Новости за 13.04.2023

Татарстан Рәисе Рөстәм Миңнеханов Беларусь Республикасына эш сәфәре кысаларында «Амкодор» предприятиесендә булды. Бу хакта Татарстан Рәисенең матбугат хезмәте җитәкчесе Лилия Галимова хәбәр итә.

«Барс-13» иреклеләр батальоны хәрбиләре махсус операция зонасына чираттагы гуманитар ярдәм китергән өчен Татарстан халкына рәхмәт белдерде. Тумышы белән Түбән Камадан булган Александр «Татар-информ» агентлыгы өчен видео яздырган. Ул алгы сызыкта машина йөртә, ә тыныч вакытта хәрбиләргә гуманитар ярдәм җыю һәм китерү белән шөгыльләнгән.

Бүген Интернетта«СалаваTik» төркеменең яңа видеосы чыкты. Ул «Бандюг кызы Зиләйлүк» дигән татар халык җырына төшерелгән.

Татар активистлары оештырган ифтарга Берләшкән Гарәп Әмирлекләренең төрле әмирлекләрендә яшәүче 50 милләттәш җыелган. Аларның күпчелеге тумышы белән Татарстан, Башкортстан, Үзбәкстан һәм Казахстан якларыннан.

Беларусь компанияләре Татарстан предприятиеләре белән бергәләп актив эш алып бара. Аерым алганда, Минск моторлар заводы Татарстан партнерлары белән бергәләп заманча газ двигательләре җитештерә, дип искәртте Беларусь Президенты Александр Лукашенко ТР Рәисе Рөстәм Миңнеханов белән очрашуда. Ул двигательләрне серияләп җитештерә башлауны тизләтергә чакырды. Бу хакта БелТА агентлыгы хәбәр итә.

Санкт-Петербургның Калинин районындагы мәктәпләрнең берсендә 16 яшьлек үсмер малай атыш оештырган. Бу турыда ТАСС яза.

Әлеге бәйгедә җиңүчегә ел дәвамында милли чараларда махсус кунак буларак катнашу мөмкинлеге бирелә.

Татарстан Рәисе Рөстәм Миңнеханов Беларусь Премьер-министры Роман Головченко белән очрашты. Алар товар әйләнешен һәм номенклатураны арттыру, шулай ук импортны алыштыру һәм сәнәгать кооперациясе өлкәсендәге хезмәттәшлек мәсьәләләре хакында фикер алышты.

Озак еллар «Татарстан» радиосында диктор булып эшләгән Айрат һәм Мәрьям Арслановларның кызы Гөлнур Арсланова күбрәк рус телендә аралашуларын әйтте.

Беларусь һәм Татарстан төрле өлкәләрдә хезмәттәшлек итүдә гаять зур потенциалга ия, дип белдерде Беларусь лидеры Александр Лукашенко ТР Рәисе Рөстәм Миңнеханов белән очрашуда. Шундый өлкәләр арасында ул, аерым алганда, сәүдә һәм нефть химиясен билгеләп үтте, шулай ук уртак предприятиеләр булдырырга чакырды. Бу хакта БелТА агентлыгы хәбәр итә.

Казан консерваториясе төрле еллардагы Опера студиясе йолдызларын Салих Сәйдәшев исемендәге Зур концерт залында җыйды.

Көнбатыш илләренең санкция басымы шартларында Беларусь һәм Татарстанга икътисади элемтәләрне үстерергә кирәк, дип белдерде ТР Рәисе Рөстәм Миңнеханов Беларусь лидеры Александр Лукашенко белән очрашуда. Ул шулай ук төбәк дәрәҗәсендәге хезмәттәшлекне хуплаганы өчен Лукашенкога рәхмәт бәйтте, аны Беларусь һәм Россия халыклары бердәмлеге көне белән котлады. Бу хакта ТР Рәисенең матбугат хезмәте хәбәр итә.

