Новости за 18.08.2018

Земјотрес од 6 степени го погоди југот на Костарика, во близина на границата со Панама, објави Ројтерс. Епицентарот на земјотресот бил на 19 километри северно од градот Голфито. Портпаролот на противпожарната служба информираше дека земјотресот предизвикал мала штета, но нема податоци дали некој е повреден.  Половина час по земјотресот забележан бил и еден помал потрес од 4,9 степени според Рихтер.

Министерката за одбрана Радмила Шекеринска денеска изјави дека во Македонија и надвор од земјата „постојат структури кои не сакаат Македонија да стане пристојно место за живеење, кои не сакаат Македонија финално да се стабилизира, и кои не сакаат да стане членка на НАТО и членка на ЕУ и затоа шират дезинформации. Министерката ова го изјави на денешниот Отворед ден со АРМ, демантирајќи ги информациите во дел од медиумите дека на воениот полигон Криволак се користи муниција со осиромашен ураниум. Читать дальше...

Ние правиме сè што можеме за да ги отстраниме проблемите и да ја подобриме ситуацијата во однос на нивните плати. Што се однесува до платите за вработените во средното образование, тие се веќе во нивните трансакциски сметки, додека за платите на вработените во основното образование, Министерството за образование и наука исто така ги спроведе сите потребни процедури, се вели во соопштението на Министерството за образование и наука, по прес конференцијата на Независниот синдикат за образование и наука (НСОН)... Читать дальше...

Претседателот на Руската федерација, Владимир Путин, денес во Австрија ќе биде гостин на свадбата на министерката за надворешни работи на Австрија Карин Кнајлс. Австриските медиуми бележат дека шефот на руската држава нешто после пладне слетал на аеродромот во Грац а такво внимание, почнувајќи од слетувањето, доаѓањето на Путин му придаваат поради фактот дека неговата приватна посета на свадбата на министерката наишла на голема бура во политичката јавност на земјата, бидејќи Русија е под санкции на ЕУ, а Австрија претседава со Унијата. Читать дальше...

Независниот синдикат за образование и наука (НСОН) денеска, на прес конференција, информираше дека доцни платата за јули за просветните работници. Претседателот на Синдикатот Томислав Гиевски од пред зградата на МОН рече дека во образованието не се почитува Законот за работни односи, според кој 15-ти во месецот е крајниот рок да се исплати плата за претходниот месец и се сомнева дека плата ќе добијат и во понеделник на 20-ти. Според НСОН, кој беше формиран оваа пролет, со таквото третирање се деградираат просветните работници кои... Читать дальше...

Белорускиот претседател Александар Лукашенко денеска ги разреши премиерот Андреј Кобјаков и тројца министри со образложение дека не биле ефикасни, објавија новинските агенции. Кобјаков беше премиер од 2014 година. За негов наследник е именуван директорот на Развојната банка на Белорусија, Сергеј Румас. Лукашенко именува и четири потпретседатели на Владата, како и нови министри за економија, за комуникации и за индустрија.

Генералнот секретар на ОН, Антонио Гутереш, во својот најнов извештај предложи четири опции за заштита на палестинските цивили во појасот Газа, но без да даде посебна препорака, објави Ројтерс. „Комбинацијата од продолжена воена окупација, постојана безбедносна закана, ослабеноста на политичките институции и ќорсокакот на мировниот процес претставуваат безбедносен предизвик кој е многу сложен и политички, и правно и практично“, напиша Гутереш. Тој кажа дека вооружени припадници на мировна мисија... Читать дальше...

Mинистерката за одбрана Радмила Шекеринска денеска информираше дека Министерството за одбрана ќе стави на располагање нешто помалку од 60 милиони денари за кампањата за претстојниот референдум за договорот меѓу Македонија и Грција. „Министерството за одбрана е едно од тие кои најмногу треба да биде заинтересирано за нашиот стратешки приоритет и од нашиот сектор за финансии испративме информација дека на располагање ставаме нешто помалку од 60 милиони денари, кои беа планирани за слични активности... Читать дальше...

