Новости за 14.08.2015

ნაფიც მსაჯულებმა დახურული თათბირის შემდეგ ორივე ბრალდებულის კობა ხარშილაძისა და მიხეილ ძაძამიას მიმართ შემამსუბუქებელი რეკომენდაცია გამოიტანეს.

ნახევარი საუკუნის შემდეგ შეერთებულმა შტატებმა კუბასთან დიპლომატიური ურთიერთობა ოფიციალურად აღადგინა.

კობა ხარშილაძე და მიხეილ ძაძამია ნაფიცმა მსაჯულებმა დამნაშავედ ცნეს. ზურაბ ჟვანიას საქმეზე გადაწყვეტილება გამოცხადებულია. რამდენიმე საათიანი თათბირის შემდეგ მსაჯულების ხმები ასე გადანაწილდა – 10 ხმა 2-ის წინააღმდეგ. გამამტყუნებელი განაჩენი გამოტანილია.

ქიბარ ხალვაში რუსთავი 2 წინააღმდეგ სარჩელის შესახებ კომენტარს  საინფორმაციო სააგენტო ინფო 9- თან აკეთებს, სადაც მედიის თავისუფალებისა და დამოუკიდებლობის შენარჩუნების აუცილებლობაზე საუბრობს. ხალვაში ასევე საზოგადოების მაღალი ინტერესიდან გამომდინარე სასამართლო პროცესის გამჭვირვალობაზე ამახვილებს ყურადღებას და საერთაშორისო ორგანიზაციებს, დიპლომატიურ კორპუსებსა და საელჩოებს მოუწოდებს სადამკვირვებლო მისიით ჩაერთონ სასამართლო პროცესის მონიტორინგში.

სემეკმა თელასის განაცხადის განხილვა დაიწყო. პოლიტიკური პარტიების წევრები დარწმუნებულები არიან, რომ 36 მილიონი ხელოვნურად გაზრდილი თანხაა, რაც მათივე მტკიცებით, თბილისელებისთვის სამომხმარებლო ტარიფის გაზრდის წინაპირობაა. ისინი თელასის აქტივებიდან მიღებული თანხის გათვალისწინებას მოითხოვენ.

თბილისი მოსკოვმა ე.წ შავი სიის მიღმა დატოვა. საქართველო რუსეთმა არ შეიყვანა იმ 5 ქვეყნის სიაში, ვისაც სასაქონლო ემბარგო დაუწესა. მიზეზად მოსკოვში იმას ასახელებენ, რომ სხვა ქვეყნებისგან განსხვავებით საქართველოს მხრიდან რუსეთის მიმართ მიღებული ზომები არის უმნიშვნელო. რუსული ემბარგოს სიაში მოხვდა, მონტენეგრო, ისლანდია, ლიხტენშტაინი და უკრაინა, ანუ ქვეყნები, ვინც ევროკავშირის მიერ რუსეთს წინააღმდეგ სანქციების გახანგრძლივებას დაუჭირა მხარი.

რუსთავი 2-ის ხელმძღვანელობა პოლიტიკური პარტიების წარმომადგენლებს შეხვდა. საპარლამენტო და არასაპარლამენტო ოპოზიცია დარწმუნებულია, რომ ხელისუფლებამ დამოუკიდებელი ტელეკომპანიის წინააღმდეგ იმ გეგმის სისრულეში მოყვანა დაიწყო, რომელიც ქართული ოცნების ხელისუფლებაში მოსვლისთანავე მომზადდა.

თავდაცვის მინისტრმა თინა ხიდაშელმა არამხოლოდ სამსახურში აღადგინა ე.წ. კაბელების საქმეზე ბრალდებულები, არამედ ხელი მოაწერა სილქნეტთან გაფორმებული შეთანხმების საფუძველზე შესრულებული სამუშაოების მიღება-ჩაბარების აქტს. სწორედ ამ კომპანიისთვის უპირატესობის მინიჭებასა და 4 მილიონ ლარზე მეტი საბიუჯეტო თანხების გაფლანგვას ედავება პროკურატურა თავდაცვის უწყების 5 თანამშრომელს.

ფინანსთა სამინსიტრო ბიუჯეტის შესრულების მონაცემებს აქვეყნებს. დოკუმენტის მიხედვით მთავრობა ვარაუდობს, რომ ლარის კურსზე ბიუჯეტი უახლოეს პერიოდში გავლენას ვერ იქონიებს.

საქართველო არ მოხვდა რუსეთის მიერ ემბარგოგამოცხადებულ ქვეყნებს შორის. საბოლოო სიის გამოქვეყნებას წინ უძღოდა საქართველოს ხელისუფლების წარმომადგენლების ვიზიტი მოსკოვში. ოპოზიციაში ინტერესდებიან - რა გაიცვალა ემბარგოს ქვეყნებში არმოხვედრაში საქართველოს ხელისუფლების მხრიდან.

