Новости за 24.09.2016

არასამთავრობო ორგანიზაცია საქართველოს დემოკრატიული ინიციატივას თავმჯდომარე, გიორგი მშვენიერაძე, საერთო სასამართლოებში არსებულ კლანურ მმართველობაზე საუბრისას აცხადებს, რომ ამ მიმართულებით დიდი წვლილი შეიტანა ყოფილმა პრემიერმა, ბიძინა ივანიშვილმა, რომელმაც ღიად გამოუცხადა მხარდაჭერა ლევან მურუსიძეს. 

თავისუფალი დემოკრატების წევრი და ე.წ. კაბელების საქმის ადვოკატი, ლევან სამუშია, საერთო სასამართლოებში კლანური მმართველობის შესახებ შაბათის კურიერის პირდაპირ ეთერში საუბრობს და ამბობს, რომ მათი პარტიის წევრები სასამართლო სისტემაში არსებულ ვითარებაზე დიდი ხანია, საუბრობენ.

 ნაციონალური მოძრაობის წევრმა და ადვოკატმა, ბექა ბასილაიამ, შაბათის კურიერის პირდაპირ ეთერში სასამართლო სისტემაში არსებულ ვითრებაზე ისაუბრა.

სასამართლოს კლანური მმართველობა, მოსყიდული მოსამართლეები და ხელისუფლებასთან დაკავშირებული ბიზნესინტერესების გამტარებლები - თბილისის საქალაქო სასამართლოს ყოფილი თავმჯდომარე, მამუკა ახვლედიანი, კოლეგებს მძიმე დანაშაულში სდებს ბრალს და მალე კონკრეტული ფაქტების დასახელებასაც აპირებს.

„ჩვენ გვესმის სასოწარკვეთილებაში ჩავარდნილი ადამიანის ისტერიკა, რომელიც მიხვდა, რომ მისი პოლიტიკური პროექტი ჩაიფუშა და ის ძალაუფლებას კარგავს იმიტომ, რომ მისი მმართველობის 4 წელი დასრულდა იმით, რომ ჩვენს ქვეყანაში ადამიანი ბევრად უარესად ცხოვრობენ, ვიდრე ადრე, თუმცა ის ამას არ აღიარებს,“ - ამის შესახებ ნაციონალური მოძრაობის წევრმა, სალომე სამადაშვილმა, შაბათის კურიერის პირდაპირ ეთერში განაცხადა.

თავისუფალი დემოკრატების ერთ-ერთი ლიდერი, ნინო გოგუაძე, ყოფილი პრემიერის რეგიონებში ჟურნალისტებთან შეხვედრებისას მისი მხრიდან ოპონენტების მიმართ გამოთქმულ პრეტენზიებს „უცნაურს“ უწოდებს.

"მძიმეა ის, რომ ადამიანი, რომელიც რეალურად ქვეყანას მართავს, ასეთ მდგომარეობაშია, ასეა წყობიდან გამოსული. მისთვის რთული გადასატანი აღმოჩნდა, რომ ვიღაცამ უთხრა "არა". ტრაგედიაა ის, რომ ადამიანი, რომელიც რეალურად ქვეყნის მმართველია, ასეთ მდგომარეობაშია, ასეთი ტერმინოლოგიით მეტყველებს," - ამის შესახებ თინა ხიდაშელმა შაბათის კურიერის ეთერში ბიძინა ივანიშვილის შესახებ ისაუბრა. 

რომან გოცირიძემ ნაციონალური მოძრაობისა და ქართული ოცნების ეკონომიკური პროგრამების შედარებით ანალიზზე შაბათის კურიერის პირდაპირ ეთერში ისაუბრა.

თავისუფალი დემოკრატების წევრი, ნათია კუტივაძე, დღევანდელი ეკონომიკური ფორუმის შეფასებებისას აცხადებს, რომ "ამ შეხვედრაზე რეალური დისკუსია არ ყოფილა", თუმცა პარტიაში მიიჩნევენ, რომ ფორუმს აუცილებლად უნდა დასწრებოდნენ.

ქართული ოცნების ეკონომიკურ საარჩევნო პროგრამას ნაციონალური მოძრაობის სიის პირველი ხუთეულის წევრი, რომან გოცირიძე, "არარეალისტურს" უწოდებს და მართველ გუნდს "ცრუ დაპირებების გაცემაში" ადანაშაულებს.

პაატა ბურჭულაძის ბლოკის წევრი, ზურაბ ჯაფარიძე, დღევანდელი ეკონომიკურ ფორუმის ფორმატს "არასწორსა" და "სრულიად გაუმართლებელს" უწოდებს.

