Новости за 22.03.2021

(Казан, 22 март, «Татар-информ»). Иртәгә, 23 мартта, Татарстанда көннең җылынуы көтелә. ТР Гидрометеорология һәм әйләнә-тирә мохитне күзәтү идарәсеннән хәбәр итүләренчә, ул һава шартларының начараюы белән чиратлашып барачак. Иртәгә аязучан болытлы һава торышы хакимлек итәчәк. Төнлә һәм иртән кар һәм җепшек кар явуы көтелә, кайбер урыннарда буран чыгарга һәм юлларда бозлавык хасил булырга мөмкин. Көндез бераз кар һәм җепшек кар явуы ихтимал. Көньяк-көнбатыштан талгын җил исәчәк. Республика юлларында бозлавык барлыкка киләчәк... Читать дальше...

(Казан, 22 март, «Татар-информ», Зилә Мөбәрәкшина). Башкортстанда татар районнарында яңа стелалар куйганнар. Анда бу төбәктә нинди башкорт кабиләләре яшәгәнлеге язылган. Уфа фәнни үзәгенең этнологик тикшеренүләр институты хезмәткәре Илдар Габдрафыйков бу стелаларга карата дәгъвасын әйтте. «Мәсәлән, Яңавыл районы — Башкортстанда удмуртлар күпләп яшәгән район. Бу рәвешле стелалар кую — этләр үз урыннарын билгеләп йөргән шикелле. Мин моңа каршы түгел, милли аңнарын күтәрсеннәр. Әмма кабиләләр язылган стелалар кую халыкка тискәре тәэсир итә. Читать дальше...

(Казан, 22 март, «Татар-информ», Наталья Рыбакова). Татарстанда 2020 елның унике аенда уртача хезмәт хакы 2019 ел белән чагыштырганда 5,6 процентка арткан һәм 39,5 мең сум тәшкил иткән. Шул ук вакытта, иң югары хезмәт хакын галимнәр, икътисадчылар һәм геологлар ала. Бу хакта «Татар-информ» агентлыгына ТР Хезмәт, халыкны эш белән тәэмин итү һәм социаль яклау министрлыгыннан хәбәр иттеләр. «Республикада хезмәт хакының уртача күләме буенча файдалы казылмалар табу, финанс-иминият, фәнни һәм техник һөнәри эшчәнлек кебек тармаклар әйдәп бара. Читать дальше...

(Казан, 22 март, «Татар-информ», Арсений Кәримов). Казан циркы якшәмбедәге тамашаның (ул Дженни һәм Магда кушаматлы филләрнең сугышуы аркасында өзелгән иде) билет акчасын кайтарачак. Цирк директоры Рамил Шәрифуллин «Татар-информ» агентлыгы хәбәрчесенә шулай дип белдерде. «Без кичәге тамашаның акчасын тулысынча кайтарачакбыз. Моны 100 процент ышандырып әйтәбез», - дип искәртте ул. Шул ук вакытта, тамашаның өзелүе аркасында цирк 1 миллион сумга якын акчасын югалтачак. Моннан тыш, филләр сугышкан вакытта бер утыргыч ватылган.

(Казан, 22 март, «Татар-информ»). 20 мартта Киров өлкәсе татарларының мәдәни-мәгърифәт иҗтимагый оешмасы тарафыннан өлкәнең Вятскополянский районы Кызыл Алан бистәсенең «Домостроитель» мәдәният һәм ял үзәгендә VIII Төбәкара «Уйнагыз, гармуннар» фестиваль-конкурсы узды. Фестивальдә Татарстан Республикасы Кукмара районыннан, Киров өлкәсенең Вятскополянский районыннан 137 конкурсант катнашты, дип хәбәр итә Бөтендөнья татар конгрессы . Катнашучылар түбәндәге номинацияләрдә көч сынашты: «Иң яхшы баянчы»... Читать дальше...

(Казан, 22 март, «Татар-информ», Павел Климчак). Кече үлчәмле суднолар буенча дәүләт инспекциясе белгечләре көннәр җылынуга бәйле рәвештә Алабуга районындагы боз кичүен тикшерде. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр. Тикшерү нәтиҗәсендә Покровское авылы – Кызыл Чишмә бистәсе маршруты буенча уза торган боз кичүе бүген 12.00 сәгатьтә ябылды. Инспекторлар ачыклаганча, көннәрнең җылытып җибәрүе аркасында... Читать дальше...

