Новости за 04.01.2020

Իրանի՝ շիաների համար սրբազան Կում քաղաքի Ջամքարան մզկիթի վրա Իսլամական հեղափոխության պահապանների կորպուսի «Ղոդս» հատուկ ստորաբաժանման ղեկավար, գեներալ Ղասեմ Սոլեյմանիի սպանությունից հետո բարձրացրել են վրեժի կարմիր դրոշը: Այս մասին տեղեկացնում է lenta.ru կայքը:

Այսօր՝ հունվարի 4-ին, խոշոր ավտովթար է տեղի ունեցել Երևանում: Ժամը 18:30-ի սահմաններում Տիգրան Մեծի պողոտայում՝ թիվ 54 շենքի դիմաց, բախվել են Toyota Yaris մակնիշի 305 II 01 համարանիշի, Nissan Qashqai մակնիշի 19 LՍ 925 համարանիշի և Nissan X-Trail մակնիշի 35 ՍM 502 համարանիշի ավտոմեքենաները:

ԱՄՆ Կենտրոնական հետախուզական վարչության ղեկավարի նախկին պաշտոնակատար Մայքլ Մորելը կարծիք է հայտնել, որ իրանցի գեներալ Ղասեմ Սոլեյմանիի սպանության նպատակով ԱՄՆ իրականացրած ռազմական գործողությանն Իրանը կպատասխանի՝ այդ թվում նաև ԱՄՆ բարձրաստիճան պաշտոնյայի սպանությամբ: Այս մասին տեղեկացնում է tass.ru կայքը:

2019 թվականին հայկական դիվանագիտությունն իր գործունեությամբ հաստատեց, որ ինքնիշխանությունը Հայաստանի արտաքին քաղաքականության կարևորագույն սկզբունքն է. ՀՀ արտաքին գործերի նախարար Զոհրաբ Մնացականյանն ամփոփում է տարին։

Պաշտոնական Ստեփանակերտն իր մտահոգությունն է հայտնել վերջերս մերձավորարևելյան տարածաշրջանում տիրող իրավիճակի, մասնավորապես՝ Բաղդադում տեղի ունեցած իրադարձությունների վերաբերյալ։

Ռուսական RT հեռուստաալիքի գլխավոր խմբագիր Մարգարիտա Սիմոնյանը Facebook-ի իր էջում շնորհավորել է ամուսնու՝ կինոռեժիսոր Տիգրան Քեոսայանի ծննդյան տարեդարձը:

ՀՀ վարչապետի աշխատակազմի «Հանրային կապերի և տեղեկատվության կենտրոն» ՊՈԱԿ-ի «Տեղեկատվության ստուգման կենտրոն» հարթակը գրում է, որ ադրբեջանական լրատվամիջոցներն ակտիվորեն տարածում են հերթական ապատեղեկատվությունը՝ փորձելով վնասել Հայաստանի և Իրանի բարեկամական հարաբերություններին։

Սորոսի գրասենյակը («Բաց հասարակություն հիմնադրամներ-Հայաստան» գրասենյակը) ՀՀ վարչապետ Նիկոլ Փաշինյանին սպառնում է, որ իրենց հետ չհամագործակցելու դեպքում միջազգային հանրության մոտ խնդիրներ կառաջացնեն իշխանության լեգիտիմությանը չվստահելու հետ կապված: Այս մասին Tert.am-ի հետ զրույցում ասաց ՎԵՏՕ շարժման հիմնադիր Նարեկ Մալյանը՝  անդրադառնալով 2019 թվականին «Բաց հասարակություն հիմնադրամներ-Հայաստան» գրասենյակի կատարած գործողություններին ու նրանից եկող վտանգներին:

ՀՀ վարչապետ Նիկոլ Փաշինյանի երեկվա գրառումը «տնայնագործ գեոպոլիտիկների» մասին շատ խորքային առումով վատն էր, շատ վատն էր։ Այս մասին իր ֆեյսբուքյան էջում գրել է «Իրավական ուղի» ՀԿ համահիմնադիր Ռուբեն Մելիքյանը:

