Новости за 19.09.2016

ფოთში ოქტომბრიდან მაისის თვემდე ცხოვრება გაუსაძლისია. ადგილობრივებს დამპალი თევზის სუნი აწუხებთ, რომელიც მთელ ქალაქში ვრცელდება და ნორმალურ ცხოვრებას გაუსაძლისს ხდის. ფოთელები ყვებიან, რომ თევზის გადამამუშავებელი ქარხნები ნარჩენებს პირდაპირ რიონში უშვებენ.

ენმ-ის ფოთის #61 ოლქის მაჟორიტარობის კანდიდატი ბექა ბასილაია სამეგრელოს რეგიონში სოფლის მეურნეობასთან დაკავშირებულ პრობლემებს სამინისტროს მხრიდან გულგრილი მიდგომით ხსნის და აცხადებს, რომ სამინისტროს მართავდა არა მინისტრი ოთარ დანელია, არამედ უჩა მამაცაშვილის სიძე იური ნოზაძე, რომელიც „ფიზკულტურის სპეციალისტია,“ მაგრამ მინისტრის მოადგილის პოსტი უჭირავს.

სამეგრელოში ბევრი ოჯახი თხილის გაყიდვით ირჩენს თავს, მაგრამ წელს მოსავალი თითქმის განახევრებულია, მიზეზი მცენარის დაავადებებია, რომლებიც ძალიან სწრაფად ვრცელდება და თუ ხეების შეწამვლა დროულად არ მოხდა, შესაძლოა მომავალ წელს ფერმერები საერთოდ მოსავლის გარეშე დარჩნენ.

საოკუპაციო ზოლის გასწვრივ ადამიანებს მუდმივი საშიშროების ქვეშ უწევთ ცხოვრება - რუსეთის მიერ გავლებული ე.წ. საზღვარი პირდაპირ მათ ეზოებზე გადის.

ზუგდიდში აფხაზეთიდან დევნილები რამდენიმე კორპუსში, გაუსაძლის ვითარებაში ცხოვრობენ. ისინი რუსთავი 2-ის ჟურნალისტებთან ყვებიან, რომ საცხოვრებელ სახლში წყალი ჩამოდის, შენობაში არ არის საპირფარეშო და დასალევი წყალი. 

ზუგდიდში თავისუფალი დემოკრატების მაჟორიტარობის კანდიდატი, ირაკლი ჩიქოვანი, ამბობს, რომ დევნილებისთვის სახელბის გადაცემა კორუფციით და ნეპოტიზმით ხდება. ჩიქოვანი ამბობს, რომ ამის ბევრი მაგალითი არსებობს. ასევე თავისუფალი დემოკრატების ერთ-ერთი ლიდერი აცხადებს, რომ დევნილთა საცხოვრებელი კორპუსების მშენებლობისთვის გამოყოფილი თანხები იფლანგება. 

სამეგრელოში მცხოვრები სოციალურად დაუცველები დახმარების მოხსნას აპროტესტებენ და ხელისუფლებას აკრიტიკებენ. ხობის მკვიდრი მესამე ჯგუფის ინვალიდი და მარტოხელა ელისო ფარულავა დახმარებას ითხოვს.

ნაციონალური მოძრაობის საარჩევნო სიის მეორე ნომერი, სანდრა რულოვსი, ამბობს, რომ სოციალური დახმარებები პოლიტიკური ინსტრუმენტი გახდა, რომლითაც ხელისუფლება მანიპულირებს. რულოვსი ამბობს, რომ განახევრებულია სოციალური დახმარება, ხოლო ადამიანთა დიდ რაოდენობას დახმარება საერთოდ მოუხსნეს, ხშირად პოლიტიკური ნიშნით. 

ცნობილი საქსაფონისტი ქენდი დალფერი ნოემბრის დასაწყისში, თბილისის ჯაზ ფესტივალის სტუმარი იქნება.

გაეროს გენერალური ასამბლეის 71-ე სესიის ფარგლებში, საქართველოს დელეგაციამ ამერიკაში შეხვედრები უკვე დაიწყო. დღეს დილით, საქართველოს პრემიერმინისტრი სლოვაკეთის პრეზიდენტს შეხვდა.

44 წლის მამაკაცის ცხედარი ქუთაისში, ბაგრატის ქუჩაზე ადგილობრივებმა ნახეს. თვითმხილველების ინფორმაციით, მამაკაცს სხეულზე მრავლობითი დაზიანებები ჰქონდა.

გადადგეს არალეგალური რექტორი - 6 თვიანი პაუზის შემდეგ ტექნიკური უნივერსიტეტში პროტესტი ამ სახელწოდებით განახლდა.

აუდიტის სამსახურმა პოლიტიკური პარტიების რამდენიმე შემომწირველი დააჯარიმა. როგორც დღეს გახდა ცნობილი დაჯარიმებული პირებიდან, 4 პაატა ბურჭულაძე - სახელმწიფო ხალხისთვის შემომწირველები იყვნენ. ბურჭულაძის თანაგუნდელები ამბობენ, რომ მათთვის მიზეზები გაუგებარია. ისინი მიღებულ გადაწყვეტილებას ასაჩივრებენ. 

