Новости за 28.10.2019

Бишкектин Биринчи май райондук соту Жогорку Кеңештин мурдагы төрагасы Акматбек Келдибековдун «Kyrgyztoday.kg» басылмасына карата доо арызын карап, чечим чыгарды. Ар-намысына шек келтирилгенин айткан саясатчы басылмадан 1 миллион сом өндүрүп берүүнү соттон суранган. Сот жагдайды териштиргенден кийин Келдибековдун кызыкчылыгына 30 миң сом өндүрүп алуу жөнүндө чечим чыгарганын 28-октябрда «Азаттык» радиосуна «Kyrgyztoday.kg» басылмасы билдирди. Келдибековдун басма сөз катчысы Алтынай Ормотоева сот туура чечим кабыл алганын белгилеп... Читать дальше...

Ирандын тышкы иштер министри Мухаммад Жавад Зариф Американын жаңы эрежелери Ирандын карапайым элине каршы экономикалык санкцияларды күчөтүп жатат деп Твиттердеги баракчасына жазды.

Тажикстанда Баш мыйзамдын 25 жылдыгына карата жарыяланган мунапыс боюнча миңден ашуун адам эркиндикке чыкты. Алардын көбү Яван түрмөсүндө, Нуректеги аялдар түрмөсүндө жана жашы жете электер абагында отурган. Мунапыска илингендердин калган бөлүгү жакынкы күндөрү бошотуларын Тажикстандын Жаза аткаруу башкы башкармалыгынын жетекчиси Мансуржон Умаров билдирди. 25-октябрда парламент жактырган тиешелүү мыйзамга президент Эмомали Рахмон кол койгон. Башкы прокуратуранын маалыматына караганда, бул жолку мунапыска 20 миңдей адам камтылат. Читать дальше...

Жекшемби күнү маалымат каражаттары Орусия менен Сириянын согуштук учактары Идлиб облусундагы террорчулардын орундарын бомбалашканын маалымдашты.

Бүгүн Бишкекте кыргыздын белгилүү физик-окумуштуусу, академик Бейшен Иманакуновду акыркы сапарга узатуу зыйнаты болуп өттү. Иш-чарага маркумдун туугандарынан тышкары Улуттук илимдер академиясынан өкүлдөр катышты. Өкмөттөн же башка бийлик органынан расмий адамдар барган жок. 90 жаш курагында дүйнөдөн кайткан академиктин сөөгү Бишкектин жанындагы Кашка-Суу айылына коюлду. Бейшен Иманакунов - Кыргызстандын илимине эмгек сиңирген ишмер, Илим жана техника боюнча мамлекеттик сыйлыктын лауреаты. Ал комплекстүү бирикмелер... Читать дальше...

АКШ администрациясы 30 жылы мурун кол коюлган ачык асман келишиминен чыгууга даярданууда. Келишимге ылайык, Орусия менен Батыш ортодогу ишенимди бекемдеш үчүн өз аймактарынын үстүнөн көзөмөл иретинде учууга уруксат беришкен. «The Wall Street Journal» гезити Вашингтон келишимден чыгып кетсе, «кансыз согуш» аяктагандан бери киргизилген өз ара контролдоо механизмдеринен баш тартуу багытындагы дагы бир кадам болуп калмакчы деп жазат. Маалыматтарга караганда, президент Дональд Трамп 1992-жылы түзүлгөн... Читать дальше...

Вашингтондун Ооганстан боюнча атайын чабарманы Залмай Халилзад Кабулда ооган жетекчилери менен жолугушту. АКШнын президенти Дональд Трамп «Талибан» менен дээрлик бир жылдык тынчтык сүйлөшүүлөрүн токтотуп койгондон бери дипломат ооган жергесине биринчи жолу барышы. Анын алдында диалогду жандандыруу аракеттеринин алкагында Халилзад Пакистанда талибдердин өкүлдөрү менен да кездешкен. 27-октябрда президент Ашраф Гани жана аткаруу бийлигинин жетекчиси Абдулла Абдулла менен сүйлөшүүлөрдө узак мөөнөттүү тынчтыкка жетишүүнүн жолдору талкууланды. Читать дальше...

Баткенде күрүч бышып, иш кызыган учур. Жергиликтүү дыйкандардын жай бою өстүргөн күрүчү бышып, шалы кургатууга убакыт жетти.

