Новости за 17.08.2015

თბილისის საქალაქო სასამართლოს „რუსთავი 2“ დღეს შუამდგომლობით მიმართავს.

ერთი ადამიანი ემსხვერპლა ავტოსაგზაო შემთხვევას ოზურგეთში. ავარია ნატანები-ოზურგეთი-ურეკის ავტომაგისტრალის გურიანთის მონაკვეთზე მოხდა.

დაბინძურებული ტერიტორია სოფელ კრწანისის მიმდებარედ დღეს შეწამლეს. სურსათის ეროვნული სააგენტოს წარმომადგენებმა თხუთმეტი ძროხის ნარჩენები მიწაში დამარხეს. სააგენტოს წარმომადგენლები სოფელ კრწანიში მას შედეგ ჩავიდნენ, რაც კურიერში უკანონო სასაკლაოს შესახებ სიუჟეტი გავიდა. სააგენტოს ქვემო ქართლის წარმომადგენელი ვარაუდობს, რომ საქონელი ჯერ მოიპარეს, მოგვანებით კი სასაკლაოს გვერდის ავლით დაკლეს და რეალიზაცია მოახდინეს. 

ვახვახიშვილების სასახლე, იყალთო, გრემი, – ეს ის ისტორიული ძეგლებია კახეთში, რომელიც რამდენიმე წლის წინ აღდგა, თუმცა 3 წელიწადში მოუვლელობამ თავიდან სარეაბილიტაციო გახადა.

კორტების სპეცოპერაცაში მონაწილე 7 სპეცრაზმელი მოსმართლემ დარბაზიდან გაათავსუფლა. ბრალდებულების თავდები პირები შინაგან საქმეთა სამინისტროს განსაკუთრებულ და საგაგნგებო დავალებათა სამმართველოს მოქმედი ხელმძღვანელები იყვნენ.

ნიუ–იორკში საქართველოდან 2 დელეგაცია მიდის. პრეზიდენტმა უკვე ოფიციალური დასტური გაუგზავნა დარია გრიბაუსკაიტეს, რომლის მიწვვვითაც მარგველაშვილი, ლიტვის პრეზიდენტის მიერ დაგეგმილ ღონისძიებაზე მიემგზავრება. პრეზიდენტის ადმინისტრაცია დეტალურ ინფორმაციას 2 დღეში გამოაქვეყნებს. კიდევ ერთი დელეგაცია ირაკლი ღარიბაშვილის ხელმძღვანლობით, გაეროს გენერალური ასამბლეის 70-ე სესიაზე დასასწრებად ემზადება. პრემიერმინისტრს უკვე მზად აქვს სიტყვა, რომლითაც ის გაეროს წევრი ქვეყნების წარმომადგენლებს მიმართავს.

საერთაშორისო ორგანიზაციების წარმომადგენლები ამერიკის საელჩოს მიერ რუსთავი 2-თან დაკავშირებით გაკეთებულ განცხადებას დადებითად აფასებენ და ამბობენ, რომ ასეთი მაღალი ინტერესი აშშ მხრიდან მიუთითებს იმას, რომ საქმე არ გვაქვს კერძო დავასთან. ამის შესახებ კურიერთან სამართლიანი არჩევნების ხელმძღვანელმა ნინო ლომჯარიამ განაცხადა.

ხვალ რუსთავი 2 სამი სახის შუამდგომლობით  სასამართლოს მიმართავს და მოითხოვს მოსამართლე ურთმელიძის აცილებას, საქმის ზეპირ განხილვასა და საქმის კოლეგიალური შემადგენლობით ანუ სამი მოსამართლით განხილვას. ამის შესახებ დღეს კიდევ ერთხელ საუბრობს რუსთავი 2-ის იურისტი თამთა მურადაშვილი.

სტატისტიკურ მონაცემებში არ არის ასახული რა გავლენა იქონია ლარის გაუფასურებამ მოსახლეობაზე. ჯერჯერობით ეროვნულ ვალუტას ვერც ტურისტულმა სეზონმა უშველა და ხელისუფლების ვარაუდებიც არ მართლდება – ანუ ლარი ვარდნას განგრძობს, თუმცა მმართველი გუნდი მთავრობის შეცდომებს არ აღიარებს და სავალუტო კრიზისში მხოლოდ ეროვნულ ბანკს ადანაშაულებს. საფინანსო-საბიუჯეტო კომიტეტის თავმჯდომარე უკვე ბიძინა ივანიშვილსაც აკრიტიკებს იმის გამო, რომ თავის დროზე მან ქადაგიძე არ დაიჭირა.

საქართველოს სტატისტიკის ეროვნულმა სამსახურმა დღეს ახალი კვლევა გამოაქვეყნა, რომლის მიხედვითაც საარსებო მინიმუმი შემცირდა. ახალი სტატისტიკის თანახმად 1 სულიანი ოჯახისთვის საკმარისია 137 ლარი. ორსულიანმა ოჯახმა თვეში 220 ლარი უნდა დახარჯოს. სამსულიანისთვის - 248 ლარია გაწერილი, ხოლო ოთხსულიანმა ოჯახმა 275 ლარით უნდა იცხოვროს.

პურის ფასის მოსალოდნელი ზრდის შესახებ პურის მწარმოებელი ერთ-ერთი ყველაზე მსხვილი კომპანია იფქლი საუბრობს. კომპანიაში აცხადებენ, რომ თუ ქვეყანაში ფქვილის შემოტანის ალტერნატიული წყაროები არ გაჩნდა, პურის ყველა სახეობაზე 10 თეთრიანი მატება გარდაუვალია.