(Казан, 22 март, «Татар-информ»). Яңа төрдәге Covid-19 коронавирус инфекциясенең барлыкка килүе Кытайда кыргый хайваннар белән сату итүгә бәйле булырга мөмкин. Бу хакта Bloomberg агентлыгы Бөтендөнья сәламәтлек саклау оешмасы экспертларына сылтама белән хәбәр итә. Доклад (аны әзерләүдә Кытайның Ухань шәһәрендә булган Бөтендөнья сәламәтлек саклау оешмасы белгечләре катнашкан) бу атнада басылып чыгарга тиеш, дип искәртә басма. Галимнәр фикеренчә, SARS-CoV-2нең барлыкка килүе кискен респиратор... Читать дальше...

(Казан, 22 март, «Татар-информ»). Әфганстан Ислам республикасында социаль челтәрләрдә «Мин татар» исемле флешмоб узды. Илдәге барлык татарларны берләштерү максатыннан үткәрелгән акциядә 10 меңләп кеше катнашты, дип яза Бөтендөнья татар конгрессы матбугат хезмәте . Флешмобны Әфганстандагы татар мәдәни фондының яшь активистлары уздырган. Аларның берсе — Ходжат Надери Бөтендөнья татар конгрессына әфган татарлары өчен татар теле онлайн-курсларын оештыру үтенече белән дә чыккан иде. 13 марттан, Әфганстан хөкүмәте карары нигезендә... Читать дальше...

(Казан, 22 март, «Татар-информ»). Татарстанда соңгы тәүлектә Covid-19 коронавирус инфекциясе йоктыруның 50 яңа очрагы ачыкланган. ТР Сәламәтлек саклау министрлыгының матбугат хезмәтеннән хәбәр итүләренчә, аларның барысы да чирне башка авырулар белән аралашу нәтиҗәсендә эләктергән. «22 кеше хастаханәгә озатылган, 23 кеше өендә дәвалана», — диелә ведомство хәбәрендә. Казанда — 25, Чаллыда 5 очрак ачыкланган. Узган тәүлектә коронавирус инфекциясе барлыгы 13 муниципаль берәмлектә теркәлгән. Пандемия... Читать дальше...

(Казан, 22 март, «Татар-информ»). 21 мартта Чиләбе өлкәсенең Нагайбәк бистәсендә төрки халыкларның «Нәүрүз-2021» традицион милли иҗат фестивале узды. vshodi-nagaibak.ru сайты хәбәр иткәнчә, фестивальне Нагайбәк муниципаль районы хакимияте, Мәдәният идарәсе һәм Иҗат йорты оештырган. Чара «Нәүрүз» бәйрәмен саклау һәм яңадан торгызу, район халкын төрки халыкларның мәдәнияте белән таныштыру, фестивальдә катнашучыларның иҗади осталыгын арттыру, үсеп килүче буында патриотик тойгылар һәм эстетик зәвык формалаштыру максатыннан үткәрелә. Читать дальше...

(Казан, 22 март, «Татар-информ»). «Салават Юлаев» хоккей клубы Континенталь хоккей лигасы җитәкчелегенә рәсми хат әзерли. Ул «Уфа-Арена»да плей-офф сериясендәге өченче матч башланыр алдыннан булган хәлгә бәйле. Бу хакта «Башинформ» агентлыгы хәбәр итә. Башкорт командасының матбугат хезмәтендә ачыклык кертүләренчә, Казан клубы җанатарлары КХЛның техник регламентын бозган. Аерым алганда, КХЛ Дисциплинар регламентының 61.2нче маддәсе нигезендә, «чемпионат матчы алдыннан Россия Федерациясе дәүләт гимны... Читать дальше...

(Казан, 22 март, «Татар-информ», Рузилә Мөхәммәтова). Кичә Казан циркы аренасында ике филнең үзара сугыша башлавын җитәкчелек аларның язгы кәефенә һәм пандемия вакытында тамашачы белән озак аралашмый торуга бәйләп карый. «Кичә безнең цирк тамашачысы ике һинд филенең сугышу шаһиты булды. Дженни һәм Магда исемле филләрнең үзара мөнәсәбәтләрен ачыклау максаты бары тик үзләре генә иде, тамашачыга куркыныч янамады», — дип шәрехли Казан циркы җитәкчелеге. «Филләр тыныч хайван булуына карамастан, аларның да кәефе төрлечә була ала... Читать дальше...

(Казан, 22 март, «Татар-информ»). Казанның Вахитов районы прокуратурасы циркта булган хәлдән соң (биредә бер фил икенчесенә ташланды) тикшерү үткәрәчәк. Бу хакта «Татар-информ» агентлыгына ТР прокурорының өлкән ярдәмчесе Руслан Галиев хәбәр итте. «Татар-информ» агентлыгы элегрәк Казан циркында филләр катнашындагы тамаша вакытында бер филнең икенчесен сугып егуы хакында хәбәр иткән иде. Моны тамашачылар видеога төшереп алган. Цирк директоры сүзләренчә, филнең үзен бу рәвешле тотуы язгы киеренкелеккә бәйле булырга мөмкин. Читать дальше...