Под урнатините на мостот во Џенова, Италија, пронајдено е телото на 30-годишен маж, со што бројот на жртви се искачи на 42-ца, откако ноќеска, спасувачките екипи ги пронајдоа и телата на трочлено семејство, објави ДПА. Новинската агенција АНСА јави дека телата биле пронајдени во автомобил што бил смачкан од бетонски блок, а се работело за семејство што одело на одмор, но локалните власти не можеа да ја потврдат информацијата. Спасувачките тимови и екипите за пребарување на урнатините стравуваат... Читать дальше...

Албанската Национална агенција за храна во пристанишниот град Драч, блокираше увоз на 27 тони пилешко месо, објавија новинските агенции, повикувајќи се на информациите во локалните медиуми. Од месото, кое е потекло од Бразил, веднаш по пристигнувањето земени се мостри и од анализата било утврдено големо присуство на салмонела. Контејнерот во кој било сместено месото бил вратен во земјата на потекло. Во изминатиот перидот од годинава Агенцијата блокираше и врати назад седум контејнери или вкупно 180 тони месо. Читать дальше...

Поранешниот генерален секретар на ОН и добитник на Нобеловата награда за хуманост, Кофи Анан, почина на 80-годиншна возраст, објави Ројтерс. Анан беше првиот црн Африканец што застана на чело на светската организација каде што отслужи два мандати од 1997 до 2006 година. По истекот на мандатите, беше специјален пратеник на ОН за Сирија и ги водеше напорите за наоѓање мирно решение за конфликтот.

Поранешниот директор на ЦИА, Џон Бренан, критикувајќи го американскиот претседател Доналд Трамп за одземање на неговиот безбедносен сертификат, рече дека претседателот е "опиен од моќ", објави Си-Ен-Ен. "Искрено, не сакам да го користам овој термин, но тој е опиен од моќта. Тој навистина е", изјави Бренан во интервју за телевизијата MSNBC, а пренесе Си-Ен-Ен. Трамп пред три дена објави дека му го одзема безбедносниот сертификат на Бренан, кој е отворен критичар на претседателот, и при тоа го обвини поранешниот директор на ЦИА за "лажење".

Почина и вториот параглајдерист, кој вчера беше пренесен во болница, по несреќата кај Мечкин Камен, кога двајца параглајдери се судрија во лет. Педесет и шестгодшниот И.В од Украина во воздухот се судри со педесет и четиригодишниот И.П. од Велика Британија, при што Украинецот почина на лице место, а вториот параглајдерист беше пренесен во Здравствениот дом во Прилеп. Јавен обвинител нареди обдукција на телата на починатите.

Агенцијата „Стандард енд Пурс“ го намали кредитниот рејтинг на Турција на „Б плус“ наведувајќи дека падот на вредноста на лирата ќе доведе до послаба економија следната година, објави АП. „Значителното намалување на лирата има негативни фискални димензии и во исто време врши притисок врз корпоративните биланси и притисокот врз домашните банки станува се поголем“, се наведува во соопштението на „Стандард енд Пурс“. Агенцијата прогнозира дека Турција следната година ќе влезе во рецесија. „Во... Читать дальше...

Вашингтон воведе санкции против четворица воени и полициски команданти на Мјанмар и две воени единици, обвинувајќи ги за етничко чистење на Рохинџите и за кршење на човековите права, соопшти американското Министерство за финансии, а пренесоа светските новински агенции. Тоа се најостри санкции на САД кон Мјанмар поврзани со муслиманското малцинство Рохинџи. Властите во Мјанмар минатата година покренаа акција против Рохинџите и досега се протерани над 700.000 луѓе во соседен Бангладеш, додека повеќе илјади загинаа. Читать дальше...

Времето во Македонија денеска ќе биде сончево и топло со мала до умерена локална облачност, а попладне во планинските подрачја наместа облачноста ќе се зголеми. Ќе дува слаб до умерен североисточен ветер. Утринската температура ќе се движи од 10 до 19, а дневната температура од 29 до 36 степени. Во Скопје ќе биде претежно сончево и топло со слаб до умерен ветер од североисточен правец. Утринската температура ќе се спушти до 15 степени, а дневната температура ќе достигне до 35 степени. Во недела... Читать дальше...

Граѓаните на Македонија, но и воопшто во југоисточна Европа, пијат антибиотици и кога треба и кога не треба. Непотребната употреба може да создаде отпорност на лековите, па во иднина, и кога ќе има потреба од нив, тие да не функционираат.