Новости за 06.04.2023

Төркиядә Эгей диңгезе яр буенда Чешме курортында 6 апрель иртәсендә гадәти булмаган хәл күзәтелгән – кар яуган. Бу хакта шәһәр мэры Измир Тунч Сойер үзенең Twitter социаль челтәрендәге битендә хәбәр итте. «Известия» шул хакта яза.

Түбән Камада яшәүче егетнең кулында электрон тәмәке шартлаган. Аңа Үзәк район күп профильле хастаханәсендә ярдәм күрсәткәннәр.

Россия Президенты Владимир Путин РФ Иҗтимагый палатасының яңа составының 40 әгъзасын раслады. Шуларның берсе итеп җәмәгать һәм сәясәт эшлеклесе, БДТРК генераль директоры урынбасары - БДТРК төбәк бүлеге департаменты башлыгы, Татарстанның атказанган мәдәният эшлеклесе Рифат Сабитов сайланды.

Танылган блогер Рөстәм Нәбиев РФ Иҗтимагый палатасы әгъзалары исемлегенә кертелгән.

Бизнесның инновацияләрне һәм үзебезнең эшләнмәләрне җитәрлек дәрәҗәдә кабул итмәве җитешсезлек булып кала. Бу проблема фәнни эшчәнлекне патентлау стадияләрендә дә, шулай ук алдагы этапларда һәм коммерцияләштерүдә дә чагыла. Чаллыда алдынгы инженерлык мәктәпләре темасына семинар-киңәшмәдә Татарстан Республикасы Рәисе Рөстәм Миңнеханов шул хакта белдерде.

Татарстан Кинематографистлар берлегенең иртәгә тамашачыны Башкортстан кинорежиссёры Булат Юсуповның «Дневник поэта» фильмын карарга Киноклубка чакыра.

Рамазан аенда теләге булган һәркем «Lisan.Tatar» сайтында теркәлә һәм иске татар телен бушлай өйрәнә ала. Проект авторлары дәресләрнең видеоязмаларына һәм уку материалларына керү мөмкинлеге бирәчәк.

Татарстанның яшь галимнәр һәм тикшеренүчеләр өлеше Россиянең уртача дәрәҗәсеннән артып китә. Бу турыда Татарстан Республикасы Рәисе Рөстәм Миңнеханов Чаллыдагы алдынгы инженерлык мәктәпләренең семинар-киңәшмәсендә әйтте.

Татарстанның халык шагыйре фикеренчә, милләтне саклап калу өчен милли уку йортларына игътибар бирергә кирәк.

Кичә кич Чаллы шәһәрендә «ИЖ» фургоны йөртүчесе үлгән. Бу хакта республика Дәүләт автоинспекциясендә хәбәр иттеләр.

Татарстан мөфтие Камил Сәмигуллин «Татмедиа» Республика матбугат һәм массакүләм коммуникацияләр агентлыгы җитәкчесе Айдар Сәлимгәрәевка «Бердәмлек» медален тапшырды. Бу хакта Татарстан мөселманнары Диния нәзарәтенең матбугат хезмәте хәбәр итә.

Татарстан Рәисе Рөстәм Миңнеханов Чаллыдагы киңәшмәдә барлык катнашучыларны «Россия - Ислам дөньясы: KazanForum-2023» XIV халыкара форумына чакырды. Форум 18-19 майда «Казан Экспо» халыкара күргәзмә үзәге мәйданчыкларында узачак.

2022 елның 18 апреленнән соң беренче тапкыр доллар 80 сумнан артты.

Мәскәү вакыты белән 9.45 сәгатьтә Америка валютасы 0,36 процентка артты һәм 80,12 сум булды. Шул ук вакытта евро 0,23 процентка күтәрелде һәм 87,49 сум тәшкил итә.

