სომხეთში რიგგარეშე საპარლამენტო არჩევნები გაიმართა
![სომხეთში რიგგარეშე საპარლამენტო არჩევნები გაიმართა](https://gdb.rferl.org/1a62530c-4a79-4f3c-aede-141b5e6f1aa9_cx0_cy4_cw0_w800_h450.jpg)
სომხეთში რიგგარეშე საპარლამენტო არჩევნები გაიმართა. ქვეყნის მასშტაბით გახსნილი იყო 2000-მდე საარჩევნო უბანი. არჩევნები დილის 8 საათზე დაიწყო და 20 საათამდე გაგრძელდა.
არჩევნებში 21 პარტია და 4 ბლოკი მონაწილეობს. სულ 2510 კანდიდატი.
ნიკოლ ფაშინიანის მმართველი პარტიის მთავარ კონკურენტად მოიაზრება ბლოკი „ჰაიასტანი“ („სომხეთი“), რომელსაც სომხეთის ყოფილი პრეზიდენტი, რობერტ ქოჩარიანი ხელმძღვანელობს.
პარლამენტში შესასვლელად, პარტიებმა ხმათა მინიმუმ 5% უნდა დააგროვონ, ბლოკებმა კი - 7%.
ცენტრალური საარჩევნო კომისიის ინფორმაციით, სომხეთში მიმდინარე არჩევნებს 749 ადგილობრივი და 135 უცხოელი ჟურნალისტი აშუქებს.
არჩვენები იმართება დაძაბულობის ფონზე, რომლითაც არის მოცული ქვეყანა შარშან მთიან ყარაბაღში ბრძოლებში აზერბაიჯანის წინააღმდეგ განცდილი მარცხით გამოწვეული პოლიტიკური კრიზისის შემდეგ.
ამომრჩეველთა აქტიურობა არ იყო მაღალი, თუმცა ოდნავ მეტი იყო, ვიდრე 2018 წლის არჩევნებზე.
პრემიერ-მინისტრმა ნიკოლ ფაშინიანმა არჩევნები დანიშნა ოპოზიციის მხრიდან პერმანენტული ზეწოლისა და საპროტესტო აქციების პასუხად. ფაშინიანის ოპონენტები მას აკრიტიკებენ აზერბაიჯანთან მოსკოვის შუამავლობით მიღწეული საზავო შეთანხმებისთვის, რომლითაც სომხებმა მთიანი ყარაბაღისა და მისი მეზობელი რაიონების დიდ ნაწილზე დაკარგეს კონტროლი. ამ ტერიტორიებს, რომლებიც აზერბაიჯანს ეკუთვნის, ისინი 1990-იანი წლების დამდეგიდან აკონტროლებდნენ.