Новости за 12.09.2023

Бүген Саба районы башлыгы Рәис Миңнеханов Саба районы мәктәпләрендә эшләүче яшь укытучыларга арендалы торак ачкычларын тапшырды. Бу хакта «Саба таңнары» хәбәр итә.

Октябрь аеннан Ульяновск шәһәренең «Ислам мәдәният үзәгендә» татар теле» курслары эшли башлый. Бу турыда «Өмет» газетасы телеграм-каналында хәбәр итте.

Бүген Казанның «Ак Барс» хоккейчылары Минск шәһәренең «Динамо» командасын җиңде. Уен исәбе – 2:1. Матч Казанның «Татнефть Арена» боз сараенда узды.

Татарстан Диния нәзарәте яңа финанс продукты – хәләл лизингны хуплады. Кичә Нәзарәттә Татарстан мөфтие Камил хәзрәт Сәмигуллин «Иджара-Лизинг» ҖЧҖ директоры Илнур Садртдинов белән эшлекле очрашу үткәрде. Бу турыда Нәзарәтнең матбугат хезмәте хәбәр итте.

Бүген Brent эталон маркалы нефть бәясе 2022 елның 17 ноябреннән беренче тапкыр бер баррель өчен 92 доллардан артты. Бу хакта сәүдә мәйданчыклары мәгълүматларынннан билгеле булды.

Татарстанның Биектау районы Әлдермеш авылында яшәүче Кәбир Сафиуллин иммунитетны ныгыту өчен бал кортлары белән спа-йорт (апийорт) төзегән. Ул ятып ял итү урыннарын умарта астына ук урнаштырган. Ял итү һәм стресстан арыну өчен уйланган алым турында «Татарстан 24» телеканалы хәбәр итә.

Самара шәһәренең «Батыр» көрәш спорт клубы укучысы грек-рим көрәше буенча Бөтенроссия ярышларында уңышлы чыгыш ясап, көмеш медаль яулаган. Бу хакта «Самара татарлары» сайтында хәбәр ителә.

Татарстан Республикасы Рәисе Рөстәм Миңнеханов агымдагы елның август йомгаклары буенча Идел буе федераль округы төбәк башлыклары медиарейтингында икенче урынны саклап калды, аның позициясе үзгәрешсез.

Быел июльдә Свердловск өлкәсе Коншак районының Бәгәрәк Тамагы авылында коммерцияле булмаган «Чиләбе өлкәсе Коншак муниципаль районы Бәгәрәк Тамагы авыл җирлегенең татар мәдәниятен, традицияләрен һәм телен саклау һәм үстерү буенча җирле иҗтимагый оешмасы»н төзегәннәр. Бу хакта Татарстанның Свердловск өлкәсендә Даими вәкиллеге хәбәр итә.

«Мактау тактасында гади хезмәт кешеләре булсын иде», - Марат Әхмәтов.

Чувашиянең Батыр районы Шыгырдан авылындагы «Өч сәхабә» исемендәге Үзәк Җәмигъ мәчетендә татар мәкамы турында лекция укыганнар. Чараны Чувашия Республикасы мөселманнары Диния нәзарәте оештырган.

Эмир Кустурица Татарстанда төшерелгән «Ядәч» һәм «Микулай» фильмнарын карап чыгарга вәгъдә иткән.

Төмән шәһәре Татар мәдәнияте үзәге 15 сентябрь көнне ачык ишекләр көне кысаларында күп төрле чаралар үткәрә. Анда барлык теләүчеләр катнаша ала. Бу хакта шәһәрнең Татар мәдәнияте үзәге «ВКонтакте» социаль челтәрендәге сәхифәсендә хәбәр итә.

Казанның Яңа Савин судында блогер кыз Пәрвинахан Әбүзәровага хөкем карары чыгарылды. Ул ачыктан-ачык рәвештә дәүләт иминлегенә каршы юнәлдерелгән эшчәнлекне тормышка ашырырга чакырган.

Корея Халык-Демократик Республикасы Югары җитәкчесе Ким Чен Ын Россиягә килде. Төньяк Корея лидерының поезддан төшү видеокадрларын журналист Павел Зарубин үзенең телеграм-каналында күрсәткән.

Башкортстанның Салават театры өч көн дәвамында Казанда спектакльләр күрсәтәчәк. Гастрольләр бүген Кариев театры сәхнәсендә Мостай Кәримнең «Безнең өйнең яме» повесте буенча Ренат Әюпов куйган спектакль белән башланды.

Казан полициясе шәһәрдәге йорт ишегалларының берсендә 4 яшьлек малайны кыйнаган балаларның әти-әниләренә беркетмә төзегән. Бу хакта «Татар-информ»га Россия Эчке эшләр министрлыгының Казан шәһәре буенча идарәсеннән хәбәр иттеләр.

Татарстанда гриппка каршы массакүләм вакцинация дәвам итә. Табиблар үз пациентлары өчен иң яхшы үрнәкне үзләре бирүенә ышана. Бу хакта Татарстан Сәламәтлек саклау министрлыгының матбугат хезмәтендә сөйләделәр.

Нәзифә Кәримованың «Изге ат» китабы - «Казан утлары»ның кесә китаплары сериясендә басылган 21нче китап.

10 сентябрьдә Саратов өлкәсенең Дергачев районы Советский бистәсендә Җәмигъ мәчете ачылган. Бу хакта Россия Федерациясе мөселманнарының Диния нәзарәте үзәкләштерелгән дини оешмасының матбугат хезмәте хәбәр итә.

Оешканнан бирле егерме елдан артык вакыт эчендә Татарстанда Кеше хокуклары буенча вәкаләтле вәкил институты халыкның абруен һәм ышанычын яулады. Бу хакта Татарстан Дәүләт Советы Рәисе Фәрит Мөхәммәтшин белдерде. Ул бу турыда Казанда узган «Омбудсменнарның нәтиҗәле тәҗрибәсе: милли үзенчәлекләр һәм универсаль алымнар» халыкара фәнни-гамәли конференциясендә җиткерде.

Россия Герое Дамир Йосыпов Новосибирск янындагы басуга авария хәлендә төшеп утырган самолет экипажы белән горурлануын белдергән. Ул бу хакта «ВКонтакте» социаль челтәрендәге үз сәхифәсендә язган, дип хәбәр итә РИА Новости.

Татарстанда егетне элек очрашып йөргән кызын үтермәкче булуда гаеплиләр. Бу хакта Россия Тикшерү комитетының Татарстан буенча Тикшерү идарәсе җитәкчесенең өлкән ярдәмчесе Андрей Шептицкий хәбәр итә.

Бүген 10.44 сәгатьтә ашыгыч хезмәтнең 112 бердәм номерына Татарстанның Азнакай районы Чалпы авылында бер катлы шәхси йортның януы турында хәбәр килде. Бу хакта «Татар-информ»га Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.

13 сентябрьдә «Бердәм Россия»нең җәмәгатьчелек кабул итү аккаунтында «Махсус хәрби операциядә катнашучыларга һәм аларның гаиләләренә хокукый ярдәм» онлайн-трансляциясе уза. Сорауларга Дәүләт Думасы депутаты Айрат Фәррахов һәм Татарстанда «Ватанны саклаучылар» фонды башлыгы Гүзәл Удачина җавап бирәчәк.