ԱՄՆ-ի` լրացուցիչ 3000 զինծառայող Մերձավոր Արևելք ուղարկելու ծրագիրը նշանակում է, որ ԱՄՆ-ն փորձում է ուժեղացնել իր դիրքերը: Վերջին տարիներին այդ դիրքերը բավականին սասանվել են, և Իրանը զգալիորեն դիրքերն ուժեղացրել է: Այս մասին այսօր Tert.am-ի հետ զրուցում ասաց իրանագետ Արմեն Վարդանյանը՝ անդրադառնալով այն հաղորդագրությանը, որ ԱՄՆ ռազմական գերատեսչությունը հավանություն է տվել լրացուցիչ 3 հազար զինծառայող տարածաշրջան ուղարկելու ծրագրին:

Չինաստանի արտգործնախարար Վան Ին իր իրանցի գործընկեր Մոհամադ Ջավադ Զարիֆի հետ զրույցի ընթացքում նշել է, որ ԱՄՆ-ի ռիսկային ռազմական գործողությունները միջազգային իրավունքի հիմնարար սկզբունքների խախտում են հանդիսանում և ապակայունացման են տանում Մերձավոր Արևելքը: Այս մասին տեղեկացնում է РИА Новости-ն:

Իրանի արտգործնախարար Մոհամադ Ջավադ Զարիֆն Իսլամական հեղափոխության պահապանների կորպուսի «Ղոդս» հատուկ ստորաբաժանման ղեկավար, գեներալ Ղասեմ Սոլեյմանիի սպանությունից հետո հայտարարել է, որ Թեհրանը չի ցանկանում լարվածություն տարածաշրջանում: Այս մասին տեղեկացնում է РИА Новости գործակալությունը՝ հղում անելով Իրանի արտգործնախարարության տարածած հայտարարությանը:

Հունվարի 3-ին` ժամը 01․55-ին, ոստիկանության Կենտրոնական բաժնում մի օտարերկրացուց հաղորդում է ստացվել, որ անհայտ անձինք իր տնից փող են վերցրել ու փախել։

«Հայաստանի հելսինկյան կոմիտե» ՀԿ-ի նախագահ, իրավապաշտպան Ավետիք Իշխանյանը, անդրադառնալով ԱՄՆ-ի կողմից իրանցի գեներալ Ղասեմ Սոլեյմանիի սպանությանն ու դրան ՀՀ իշխանությունների արձագանքի բացակայությանը, ֆեյսբուքյան գրառում է արել` վերնագրելով` «Արդյո՞ք այսպես հնարավոր չէր»:

Ռուսաստանի և Իրանի արտգործնախարարներ Սերգեյ Լավրովն ու Մոհամադ Ջավադ Զարիֆը հեռախոսազրույց են ունեցել, որի ժամանակ ընդգծել են, որ Իսլամական հեղափոխության պահապանների կորպուսի «Ղոդս» հատուկ ստորաբաժանման ղեկավար, գեներալ Ղասեմ Սոլեյմանիի սպանությունը տարածաշրջանում լարվածության սրման նոր փուլի է տանում: Այս մասին տեղեկացնում է РИА Новости-ն՝ հղում անելով ՌԴ արտգործնախարարությանը:

Բուքինգհեմյան պալատը հունվարի 3-ին հրապարակել է Մեծ Բրիտանիայի ներկան ու ապագան «ամփոփող» նոր պաշտոնական լուսանկար, որում պատկերված են թագուհի Էլիզաբեթ 2-րդը, նրա որդին` արքայազն Չարլզը, թոռը` արքայազն Ուիլյամը, և ծոռը` 6-ամյա արքայազն Ջորջը, որով ազդարարվում է նոր տասնամյակի գալուստը: Այս մասին տեղեկացնում է CNN-ը:

armsport.am-ը գրում է`

«Բարսելոնա» ֆուտբոլային ակումբը հրապարակել է հարձակվող Լիոնել Մեսսիի մարզումից տեսանյութ, որում հարձակվողը գոլի հեղինակ է դառնում:

«Մեսսին արդեն պատրաստ է նույնիսկ ավելի շատ գոլեր խփելու 2020 թվականին»,-ֆուտբոլիստի մարզավիճակն է մեկնաբանել ակումբի մամուլի ծառայությունը: 

Տեսանյութը կարող եք դիտել այստեղ:

