Новости за 18.09.2016

რუსეთში ჩატარებული საპარლამენტო არჩევნების ეგზიტპოლების შედეგები უკვე ცნობილია, რომლის თანახმად მმართველი პარტია ედინაია რასია ლიდერობს.

რატომ ხდება, რომ ქართულ პოლიტიკაში ძალიან ცოტა ქალია? ეს შეუსაბამობა კიდევ ერთხელ გამოჩნდა პოლიტიკური პარტიების საარჩევნო სიების გამოქვეყნების შემდეგ. რამდენიმე პოლიტიკურ მოძრაობას ე.წ. გამსვლელ სიაში საერთოდ არ ჰყავს ქალი.

განსაკუთრებული სისასტიკით ჩადენილი დანაშაული - სიღნაღში, 58 წლის ელიზა გელაშვილის ოჯახის წევრები ქალბატონის გაუპატიურებასა და სისასტიკით ჩადენილ მკვლელობაში ბრალდებული პირების დასჯას ითხოვენ.

60 ათას სტუდენტზე გათვლილი უნივერსიტეტი - ყოფილი პრემიერის მორიგი საარჩევნო დაპირება ქუთაისში, მილიარდიანი ტექნოლოგიური უნივერსიტეტის მოწყობაა.

სასმელი წყლისა და გზის გარეშე 50 ოჯახი გლდანში - მივიწყებული დასახლების შესასვლელები სამშენებლო ნაგვითაა სავსე.

რამდენიმე დღის წინ კიდევ ერთი უკანონოდ მოპოვებული ჩანაწერი გავრცელდა, ჯერ სოციალური მედიით, შემდეგ კი ქართული სააგენტოებისა და ტელევიზიების მიერ. ჩანაწერი პაატა ბურჭულაძისა და რუსთავი 2-ის გენერალური დირექტორის საუბრის ნაწილს მოიცავდა. გვარამია და ბურჭულაძე ამბობენ, რომ ჩანაწერი ავთენტურია, თუმცა დამონტაჟებული. 

საქართველოს ყოფილი პრემიერმინისტრი ბიძინა ივანიშვილი რეგიონებში შეხვედრებს აგრძელებს. გასული კვირების მსგავსად ივანიშვილმა კიდევ ორი შეხვედრა გამართა რეგიონულ ჟურნალისტებთან. მთავარი სასაუბრო თემა და კრიტიკის ობიექტი კვლავ ნაციონალური მოძრაობა იყო, თუმცა არამხოლოდ. 

ნიუ-იორკში მომხდარ აფეთქებას ტერორისტული აქტის კვალიფიკაცია მიენიჭა. განცხადება ცოტა ხნის წინ შტატის გუბერნატორმა გააკეთა და აღნიშნა, რომ დამნაშავე აუცილებლად დაისჯება. 

მთაწმინდის მაჟორიტარობის დამოუკიდებელი კანდიდატი სალომე ზურაბიშვილი დღეს სომხურ კულტურულ ცენტრში მოსახლეობას შეხვდა.

ნინო ბურჯანაძე - დემოკრატიული მოძრაობა მთაწმინდის ამომრჩეველს შეხვდა. მაჟორიტარობის დეპუტატი მთაწმინდის ოლქში - გიგლა ბარამიძე, პარტიის ლიდერთან ნინო ბურჯანაძესთან ერთად მოსახლეობის პრობლემებს გაეცნო.

თავისუფალი დემოკრატების ზუგდიდის მაჟორიტარობის კანდიდატი ხელისუფლებას ადგილობრივების პრობლემებით დაინტერესებას სთხოვს. ირაკლი ჩიქოვანმა დღეს ბრიფინგი გამართა და მედიას საარჩევნო შეხვედრებზე მოსახლეობის მიერ დასახელებული პრობლემები გააცნო. მისი განმარტებით, სამეგრელოში არსებული თხილის პლანტაციების გადასარჩენად სოფლის მეურნეობის სასწრაფო რეაგირებაა საჭირო.

თბილისის სახელმწიფო უნივერსიტეტის პროფესორი, მწერალი და პუბლიცისტი ნოდარ ტაბიძე 86 წლის ასაკში გარდაიცვალა.

ანექსირებულ ყირიმსა და სევასტოპოლში საარჩევნო უბნების გახსნას კიევში საპროტესტო აქცია მოჰყვა.

