Новости за 04.09.2023

Бүген Актанышның сәләтле балалар өчен гуманитар гимназия-интернатында 9-11 сыйныф укучыларын беренче дәрестә район башлыгы Ленар Зарипов укытты. Бу хакта «Актаныш» сайтында хәбәр ителә.

Бүген Казанның «Ак Барс» хоккейчылары һәм Чиләбенең «Трактор» командасы арасындагы «Татарча матч»та «Ак Барс» җиңде.

Россия Президенты Владимир Путин сәнәгать ипотекасы программасын киңәйтү мөмкинлеген карарга кушты. Россия эшкәртү сәнәгате предприятиеләре җитәкчеләре белән очрашу нәтиҗәсе буенча йөкләмәләр исемлеге Кремль сайтында дөнья күргән.

Чит илдә кышкы ял бәясе Россия гражданнары өчен узган ел белән чагыштырганда 10-30 процентка кадәр артырга мөмкин. Бу хакта «Известия» яза. Турларның кыйммәтләнүе октябрьдән башлана һәм валюта курсына, шулай ук авиаэлемтәләрнең уңайлылыгына бәйле булачак.

Россия Федерациясе Авыл хуҗалыгы министрлыгы «Агротуризм» гранты бәйгесенә йомгак ясады. Татарстанның дүрт хуҗалыгы киләсе елда проектларны гамәлгә ашыру өчен федераль ярдәм алачак. Бу хакта Татарстан Авыл хуҗалыгы һәм азык-төлек министрлыгы үзенең Telegram-каналында хәбәр итә.

Яшел Үзәндә яшәүче ханым мошенниклар аркасында зур сумма акчасын югалткан. Бу турыда Эчке эшләр министрлыгының Татарстан буенча матбугат хезмәте хәбәр итә.

IT-өлкә белгечләрен хәрби хезмәткә чакыруны кичектерү чиге 30 яшькә кадәр арта. Россия Федерациясе Президенты Владимир Путин имзалаган карар хокукый мәгълүмат порталында дөнья күрде.

Социаль челтәрләрдә яшүсмерләр төркеменең бер баланы кыйнавын күрсәтүче видео урнаштырылган.

Алдагы көннәрдә Татарстанда җылы һава торышы көтелә, әмма атнаның икенче яртысында температураның түбән төшүе фаразлана. Бу хакта Татарстан Гидрометеорология үзәге хәбәр итә.

Россия Президенты Владимир Путин Татарстан Республикасы Рәисе матбугат хезмәте җитәкчесе Лилия Галимованы «II дәрәҗә Ватан алдындагы казанышлары өчен» ордены медале белән бүләкләү турында карарга кул куйды. Документ хокукый мәгълүмат рәсми интернет-порталында дөнья күргән.

Махсус хәрби операция зонасындагы тоткыннар өчен хезмәт шартларында үзгәрешләр ниятләнә. Бу хакта телеграм-каналында үз теләге белән операциягә киткән Татарстан депутаты Эдуард Шәрәфиев сөйли.

Татарстаннан 30 меңгә якын бала «Беренчеләр хәрәкәте»нең төрле җәйге программаларында катнашкан. Татарстан Республикасы Рәисе ярдәмчесе, «Алдынгылар хәрәкәте» илкүләм балалар һәм яшүсмерләр хәрәкәтенең Татарстан бүлеге җитәкчесе Тимур Сөләйманов яшьләр хәрәкәтендә катнашучылар артыр, дип фаразлады.

Татарстан Хөкүмәте башлангыч сыйныф укучыларын бушлай кайнар ризык белән тәэмин итүгә норматив чыгымнарны арттырды. Татарстан хокукый мәгълүмат рәсми порталында дөнья күргән карар дәүләт мәгариф оешмалары укучыларына кагыла.

Алабуга районы имам-мөхтәсибе Хәлим хәзрәт Шәмсетдинов җәядән ук атуны үстерү нияте булуын әйтте. Бу хакта ул «Татар-информ» мәгълүмат агентлыгында узган матбугат очрашуында сөйләде.

Сочида узган Россия -Төркия сөйләшүләре киңәйтелгән составта тәмамланды — ул 1,5 сәгать дәвам итте. Бу хакта ТАСС хәбәр итә.

2 сентябрьдә Ленинград өлкәсенең Дуслык йорты территориясендә Татарстан Республикасы көненә багышланган Җыен узды. «Файда» Татар мәдәни җәмгыяте төбәк иҗтимагый оешмасы һәм Татарстан Республикасының Даими вәкиллеге белән берлектә кунаклар өчен бай программа әзерләгән иде. Бу хакта Татарстан Республикасының Санкт-Петербург һәм Ленинград өлкәсе Даими вәкиллеге матбугат хезмәте хәбәр итә.

Бүген PROинтерес һөнәр фестивале башланды. Фестиваль өченче тапкыр үткәрелә. Быел фестиваль грант откан. Бу хакта «Татар-информ» мәгълүмат агентлыгында узган матбугат очрашуында сөйләделәр.

Татарстанның Түбән Кама районы башкарма комитеты җитәкчесе урынбасары Айназ Ярмиев вазифасыннан китте. Казанда яңа эшкә күчү сәбәпле, ул үз теләге белән киткән. Бу хакта район хакимияте матбугат хезмәте ачыклык кертә.

Казан укучылары информатика буенча IOI-2023 халыкара олимпиадасында алтын медальләр алдылар. Интеллектуаль ярыш Венгриядә 28 августтан 3 сентябрьгә кадәр барды. Олимпиада 87 илдән укучыларны берләштерде, дип хәбәр итә Казан мэриясе матбугат хезмәте.

Мобилизация хезмәтеннән кайтканнан соң татарстанлыларга өч көн эчендә эш бирүчеләр белән хезмәт килешүләрен яңартырга кирәк. Әгәр бу вакыт эчендә өлгермәсәләр, больничный түләнмәячәк. Бу хакта Россия Социаль фондының Татарстан буенча матбугат хезмәтендә хәбәр иттеләр.

Ханты-Манси аэропортында «РусЛайн» компаниясе самолетларының Казан һәм Петербургка очышын биш сәгатькә тоткарлаганнар. Бу хакта URA агентлыгы хәбәр итә.

16 сентябрьдә Алабуга шәһәрендә җәядән ук ату буенча «Туган батыр» II Бөтенроссия турниры уза. Быел турнирга сөңге ату этабы да өстәлгән. «Татар-информ» мәгълүмат агентлыгында турнир турында сөйләштеләр.

«Мөхәммәдия» мәдрәсәсендә «XII Якупов укулары» уза. Җыен Татарстан мөфтияте, Россия ислам институты һәм Казан ислам университеты, «Мөхәммәдия» мәдрәсәсе тарафыннан оештырыла.

Россия Федерациясе Президенты Владимир Путин төрек коллегасы Рәҗәп Тайип Эрдоганны Россиядә ял итәргә һәм җирле курортларны бәяләргә чакырды. Сочида дәүләт лидерлары очрашуының видеоөзеге белән Telegram-канал ПулN3 уртаклашты.

Республика балалар клиник хастаханәсендә табиблар яңа туган баладан килограммлы шеш алганнар. Бу хакта клиниканың матбугат хезмәтендә сөйләделәр.