Новости за 17.09.2023

Түбән Камада тантаналы шартларда Татарстанның «Кама бризы» төбәк телекомпанияләренең өченче фестивале тәмамланды. Биредә медиаөлкәнең танылган экспертларыннан мастер–класс, аралашу, тәҗрибә уртаклашу һәм бүләкләү тантанасы үтте. Быел фестиваль махсус хәрби операциядә һәлак булган герой – журналист Александр Комаров истәлегенә багышланды. Бу хакта Баулы муниципаль районы матбугат хезмәте хәбәр итә.

Актанынышның Пучы авылында махсус хәрби операциядәгеләргә ярдәм итү өчен хәйрия концерты узды. Концертта җыелган акчага хәрбиләргә кирәк-яраклар алачаклар. Бу хакта «Актаныш-информ» хәбәр итә.

Түбән Кама үзәк район күппрофильле хастаханәсе Татарстан сәламәтлек саклау системасына яңа мәгълүмати продукт кертү өчен сынау мәйданчыгы булып тора. Тест версиясе «Татмис» дип атала, аны кабул итү-диагностика һәм 2нче хирургия бүлекләренең табиблары һәм шәфкать туташлары куллана. Бу хакта Түбән Кама муниципаль районы рәсми сайтында хәбәр ителә.

Апасның Морзалар урта мәктәбендә физика, химия, һәм биология фәннәрен тирәнтен өйрәнүгә мөмкинчелек бирүче «Үсеш ноктасы»н ачылды. Анда район башкарма комитеты җитәкчесе урынбасары Гөлүсә Галләмова, район мәгариф бүлеге җитәкчесе Гөлүсә Галләмиева катнашты. Бу хакта «Апастово-информ» хәбәр итә.

23 сентябрьдә Әлмәт мөхтәсибәтендә Ризаэтдин Фәхретдин исемендәге мәчет кубогына мөселманнар арасында футбол буенча Республикакүләм турнир узачак.

19-23 сентябрь көннәрендә Санкт-Петербургта «Невада театраль очрашулар» V ачык Бөтенроссия һәвәскәр театрлар фестиваль-конкурсы үткәрелә. Бу хакта Татарстан Республикасының Санкт-Петербург шәһәре һәм Ленинград өлкәсендәге Даими вәкиллеге матбугат хезмәте хәбәр итә.

Татарстанда төнлә һәм иртән кырау төшәргә мөмкин. Бу хакта республика халкын ТР Гидрометеорология үзәге кисәтә.

Үзбәкстанда үткән халыкара «Татар кызы» бәйгесе җиңүчесе билгеле. Быел ул титулга Пензадан Альбина Медведева лаек булды. Җиңүче таҗын һәм милли хәситәне Бөтендөнья татар конгрессының Милли Шура рәисе Васил Шәйхразиев һәм 2019 елда халыкара «Татар кызы» булып танылган Лилия Камилова тапшырды.

Бүген Мәскәүдә регби буенча Россия кубогына финал матчында Казанның «Стрела» командасы 23:12 исәбе белән Красноярскның «Красный Яр» командасын җиңде һәм үзенең беренче трофеен яулады.

Түбән Новгород татарларының төбәк милли-мәдәни автономиясе татар телен өйрәнү курсларына чакыра, диелгән мөхтәриятнең ВКонтакте челтәрендәге сәхифәсендә хәбәр ителә.

Март-февраль айларында Россиядә үскән яшелчәләр читтән китерелгәннәрдән кыйммәтрәк булырга мөмкин. Мәсәлән, бәрәңге бәяләре Эквадор бананнарына караганда югарырак була ала. Татарстан фермерлары ассоциациясе рәисе Камияр Байтимеров моның сәбәпләре турында сөйләде.

9-10 октябрьдә Мәскәүдә Габдулла Кариев исемендәге Казан яшь тамашачы театры гастрольләре була. Ул Россия мөселманнары Диния нәзарәте ярдәме белән оештырыла. Спектакльләр «Москонцерт Холл» сәхнәсендә күрсәтеләчәк, дип хәбәр ителә Россия Мөфтиләр шурасы сайтында.