ორი თვეა მარტვილის რაიონის 21 სოფლის გამგებლები პოზიციებზე აღდგენას ითხოვენ. სამი ინსტანციის გადაწყვეტილების მიუხედავად პროცესი ჭიანურდება, რასაც გათავისუფლებული გამგებლები მმართველი პარტიის პოლიტიკურ ინტერესებს უკავშირებენ და სოფლების მოქმედი ხელისუფლების წინასაარჩევნო პროცესებში ჩართულობაზე საუბრობენ.

დავით უსუფაშვილი ამომრჩეველს ბაღდათში შეხვდა და რესპუბლიკური პარტიის ბაღდათი -ხარაგაულის მაჟორიტარობის კანდიდატის ნოდარ ებანოიძის მხარდაჭერისკენ მოუწოდა.

პარტია ქართული ოცნების გენერალურმა მდივანმა, კახა კალაძემ ზუგდიდის მუნიციპალიტეტის სოფელ ცაცხვში, მოსახლეობასთან შეხვედრა გამართა. ვიცეპრემიერმა ქვეყანაში აზრის თავისუფბის მნიშვნელობაზე ისაუბრა. 

ბათუმის 68-ე ოლქიდან ქართული ოცნების მაჟორიტარობის კანდიდატი ფატი ხალვაში ადგილობრივებს შეხვდა. პოლიტიკოსი მოსახლეობის პრობლემებს ადგილზე გაეცნო და გამარჯვების შემთხვევაში განსახორციელებელ გეგმებზე ისაუბრა. კანდიდატთან ერთად ამომრჩეველთან შეხვედრაზე იმყოფებოდა პარლამენტის ადამიანის უფლებათა კომიტეტის თავმჯდომარე ეკა ბესელია.

ქართული ოცნება წინასაარჩევნო მემორანდუმის ტექსტზე კონსულტაციებს მართავს. მოლაპარაკებების შესახებ განცხადება დღეს პარტიის აღმასრულებელმა მდივანმა, ირაკლი კობახიძემ გააკეთა. კობახიძე ამბობს, რომ საბოლოო ტექსტი არ არსებობს და ის მხოლოდ მაშინ მიიღებს დასრულებულ სახეს, როცა სუბიექტები შეჯერდებიან. 

პაატა ბურჭულაძე გუნდთან ერთად ახალქალაქში იმყოფებოდა. ადგილობრივ მოსახლეობას პარტიის მაჟორიტარობის კანდიდატმა შაქრო აივაზიანმა მიმართა და გაერთიანების ეკონომიკური და სოციალური პროგრამა გააცნო.  

ნაციონალური მოძრაობის ბრალდებებს უპასუხეს რუსთავის მერიაში. ქალაქის თვითმმარველობაში ოპოზიციის მიერ გავრცელებულ ინფორმაციას კატეგორიულად უარყოფენ.

ცოტა ხნისწ ინ ბარსელონაში მომხდარ აფეთქებას მსხვერპლი მოჰყვა. როგორც Independent იუწყება ამ დროისთვის არსებული მონაცემებით დაღუპულია 1 და დაშავებულია 14 ადამიანი. 2 დაშავებულის ჯანმრთელობის მდგომარეობა მძიმეა. ადგილობრივი მედიის ცნობით, გარდაცვლილია საშუალო ხნის ქალბატონი, რომელიც შენობის მეორე სართულზე მდებარე ბინაში ცხოვრობდა.

მოქანდაკე მერაბ ბერძენიშვილის გარდაცვალების ფაქტს  გიორგი კვირიკაშვილი გამოეხმაურა. პრემიერი ამბობს, რომ ბერძენიშვილის დაკრძალვის ხარჯებს სახელმწიფო დაფარავს. 

ოკუპირებულ ტერიტორიებზე დუმის არჩევნების ჩატარებას საქართველოს საგარეო საქმეთა სამინისტრო წერილობით გამოეხმაურა და ანექსიურ პოლიტიკად შეაფასა.

ეროვნული ფორუმის ლიდერები თბილისში დევნილებს შეხვდნენ. ავჭალაში შეკრებილ იძულებით გადაადგილებული ადამიანების პრობლემები გუბაზ სანიკიძემ და კახა შარტავამ მოისმინეს და ადგილობრივებს მუხიანი-გლდანის ოლქის მაჟორიტარად დავით დარახველიძის მხარდაჭერისკენ მოუწოდეს.

ინაშვილი გაერთიანებული ოპოზიცია ქართული ოცნების მაჟორიტარობის კანდიდატს ამომრჩევლის მოსყიდვაში ადანაშაულებს.