The owners of 91% shares of Rustavi 2 Broadcasting Company, Giorgi Karamanishvili, Levan Karamanishvili and TV company Georgia LLC have issued the following statement:

სამაუწყებლო კომპანია რუსთავი 2-ის 91%-იანი წილის მფლობელები, გიორგი ყარამანიშვილი, ლევან ყარამანიშვილი და შ.პ.ს. ტელეკომანია საქართველო განცხადებას ავრცელებენ, რომელსაც უცვლელად გთავაზობთ:

The scandal around the Dinamo Tbilisi. Former members of the Supervisory Board of the club demand to return Dinamo back. They have already prepared a lawsuit, which was filed in the Supreme Court. We are talking about 2007 developments around Dinamo .

სკანდალი თბილისის დინამოს გარშემო. კლუბის სამეთვალყურეო საბჭოს ყოფილი წევრები დინამოს დაბრუნებას ითხოვენ. მათ უკვე მოამზადეს სარჩელი, რომელიც უზენაეს სასამართლოში შეიტანეს. საუბარია 2007 წელს თბილისის დინამოს გარშემო განვითარებულ მოვლენებზე.

ძლიერი აფეთქება მოხდა ტაილანდის დედაქალაქში. ბანკოკის ცენტრში მდებარე ბუდისტურ ტაძართან მოტოციკლზე დამონტაჟებული ბომბი ამოქმედდა. ბოლო მონაცემით 12 ადამიანი დაიღუპა, 20-ზე მეტი კი მძიმედ დაიჭრა.

ვლადიმერ პუტინი ყირიმში ადგილობრივი ტურიზმის განვითარებას გეგმავს.

რუსეთის ლიდერი ანექსირებულ ნახევარკუნძულზე დღეს ჩავიდა და ადგილობრივი ხელისუფლების წარმომადგენლებთან შეხვედრა გამართა. მისი თქმით, ქვეყანაში არსებული ეკონომიკური სიტუაციისა და ვალუტის კურსის ცვლილების ფონზე საზღვარგარეთ დასვენება გაძვირდა, მაგრამ ორივე ფაქტორი დადებითად აისახა შიდა ტურიზმზე.

პუტინის თქმით დღეს ქვეყნის სხვადასხვა რეგიონში ჩასული ტურისტების რიცხვი 41 მილიონამდე გაიზარდა, უცხოელების რაოდენობა კი 16 პროცენტითაა მომატებული. Читать дальше...

საქართველოდან აშშ-ში ორი დელეგაციის გამგზავრების უარყოფით შედეგებზე საუბრობენ კონსტიტუციონალისტები. დავით ზედელაშვილი ამბობს, რომ პრეზიდენტისა და პრემიერის ერთობლივი ვიზიტი ქვეყნის იმიჯზე უარყოფითად იმოქმედებს და საერთაშორისო დონეზე საქართველოს პარტნიორებში დაბნეულობას შეიტანს.

ნაციონალურ მოძრაობაში პრემიერსა და პრეზიდენტს შორის არსებულ მორიგ გაუგებრობას აფასებენ და ამბობენ, რომ დღეს ქვეყნის მმართველ პირებს ამაზე საკამათო დრო არ უნდა ჰქონდეთ. აკაკი მინაშვილი ირაკლი ღარიბაშვილს აკრიტიკებს და მას "ყეყეჩ პრემიერს" უწოდებს.

MP Eliso Chapidze from the majority does not see any problems if both the President and Prime minister travel to the United States from Georgia; however, the MP believes that the Prime Minister should head the delegation and address the United Nations with a speech

უმრავლესობის წევრის დეპუტატ ელისო ჩაფიძესთვის პრობლემატური არაა თუკი აშშ-ში საქართველოდან პრემიერი და პრეზიდენტიც გაემგზავრება, თუმცა დეპუტატი მიიჩნევს, რომ ძირითად ღონისძიებებზე დელეგაციას პრემიერმა უნდა უხელმძღვანელოს და გაეროში სიტყვითაც ირაკლი ღარიბაშვილი უნდა გამოვიდეს.

The Ministry of Foreign Affairs is preparing the visit to the United Nations.

საგარეო საქმეთა სამინისტრო გაერო-ში ვიზიტს ამზადებს. 

„საგარეო საქმეთა სამინისტრო მუშაობს და გააკეთებს და მოიქცევა ისე, როგორი გადაწყვეტილებაც იქნება მიღებული უფრო მაღალ დონეზე,“ - განაცხადა საგარეო საქმეთა სამინისტროს სპიკერმა დავით კერესელიძემ.

გაერო-ში საქართველოს ელჩი კახა იმნაძე კი აცხადებს რომ გაერო-ში პრემიერი ჩავა და ის უხელმძღვანელებს საქართველოს დელეგაციას, თუმცა პრეზიდენტიც ჩავა აშშ-ში იმ ღონისძიებაში მონაწილეობის მისაღებად, რომელზეც ის ლიტვის პრეზიდენტმა დაპატიჟა.

The government of the US is watching court proceedings against Rustavi2. The  chargé d"affaires of the U.S Nicolas Berliner made an announcement in an interview with media.ge. He stated that "it is regrettable  that there is an impression that  media freedom in Georgia  is under the danger and media pluralism is violated."

რუსთავი 2-ის წინააღმდეგ მიმდინარე სასამართლო პროცესს შეერთებული შტატების მთავრობა აკვირდება.