Новости за 08.08.2018

Белград и Приштина мора да покажат далековидост и флексибилност за да дојдат до договор што ќе биде применлив, одржлив и нема да создава нестабилност во ниту една од двете земји или во регионот, порача американскиот Стејт департмент. Како што јави Гласот на Америка, Стејт департментот наведува дека суштината на договорот за нормализација на односите меѓу Белград и Приштина треба да потекне од двете преговарачки страни.  „Ние ќе продолжиме да ги поддржуваме двете страни и ЕУ како посредник. Косово... Читать дальше...

Кумановскиот бизнис сектор недоволно ги користи проектите на Центарот за развој на Североисточниот плански регион. Како причини ги наведуваат недоволната информираност, недостатокот на квалификуван кадар и комплицираната процедура за аплицирање.

Американскиот републикански сенатор Ренд Пол соопшти дека го предал писмото од претседателот Доналд Трамп адресирано до неговиот руски колега Владимир Путин во Кремљ за време на неговата посета на Москва. „Во писмото се нагласува важноста од понатамошен ангажман во различни области, вклучувајќи ја борбата против тероризмот, зајакнување на парламентарната соработка и продолжување на културната размена. Портпаролот на Путин, Дмитри Песков, за руските новински агенции потврдил дека писмото „било примено... Читать дальше...

Американскиот Стејт департмент оддаде благодарност до Македонија заради покажаната одговорност за нејзините државјани кои беа заробени во Сирија од Сириските демократски сили, а се бореле на страната на ИСИЛ, јави дописникот на МИА од Вашингтон. „Македонија дава важен пример за меѓународната заедница кој треба да го следат сите членови на Коалицијата за уништување на ИСИЛ“, изјави за МИА портпарол на Стејт департментот. САД ги повикуваат земјите да покажат одговорност за нивните државјани кои станале терористи... Читать дальше...

На членка на рускиот протестен панк бенд Пуси рајот ѝ е забрането да ја напушти Русија, информира нејзин колега. На Марија Аљохина не и било дозволено да замине од Москва за Лондон, објави Пјотр Верзилов денеска на Твитер. На граница ѝ кажале дека има забрана за излегување од Русија. Аљохина и двајца други активисти вчера одржаа протест пред седиштето на Федералниот затворски сервис во Москва. Тие истакнаа транспарент со кој го споредуваат затворскиот систем со ГУЛАГ, како и неколку фотографии од претепани луѓе во затворски униформи. Читать дальше...

На прашањето „За која партија ќе гласате доколку утре се одржат парламентарни избори“, 24,4 отсто од анкетираните одговориле дека ќе гласаат за СДСМ, 24 отсто за ВМРО-ДПМНЕ, 6,9 отсто за ДУИ, 2,7 отсто за Алијанса за Албанците, 1,7 отсто за БЕСА, 2,5 отсто за други партии, а 37,8 отсто одговориле не знам/нема да гласам. Ова го покажале резултатите од испитувањето на јавното мислење кое за Македонскиот центар за меѓународна соработка (МЦМС) го спроведе агенцијата М-проспект во периодот 24 јули до 1 август 2018 година. Читать дальше...

Одземен пасош и редовно пријавување во судот, се мерките на претпазливост кои Судот им ги изрече на поранешниот градоначалник на општина Карпош, Стевчо Јакимовски и на четворица негови соработници. Тие се сомничат дека ја злоупотребиле својата службена положба и овластување во три постапки за јавни набавки во вредност од 600 илјади евра. Јакимовски, по излегувањето од Кривичниот суд, остана на ставот дека се работи за политички монтиран случај и се прави со цел да се дефокусира јавноста. Адвокатот... Читать дальше...

Поранешната косовска министерка Едита Тахири, која ја предводеше делегацијата на Косово во дијалогот со Србија, за тиранската телевизија „Ора њуз“ изјави дека е против идејата на претседателот Хашим Тачи за размена на територии со Србија. Сепак доколку тоа се случи, според неа, тогаш „албанските граници се дури до Ниш“. „Размената на територии или било која поделба не е опција и треба да се отфрли бидејќи тие носат војни. Не може да има промена на граници во Косово или на Балканот во други форми освен со војна. Читать дальше...

Седумтемина борци на ИСИС по потекло од Македонија, кои вчера МВР ги приведе, биле лишени од слобода на Меѓународниот аеродром -Скопје. Од МВР за МИА појаснуваат дека терористите, за кои имаше потерница, биле донесени со авион од американската војска и биле предадени на Министерството за внатрешни работи. „Моментот на нивно лишување од слобода настапува по потврдувањето на нивниот идентитет, а тоа се случи на аеродромот во Скопје“, изјавија од МВР за МИА. Партнерите од Глобалната коалиција... Читать дальше...

Финските стручњаци за инсекти соопштија дека невообичаено топлото лето во таа земја го намали бројот на комарци кои исчезнаа во некои области од земјата, особено во Лапонија на северот на Финска. Јука Салмела од Покраинскиот музеј на Лапонија денеска за Асошиејтед прес изјави дека топлотниот бран ги исушил карактеристичните живеалишта на комарците, како што се плитките езера и другите влажни подрачја и оти сега има многу помалку од претходните години. Ова е едно од најтоплите и најсуви лета во Финска... Читать дальше...