Ооганстан менен Пакистандын коопсуздук күчтөрү чек арадагы талаштуу тилкеде кагылыша кетишти. Ооган расмий булактарынын маалыматына караганда, кеминде 3 карапайым киши жан таслим болду. 27-октябрда Кунар провинциясында башталган атышуу дүйшөмбүнүн таңына чейин уланды. Жергиликтүү кеңештин мүчөсү Шер Замин Хандын айтымында, кагылышуу пакистандык күчтөр чек арадагы Нари районунда аскердик тосмо орнотууга аракеттенишкенде тутанган. Хан оогандык үч аял өлгөнүн, дагы үч киши жарадар болгонун билдирди. Читать дальше...

Жекшембиде Британияда советтик диссидент, жазуучу жана укук коргоочу, коомдук ишмер Владимир Буковский 77 жашында көз жумду. Кабарларга караганда, маркумдун жүрөгү токтоп калган. Буковский 1942-жылы 30-декабрда үй-бүлөсү эвакуацияда жүргөндө Башкырстанда туулган. Кийин Москвада окуп билим алган. 1959-жылы кол жазма журнал чыгарууга катышкандыгы үчүн мектептен чыгарып салышкан. Билимин кечки мектепте уланткан. 1960-жылы Москва мамлекеттик университетинде окуп жүргөн кезинде баш калаадагы Маяковский... Читать дальше...

Кечээ жакында «Ыйман» фондуна Түркиядан акча сураганыбыз коомчулукта кызуу талкууга жем таштады.

Ош облус аралык биргелешкен ооруканасынын короосунан 35-40 жаштагы кишинин сөөгү табылды. Бул тууралуу Ош шаардык ички иштер башкармалыгынын басма сөз катчысы Замир Сыдыков билдирди: - Сөөк оорукананын короосунда 1,5-2 айга жакын убакыттан бери жаткан, аны эч ким байкаган эмес. Ушу тапта шаардык милиция териштирүү ишин баштаганын басма сөз кызматы билдирди. Баштапкы кароо учурунда адамга күч колдонулбаганы аныкталды. Окуя Кылмыштар менен жоруктардын бирдиктүү реестрине катталып, экспертиза дайындалды. Читать дальше...

29-октябрда Кыргызстанда түнкүсүн Ош, Ысык-Көл облустарынын тоолуу райондорунда кар жаайт, калган аймактарда жаан-чачын болбойт. Күндүз жаан-чачын болбойт. Батыш тараптан соккон шамалдын ылдамдыгы секундасына 4-9 метрге жетет. Абанын температурасы: Чүйдө түнкүсүн 1…6, күндүз 16…21; Таласта түнкүсүн -4…+1, күндүз 16…21; Баткенде, Ошто, Жалал-Абадда түнкүсүн 3…8, күндүз 16…21; Ысык-Көлдө түнкүсүн -1…+4, күндүз 11…16; Нарында түнкүсүн 0…-5, күндүз 10…15; Бийик тоолуу райондордо түнкүсүн -10…-15, күндүз -3…+2 градус болот. Читать дальше...

Бишкекте бокс боюнча Кыргызстандын чемпионаты башталды. Бүгүн, 28-октябрда Каба уулу Кожомкул атындагы спорт ордосунда баштала турган турнир 31-октябрга чейин уланарын Жаштар иштери, дене тарбия жана спорт агенттиги билдирди. Маалыматка ылайык, мелдешке 7 облустан жалпысынан 66 мушкер катышат. Алар 8 салмактык категория боюнча күч сынашат. Мелдештин салтанаттуу ачылыш аземи бүгүн, саат 15:00дө өтөт. Тандап алуу мелдештери үч күнгө созулат. Финалдык беттештер 31-октябрга белгиленди.

ЦАРИИнин мурдагы жетекчисинин орун басары, адвокат Алексей Елисеев Кыргызстанда энергетика тармагында ири мафия иш жүргүзүп келгенин жана ЖЭБдеги коррупция боюнча айыпталып жаткандардын арасында күнөөлүүлөр жок экендигин «Азаттыктагы» маегинде айтты: - Тилекке каршы, Кыргызстанда 2010-жылкы төңкөрүштөн мурун да, кийин да энергетика жаатында мафия иш алып барып келген. Ал андагы Бакиев же Ширшов эмес, азыркы Исаков же Атамбаев эмес. Кеп таптакыр башка адамдар тууралуу болуп атат. Алар көзгө илинбеген... Читать дальше...

Мушкер муунтуу ыкмасына кабылгандан кийин рефери беттешти мөөнөтүнөн мурда токтотууга аргасыз болгон. Калыстын мындай чечими америкалык спортчуну ачууланткан.

