Новости за 27.09.2023

Хәзерге вакытта Әлмәт сусаклагычы төзекләндерелә. Сусаклагыч проекты 2022 елда кече шәһәрләр конкурсында җиңү яулады. Бу урында балык тотарга, шашлыкка җыелырга, Зәй елгасы буйлап катамараннарда йөзәргә, спорт белән шөгыльләнергә мөмкин булачак. Анда шулай ук Кызыл китапка кертелгән су янында яшәүче хайваннар да бар. Бу хакта «Әлмәт таңнары» хәбәр итә.

Башкортстан буенча федераль дәүләт статистикасы хезмәтенең территориаль органы Башкортстан шәһәрләре халкы турында актуаль мәгълүматлар чыгарган. Бу хакта «Башинформ» яза.

23 сентябрь көнне Марий Эл республикасының Татар мәдәнияте үзәгендә уңыш бәйрәме «Сөмбелә» узган. Бу хакта Бөтендөнья татар конгрессының матбугат хезмәте хәбәр итә.

Галим фикеренчә, 1930нчы елларда Магнитогорскига сөрелгән 60 мең халыкның өчтән бере татарлар булган.

Дастаннарны заманча бәян итү буенча эш алып барырга кирәк. Бу хакта Татарстан Дәүләт Киңәшчесе Минтимер Шәймиев Болгарда Мәүлид бәйрәмендә белдерде.

«Ватанны саклаучылар» фондының республика филиалында «Герой хатыны» фотокүргәзмәсе ачылды.

Россия Президенты Владимир Путин Татарстанда ике яңа судья билгеләде.Әлеге карар рәсми хокукый мәгълүмат интернет-порталында урнаштырылган.

Ягулыкка бәяләр үсешен тоткарлау буенча чаралар комплексы кабул ителүгә карамастан, аның бәясе үсүен дәвам итә. Бу хакта Россия Президенты Владимир Путин белдерде. Ул Хөкүмәтне һәм нефть компанияләрен бу хәлне тизрәк җайга салырга чакырды.

Татарстан Республикасы Дәүләт Киңәшчесе Минтимер Шәймиев үз нәселе исеменнән Болгар ислам академиясенә гарәп телендә 60 том китап бүләк итте.

«Казан ЦУМ» сәүдә үзәге бу атнада эшен туктата.

«30 сентябрьдән «ЦУМ» эшләмәячәк. Ул реконструкциягә ябыла», – дип хәбәр иттеләр сәүдә үзәгеннән «Татар-информ»га.

Агентлыкка билгеле булганча, хәзерге вакытта бинаны файдалану концепциясе эшләнә, киләчәктә анда һөнәрчелек үзәге булыр дип фаразлана.

Исегезгә төшерәбез, үзәкне булдыру идеясе Татарстан Рәисе карамагындагы Мәдәният һәм сәнгать советы утырышында барлыкка килгән. Рөстәм Миңнеханов Бәшир Рәмиев исемендәге IT-парк... Читать дальше...

Табиблар янына әниләре кыйнаган өч баланы китергәннәр. «Татар-информ»га билгеле булганча, балаларга – 12 яшь, 4 яшь һәм тугыз ай.

Татарстан Республикасы Дәүләт Киңәшчесе Минтимер Шәймиев Болгар ислам академиясе тирәсендәге мәйданны ничек файдаланырга кирәген әйтте.

Татарстан Рәисе Рөстәм Миңнеханов Төркмәнстан җитәкчелеге белән очрашты һәм республиканың Бәйсезлек көне уңаеннан уздырылган чараларда катнашты. Бу хакта Татарстан Рәисе матбугат хезмәте хәбәр итә.

ЛДПР фракциясеннән депутатлар төркеме Дәүләт Думасына аз керем алучылар өчен физик затлар кеременә салымны (НДФЛ) түләтмәү турында закон проектын кертә. Сүз аена 30 мең сумнан азрак акча эшләүчеләр турында бара. ТАСС хәбәр итүенчә, документның тексты һәм аңа аңлатма язуы аларда бар.

