Новости за 13.12.2019

Рӯзи 13-уми декабр, баъд аз поёни анҷумани ҳизби ҳокими халқӣ-демократии Тоҷикистон, аксар аъзои он аз шарҳи он чи дар дохили "Кохи Борбад"-и Душанбе гузашт, худдорӣ карданд. Баъзе фишори баланду бархеи дигар сарпӯш ва иддае камии вақтро баҳона пеш оварданд. Вале яке аз онҳо гуфт, барояшон дастур шудааст, ки бо намояндагони расонаҳо суҳбат накунанд. Ин ҳамаро хабарнигори Радиои Озодӣ ба навор гирифт ва он бе ҳеч шарҳ пешниҳод мешавад.

Ба нақли шоҳидону мақомот, ҳангоми ҳамлаи хунини шаби 6-уми ноябри имсол ба дидбонгоҳи "Ишқобод" дар марзи Тоҷикистону Узбекистон амали як сарбоз аз талафоти зиёд пешгирӣ кардааст. Дар ҳоле ки ҳамлаварон, ба гуфтаи онҳо, чанд нафарро қатл кардаву силоҳҳоро ба даст гирифта буданд ва дигаронро низ ба қатл таҳдид мекарданд, яке аз сарбозон худро ба берун ба хандақ андохта, ба наздиктарин хонаи сокини деҳаи Ишқобод рафтааст. Тасдиқи дурустии ин иттилоъ аз манобеи мустақил ғайримумкин аст.  Дидбонгоҳи... Читать дальше...

Ҳизби ҳокими халқӣ-демократии Тоҷикистон дар Анҷумани рӯзи 13-уми декабр номзадҳояш барои интихоботи Маҷлиси Намояндагонро муайян кард.

Намояндаи идораи додситонии кулли Тоҷикистон мегӯяд, 80 дарсади корбарони интернет дар Тоҷикистон зоҳу нохоҳ сайтҳои ифротиву террористиро мебинанд

Нерӯҳои ҳавоии Афғонистон шаби панҷшанбе мавзеъҳои гурӯҳи Толибон дар ноҳия ё вулусволии Нусайи Дарвози он кишварро бомбаборон кардаанд. Сокинони Қалъаихумб -- маркази Дарвози Тоҷикистон мегӯянд, аз шиддати бомбаборон дару тирезаи манзили онҳо дар ин сӯи марз ба ларза даромад. Ноҳия ё вулусволии Нусай дар рӯ ба рӯи Дарвози Тоҷикистон воқеъ аст ва ин ду минтақаро дарёи Панҷ аз ҳам ҷудо мекунад. Мақомоти вилояти Бадахшони Афғонистон рӯзи 12-уми декабр иттилоъ доданд, ки "дар як ҳамлаи ҳадафмандонаи... Читать дальше...

Додситонии вилояти Хатлон як марди 36-соларо бо азияти ҷинсии духтарандараш муттаҳам мекунад, як шаҳванди Тоҷикистон ба садҳо муҳоҷири тоҷик билети қалбакии ҳавопаймо фурӯхтааст, баъди гузориши Радиои Озодӣ зани серфарзанд ба хонааш баргашт ва матолиби дигар.

Саидмурод Фаттоҳзода ва Раъно Бобоҷониён рӯзи 13-уми декабр ду номзади асосии Ҳизби ҳокими халқӣ-демократии Тоҷикистон дар интихоботи соли ояндаи порлумонӣ муаррифӣ шуданд. Фаттоҳзода ва Бобоҷониён то ин дам ба ҳайси муовинони раиси ҳизби ҳоким кор мекарданд ва рӯзи ҷумъа дар анҷумани ҳизб аз мақомҳои худ барканор шуданд. Ҳизби халқӣ-демократии Тоҷикистон аз ҳавзаи ягонаи умумиҷумҳуриявӣ номзадии 28 нафарро пешбарӣ кардааст. Ин ҳизб феълан низ аксар курсиҳои порлумонро дар ихтиёр дорад. Мухолифон... Читать дальше...