Иракта демонстранттар менен коопсуздук күчтөрүнүн кагылышынын кесепетинен соңку эки күндө 63 киши көз жумганын укук коргоочулар айтып чыгышты. Миңдеген адам жаракат алып, ондогон активисттери кармалды.  Ири кагылыштардын бири борбор калаа Багдадга жакын Насрия калаасында болгону кабарланды.  Иракта өкмөткө каршы акциялар бир апта мурун башталган. Андан бери 200дөй адам набыт болду.  Жарандар өлкөдөгү экономикалык кырдаал, электр энергиясынын үзүлүшү, коррупция жана Иранга ыктаган шиит куралдуу... Читать дальше...

Төрөкул Жанузаков түрк калктарынын орток мамлекетин түзүү идеясын жактырып, ошону ишке ашыруу аракетинде 28 жашында душмандарынын колунан курман болгон.

БУУнун Баш катчысынын Йемен боюнча атайын өкүлү Мартин Гриффитс “Ансаруллах” кыймылынын өкүлдөрү менен жолугушуп, ок атууну токтотуу боюнча сүйлөшүү үчүн кечээ, жекшемби күнү Санага барды.

«Ош» эл аралык аэропортунда «Кувейт-Ош-Кувейт» багыты боюнча үзгүлтүксүз жаңы каттам ачылды. Бүгүн, 28-октябрда Ош аэропортунда «Jazeera Airways» авиакомпаниясынын ушул багыт боюнча биринчи каттамын салтанаттуу тосуп алуу иш-чарасы болуп өттү. Салтка ылайык, «Airbus-320 Neo» учагын өрт өчүрүүчү машинелерден бүркүп чыгарылган суу аркасы менен тосуп алышты. Оштон Эль-Кувейт шаарына 139 жүргүнчү учууга катталды. Авиакаттамдар жумасына эки жолу - дүйшөмбү жана шаршемби күндөрү жүргүзүлөт. ... Читать дальше...

Кытайда болгон жер титирөө Кыргызстанда да сезилди. Өзгөчө кырдаалдар министрлиги кабарлагандай, Сейсмология институтунун маалыматына караганда 27-октябрда саат 16:52де Кытайдын аймагында очогунда күчү 5 баллга жеткен жер титирөө болгон. Жердин титиреши Ысык-Көл облусунун Жети-Өгүз районунун Бедел айылында 2,5 балл болуп сезилген. Такталган маалымат боюнча, жер титирөөдөн эч ким жабыркап, эч нерсе кыйраган жок. (RK)

АКШнын Колумбия округунун федералдык соту түркиялык «Энтес» («Entes») компаниясынын Кыргызстандын үстүнөн жазган арызын жарым-жартылай канааттандырды.

Жалал-Абадда эл аралык террордук уюмдун мүчөсү деп шек саналган адам кармалды. Бул тууралуу Улуттук коопсуздук боюнча мамлекеттик комитеттин (УКМК) басма сөз кызматы кабарлады. Мекеменин маалыматына караганда, 25 жаштагы шектүү террордук уюмдун лагеринен атайын диверсиялык-террордук даярдыктан өткөн жана Кыргызстанга ошондой аракеттерди ишке ашырыш үчүн жөнөтүлгөн. 2016-жылдан бери ал Кыргызстанда Жазык кодексинин «Жалданмачылык» беренеси боюнча издөөдө жүргөн. Кылмышка шектүү Жалал-Абад шаардык... Читать дальше...

АКШнын президенти Дональд Трамп “Ислам мамлекети” террорчул тобунун лидери Абу Бакр аль-Багдади америкалык аскерлердин операциясынын жыйынтыгында жок кылынганын билдирди.

Мурдагы премьер-министр Сапар Исаковду сотко күчтөп алып барышты. Бул тууралуу «Азаттык» радиосуна анын адвокаты Замир Жоошев билдирди. Жактоочу Исаковду мажбурлап алып келүүдө мыйзам бузулганын белгиледи:  - Адамды сотко мажбурлап алып келүү тууралуу токтомду соттук приставдар аткарышы керек болчу. Бул жерде УКМКнын кызматкерлери күч колдонуу менен алып келиптир. Бул мыйзамга туура келбейт. Исаков Бишкек ЖЭБин жаңылоодогу коррупция боюнча соттолуп жатат. 25-октябрда ал УКМКнын убактылуу... Читать дальше...