Լիբիայի արևելյան Բենղազի նահանգում գործող խորհրդարանը միաձայն քվեարկել է Թուրքիայի հետ հարաբերությունների խզման օգտին: Այս մասին տեղեկացնում է Al Arabiya հեռուստաալիքի կայքը:

Երեկ՝ հունվարի 3-ին, վիճաբանություն-ծեծկռտուք է տեղի ունեցել Արմավիրի մարզում: Ժամը 00:30-ի սահմաններում ոստիկանության Արմավիրի մարզի վարչությունում օպերատիվ տեղեկություններ են ստացվել, որ Զարթոնք գյուղում մի խումբ անձանց միջև տեղի է ունենում վիճաբանություն-ծեծկռտուք:

ԱՄՆ նախագահ Դոնալդ Թրամփը որոշել էր սպանել իրանցի գեներալ Ղասեմ Սոլեյմանիին դեկտեմբերի վերջին Իրաքում ԱՄՆ բազայի վրա հարձակումից հետո: Այս մասին գրում է Bloomberg գործակալությունը` աղբյուրների հղումով:

Լիբիական ազգային բանակի հրամանատար, գեներալ Խալիֆա Հաֆթարը համախմբման կոչ է արել լիբիացիներին՝ «Լիբիա ուղարկված օտարերկրյա ուժերին դուրս հանելու համար»: Այս մասին գրում է gazeta.ru կայքը:

Այն ամենակարևոր խնդիրների համար, որոնք հայ-ռուսական հարաբերություններում գոյություն ունեին, ամբողջ մեկ տարվա ընթացքում որևէ պայմանավորվածություն այդպես էլ ձեռք չբերվեց: Այս մասին Tert.am-ի հետ զրույցում ասաց քաղաքագետ Հրանտ Մելիք-Շահնազարյանը՝ անդրադառնալով 2019 թվականին ՌԴ-ի հետ ՀՀ-ի հարաբերություններին:

armsport.am-ը գրում է`

Այսօր 73 տարեկանում կյանքից հեռացել է բասկետբոլիստ Նիկոլայ Դյաչենկոն, ցավալի լուրը հայտնում է Հայաստանի բասկետբոլի ֆեդերացիայի մամուլի ծառայությունը:

Նիկոլայ Դյաչենկոն հանդես է եկել Երևանի ՖԻՄԱ ակումբում և Հայաստանի հավաքականում 1967-1972 թվականներին։ 1973, 1974, 1976 թթ. Մոսկվայի ԲԿՄԱ-ի կազմում դարձել է ԽՍՀՄ չեմպիոն, 1973 թվականին՝ Եվրոպայի առաջնության բրոնզե մեդալակիր։

Հայաստանի բասկետբոլի ֆեդերացիան խորին ցավակցություն է հայտնել Նիկոլայ Դյաչենկոյի ընտանիքի անդամներին... Читать дальше...

ԱՄՆ-ում դեմոկրատ սենատոր Թիմ Քեյնը Սենատի քննարկմանն է ներկայացրել բանաձև, որով առաջարկում է արգելել ԱՄՆ նախագահ Դոնալդ Թրամփին ռազմական գործողություններ սկսել Իրանի դեմ` առանց Կոնգրեսի համաձայնության: Այս մասին տեղեկացնում է The Wall Street Journal-ը:

armsport.am-ը գրում է`

«Օսվալդոյի» ֆուտբոլիստ Պաբլո Խուանը դարձել է ամենաերիտասարդ խաղացողը, որ մասնակցել է Սան Պաուլոյի երիտասարդական գավաթի խաղարկությանը (մինչև 20 տարեկան ֆուտբոլիստներ)` «Պոնտե Պրետայի» դեմ կայացած խաղում, հայտնում է globoesporte-ն:

Խաղի օրը նա 15 տարեկան 3 ամսական էր:

«Օսվալդոն» զիջել է «Պոնտե Պրետային» 1:5 հաշվով:

Նախորդ ռեկորդը պատկանում էր ՊՍԺ-ի հարձակվող Նեյմարին, որը մրցաշարին մասնակցել էր 2008 թ.-ին՝ 15 տարեկան և 11 ամսական տարիքում: