېر او اوس‌مهال کې په... Читать дальше...

د خوست په محبس کې تر دې وخته ۹۲ کسان په بند کې وو، چې د پلاوي د ارزونې وروسته يې نږدې نیمايي کسان خوشي شول.

د کونړ یو شمېر اوسېدونکي شکایت کوي چې مرکزي روغتون يې تنګ او د ناروغانو اوسني شمېر ته ځواب نه شي ویلی او په وینا یې نه د ناروغانو بستر لپاره او نه هم د پایوازانو د ناستې او ځای لري. دوی وايي، تېر حکومت کې د اسعداباد اړوند د منډه کول سیمه کې د سیند په غاړه پر ۲۰۰ بستریز روغتون کار پیل شوی و چې چارې يې شااوخوا اتیا سلنه بشپړې شوې وې، خو د نوي بدلون سره يې کارونه په ټپه ولاړ دي. له وټه پور ولسوالیه راغلی ۴۰ کلن حنیف الله وايي: "روغتون کې د ناروغانو شمېر او بيروبار زیات دی، خو ځای تنګ دی. پایوازانو... Читать дальше...

د طالبانو د حکومت چارواکي وايي چې د پخواني حکومت د اجراییه ریاست د لومړي مرستیال انجنیر محمد خان په کور کې د ډزو په پېښه کې د نوموړي زوی او یو ساتونکی وژل شوي دي او مېرمن یې او یو بل کس ټپیان دي. د طالبانو د حکومت مرستیال ویاند انعام الله سمنګاني پر ټویټر لیکلي دي چې دا پېښه د یوې کورنۍ لانجې په پایله کې شوې ده. هاخوا د پخواني حکومت اجرائیه رییس عبدالله عبدالله دا پېښه د یوې کورنۍ پر حریم برید بللی او غندلی یې ده.

د افغانستان اوسنۍ بانکي زېرمه ۹.۵ میلیار‌ډه ډالره اټکل شوې چې په کې نغدې پیسې، سره زر، سکې، مهم تاریخي اسناد او نور قیمتي توکي شامل دي. د مرکزي بانک یو شمېر پخواني چارواکي او اقتصاد پوهان په دې باور دي چې تېرو شلو کلونو کې د دې پیسو ډېره برخه له کورنیو او بهرنیو پانګونو، بهرنیو مرستو، صادراتو او وارداتو، د هوايي چلند خدماتو او نورو اقتصادي فعالیتونو او د خصوصي او دولتي سکتور له پانګونې راټولې شوي دي. دوی په دې باور دي چې د پیسو زېرمې یا سپما د یو هېواد سره مرسته کوي چې د اسعارو د نرخونو تبادلې... Читать дальше...

د ارزګان په مرکز ترینکوټ کې تېره ورځ ناوخته د ښکاري له خوا یو ماشوم په مرمۍ مرګونۍ ژوبل شوی دی.  د ارزګان د امنیه قوماندانۍ ویاند اغا ولي قریشي نن شنبه (د سلواغې په۲۳مه نېټه) ازادي راډيو ته وویل، دغه ۱۳کلن ماشوم تېره ورځ د مرکز ترینکوټ ابورده سیمه کې هغه مهال په مرمۍ ووېشتل شو چې ویشتونکي د ښکار په هدف ډزې کولې. دی وایي، ژوبل شوي ماشوم د طالبان له خوا د کندهار میروېس روغتون ته انتقال شوی دی او روغتیایي حالت یې د ډاډ وړ دی.  قریشي وايي، یاد ښکاري د طالبانو له لوري نیول شوی او عدلي او قضايي ارګانونو ته یې سپارلی دی. Читать дальше...

د هندوستان د کرکټ د تر ټولو ستر سوداګریز لیګ 'ای. پي.اېل' (د لوبغاړو د پیرلو) پروسه نن پیل شو. د هندوستان د کرکټ ۱۵م پړاو تجارتي سیالیو د لوبغاړو د پېرلو پروسه به سبا هم روانه وي. د راپورونو پر بنسټ دغه پروسه د هندوستان په بنګلور ښار کې ترسره کېږي. د یادولو وړ ده چې سږکال د دې لیګ لپاره ۵۹۰ لوبغاړي شارټ لېست شوي. په یادو لوبغاړو کې ۳۷۰ یې هندوان او ۲۲۰ یې بهرني لوبغاړي دي چې په بهرنیانو کې ۱۷ افغانان هم شامل دي.

