Новости за 31.08.2015

პრეზიდენტის მიერ „ეროვნული ბანკის შესახებ“ კანონპროექტზე დადებული ვეტოს დაძლევის თაობაზე იმსჯელებენ დღეს ფრაქციის ფორმატში „ქართული ოცნება-დემოკრატიული საქართველო“- ს წევრები.

საზაფხულო არდადეგების შემდეგ პარლამენტი დღეს მუშაობას ბიუროს სხდომით განაახლებს.

დღეს პირველკლასელთა დამატებითი რეგისტრაცია იწყება. პროცესი მხოლოდ ორი დღე გასტანს.

"მე მინდა, ვისურვო, რომ ყველა ტელეკომპანიამ დამოუკიდებლად გადაწყვიტოს თავისი პოლიტიკა," - ასე აფასებს დავით უსუფაშვილი მედიაში პოლიტიკური თოქშოუების დახურვის ფაქტებს.

არეულობა კიევის ცენტრში. მიზეზი საკონსტიტუციო ცვლილება გახდა, რომელიც დონბასში ადგილობრივი თვითმმართველობებისთვის უფლებამოსილების გაზრდას ითალისწინებს.

ავტოსაგზაო შემთხვევისას თბილისში 5 ადამიანი დაშავდა. შემთხვევა დღეს, საღამოს მუხიანში მოხდა.

საარჩევნო სისტემის ცვლილებასთან დაკავშირებით ოპოზიციის მოთხოვნას მთავრობაში არ იზიარებენ.

2015 წლის 10-15 სექტემბერს ბათუმში საერთაშორისო მუსიკალური ფესტივალი გაიმართება.

სენაკის საკრებულო ახალი თავმჯდომარის ასარჩევად ემზადება. მმართველმა კოალიციამ დღეს ხვიჩა ჯიშკარიანი თანამდებობიდან გადააყენა.

დახურული შეხვედრა გურიის სამხარო ადმინისტრაციაში. გუბერნატორის მოადგილე ადგილობრივი ფეხბურთისს წევრებს, სუს-ის წარმომადგენელთან ერთად, 3 საათზე მეტ ხანს ხვდებოდა.

პოლიტიკური გადაწყვეტილება, რომელიც ტელეკომპანია იმედის მფლობელებსა და მენეჯმენტს მიაღებინეს, - ინგა გრიგოლიას ამ განცხადების საპასუხოდ დამატებითი განმარტებები იმედის ყველაზე რეიტინგული თოქშოუების დახურვასთან დაკავშირებით არხის ხელმძღვანელობას ამ დრომდე არ გაუკეთებია.

ახალგორთან დამაკავშირებელი გზაზე მოსახლეობა უკვე ერთი დღეა, აღარ გადაადგილდება. საოკუპაციო ძალებმა ახალგორის მაცხოვრებლებს საქართველოს კონტროლირებად ტერიტორიაზე გადასვლა გუშინ 2 დღით აუკრძალეს.

შეუძლებელია, საქართველოს რამდენიმე ტაძარი თავის პირვანდელ მდგომარეობას დაუბრუნდეს. კულტურული მემკვიდრეობის სტატუსის მქონე ძეგლების დაზიანება სხვადასხვა დროს სასულიერო და საერო პირების ხელოვნურმა ჩარევამ გამოიწვია.

გამარჯვების შემთხვევაში საგარეჯოში თინა ხიდაშელს თამარ ხიდაშელი შეცვლის. ახალგაზრდა იურისტთა ასოციაციის ყოფილი თავმჯდომარე  - საგარეჯოში და სოსო დანელია - მარტვილში კანდიდატებად ოფიციალურად დღეს პრემიერმა დაასახელა.

კონსტიტუციური ცვლილებების პროექტის და "საარჩევნო კოდექსის" რეფორმირების საკითხების ინიცირება პარლამენტში 2 დღეში იგეგმება.

საბრძოლო იარაღი მწვანე ტბაში ფლორა-ფაუნის შესასწავლად ჩასულმა ქართველმა მყვინთავებმა შემთხვევით აღმოაჩინეს.

ხვალ ნიქოზის ანიმაციური ფილმების ფესტივალი უკვე მეხუთედ გაიხსნება.

ცხინვალის მოსაზღვრე სოფელში დაარსებულ ფესტივალს ამჯერად მსოფლიოს გამოჩენილი ანიმატორები და ანიმაციის ცნობილი სკოლის წარმომადგენლები გერმანიიდან, საფრანგეთიდან, იტალიიდან, კანადიდან, ბელორუსიიდან, პოლონეთიდან და რუსეთიდან ესტუმრებიან.

ფესტივალმა, მიუხედავად ხანმოკლე ისტორიისა, საერთაშორისო აღიარების მოპოვება უკვე შეძლო.

დიდი ოდენობით ნარკოტიკული საშუალების უკანონო შეძენა-შენახვის და საქართველოში უკანონოდ შემოტანის ბრალდებით, სარფის საბაჟო გამშვებ პუნქტში 1990 წელს დაბადებული მამაკაცი დააკავეს.

ჩრდილო კორეის სახელმწიფო მედიამ მასშტაბური სამხედრო წვრთნის ამსახველი ახალი ვიდეომასალა გაავრცელა.

ხულოში, მწვანე ტბის ფსკერზე, ყუმბარმტყორცნები აღმოაჩინეს. იარაღის არსენალი ფლორა-ფაუნის ასევე, ეკოლოგიური მდგომარეობისა და ტურისტული პოტენციალის შესასწავლად ასულმა მყვინთავების ჯგუფმა აღმოაჩინა.

"მე ჩარევების წინააღმდეგი ვარ," - ასე ეხმაურება ფეხბურთელი ლევან კობიაშვილი გურიაში გამართულ შეხვედრას, სადაც გურიის გუბერნატორის მოადგილესა და ადგილობრივი ფეხბურთის ფედერაციის წევრებს შორის გამართულ შეხვედრას სუს-ის წარმომადგენელი ესწრებოდა. 

The Parliament will discuss overcoming  President"s veto on the law on the National Bank  on Wednesday.

ზუგდიდში ცეცხლსასროლი ჭრილობისგან გარდაცვლილი რუზგენ ჩუხუას ოჯახი პოლიციის სამმართველოს უფროსს თვითმკვლელობამდე მიყვანაში ადანაშაულებს.

პარლამენტი, სავარაუდოდ,  ოთხშაბათს "ეროვნული ბანკის შესახებ" პრეზიდენტის ვეტოს დაძლევაზე იმსჯელებს.

გურიაში გუბერნატორის მოადგილესა და ადგილობრივი ფეხბურთის ფედერაციის წევრებს შორის გამართულ შეხვედრას, რომელსაც სახელმწიფო უსაფრთხოების სამსახურის წარმომადგენელიც ესწრებოდა, რევაზ არველაძე ეხმაურება.