Болгардагы «Ак мәчет»тә Мәүлид ән-Нәби бәйрәме үтте. Чарада Татарстан Республикасының Дәүләт Киңәшчесе Минтимер Шәймиев катнашты.

Краснодарның «Булгар-К» татар оешмасы татар теле дәресләренә чакыра. Бу турыда оешма ВКонтакте челтәрендәге сәхифәсендә хәбәр итте.

Чыгымнар кимегәндә кәрәзле элемтә операторының кереме үсү, инвестиция программаларын үтәмәү һәм элемтә хезмәте күрсәтү белән бәйле булмаган юнәлешләргә чыгымнар арту кәрәзле элемтә тарифын яңадан карау яки бәясе артуны гамәлдән чыгару өчен сәбәп булып тора. Мондый ситуацияләрдә Монополиягә каршы федераль хезмәт (ФАС) аларга тиешле күрсәтмә бирә. Бу хакта ведомство башлыгы Максим Шаскольский белдерә.

Оренбург өлкәсе «Җаек елгасы бассейны татарлары: тарих һәм заманчалык» IX Евразия фәнни-туган якны өйрәнү форумының мәйданчыгы булачак. Форум 25 сентябрьдә Чиләбе өлкәсенең Магнитогорск шәһәрендә башланды. Бу хакта Оренбург өлкәсе Төбәк һәм мәгълүмат сәясәте министрлыгы матбугат хезмәте хәбәр итә.

Россия Мөфтиләр шурасы рәисенең беренче урынбасары, РФ мөселманнары Диния нәзарәте рәисе урынбасары Рушан Әббәсов Мәскәү Җәмигъ мәчетенә килгән Согуд Гарәбстаны меценаты Фахад Бин Мөхәммәд Бин Саляль Әл-Хамили Әл-Мутейри белән очрашты.

ТР Фәннәр академиясенең Шиһабетдин Мәрҗани исемендәге тарих институтында «XVI гасыр башы – XX гасыр азагында татарларның хәрби һәм дипломатик хезмәте» темасына фәнни конференция үткәрелде. Түгәрәк өстәл Оренбург өлкәсендә идарә итүгә кантон системасы кертелүнең 225 еллыгына (1798-2023 еллар) багышлана.

Татарстан Дәүләт Киңәшчесе Минтимер Шәймиев Болгар ислам академиясендәге яңа спорт мәйданчыгында футбол матчын ачты. Ул тупка имзасын куйды һәм спортчылар – академиядә укучыларга пас бирде.

Гыйракның Хамданийя шәһәрендә туй вакытында янгын чыгып, йөздән артык кеше һәлак булу сәбәпле, Россия Президенты Владимир Путин кайгы уртаклашты. Президент Абделлатыйф Рәшид һәм Премьер-министр Мөхәммәд Суданига юлланган телеграмманы Кремльнең матбугат хезмәте бастырып чыгарган.

Сургут шәһәре мөселманнары өчен Сургут Җәмигъ мәчете каршында эшләүче мәдрәсә зур әһәмияткә ия. Анда теләгән һәркемне ислам нигезләренә һәм Изге Коръәнне укырга өйрәтәләр, рухи-әхлакый тәрбия буенча төрле очрашулар һәм чаралар оештыралар. Бу хакта Россия мөселманнары Дини җыены Үзәкләштерелгән дини оешмасының матбугат хезмәте хәбәр итә.

Узган ел Россиянең 11 иң зур сәүдә челтәрендә социаль әһәмияткә ия товарларның 25 категориясенә өстәмә хакны 8 процентка киметүгә ирешкәннәр. Монополиягә каршы федераль хезмәт башлыгы Максим Шаскольский Россия Премьер-министры Михаил Мишустин белән очрашуда шулай дип белдерде. Бу хакта Министрлар Кабинетының матбугат хезмәте хәбәр итә.

Террорчылыкка каршы чаралар нәтиҗәсендә Таулы Карабахта 192 хәрби хезмәткәр һәлак булган. Бу хакта Азәрбайҗан Сәламәтлек саклау министрлыгы хәбәр итә.