Ҳизби муҳофизакори ҷонибдори Брекзит барандаи интихоботи Бритониё шуд. Натиҷаҳои расмии  интихоботи парлумоние, ки рӯзи 13 декабр эълон шуд,  ҳокист, ки нахуствазир Борис Ҷонсон метавонад акнун ваъдаи худ барои  берун кардани кишвараш аз узвияти Иттиҳоди Аврупоро амалӣ кунад. Дар паи шумориши қариб тамоми овозҳо маълум шуд, ки ҳизби Борис Ҷонсон  364 курсии маҷлиси иборат аз 650 курсиро бурдааст. Ҷонсон гуфт, ки баъди пирӯзии қотеи муҳофизакорҳо, Бритониё метавонад мувофиқи нақшаи қаблӣ, рӯзи 31 январ Иттиҳоди Аврупоро тарк кунад. Читать дальше...

Баъд аз як соли баҳсҳои доғ дар фазои расонаии Тоҷикистон дар мавриди наққошиҳои Маърифат Давлатова, ки дар онҳо бадани урёни духтарон тасвир шуда буд, дар Қирғизистон ҳам ин гуна ҷанҷол сар зад. Намоишгоҳи муосири “феминнал” бо ҳузури густардаи мардуми ҷанҷолофарин шуд. Суннат ё навгароӣ? Ҳафтаи дувум аст, ки Қирғизистон баҳсҳо перомуни ҳунари муосири “феминнал”(занона), ки дар оғози декабр дар осорхонаи ҳунарҳои зебои ба номи Ғаффор (Гапар) Айтиеви Бишкек баргузор шуд хомӯш намешаванд. Дар... Читать дальше...

Собиқ президенти Қирғизистон Алмосбек Отамбоев дар куштори як афсари амният дар ҷараёни муноқишаи байни нирӯҳои интизомиву тарафдоронаш дар моҳи август гумонбар дониста шуд. Қошғар Ҷунушалиев, вазири умури дохилии Қирғизистон рӯзи 13 декабр гуфт, ки Отамбоев ба таври расмӣ огоҳонида шуд, ки дар куштори полковник Усенбек Ниёзбеков, падари шаш фарзанд, ки рӯзи 7 август дар рейди ҳавлии Отамбоев дар деҳаи Кой Таши канораҳои Бишкек аз тири туфанг ба ҳалокат расид, айбдор мешавад.  Ҷунушалиев гуфт,  санҷиши баллистикӣ собит кард... Читать дальше...

Қатъномае, ки аз ҷониби аъзои Сенати Амрико якдилона қабул шуд, қатли арманиҳо аз ҷониби имперотурии Усмониро  наслкушӣ эътироф мекунад. Нахуствазири Арманистон овоздиҳӣ дар Сенатро «пирӯзии адолат ва ҳақиқат» номид. Қатъномае, ки бо  ташаббуси сенатори демократ Боб Менендез қабул шуд, эътироф мекунад, ки дар хушунатҳои солҳои 1915-1923-и замони императории Усмонӣ 1,5 миллион арманиҳоро қатл кардаанд.   Никол Пашинян, нахуствазири Арманистон дар вокуниши худ тавассути Твиттер гуфт, ки «аз номи... Читать дальше...

Дар Шветсия ҷомеае пинҳон аз назарҳо вуҷуд дорад, ки касе намехоҳад онро бибинад. Онҷо хориҷиён истисмор мешаванд – дар шароите ки метавон ғуломдории даврони муосир номид. Дар ҳама ҷо ҳастанд – дар сохтмонҳо, мактабҳо, бемористонҳо ва дар меҳмонхонаву тарабхонаҳо. Интизор меравад, сиёсатмадорони Шветсия барои поён додан ба истисмор ба ҳар кори мумкин даст зананд. Ҳоло истисмори мардум ба ин шева гуноҳ ҳисоб мешавад. Вале таҳқиқоти Ҷессика Ҷозефсон аз "Шабакаи 4"-и Шветсия ва Сироҷиддини Ислом аз Радиои Озодӣ нишон медиҳад... Читать дальше...