Россиядә «Ел мәдәни башкаласы» исемен алу өчен тавыш бирү финалына 8 шәһәр чыкты. Самара конкурс финалына чыкты, дип хәбәр ителә «Самара татарлары» сайтында.

Ульяновск шәһәрендә Татар мәдәният үзәге бинасы диварына Равил Кузахметов истәлегенә мемориал такта куйганнар. Бу турыда «Өмет» газетасының телеграм-каналында хәбәр ителә.

Татарстан Көнчыгыш икътисади форумында аерым стенд тәкъдим итте. Ул Ерак Көнчыгыштан булмаган бердәнбер төбәк иде.

Халыкара «Татар кызы» бәйгесе финалы Үзбәкстанның Ташкент шәһәрендә үтә. Дүрт чит ил һәм Россиянең төрле төбәкләреннән килгән 13 кыз «Татар кызы» исеме өчен көч сынаша. Үзбәкстанны тәкъдим итүче Камилә Байбәкова «Татар-информ» хәбәрчесенә Ташкент татарлары турында сөйләде. «Ташкентта татарлар бердәм яши», – диде ул.

2023 елның гыйнварыннан июленә кадәр Татарстан Республикасында сабыйлар үлеме саны арту Росстат мәгълүматларыннан күренә.

17 сентябрь Үзбәкстанның Ташкент шәһәрендә халыкара «Татар кызы» бәйгесе финалы үтә. Дүрт чит ил һәм Россиянең төрле төбәкләреннән 13 кыз «Татар кызы» исеме өчен көч сынаша. Кыргызстанны бәйгедә Диана Мөрәхмәдова тәкъдим итә. Ул «Татар-информ» хәбәрчесенә бәйгедә татар халкы турында күбрәк өйрәнә башлавын һәм Кыргызстанда татар диаспорасы яшәеше турында сөйләде.

Россиядә бүгенге көндә битлек кию режимын кертү өчен нигез юк, дип белдерде Россия Кулланучы хокукларын яклау һәм кеше иминлеге өлкәсендә күзәтчелек федераль хезмәте (Роспотребнадзор) җитәкчесе Анна Попова, дип хәбәр итә РИА Новости.

Бүген, 17 сентябрь көнне, Ташкент шәһәрендә Үзәк Азия илләре татарлары альянсының утырышы узды. Чараның модераторы Татарстан Республикасы Премьер-министры урынбасары, Бөтендөнья татар конгрессы Милли Шурасы рәисе Васил Шәйхразыев иде. Бу турыда Конгресс сайтында хәбәр ителә.

Кичә Нурлат–Аксубай-Чистай автомобиль юлында, Аксубайдан 16 километр ераклыкта юл-транспорт һәлакәте була.

«Әйдә уйнарга» бөтенроссия фестивале кысаларында ЮНЕСКО эшләре буенча Башкортстан Республикасы комитеты «Башкорт күчмә халкы мирасы» өстәл уенын тәкъдим итте, дип хәбәр итте «Башинформ»га оештыручылар. Искәртеп узыйк, фестиваль 14-17 сентябрьдә Уфа шәһәренең Совет мәйданында уза.

14 сентябрьдә «Хәзерге дөньяда дини кыйммәтләр» II Петербург динара форумы кысаларында Санкт-Петербург дәүләт университеты мәйданчыгында «I Баязитов укулары» халыкара фәнни-гамәли конференциясе узды. Конференциянең темасы «Теология - диннәр һәм милләтләр арасында диалог теле» булды, дип хәбәр ителә Россия мөселманнары Дини җыены сайтында.

Бүген Татарстанда алмашынучан болытлы һәм явым-төшемсез җылы һава торышы көтелә. Бу хакта Гидрометеорология үзәгенең матбугат хезмәте хәбәр итә.

Татарстан Рәисе Рөстәм Миңнеханов урман хезмәткәрләрен һөнәри бәйрәмнәре белән котлады. Үзенең телеграм-каналында ул урман тармагы хезмәткәрләренә багышланган видео белән куйды.