Новости за 27.09.2023

Бүген төнлә 112 бердәм номерына Казанның Мәскәү районындагы Исаев урамында бер фатирда янгын чыгуы хакында хәбәр килгән. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтендә хәбәр иттеләр.

11-12 ноябрьдә Екатеринбургта «Шома бас» Халыкара татар биюләрен башкаручылар бәйгесе узачак. Чара Татарстан һәм Свердловск өлкәсе Мәдәният министрлыклары, Бөтендөнья татар конгрессы, Свердловск дәүләт өлкә Халык иҗаты сарае ярдәмендә үткәрелә. Бу хакта Бөтендөнья татар конгрессының матбугат хезмәте хәбәр итә.

WhatsApp мессенджеры үзенең рәсми сәхифәсендә 2023 елның 24 октябреннән кайбер җайланмаларда эшләмәячәге хакында кисәтте. Бу хакта РИА Новости агентлыгы хәбәр итә.

Болгар ислам академиясендә спорт мәйданчыгы ачылды. Ачылышта Татарстан Республикасы Дәүләт Киңәшчесе Минтимер Шәймиев катнашты.

Гыйракның Найнава провинциясендәге янгын нәтиҗәсендә корбаннар һәм яраланучылар саны 450 кешедән артып киткән. Бу хакта Al Arabiya агентлыгы хәбәр итә.

Н.Э.Бауман исемендәге Казан дәүләт ветеринария медицинасы академиясе ректоры Рөстәм Равилов «Фидакяр хезмәт өчен» медале белән бүләкләнде. Ул «югары квалификацияле белгечләр әзерләүгә керткән зур өлеше өчен» билгеләп үтелде, диелә республика Рәисе Рөстәм Миңнеханов тарафыннан имзаланган указда.

Россия Мәгариф министрлыгы югары уку йортларына керү мөмкинлеген биргән мәктәп предметлары буенча БДИның минималь балларын билгеләде. Бу хакта «Российская газета» яза.

Халык шагыйре Марсель Галиевнең хикмәтле сүзләре «Милләт» нәшриятында чыккан «Сүзләрдән – сәйләннәр» китабы булып басылып чыкты.

Самара өлкәсе Камышлы районы Яңа Ярмәк авылы зиратында өмә узды. Бу хакта «Самара татарлары» сайты хәбәр итә.

Россия Хезмәт министрлыгы хезмәт хакы тоткарланган өчен компенсацияне киңәйтергә тәкъдим итте, дип яза министрлыкның матбугат хезмәте. Бу хакта РИА Новости хәбәр итә.

Бүген, 27 сентябрьдә, Татарстанда җылы һәм коры һава торышы сакланачак. Бу хакта ТР Гидрометүзәге хәбәр итә.

Шимбә көнне, 30 сентябрьдә, ТР мөселманнары Диния нәзарәтенең «Зәкят» хәйрия фондында хатын-кызлар һәм балалар өчен Halal Market ярминкәсе узачак.

28 сентябрьдә Әлмәттә Вакансияләр ярминкәсе була. Анда пенсия яшендәге эшсез гражданнарга һәм эшкә урнашырга мохтаҗларга вакансияләр тәкъдим ителәчәк. Исемлектә хисапчы, икътисадчы, кадрлар буенча белгеч, ашханә эшчесе, кече тәрбияче, сатучы, кассир, аш-су остасы, шәфкать туташы һәм башкалар вакансияләр бар. Бу хакта «Әлмәт таңнары» хәбәр итә.

Бөгелмә һөнәри-педагогик көллият директоры итеп район Башкарма комитеты җитәкчесенең икътисади үсеш мәсьәләләре буенча элеккеге урынбасары Гүзәл Рәхимова билгеләнде. Бу хакта «Бөгелмә авазы» хәбәр итә.

Түбән Камада Советлар Союзы Герое Никита Каймановның тууына 116 ел тулуны билгеләп үтте. Истәлекле чара 15нче мәктәп территориясендә узды. Кайманов урамы бәйрәме бишенче тапкыр үткәрелә. Геройны хөрмәтләргә микрорайон халкы, мәктәп укучылары, балалар бакчасында тәрбияләнүчеләр, сугышчан туганлык вәкилләре, сугыш хәрәкәте ветераннары һәм шәһәр халкы килде. Бу хакта Түбән Кама муниципаль районы рәсми сайтында хәбәр ителә.

Әгерҗедәге «Форпост» үзәге, Халыкара тынычлык көненә багышлап, авыл мәктәпләре арасында хәрби-патриотик уен уздырды. Анда Иж-Бубый, Көчек, Тирсә мәктәпләре, Сарсак-Омга лицее командалары катнашты. Бу хакта «Әгерҗе хәбәрләре» яза.

Кыргызстан Республикасының Чолпон-Ата шәһәрендә ат өстендә көрәш буенча беренче чемпионат узды. Россияне Татарстан җыелма командасы тәкъдим итте. Бу хакта «Заман сулышы» газетына «Алмакай» ат утары җитәкчесе Фәрит Нәбиуллин хәбәр иткән.