Новости за 17.09.2016

ქართველი მოქანდაკე, ფერმწერი და გრაფიკოსი, საქართველოს დამსახურებული მხატვარი, რუსთაველის სახელობის სახელმწიფო პრემიის ლაურეატი, მერაბ ბერძენიშვილი, გარდაიცვალა.

რუსთავი2-ის საქმის სამართლიანად და საჯაროდ განხილვის აუცილებლობაზე ევროპის სახალხო პარტიის წარმომადგენლებმა დღეს კიდევ ერთხელ ისაუბრეს.

საქართველოს დემოკრატიული ინიციატივას თავმჯდომარემ, გიორგი მშვენიერაძემ, შაბათის კურიერის პირდაპირ ეთერში კრიმინალურ ვითარებაზე ისაუბრა და აღნიშნა, რომ შინაგან საქმეთა სამინისტროს სტატისტიკასთან დაკავშირებით ბევრი შეკითხვა არსებობს.

საერთაშორისო გამჭვირვალობა - საქართველოს აღმასრულებელი დირექტორი, ეკა გიგაური, ფარული სატელეფონო ჩანაწერების გავრცელებაში პოლიტიკურ ინტერესებს ხედავს და აცხადებს, რომ "წინასაარჩევნოდ მსგავსი ფაქტები მიუთითებს იმას, რომ არის მცდელობა კონკრეტული ოპონენტების დისკრედიტაციისა".

„როდესაც მსგავსი ჩანაწერები ქვეყნდება სახელმწიფოში და მას სახელმწიფო სათანადოდ ვერ პასუხობს, ან თავად აკეთებს ამას ან თავად უშვებს მის ჩადენას, ანუ პასუხისმგებლობა სრულად არის სახელმწიფოზე," - ამის შესახებ არასამთავრობო ორგანიზაცია საქართველოს დემოკრატიული ინიციატივის თავმჯდომარემ, გიორგი მშვენიერაძემ, შაბათის კურიერის პირდაპირ ეთერში განაცხადა.

პაატა ბურჭულაძის და ნიკა გვარამიას ფარულ სატელეფონო ჩაწერის საკითხზე არასამთავრობო ორგანიზაცია საერთაშორისო გამჭვირვალობა - საქართველოს აღმასრულებელმა დირექტორმა, ეკა გიგაურმა, კურიერის პირდაპირ ეთერში ხელისუფლების პასუხისმგებლობაზე ისაუბრა და აღნიშნა, რომ ხელისუფლებას ყველა საქმე, რომელიც ფარულ ჩანაწერებს ეხებოდა, დროულად უნდა გამოეძია.

თავისუფალი დემოკრატების ერთ-ერთმა ლიდერმა, ნინო გოგუაძემ, შაბათის კურიერის პირდაპირ ეთერში კრიმინალურ მდგომარეობაზე ისაუბრა და აღნიშნა, რომ ამ მხრივ ვითარება საკმაოდ რთულია.

რესპუბლიკური პარტიის წევრი, თამარ კორძაია, პაატა ბურჭულაძის და ნიკა გვარამიას ფარულ სატელეფონო ჩაწერის საკითხზე პასუხისმგებლობას ხელისუფლებას აკისრებს და აცხადებს, რომ "დღეს მთავრობა არაადეკვატურად აფასებს არსებულ ვითარებას".

შაბათის კურიერის პირდაპირ ეთერში ნინო გოგუაძემ რუსთავი2-ის გენერალური დირექტორისა და მოძრაობა სახელმწიფო ხალხისთვის ლიდერის სატელეფონო ჩანაწერის გავრცელებასთან დაკავშირებით ისაუბრა.

"ნათელი მოცემულობა გვაქვს - არაპროფესიონალიზმი შინაგან საქმეთა სამინისტროში", - ასე აფასებს პაატა ბურჭულაძის პარტიის სახელწმიფო ხალხისთვის წევრი, დავით ჯანდიერი, ქვეყანაში შექმნილ კრიმინოგენულ ვითარებას და ხელისუფლების პასუხისმგებლობაზე საუბრობს.

პაატა ბურჭულაძის პარტიის წევრი, დავით ჯანდიერი, რუსთავი2-ის გენერალური დირექტორისა და პაატა ბურჭულაძის ფარული ჩანაწერების გავრცელების უკან ხელისუფლების ინტერესებს ხედავს და ამბობს, რომ პაატა ბურჭულაძის გუნდზე აქტიური ზეწოლა მიმდინარეობს.

„დღეს ქართული ოცნებისა და კრიმინალური სამყაროს ინტერესი არის თანხვედრაში. ქართული ოცნების ინტერესი არის, რომ ის დარჩეს ხელისუფლებაში, კრიმინალური სამყაროს ინტერესშია, რომ ქართული ოცნება დარჩეს ხელისუფლებაში,“ - ამის შესახებ ნაციონალური მოძრაობის წევრმა, ნიკა მელიამ, შაბათის კურიერის პირდაპირ ეთერში განაცხადა.