ენმ-ის წარმომადგენელი, რომან გოცირიძე, ეკონომიკურ ფორუმზე ბიძინა ივანიშვილის განცხადებებს ბიზნესზე ზეწოლად და შეურაცხყოფად აფასებს.

ბიძინა ივანიშვილმა ბიზნესსექტორს ქართული ოცნების სასარგებლოდ აგიტაცია დღეს ღიად მოსთხოვა. ყოფილმა პრემიერმა ფორუმის მონაწილეები გაკრიტიკა და 2012 წლამდე პერიოდი შეახსენა და ღიად განუცხადა, რომ არა ბიძინა ივანიშვილი, არავინ იცის, დღეს სად იქნებოდნენ.

რუსთავი 2-ის ეთერიდან მოხსნილი საარჩევნო რგოლის შინაარსის შესწავლას, პრეზიდენტის საპარლამენტო მდივანი, ცენტრალურ საარჩევნო კომისიას სთხოვს. საგანგებო განცხადება ანა დოლიძემ მას შემდეგ გააკეთა, რაც პატრიოტთა ალიანსის ვიდეორგოლი, ქსენოფობიური განცხადებების გამო, რუსთავი 2-მა სატელევიზო ბადიდან ამოიღო.

თურქეთი საქართველოსთვის ერთ-ერთი ყველაზე მნიშვნელოვან სტრატეგიული პარტნიორად ექსპერტები ერთხმად ასახელებენ. მათი თქმით მსოფლიოს ერთ-ერთი უდიდესი ეკონომიკის მქონე მეზობელი ჩვენთვის საციცოცხლოდ მნიშვნელოვანია. ამას მოწმობს საქართველოს ეკონომიკის სამინისტროს მონაცემებიც, რომლის მიხედვითაც ქვეყნის სავაჭრო პარტნიორებს შორის თურქეთი პირველია.

ორი ჩაშლილი პროცესისა და თვენახევრიანი ლოდინის შემდეგ, კაბელებისა და გიგი უგულავას გაერთიანებულ საქმეზე საკონსტიტუციო სასამართლოს დასკვნითი სხდომა გაიმართა. პლენუმი, სრული შემადგენლობით შეიკრიბა, მხარეთა საბოლოო სიტყვები მოისმინა და სათათბიროდ გავიდა.

კუმისის მოსახლეობა ხელისუფლებას ცენტრალურ გზაზე ავარიული სიტუაციების პრევენციას სთხოვს.

ეროვნული ფორუმის ლიდერები გორის რაიონში ამომრჩეველს შეხვდნენ. სოფელ კარალეთში შეკრებილ მოსახლეობას პოლიტიკოსებმა პარტიის საარჩევნო პროგრამა გააცნეს და მაჟორიტარობის კანდიდატები წარუდგინეს.

თავისუფალი დემოკრატების საბურთალოს მე-4 ოლქის მაჟორიტარობის კანდიდატი დღეს აფხაზეთიდან დევნილ მოსახლეობას შეხვდა.

ნაციონალური მოძრაობის გლდანის მაჟორიტარობის კანდიდატი, გიორგი ბარამიძე, ამომრჩეველს შეხვდა. პოლიტიკოსმა მოსახლეობას საარჩევნო პროგრამა გააცნო და მათ პრობლემებს გაეცნო.

დემოკრატიული მოძრაობის ლიდერი, ნინო ბურჯანაძე, ამომრჩეველს აჭარის რეგიონში შეხვდა. ქვეყნის სტაბილურობა, სოციალური პროგრამები და ეკონომიკის გაძლიერება, ეს ის პრიორიტეტებია, რასაც პარტია გამარჯვების შემთხვევაში გეგმავს.

პრემიერ-მინისტრი თელავში რთველი2016-ის საკოორდინაციო შტაბში იმყოფებოდა. გიორგი კვირიკაშვილმა რთველის მიმდინარეობის შესახებ ინფორმაცია სოფლის მეურნეობის მინისტრისა და შტაბის ხელმძღვანელისგან მოისმინა.

რუსთავი2-ის ეთერიდან მოხსნილი  პატრიოტთა ალიანსის საარჩევნო რგოლის საკითხი ცენტრალურმა საარჩევნო კომისიამ უნდა განიხილოს.

300 არაგველის სულის მოსახსენიებელი პარაკლისი გადაიხადეს წმ ნიკოლოზის სახელობის ტაძართან თბილისში.

გიორგი კვირიკაშვილმა დედოფლისწყაროელებს ქართული ოცნების მაჟორიტარი დეპუტატობის კანდიდატი, ირაკლი შიოლაშვილი, წარუდგინა.