Россиянең технологик суверенитетын күтәрүгә алдынгы инженерлык мәктәпләре ярдәм итәчәк, алар нигезендә яңа сыйфатлы инженерлык белеме һәм технологик эшләнмәләрнең яңа дәрәҗәсе ята. Бу хакта Чаллыда алдынгы инженерлык мәктәпләренең семинар-киңәшмәсендә Татарстан Рәисе Рөстәм Миңнеханов белдерде.

Татарстанның халык шагыйре Разил Вәлиев Нәкый Исәнбәтнең үз-үзен мәгърифәтче дип атаганын искә алды.

Татарстан Премьер-министры Алексей Песошин ике дәүләт бюджет учреждениесен - Торак фонды белән идарә итү департаментын һәм Республика мөлкәт казнасын үзгәртеп оештыру турындагы карарны имзалады. Документ Хөкүмәт порталында бастырылган.

14 апрельдә Г.Кариев исемендәге Казан татар дәүләт яшь тамашачы театрында Ш.З.Закиров исемендәге «Идел-йорт» XXIII театр коллективлары төбәкара фестиваль-конкурсы һәм «Иделкәем & Кариев варислары» балалар-яшүсмерләр театр коллективларының төбәкара смотр-конкурсы кысаларында иҗат лабораториясе узачак.

Татарстанда грипп һәм тын юлларында вируслы кискен инфекция (ОРВИ) белән авыручылар саны кимү сәбәпле, республиканың баш санитария табибы керткән барлык чикләүләрне гамәлдән чыгардылар.

Рамазан аеның 24нче көнендә, 15 апрельдә, Казанда XI Республикакүләм ифтар узачак. Бу юлы Татарстандагы иң зур авыз ачу мәҗлесе Рамазан аеның соңгы ункөнлегенә – гыйбадәт кылуда аеруча зур тырышлык күрсәтү вакытына туры килә. Бу хакта ТР Диния нәзарәте матбугат хезмәте хәбәр итә.

Ижауның Милли декоратив-кулланма сәнгать үзәгендә Удмуртиядә Ислам кабул ителүнең 700 еллыгына багышланган «Гасырларны бәйләүче җеп» дип аталган күргәзмә ачылды.

Бүген Чаллыга эш сәфәре белән РФ Фән һәм югары белем министры Валерий Фальков һәм Татарстан Рәисе Рөстәм Миңнеханов килә. Алар мәгариф объектларын караячак һәм шәһәрнең IT-паркында алдынгы инженерлык мәктәпләре җитәкчеләренең бөтенроссия семинар- киңәшмәсен үткәрәчәк.

Самара өлкәсенең Денискино авылындагы тарих - туган якны өйрәнү музеенда театральләштерү элементлары белән экскурсия, шулай ук татар ашлары әзерләү буенча мастер-класс узды. Бу хакта «Самар татарлары» сайты хәбәр итә.

Казанлылар түләүсез юридик ярдәм ала алачак. Профильле ведомстволар экспертлары торак-коммуналь хуҗалык тарифларын ничек аңларга, милекне ничек бүлергә кирәклеге, хезмәт, пенсия хокуклары, шулай ук мәгариф һәм сәламәтлек саклау өлкәләрендәге хокуклар турында сөйләячәк. Бу хакта Казан мэриясе матбугат хезмәте хәбәр итә.

Чирмешәндә шифаханә дә төзеп була, туристик маршрутлар ачу да мөмкин. Чирмешән районын үстерү буенча «Орион» яшьләр үзәгендә үткән стратегик сессия барышында эшче төркемнәргә бүленгән чирмешәнлеләр шундый фикер дә белдерде. Алар районны киләчәктә нинди итеп күрергә теләүләрен әйтте.

Чистайда эш сәфәре белән РФ Дәүләт Думасы депутаты Олег Морозов булып китте. Ул муниципаль район башлыгының беренче урынбасары Константин Иванов озатуында «Чистай» индустриаль мәйданында урнашкан «Барс» аяк киеме фабрикасында булды.