ბოლოს ერთი წლის განმავლობაში საქართველოს მთელს ტერიტორიასა და დედაქალაქში არაერთი კრიმინალური გარჩევა და მკვლელობა მოხდა.

„უკანონოდ მოპოვებული აუდიოჩანაწერი ყოველთვის იყო, არის და იქნება ამორალური. პასუხისმგებელი, წესით და რიგით, ხელისუფლება უნდა იყოს, მაგრამ ვერ არის ხელისუფლება პასუხისმგებელი, რადგან ამ ქვეყანაში, პრაქტიკულად, ხელისუფლება არ გვყავს. ყველა სახელისუფლებო შტოს ჰყავს ხელმძღვანელი პირი და ის არის ბიძინა ივანიშვილი,“ - ამის შესახებ ნაციონალური მოძრაობის წევრმა, ნიკა მელიამ, შაბათის კურიერის პირდაპირ ეთერში განაცხადა.

„პოლიტიკოსები, რომელებიც ფარულ ჩანაწერებს განიხილავენ და ამ ჩანაწერებზე დასკვნებს აკეთებენ, ის პოლიტიკოსები იმ ვითარებაში ვერანაირად ვერ იქნებიან საზოგადოებისთვის ვერც მაგალითი და ვერც მხარდაჭერილი,“ - საქართველოს პრეზიდენტი, გიორგი მარგველაშვილი, ნიკა გვარამიასა და პაატა ბურჭულაძის ფარული სატელეფონო ჩანაწერის გავრცელებასთან დაკავშირებით საკუთარ პოზიციას აფიქსირებს.

რუსთავი2-ის გენერალური დირექტორის, ნიკა გვარამიას, წინააღმდეგ ზეწოლამ, შანტაჟმა, მუქარამ, ხან მოწმის და ხან ბრალდებულის სტატუსით დაბარებებმა ძალოვან უწყებებში სისტემატიური ხასიათი 2012 წლის შემდეგ მიიღო.

ბანკების ძარცვის ფაქტები ბოლო წლებია, გახშირდა. 2012 წლის არჩევნების შემდეგ საკმაოდ ინტენსიური გახდა ბანკების დაყაჩაღება თითქმის ყველა რაიონში.

შსს-მ ვაზისუბანში მომხდარი ყაჩაღობის დროს გატაცებულ მანქანას მიაგნო. როგორც კურიერისთვის გახდა ცნობილი, მანქანა, რომლითაც დამყაჩაღებლებმა ადგილი დატოვეს, სამართალდამცავებმა უკვე იპოვეს. თუმცა თავად ყაჩაღობაში დამნაშავე 2 ნიღბიან მამაკაცს გამოძიება ამ დრომდე ეძებს.

რუსთავი 2-ის საქმის სამართლიანად და საჯაროდ განხილვის აუცილებლობაზე ევროპის სახალხო პარტიის წარმომადგენლებმა დღეს კიდევ ერთხელ ისაუბრეს. ტელეკომპანიის გარშემო განვითარებულ მოვლენებზე ინფორმაცია ევროპარლამენტარებმა რუსთავი 2-ის გენერალური დირექტორისგან მოისმინეს. ევროპელმა დეპუტატებმა ინფორმაცია ფარული მიყურადების საქმეზეც მიიღეს და მიუღებლად შეაფასეს.

დაპირისპირება გორში - სოფელ ფლავისმანში ვითარება ნაციონალური მოძრაობის მაჟორიტარი დეპუტატობის კანდიდატის წინასაარჩევნო აგიტაციის დროს დაიძაბა, როდესაც ოპოზიციას პლაკატების გაკვრის საშუალება არ მისცეს.

გერმანიის რეკონსტრუქციის საკრედიტო ბანკი საქართველოს 7 მილიონ ევროს ოდენობის გრანტს გამოუყოფს. ხელშეკრულებას ხელი ბათუმში ნოდარ ხადურმა მოაწერა.

დავით მესხიშვილი ქართულ ოცნებას წინასაარჩევნოდ უსაფუძვლო დაპირებების გაცემაში ადანაშაულებს.

კურორტი გომარდული უკვე 2 წელია, არ ფუქციონირებს. ადგილობრივები ყვებიან, რომ 2009 წლიდან ყოველ ზამთრს, სულ მცირე, 2000 ტურისტი სტუმრობდა.

დღეს პროკურატურასთან გამართულ აქციაზე 2 წლის წინ მომხდარი ხანუმ ჯეირანოვას თვითმკვლელობის საქმის გამოძიების ბოლომდე მიყვანა მოითხოვეს. კავშირ საფარის წევრებმა გამოძიების გაჭიანურება და ბრალდებულების დაუსჯელობა გააპროტესტეს.

რუსთავი 2-ის საქმე არის ლაკმუსის ტესტი საქართველოს ხელისუფლებისა და სამართლებრივი სისტემისთვის,"- კომენტარი ტელეკომპანიის ირგვლივ მიმდინარე მოვლენებზე ევროპის სახალხო პარტიის ვიცეპრეზიდენტმა არხის გენერალურ დირექტორთან შეხვედრის შემდეგ გააკეთა.