(Казан, 22 март, «Татар-информ»). Кичә көндез республиканың Тукай районы Яңа Троицкий авылы янындагы «Весна» бакчачылык җәмгыятендә янгын чыккан. Россия Гадәттән тыш хәлләр министрлыгының ТР буенча Баш идарәсе матбугат хезмәтеннән «Татар-информ» агентлыгына белдерүләренчә, бу хакта 101 янгын сагы номерына хәбәр иткәннәр. Ут белән көрәшүчеләргә, янгын чыккан участокка машина үтеп керә алмау сәбәпле, урынга җәяү барырга һәм янгынны кул астындагы чаралар белән сүндерергә туры килгән. Кисәүләрне аралаган вакытта хатын-кыз мәетен табып алганнар. Читать дальше...

(Казан, 22 март, «Татар-информ»). 1 апрельдән 31 декабрьгә кадәр балага яңа күләмдәге пособие бирүне сорап гариза тапшырырга мөмкин. Аны 1 гыйнвардан башлап (бу вакытта гаиләдә 3-7 яшьлек бала тәрбияләнгән очракта) яңадан исәпләячәкләр. Моны дәүләт хезмәтләре порталы аша һәм Күп функцияле үзәккә мөрәҗәгать итеп башкарырга мөмкин. Бу хакта «Российская газета» РФ Хезмәт һәм социаль яклау министрлыгына сылтама белән хәбәр итә. Ведомствода билгеләп үтүләренчә, хәзер пособиенең күләме гаиләнең кеременә... Читать дальше...

(Казан, 22 март, «Татар-информ», Павел Климчак). Кичә кич Әлмәттән чыгу юлында юл һәлакәте булган: җиңел автомобиль зур тизлектә баганага килеп бәрелгән. Шул тирәдән үтеп баручы машина йөртүчеләр авариянең нәтиҗәләрен видеога төшереп алган. Роликтан күренгәнчә, машинага шактый нык зыян килгән. Бу хакта «Татар-информ» агентлыгына әлеге аварияне күргән кешеләр хәбәр итте. Шаһитлар әйтүенчә, авария нәтиҗәсендә автомобильнең йөртүчесе имгәнгән. Авыр тән җәрәхәтләре алган ир-атны якындагы хастаханәгә озатканнар.

(Казан, 22 март, «Татар-информ»). Россиядә коронавирус пандемиясе аркасында туберкулез авыруы киң таралырга мөмкин, дип кисәтте табиб һәм телетапшырулар алып баручы Александр Мясников URA.RU сайтына биргән интервьюсында. Бу хакта РИА Новости агентлыгы хәбәр итә. Ул әлеге авыруның беркая да китмәвен, яңа төрдәге COVID-19 коронавирус инфекциясе аркасында кешеләрнең тикшеренү узмавын искәртте. «Безне яңа дулкын көтә – моны 100 процентка ышанып әйтергә мөмкин. Безнең хәлебез яхшы түгел. Россиядәге вазгыять... Читать дальше...

(Казан, 22 март, «Татар-информ»). 2021 елның 20 мартында Түбән Новгород Җәмигъ мәчетенең ачылуына 106 ел тулды. Бу хакта Россия Мөфтиләр шурасының рәсми сайты хәбәр итә. Иң элек шунысын искәртергә кирәк: 2008 елда Түбән Новгород Җәмигъ мәчете федераль әһәмияткә ия тарихи һәм мәдәни объект дип табылды. Ул патша заманында төзелгән соңгы зур Аллаһ йорты була. Халык арасында аны «тау башындагы» мәчет дип атап йөртәләр. Үз заманында ул Түбән Новгородта Ярминкә мәчетеннән кала икенче иман йорты була. Читать дальше...

(Казан, 22 март, «Татар-информ», « Ватаным Татарстан », Фәния Әхмәтҗанова). «Ватаным Татарстан» газетасы 22 март тарихта ниләр белән хәтердә калганын билгеләп үтте. Бөтендөнья су ресурслары көне Бу дата Берләшкән Милләтләр оешмасының Генераль Ассамблеясы резолюциясе белән кешелекнең төче суга игътибарын юнәлтү өчен гамәлгә куелган. БМО мәгълүматларына караганда, 2 млрд тан артык кеше пычрак су эчәргә мәҗбүр, ә 663 млн нан артыгы яшәү урыннарында су чыганаклары булмаудан тилмерә. Россия су белән тәэмин ителгән төркемгә керә... Читать дальше...