ბიძინა ივანიშვილის მორიგი შეტევა ოპოზიციაზე - ყოფილმა პრემიერმა რეგიონებში მიმდინარე შეხვედრებზე ჟურნალისტებთან შეხვედრა წინა ხელისუფლების შესახებ მონოლოგით დაიწყო. ივანიშვილი დღეს ქართული ოცნების ხელისუფლებაში მოსვლის შემდეგ, ოპოზიციური პარტიების კრიტიკის მიზეზების ახსნასაც შეეცადა.

2014 წელს დაღუპული სპეცრაზმელის მეუღლე დარწმუნებულია, რომ ზვიად ლაგვილავა მოკლეს. გარდაცვალების ოფიციალური ვერსიის - უბედური შემთხვევის ოჯახის წევრებს არ სჯერათ. მათ ეჭვს ისიც ამყარებს, რომ 2007 წლის კოდორის სპეცოპერაციის მონაწილე სხვა 6 სპეცრაზმელიც იმ დროისთვის გარდაცვლილია.

ყაზბეგის გამზირზე მოჭრილი ხეების საქმეს უკვე ერთი თვეა პროკურატურა იძიებს, თუმცა ამ დრომდე არც მოკვლევის შედეგებია ცნობილი და არც ერთი კონკრეტული პირი არ გამოვლენილა, ვინც შესაძლოა პასუხისმგებელი იყოს თბილისის ცენტრში გაჩეხილ ნარგავებზე.

The Georgian Dream accuses the UNM of organizing a provocation in the office of the Georgian Dream. As reported armed persons entered the Georgian Dream`s candidate`s office.

ქართული ოცნება ნაციონალურ მოძრაობას ლევან გოგიჩაიშვილის შტაბში დაგეგმილ პროვოკაციაში ადანაშაულებს. საუბარია შეიარაღებულ პირებზე, რომელიც მაჟორიტარი დეპუტატობის კანდიდატის ოფისში შევიდნენ.

IDFI-ს მიერ დღეს გამოქვეყნებული კვლევის შედეგებს ცოტა ხნის წინ რუსთავი 2-ის იურისტი, დიმიტრი საძაგლიშვილი გამოეხმაურა. მას მიაჩნია, რომ კვლევით კიდევ ერთხელ დადასტურდა კონკრეტული მოსამართლეების თანამდებობისთვის შეუფერებელი საქციელი, რაც საკონსტიტუციო სასამართლოს უშლის მუშაობაში ხელს. 

Several members have left Paata Burchuladze`s party . The former chairman of the youth wing of the party and his colleagues named as the reason for leaving the party the deal that Paata Burchuladze had struck with other parties.

პარტია პაატა ბურჭულაძე - სახელმწიფო ხალხისთვის დღეს კიდევ რამდენიმე წევრმა დატოვა. ახალგაზრდული ფრთის ყოფილმა თავმჯდომარემ და მისმა თანამოაზრეებმა პარტიის დატოვების მიზეზად სხვა პოლიტიკურ ძალებთან პაატა ბურჭულაძის გარიგება დაასახელეს. 

ბათუმის შემოვლითი გზის მშენებლობის გამო განსახლების არეალში, სოფელ განთიადში მცხოვრები რამდენიმე ოჯახი მოექცა. მათ ეზოში ბათუმის შემოვლითმა გზამ უნდა გაიაროს.

ნიუ-იორკსა და ნიუ-ჯერსიში მომხდარ აფეთქებებში ეჭვმიტანილი პირი დაკავებულია. ინფორმაციას ამის შესახებ ამერიკული მედია ავრცელებს. მათი ინფორმაციით სპეცოპერაციის შედეგად დაკავებულია საშუალო ასაკის მამაკაცი, აჰმედ რაჰამი. მისი დაკავება ცოტა ხნის წინ ნიუ-ჯერსიში მოხდა, სადაც სპეცოპერაცია ამ დრომდე მიმდინარეობს.

"There is complete impunity, sstarting from Kortskheli incident," -stated the United National Movement candidate , Giorgi Tugushi in connection with staged provocation made that too place this morning at the headquarters of the Georgian Dream . George Tugushi holds government responsible and demands timely investigation.

„არის სრული დაუსჯელობა, კორცხელიდან მოყოლებული,“ - ეს განცხადება ნაციონალური მოძრაობის წევრმა გიორგი ტუღუშმა დღეს, გამთენიისას, ცეცხლსასროლი იარაღით, ქართული ოცნების საარჩევნო შტაბში მოწყობილ პროვოკაციასთან დაკავშირებით გააკეთა. გიორგი ტუღუში პასუხისმგებლობას ხელისუფლებას აკისრებს და მის დროულ გამოძიებას ითხოვს.