Имрӯз ба ҳар куҷое нигоҳ накунем, масъалаи фиристодани пул ба Тоҷикистон баҳс мешавад. Бонки Миллӣ даҳ рӯз пеш низоми нави пулгузарониро фаъол кард. Мақомот аз беҳбудӣ мегӯянд, мардум аз камбудӣ.  Як корбари сомонаи Радиои Озодӣ аз Русия наворе фиристод ва гуфт, ки барои интиқоли пул ба Тоҷикистон ба воситаи низоми “Юнистрим” соатҳо мунтазир мемонанд. Ду навори дигаре, ки гирифтем ба ин масъала рабт дорад ва онро аз Маскаву Ростови лаби Дон фиристодаанд. Муаллиф мегӯяд, пул доранд, аммо онро фиристода наметавонанд ва агар фиристанд ҳам... Читать дальше...

Имрӯз ба ҳар куҷое нигоҳ накунем, масъалаи фиристодани пул ба Тоҷикистон баҳс мешавад. Бонки Миллӣ даҳ рӯз пеш низоми нави пулгузарониро фаъол кард. Мақомот аз беҳбудӣ мегӯянд, мардум аз камбудӣ.

Фиристодаи ИМА дар Афғонистон Залмай Халилзод рӯзи 12 декабр гуфт, баъди он ки гурӯҳи шӯришӣ алайҳи пойгоҳи низомии ИМА ҳамла анҷом дод, музокироти сулҳ бо Толибон муваққатан боздошта мешавад. Рӯзи чоршанбе ҷангҷӯёни Толибон дар наздикии пойгоҳи низомии Багром ҳамла анҷом доданд, ки дар натиҷа, ду шаҳрванди мулкии Афғонистон  кушта ва беш аз 70 нафар, аз ҷумла, панҷ низомии гурҷӣ маҷрӯҳ шуданд. Ҳамлае, ки аз ҷумла бо ширкати як мошини бомбгузоришуда рух дод, як ҳафта баъди азсаргирии музокираҳо бо Толибон рух дод. Читать дальше...

Як мақоми полиси Маскав гуфт, ки соли 2019 мизони ҷинояткорӣ дар миёни хориҷиҳо коҳиш ёфтааст. Оҷонсии Интерфакс бо истинод ба Дмитрий Сергиенко, як мақоми муҳоҷирати ВКД-и шаҳри Маскав навишт, ки шаҳрвандони хориҷӣ тақрибан 5,5 ҳазор ҷиноят содир кардаанд, ки 16,7 дарсад камтар назар ба соли гузашта будааст. Инчунин, мизони ҷиноятҳои сангине, ки аз ҷониби хориҷиҳо дар шаҳри Маскав содир шудааст, 23 дарсад коҳиш ёфтааст, гуфт Сергиенко дар як мизигирди Палатаи ҷамъиятӣ. Ӯ гуфтааст, ки 96 дарсади ҷиноятҳоро шаҳрвандони Узбекистон... Читать дальше...

Қаҳрамони доғистонӣ оид ба муҳорибаҳои омехта дар вазни сабук Ҳабиб Нурмуҳаммедов гуфт кай UFC-ро тарк мекунад

Як мақоми вазорати умури дохилии Русия гуфт, ки соли 2019 шумори хориҷиҳои соҳиби шаҳрвандии ин кишваршуда аз 270 ҳазор то 360 ҳазор нафар афзоиш ёфтааст. Дар миёни онҳо шаҳрвандони Тоҷикистон ҳам мебошанд. Валентина Казакова, сардори раёсати умури муҳоҷирати ВКД Русия дар сӯҳбат бо ТВ "Россия-24" гуфт, ки баъди соли 2013 майли хориҷиҳо барои гирифтани шаҳрвандии Русия бештар мешавад. Ӯ гуфт, ки қисмати зиёди онҳоро украиниҳо ташкил медиҳанд ва соли ҷорӣ 130 ҳазор шаҳрванди Украина соҳиби шиносномаи Русия шудаанд. Читать дальше...