(Казан, 22 март, «Татар-информ»). Башкортстанда һәр елны 18 гыйнварда Хезмәт ветераны көне буларак билгеләп үтеләчәк. «Хезмәт ветераны көне Башкортстан халкының казанышларын тану символы булачак», — диде Башкортстан Дәүләт Җыелышы — Корылтай рәисе Константин Толкачев. Бу хакта «Башинформ» яза. Парламент спикеры әлеге датаның очраклы рәвештә сайланмавын билгеләп үтте. «Совет заманында „Хезмәт ветераны“ медале бар иде, — диде Константин Толкачев. — Ул 1974 елның 18 гыйнварында гамәлгә куелды. Читать дальше...

(Казан, 22 март, «Татар-информ»). Бөтендөнья сәламәтлек саклау оешмасы экспертлары COVID-19 таралу чыганагы дип Кытайда кыргый хайваннар белән сәүдә итүне күрсәтә. Бу хакта Блумберг агентлыгына сылтама белән РИА Новости яза. Бөтендөнья сәламәтлек саклау оешмасы экспертларының халыкара төркеме 14 гыйнвардан бер айга якын Кытайда булган һәм Кытай белгечләре белән бергә тикшеренүләр алып барган. Экспертлар сүзләренчә, коронавирус килеп чыгуның иң ихтимал сәбәбе — Уханьдагы «Хуанань» диңгез продуктлары... Читать дальше...

(Казан, 22 март, «Татар-информ»). Бүген төнлә Авангард урамында яшәүчеләр 101 номерына подъездда янгын чыгуы турында хәбәр иттеләр. Бу хакта «Татар-информ»га Россия Гадәттән тыш хәлләр министрлыгының Татарстан буенча баш идарәсе матбугат хезмәтендә сөйләделәр. Килгән янгын сүндерүчеләр баскыч ярдәмендә 12 кешене саф һавага чыгарды. Тиздән янгын сүндерүчеләр утны сүндерә. Янгынның гомуми мәйданы 60 кв. м тәшкил итә. Бинаны караганда, башта йорттагы бер фатирның яна башлавы ачыкланды, шуннан соң ут тарала башлаган. Читать дальше...

Азнакай, 22 март, «Татар-информ», « Маяк », Резидә Шәрипова). Туган телләр hәм халыклар бердәмлеге елы кысаларында Азнакай гимназиясендә «Мәктәптә туган (татар) hәм инглиз телләрен укыту тәжрибәсе, проблемалары hәм перспективалары» темасына төбәк семинар узды. Анда Татарстан Республикасы Мәгарифне үстерү институты доценты, филология фәннәре кандидаты Лилия Хисмәтова, Азнакай, Лениногорск, Яшел Үзән, Сарман, Бөгелмә, Башкортстан Республикасының Бакалы районы татар теле hәм әдәбияты, инглиз теле, башлангыч сыйныф укытучылары катнашты. Читать дальше...

(Әлмәт, 22 март, «Татар-информ», «Әлмәт таңнары» ). Әлмәт картиналар галереясендә «Яңалыклар һәм традицияләр» күргәзмәсе ачылды. Экспозициядә 133 экспонат тәкъдим ителгән. Бу рәсем сәнгате генә түгел, ә скульптура да, шулай ук декоратив-гамәли иҗат та. Анда катнашырга 300 гариза килгән.  Күргәзмә классик һәм яңа карашны үз эченә алуы белән уникаль, чөнки анда сынлы сәнгать аксакалларының гына түгел, ә Мәскәү һәм Санкт- Петербург югары сәнгать уку йортларын тәмамлаган яшь иҗатчыларның эшләре дә тәкъдим ителгән.

(Бөгелмә, 22 май, «Татар-информ», « Бөгелмә авазы »). Екатеринбургта пауэрлифтинг буенча Россия беренчелеге узды. Татарстан Республикасы җыелма командасы составында шәһәр һәм республика данын «1нче спорт мәктәбе»ндә тәрбияләнүче Анастасия Филатова яклады. Ул кискен көрәштә бронза медаль яулады һәм абсолют беренчелектә 43 килограммга кадәр авырлык категориясендә пьедесталның өченче баскычына күтәрелде. Шулай ук ул башка төр ярышларда алтын, көмеш, бронза медаль дә алды. Настя Россиянең атказанган тренеры Владислав Крюковка тренировкаларга йөри.