Новости за 19.08.2019

Жалал-Абаддагы «Коттон Оушен» компаниясы учурдагы айыл чарба министри Эркинбек Чодуев «Лиматекс» ишканасын жетектеп турганда пахта даярдоого бир миллион доллар алып, ушул күнгө чейин карызын кайтарып бербей жүргөнү тууралуу даттанды.

Ашхабад шаарындагы дүкөндөр кардарларга мектеп формасын жана окуу куралдарын бөлүп төлөө шарты менен алууну сунуш кылып жатышат. Бул тууралуу «Түркмөнстан хроникасы» басылмасы кабарлады. Басылма белгилегендей, мектепке керектүү товарлар карызга бериле тургандыгы жөнүндөгү жарыялар көп кабаттуу үйлөрдүн кире бериштерине илинүүдө. Дүкөндөр калктын төлөө мүмкүндүгү төмөндөп, кардарлары азайгандыктан улам ушундай кадамдарга барууда. Маалыматка караганда, кардар товарды бөлүп төлөө шарты менен алыш... Читать дальше...

Япониянын маалымат булактары ушул аптанын ичинде Ирандын тышкы иштер министри Токиого иш сапары менен барышы мүмкүндүгүн жазып чыгышты.

Кыргызстан мусулмандар дин башкармалыгынын Орусиядагы өкүлү болуп Сүйүнбек ажы Жусубалиев дайындалды. Бул тууралуу муфтияттын басма сөз кызматы кабарлады. Жусубалиев эки элдин ынтымагын бекемдөө жана ал жакта эмгектенген кыргызстандык мекендештерге динди туура жеткирүү боюнча бир катар иштерди алып бармакчы. Жаңы дайындалган өкүл Сүйүнбек Жусубалиев августтун соңүнда Орусиянын Иркутск, Якутск шаарларында эмгектенген кыргызстандык мекендештер менен жолугушууларды өткөрмөкчү. (КЕ)

Түрмөдөн мөөнөтүнөн мурда бошотулуп, Кыргызстандан чыгып кеткен кримтөбөл Азиз Батукаевдин адвокаты Али Касымовдун укуктары бузулуп жатат. Бул тууралуу жактоочунун кесиптештери, адвокаттар айтып жатышат. Бүгүн, 19-августта Адвокаттар кеңешинин мүчөлөрү, айрым жактоочулар Касымовдун жагдайын мисал кылып басма сөз жыйынын өткөрүшөт. Кеңештин төрагасынын орун басары Жыргал Бабаевдин «Азаттыкка» билдиргенине караганда, азыр кесибине байланыштуу 8-9 жактоочуга кылмыш иши козголуп, айрымдары абакта отурат. Читать дальше...

Германия үчүн Британиянын Европа Биримдигинен (ЕБ) келишимсиз чыгышы күтүүсүз болбойт. Бул тууралуу жекшемби күнү немис өкмөтүнүн ачык эшик күнүнө арналган иш-чарада сүйлөгөн өлкө канцлери Ангела Меркел билдирди. Ал Улуу Британия Евробиримдиктен келишимге ылайык чыкса жакшы болорун белгилеп, бирок андай болбосо Германия «башка варианттарга да» даяр экенин билдирди. Мурдараак Улуу Британиянын премьер-министри Борис Жонсон келишимсиз болсо да өлкөнү Евробиримдиктин курамынан 31-октябрга чейин чыгара турганын бир нече жолу билдирген. Читать дальше...

Исландиянын премьер-министри баштаган аткаминерлер жана жаратылышты коргоого үндөп келген активисттер жекшембиде Окйокулл мөңгүсү менен кош айтышты. 700 жылдык муз тоо толук эрип жоголгону расмий жарыяланды. Тоо башына чогулгандар климаттын өзгөрүп, абанын улам ысып баратканын белгилеп, буга каршы күрөштү күчөтүүгө чакырышты. Мөңгү эрип кеткен жерге, таш бетине атайын тактайча бекитилди. Анда келечек муун үчүн билдирүү жазылган. Анда:  «Жакынкы 200 жылда бардык мөңгүлөрүбүздү ушул тагдыр күтүп турат. Читать дальше...

Бишкектин четиндеги он жаңы конушта аялдардын укуктук сабаттуулугун арттыруу боюнча окуулар өттү. Долбоорду ишке ашырган «Аялдарды коргоо борбору» коомдук бирикмесинин аткаруучу директору Бакен Досалиеванын «Азаттыкка» айтканы боюнча, мындай окуулар зомбулукка кабылган аялдар өз окуясы тууралуу ачык айтып чыгышына түрткү берип жатат. - Бирок Жоруктар тууралуу жаңы кодексте үй-бүлөдө күйөөсү аялына кол көтөрүп милицияга түшкөн учурда мурдагыдай 15 суткага камоонун ордуна болгону үч саат кармалып жатканы зомбулукту кайра күчөтүп жатат... Читать дальше...

Бишкектин түштүк ыптасында курулуп жаткан жаңы сейил бактын курулуш иштери августтун акыркы күндөрү аяктап, ачылышы 29-30-августка белгиленип жатат. Бул тууралуу «Азаттыкка» мэриянын басма сөз кызматынын башчысы Гуля Алманбетова билдирди. Жалпы аянты 10 гектардан ашык парктын курулушу быйыл март айында башталган. Аны эгемендик майрамына карата ачуу пландалган. Жалпысынан 4 муниципиалдык ишканадан 300дөн ашуун адам эмгектенип, бюджети 80 миллион сомдун айланасында болгон. Сейил бактагы сугаруу,... Читать дальше...

Бишкектин Биринчи май райондук соту мурдагы президент Алмазбек Атамбаевди 7-8-августтагы кармоо маалындагы мыйзам бузуу боюнча адвокаттын арызын карайт. Адвокат Замир Жоошев «Азаттыкка» билдиргендей, анда жактоочулар Атамбаевдин өзүн да сотко алып келүүнү талап кылышат. - Сотко Алмазбек Атамбаевдин өзүн алып келиш керек, - деди ал. - Анткени ошол кишинин кызыкчылыктары каралып жатат. Мыйзам боюнча жактоочу жана шектүү адам сотко катышуусу зарыл, алар катышмайынча сот болбошу керек. Биз ошону талап кылабыз. Читать дальше...

Кыргыз өкмөтү калкты документтештирүү боюнча улуттук өнөктүк өткөрөт. Анын алкагында 2019-жылдын 31-декабрына чейин жарандар балага туулгандыгы тууралуу күбөлүк ала алышат. Өкмөттүн басма сөз кызматы тараткан маалыматка караганда, учурда 1200дөй баланын туулгандыгы тууралуу күбөлүгү жок. БУУ Балдар фонду менен чогуу пландаштырган бул өнөктүктүн максаты – өлкөдө «көрүнбөгөн», документи жок балдардын болушуна жол бербөө. Вице-премьер-министр Алтынай Өмүрбекова Юстиция министрлигине Тартип бузуу жөнүндө... Читать дальше...