د افغانستان د فوټسال ۱۹ کلنو ملي لوبډله نن شنبه (د سلواغې ۲۳مه) د منځنۍ اسیا په سیالیو کې د ایران له ۱۹ کلنو ملي لوبډلې سره د سیالۍ ډګر ته ښکته شوه. د افغانستان د فوټبال فدراسیون په خپل رسمي فیسبوک پاڼه کې لیکلي چې یادې سیالۍ د افغانستان په وخت ۳ بجې پیلیږي. د فدراسیون د معلوماتو له مخې د فوټسال ملي لوبډله اوس مهال قرغیزستان کې ده او دا سیالۍ به د قرغیزستان په مرکز بشکېک کې ترسره شي. د مرکزي اسیا د فوټسال سیالۍ د روانې میلادي میاشتې په ۱۲ مه(نن) پیل شوې چې اوله لوبه یې د افغانستان او ایران ترمنځ ده. Читать дальше...

د افغانستان کرکټ ملي لوبډله نن شنبه له قطر څخه بنګله دېش ته لاړه. د افغانستان کرکټ بورډ په خپل رسمي فیسبوک پاڼه کې لیکلي چې افغان لوبډله به راتلونکو دوو اونیو کې له بنګله دېش سره دوه سیریزونه ترسره کړي. د کرکټ بورډ د معلوماتو له مخې، د افغانستان د کرکټ ملي لوبډله د روانې میلادي میاشتې له ۲۳مې نه تر ۲۶ مې پورې درې پنځوس اوورېزې او د بلې میاشتې تر ۵ مې نېټې به دوه شل اوورېزې سیالۍ له کوربه هېواد سره ترسره کړي.  افغان کرکټ بورډ دغو سیالیو ته د ملي لوبډلې د پوره چمتوالي خبره کوي.

د بریتانیا دفاع وزیر بن والېس پرون جمعه(د سلواغې ۲۲مه) د اوکراین د کړکېچ د کمولو په هدف په مسکو کې د روسیې له دفاع وزیر سرګي شوېګو سره وکتل.  تر دې یوه ورځ وړاندې یعنې د پنجشنبې په ورځ د بریتانیا د بهرنیو چارو وزیرې لېز ټراس په مسکو کې د روسیې له بهرنیو چارو وزیر سرګي لاوروف سره د اوکراین په اړه خبرې وکړې.  هغې د روسیې له حکومته وغوښتل چې د کړکېچ د کمولو لپاره د اوکراین له پولو خپل ځواکونه لېرې کړي.  دې په عین حال کې خبرداری ورکړ چې لوېدیځ به د روسیې له لوري پر اوکراین د هر ډول پوځي اقدام پرضد... Читать дальше...

پروانه ابراهیم خېل ته نږدې سرچینې وايي، هغه چې درې اوونۍ مخکې له خپل کور لادرکه شوې وه، تېره ورځ بېرته خوشې شوې ده. دغه سرچینه چې د پروانه ابراهیم خېل د کورنۍ له غړو څخه ده او نه غواړي چې د موضوع د حساسیت له امله یې نوم څرګند شي ازادي راډیو ته وویل، پروانه ابراهیم خېل او کورنۍ یې له طالبانو سره ژمنه کړې ده چې تر یو څه وخت دې له رسنیو سره خبرې نه کوي. خو د پروانه ابراهیم خېل له خوشې کېدو وروسته داسې راپورونه خپاره شول چې ګنې تمنا زریاب پریاني او د هغې درې خویندې او همدارنګه مرسل عیار او زهرا... Читать дальше...

د طالبانو د نظام د بهرنیو چارو وزارت مرستیال ویاند حافظ ضیااحمد تکل مشال راډیو ته وویل، رحیمي ته د طالبانو د حکومت د بهرنیو چارو سرپرست وزیر امیرخان متقي او د امربالمعروف سرپرست وزیر محمد خالد الحنفي هرکلی ووایه.