Татар җәмәгатьчелеге Россиянең һәм Татарстанның халык артисты, Габдулла Тукай исемендәге дәүләт премиясе лауреаты, «Хезмәт Кызыл Байрагы» ордены иясе Айрат Арслановның каберен зиярәт кылды. Чараны Габдулла Тукай исемендәге Татар дәүләт филармониясе оештырды.

Беларусь Россия самолетлары өчен компонентлар җитештерүне җайга салырга әзер, дип белдерде Беларусь Республикасы Президенты Александр Лукашенко ТР Рәисе Рөстәм Миңнеханов белән очрашуда.

«Яңарыш» газетасында Төмән районы Талымхан авылыннан Рәйсә Рәхимованың «Талымхан авылы музейлары» дигән язмасы чыкты.

Татарстанның халык, Россиянең атказанган артисты Салават Фәтхетдинов Габдулла Тукай исемендәге Дәүләт премиясе биш елга бер мәртәбә генә бирелергә тиеш дип саный. Бу турыда ул Әлфия Авзалова исемендәге III Халыкара фестиваль-конкурска багышланган матбугат конференциясендә әйтте.

Татарстанда 17 апрельдән янгынга каршы махсус режим кертелә, ул 10 майга кадәр гамәлдә булачак. Россия Гадәттән тыш хәлләр министрлыгы ТР буенча Баш идарәсенең күзәтү эшчәнлеге идарәсе башлыгы Максим Трущин «Татар-информ» агентлыгында узган матбугат конференциясендә шулай дип белдерде.

Татарстанның тагын ике оешмасына – Карпов исемендәге химия заводы һәм «Кукмара киез итек комбинаты» акционерлык җәмгыятенә «Хезмәт батырлыгы предприятиесе» исеме бирелергә мөмкин. Шул хактагы указ проектын ТР Сәнәгать һәм сәүдә министрлыгы әзерләгән.

Татарстан Чувашия республикасы инициативасы белән оештырылган «Россиянең чигелгән картасы» Бөтенроссия акциясендә катнаша. Татарстанның чигелгән картасына үз өлешен Чистай районы тәкъдим иткән. Бу хакта ТР Дәүләт Советының Мәгариф, мәдәният, фән һәм милли мәсьәләләр комитеты утырышында ТР мәдәният министрының беренче урынбасары Юлия Әдһәмова хәбәр итте.

Бүген Татарстан Рәисе Рөстәм Миңнеханов Минскида Җиңү монументына венок куйды. Бу хакта ТР Рәисенең матбугат хезмәте хәбәр итә.

Бүген Татарстан Югары суды Казанның 175нче гимназиясенә (анда тугыз кеше һәлак булды) һөҗүм итү турындагы эшкә нокта куйды. Илназ Галәвиев гаепле дип табылды, аны гомерлеккә рәшәткә артына озаттылар.

Бүген Татарстан Рәисе Рөстәм Миңнеханов Россиянең Белоруссиядәге гадәттән тыш һәм тулы вәкаләтле илчесе Борис Грызлов белән очрашты. Алар хезмәттәшлек перспективалары хакында фикер алышты һәм сәүдә мөнәсәбәтләрен үстерүнең потенциалы зур булуын билгеләп үтте.

«Белем.ру» һәм «Белем радиосы» белән берлектә «Минем каләмем» Бөтенроссия иҗади бәйгесен уздыра.

Фатирын рәсми рәвештә арендага бирүче Россия пенсионеры, айлык кереме төбәк яшәү минимумы күләменнән артып киткән очракта, пенсиясенә социаль өстәмә бирелмәскә мөмкин. Бу хакта РИА Новости агентлыгы юристларга сылтама белән хәбәр итә.

Чаллыда янгын сүндерүчеләр махсус битлек ярдәмендә 57 яшьлек ир-атны янган фатирдан коткарганнар. Бу хакта «Татар-информ»га Россия Гадәттән тыш хәлләр министрлыгының ТР буенча Баш идарәсе матбугат хезмәтендә хәбәр иттеләр.