Созмони Дидбони Ҳуқуқи Башар ё HRW мегӯяд, нокомии мақомоти Русия дар таҳқиқи айбномаҳои сохтакорӣ дар парвандаи бомбгузории метро дар шаҳри Санкт Петербург дар соли 2017, таҳқири қурбониҳо ва аъзои оилаҳои онҳо мебошад. Дар ин робита 11 нафаре, ки ба солҳои тӯлонии зиндон маҳкум шуданд, исрор меварзиданд, ки тавассути сохтакории шаҳодатҳо ва шиканҷа ин ҷиноятро ба гардан гирифитанд. Изҳороти Таня Локшина, намояндаи Ҳюман Райтс Вотч дар Аврупо ва Осиёи Марказӣ 11- уми декабр нашр шуд. Як рӯз пеш... Читать дальше...

Имрӯз, 13-уми декабр Шоҳзода Карим Оқохон, раҳбари исмоилиёни ҷаҳон 83-сола шуд. Дар Тоҷикистон беш аз 200 ҳазор пайрави мазҳаби исмоилия зиндагӣ мекунанд ва бахши аъзами онҳо дар вилояти Бадахшон ҳастанд ва ин санаро бо баргузории барномаҳои мухталиф таҷлил мекунанд. Ба ин муносибат имрӯз дар Маркази ислоилияи шаҳри Хоруғ ва Литсейи Оқохон дар ин шаҳр, чорабиниҳои фарҳангӣ доир мешавад. Ҳамчунин дар ин рӯз, нақлиёти ҷамъиятӣ дар Хоруғ барои сокинон ройгон хизмат мекунанд. Баргузории намоишгоҳе низ дар ин шаҳр назар аст. Читать дальше...

Федератсияи байналмилалии дзюдо, ки феълан дар Чин ҷараён дорад, барои ду варзишгари тоҷик Сомон ва Беҳрӯз анҷом ёфт

Ду паҳлавони маъруфи тоҷик - Сомон Маҳмадбеков ва Беҳрӯзи Хоҷазода - дар мусобиқаи устодони ҷудо “Qingdao Masters 2019”, ки дар шаҳри Қингдаои Чин ҷараён дорад, дар даврҳои муқаддамотӣ шикаст хӯрда, аз ҳаққи идомаи мубориза барои медалҳо маҳрум шуданд. Ҳарду гуштигири тоҷик имрӯз, 13-уми декабр, дар вазни то 73 кило ба рақобат пардохтанд. Сомон Маҳмадбеков дар даври аввал бар Ҷиованни Эспозито аз Италия ғолиб омад. Вале ӯ дар даври баъдӣ қувваозмоиро ба Тоҳар Бутбул аз Исроил бохт. Беҳрӯзи Хоҷазода бошад... Читать дальше...

Мақомоти ироқӣ мегӯянд, издиҳоми хашмгин дар Бағдод рӯзи панҷшанбеи 12-уми декабр як навҷавони 16-соларо, ки дар ҷараёни эътирозҳои зиддидавлатӣ дар ин кишвар шаш нафар, аз ҷумла чаҳор нафар аз муътаризонро кушта буд, ба қатл расонида, ӯро аз по ба сар аз пояи чароғаки раҳнамо, овезон карданд. Даҳҳо нафар аз мардум, ки дар ҷои ҳодиса ҷамъ шуда буданд, бо телефонҳои мобилии худ аз ҷасади овезоншудаи ин навҷавон дар яке аз майдонҳои марказии шаҳри Бағдод акс ва видео гирифтанд. Видеоҳое, ки дар шабакаҳои иҷтимоӣ нашр шуд... Читать дальше...