د طالبانو د حکومت د بهرنیو چارو وزارت وايي چې د افغانستان د تېر حکومت د سولې د چارو پخوانی وزیر عبدالسلام رحیمي کابل ته راغلی دی. د بهرنیو چارو وزارت مرستیال ویاند حافظ ضیااحمد تکل ازادي راډیو ته وویل، ښاغلي رحیمي ته د طالبانو د حکومت د بهرنیو چارو سرپرست وزیر امیرخان متقي او د امربالمعروف سرپرست وزیر محمد خالد الحنفي هرکلی ووایه. عبدالسلام رحیمي ډېره موده د پخواني ولسمشر اشرف غني د دفتر ريیس او په وروستیو کې د افغانستان د حکومت د مرکچي پلاوي غړی و. ضیااحمد تکل وايي، امیرخان متقي ښاغلي رحیمي ته د بېرته راتګ د هرکلي ویلو په ترڅ کې وویل... Читать дальше...

د افغانستان د بانکي زېرمې په دوو برخو د وېشلو وروسته، د بشري حقونو د څار سازمان د جو بایډن د حکومت په دې پرېکړې نیوکه کړې او وايي، طالبان ظالم،‌ بې‌رحمه او ښځه ځپونکي دي، خو ولې باید د دوی سزا افغانانو ته ورکړل شي؟ د بشري حقونو د څار سازمان اشاره د طالبانو د حکومت‌ له‌خوا هغو خپل‌سریو ته ده چې له نړیوالې ټولنې سره د بشري حقونو، ترهګرۍ سره مبارزې او د یوه ټول‌ګډونه حکومت د جوړېدو په اړه یې له شویو ژمنو سره سره، دوام ورکړی. د بشري حقونو د څار سازمان وايي، که د افغانستان بانکي زېرمه په دې ډول ووېشل... Читать дальше...

د امریکا جمهور رییس جو بایډون په یوه اجراییه فرمان کې د افغانستان بانکي زېرمه ازاده کړه. د بایډن د لاس‌لیک شوي فرمان پر بنسټ، د افغانستان له اووه میلیارډه بانکي زېرمې ۳،۵ میلیارډه یعنې درې نیم زره میلیونه ډالر د سېپټمبر د ۱۱مې د پېښې د قربانیانو کورنیو ته ورکول کېږي. یو شمېر افغانان د امریکا دا پرېکړه د هغو میلیونونو افغانانو په حق کې جفا بولي چې همد اوس ولږې او بې‌وزلۍ سخت ځپلي دي. د کونړ اوسېدونکي مطیع‌الله شهاب د بایډن فیصله غیرعادلانه او غیر منصفانه بولي: "نهه میلیارډه ډالر دا نه د طالبانو دي، نه د تېر جمهوریت. Читать дальше...

د فبرورۍ پر ۱۱مه، د زده کوونکیو د اتحادیو د بحالۍ بیل د قانون د قایمه کمېټۍ لخوا تر منظورۍ وروسته، د پاکستان پیپلز ګوند غړي پير مجیب الحق صوبايي اسمبلۍ ته وړاندې کړ چې د حکومتي غړو سربېره د اپوزیشن غړو هم په ګډه منظور کړو.

لسمشر بایډن د امریکا د استازو جرګې مشرې نینسي پلوسي ته په یو لیک کې ویلي، دغه امر د افغانستان پراخ بشري ناورین ته پام کوي چې پکې د افغان ولس د خوراک مهم ضرورتونه، دا شان د امنیت، د روزګار لپاره د مرستو، د اوبو او نکاسۍ د نظام،

د افغانستان د سوداګرۍ او پانګونې خونه وايي، په نږدې راتلونکې کې به له ترکي سوداګرو او حکومتي چارواکو سره یو انلاین کنفرانس ترسره کړي. دغې خونې په یوې خبرپاڼه کې چې د جمعې په ورځ ناوخته یې خپره کړې که څه هم د دې کنفرانس د نېټې په اړه کره څه نه دي ویلي، خو وړاندې یې لیکلي چې دې کنفرانس کې به د دواړو هېوادونو په سوداګریزو مسایلو خبرې وشي. د خپرې شوې اعلامیې پر بنسټ، د سوداګرۍ خونې سرپرست یونس مهمند له ترکي سفیر سره تېره ورځ په لیدنه کې د سوداګریزو او یو شمېر نور مسایلو د بحث لپاره له ترکي پلاوي څخه د یو انلاین کنفرانس غوښتنه کړې. Читать дальше...