ნაფიცი მსაჯულები 4 საათზე გავიდნენ ვერდიქტის გამოსატანად. მათ ვრცელი განმარტება მოისმინეს მოსამართლისგან არსებული წესების შესახებ. ნაფიცი მსაჯულების თათბირი დახურულია.

ხანძარი იყო თბილისში, სურამის ქუჩაზე. ცეცხლი თამბაქოს ყოფილ ქარხანას გაუჩნდა. დაიწვა შენობის სახურავი და მესამე სართული.

ჰავანაში შეერთებული შტატების საელჩო ოფიციალურად გაიხსნა. დიპლომატიური წარმომადგენლობის შენობაზე, რომელიც 1961 წლიდან არ ფუნქციონირებდა, შეერთებული შტატების სახელმწიფო დროშა საზეიმო ვითარებაში აღმართეს.

ნასამ ახალი კოსმოსური რაკეტისთვის განკუთვნილი ძრავი წარმატებით გამოსცადა. ძრავი მისისიპის შტატში მდებარე კოსმოსურ ცენტრში შეამოწმეს.

რუსთავი 2-ში გამართულ შეხვედრაზე მოწვეული იყო ყველა პოლიტიკური პარტიის წარმომადგენელი.

A position of parliamentary minority on economic issues differs from the position of Finance Minister. United National Movement has summarized the turnover of the  first 7 months . According to them, the total trade data is reduced for 900 million dollars .

ფინანსთა მინისტრისგან რადიკალურად განხსვავებული პოზიცია აქვთ ეკონომიკურ საკითხებზე ოპოზიციაში. ნაციონალურ მოძრაობაში ვაჭრობის ბრუნვის პირველი 7 თვის მონაცემები შეაჯამეს რომლის მიხედვითაც, მთლიანი ვაჭრობის მონაცემები 900 მილონ დოლარზე მეტით არის შემცირებული.

რუსთავი 2-ში გამართულ შეხვედრას არასაპარლამენტო ოპოზიციის წარმომადგენლებიც ესწრებოდნენ. მათი განცხადებით, იმ შემთხვევაში, თუკი არ შეწყდება პოლიტიკური ბრძოლა და სამართლებრივი დავა რუსთავი 2-ის წინააღმდეგ, ეს იქნება პირდაპირი ნაბიჯი იმისკენ, რომ 2016 წლის საპარლამენტო არჩევნების გაყალბებას ცდილობს ხელისუფლება და ეს არის ასევე ხელისუფლების უზურპაციის ნიშანი.

The representatives of " Telasi" can not say whether tariff of electricity will increase in Tbilisi. However," the capital expenditure represented by the company serves as a foundation for increasing the price,"- experts suggest.

გაიზრდება თუ არა თბილისელებისთვის ელექტროენერგიის მოხმარების საფასური ამის შესახებ ამ ეტაპზე „თელასის“ წარმომადგენლები ვერ საუბრობენ.

„თელასის“ ტარიფის განხილვა ენერგეტიკის მარეგულირებელ კომისიაში ცოტა ხნის წინ დასრულდა. კომისიაში იმსჯელეს ერთ-ერთი მნიშვნელოვანი კომპონენტის შესახებ, რომელიც კაპიტალურ დანახარჯებს უკავშირდება. „თელასმა“ კონკრეტული ციფრი დაასახელა და მიზეზებიც განმარტა. შეხვედრა კითხვა-პასუხის რეჟიმში მიმდინარეობდა.

Representatives of the parliamentary opposition attended the meeting with the management of Rustavi2 today. According to them the struggle against Rustavi2  has obviously political character. Therefore, they said, all political parties have an obligation to protect freedom of speech and democracy.

საპარლამენტო ოპოზიციის წარმომადგენელები დღეს სამაუწყებლო კომპანიის ირგვლივ არსებული ვითარების გასაცნობად არხის ხელმძღვანელობასთან შესახვედრად იმყოფებოდნენ.

ფეხბურთის ფედერაციის პრეზიდენტის არჩევნების თარიღი დღეს გახდება ცნობილი. ფედერაციის აღმასრულებელმა კომიტეტმა უნდა გადაწყვიტოს როდის ჩატარდება ყრილობა, სადაც ფედერაციის ახალ მმართველს აირჩევენ.

A management of Rustavi2  represented ongoing process  to different political parties today. The lawyers also attended the meeting. As they mentioned ,  the  unfounded appeal as well as gaps in the ruling were discussed at the meeting.