د طالبانو حکومت د کرنې اوبو لګولو او مالدارۍ وزارت وايي، د کرنیزو محصولاتو د ۲۶م نندارتون لپاره چمتوالی روان دی. دغه وزارت په اعلامیه کې چې تېره ورځ ناوخته یې خپره کړې ویلي، د یاد پسرلني نندارتون د ښه ترسره کولو لپاره له یو شمېر اړوندو ادارو سره د همغږۍ ناستې هم شوي دي. د خپرپاڼې له مخې، دغه نندارتون کرنیزو محصولاتو ته د بازار موندنې، د وطني تولیداتو د ودې، د دولت او خصوصي سکټور ترمنځ د همغږۍ، په کرنیزو چارو کې د پرمختللي ټکنالوژۍ سره د بزګرانو د بلدتیا او د لاسي صنایعو د پیاوړي کولو لپاره یو ښه فرصت دی. Читать дальше...

په متحده عرب اماراتو کې په لسګونو هغو افغانانو چې له افغانستانه تر لېږدول کېدو وروسته په کمپونو کې بې برخلیکه پاتې دي، پرون جمعه د درېیمې ورځې لپاره اعتراضونه وکړل.   دوی د امریکا په متحدو ایالاتونو کې د مېشتېدو لپاره د چارو د چټکۍ غوښتنه وکړه.   دغو کسانو ویلي، له افغانستانه تر ایستل کېدو وروسته میاشتې کېږي چې بې برخلیکه پاتې دي.   تر دې یوه ورځ مخکې یوه امریکايي چارواکي د پناه غوښتونکو د یوه مرکز د لیدو پرمهال وویل چې د دوی د غوښتنلیکونو پروسس کول ښايي کلونه وخت ونیسي.   په همدې حال کې... Читать дальше...

د امریکا متحد ایالاتونه په پام کې لري چې د اوکراین په پلازمېنه کیف کې خپل سفارت تخلیه کړي.   دا په داسې حال کې ده چې د غرب استخباراتي چارواکو خبرداری ورکړی چې روسیه ممکن ژر پر اوکراین یرغل وکړي.    د اسوشېټېډ پرېس اژانس په وینا، امریکايي چارواکو ویلي، د بهرنیو چارو وزارت په پام کې لري چې نن په کیف کې د امریکا سفارت له ټولو کار کوونکو وغواړي چې له اوکراینه ووځي.   د امریکا د بهرنیو چارو وزارت د دې موضوع په باب لا تبصره نه ده کړې، خو مخکې یې په کیف کې د سفارت د کار کوونکو د کورنیو غړو ته له اوکراینه... Читать дальше...

د امریکا، هند، جاپان او اسټرالیا د بهرنیو چارو وزیرانو له لوري یوه ګډه بیانیه کې په ټینګار ویلي چې د هېڅ هېواد پرضد دې د افغانستان خاوره نه کارول کېږي. د متحدو ایالاتو، هند، جاپان او اسټرالیا د بهرنیو چارو وزیرانو په ګډه خبرپاڼه کې راغلي: "موږ د ملګرو ملتونو د امنیت شورا د ۲۵۹۳ '۲۰۲۱' پرېکړه لیک بیا تاییدوو چې د افغانستان خاوره باید هېڅ هېواد ته د ګواښ یا برید کولو، د ترهګرو د پناه ځایونو یا روزنې، یا د تروریستي اعمالو د پلانولو یا تمویل لپاره ونه کارول شي، دا ډول بې واکه ځایونه د امنیت لپاره مستقیم... Читать дальше...