Пет словенечки партии денеска постигнаа договор за формирање коалициска влада на левиот центар и го предложија Марјан Шарец за нов премиер на Словенија. Шарец се најде во позиција да стане словенечки премиер, откако конзервативната Словенечка демократска партија (СДС) на Јанез Јанша, која победи на парламентарните избори на 3 јуни, не успеа да најде коалициски партнери за обезбедување мнозинство во Парламентот. Петте партии што ќе ја формираат идната владата - Листата на Марјан Шарец (ЛМШ), Социјалните демократи (СД)... Читать дальше...

Поранешниот градоначалник на општина Карпош, Стевчо Јакимовски, донесен на распит во суд во придружба на финансиската полиција на новинарите им упати погрдни зборови.Јакимовски и службеници на општината се осомничени за злоупотреба на службената положба во делот на три јавни набавки во општина Карпош. Станува збор за тендерите за општинските бараки и за плоштадот во Жданец.

Косовскиот претседател Хашим Tачи денеска повтори дека нема да има поделба на Косово, додавајќи оти нема да има ниту автономија за косовските Срби. „Со корекција на границите се мисли единствено Прешевската Долина да припадне на Косово, но да нема поделба на Косово, ниту пак автономија за Србите, рече Тачи. Тој истакна дека е целосно посветен на постигнување конечен мировен договор со Србија, а дека корекцијата на границата ја бара откако тоа од него го побарале претставниците на Албанците од јужна Србија... Читать дальше...

Пред Договорот од Преспа да дојде во грчкиот парламент, Независни Грци ќе ја напуштат владата, а земјата ќе оди на избори, изјави лидерот на партијата Панос Каменос, која е коалиционен партнер во грчката влада и министер за одбрана на Грција. Каменос уште еднаш го повтори ставот дека неговата партија нема да отстапи од позициите. „Кога и да дојде договорот во парламентот, ако поминат сите процедури од страна на Скопје, Независни Грци ќе ја напуштат владата. Ние тоа јасно го имаме кажано, не можам... Читать дальше...

Партијата Левица денеска до Уставниот суд поднесе иницијатива за оценување на уставноста и законитоста на одлуката за распишување на референдум донесена од Собранието. Според партијата, одлуката по неколку точки не е во согласност со Уставот, Законот за референдум и со воспоставените европски стандарди и добри референдумски практики утврдени од страна на Венецијанската комисија. Левица бара Уставниот суд целосно да ја поништи одлуката за референдум со ретроактивно правно дејство. „Бидејќи во иницијативата се бара времена мерка... Читать дальше...

Осум цивили од Авганистан, вклучително жени и деца, денеска се убиени откако нивното возило беше погодено од бомба поставена покрај пат во северната провинција Балх, потврди официјален претставник. Шест цивили се повредени во експлозијата, која се случи областа Шулгар, изјави Шер Јан Дурани – портпарол на провинцискиот шеф на полицијата во Балх. Дурани за нападот го обвини Талибанците. На други места во Авганистан, Талибанците нападнаа полициски пункт во провинцијата Херат, при што убија осум полицајци. Читать дальше...

Германскиот автомобилски гигант Дајмлер ги прекина своите бизнис активности во Иран, откако американскиот претседател Доналд Трамп најави дека ќе ја блокира секоја компанија што работи во Иран, а продава на големиот пазар на САД. „Ги суспендиравме нашите веќе ограничени активности во Иран во согласност со санкциите“, изјави портпаролот на Дајмлер. Со овој потег ќе завршат плановите на Дајмлер за проширување во Иран, каде се здружи со две локални фирми да составуваат камиони „Мерцедес.“ И покрај... Читать дальше...

Поранешниот градоначалник на Општина Карпош, Стевчо Јакимовски, по претресот на полицијата во два негови станбени објекти изјави дека тој се гони за три тендери за јавни набавки додека беше градоначалник на Општина Карпош. Јакимовски синоќа беше приведен.

Голем банер, на кој се бара итно ослободување на украинскиот режисер Олег Сенцов кој штрајкува со град, како и на други политички затвореници во Русија, е прикажан во центарот на Москва. Непознати активисти денеска го поставија банерот на Кримскиот мост преку реката Москва, на 87-ден од штрајкот со глад на Сенцов. Адвокатот на Сенцов, Дмитриј Динзе, изјави дека откако го посетил неговиот клиент на 7 август, имал изгубено 30 килограми, нивото на хемоглобин му било многу ниско што резултирало со... Читать дальше...

Во Македонија во услови на современо ропство живеат околу 18 илјади лица, односно 8,7 лица од илјада македонски државјани, покажува Глобалниот индекс за ропство 2018, изработен од Обединетите нации и Вок фри. Податоците покажуваат дека Македонија се наоѓа на третото место на листата земји од Европа и Централна Азија. Полошо рангирани се само Туркменистан и Белорусија, а најдобро рангиран е Луксембург, каде само 1,5 лица од 1000 живеат во услови на современо ропство. Според фондацијата Вокс фри... Читать дальше...

Поранешниот градоначалник на Карпош Стевчо Јакимовски синоќа е приведен и се наоѓа во една од полициските станици во Скопје. До крајот на денов се очекува да биде изведен пред судија на претходна постапка. „Стевчо Јакимовски синоќа околу 23 и 30 минути е лишен од слобода. Согласно Законот за кривична постапка течат роковите и во наредните 24 часа тој треба да биде изведен пред судија на претходна постапка. Дотогаш тој ќе биде во полициска станица. Очекуваме да бидеме повикани пред судија на претходна... Читать дальше...

Американската администрација воведува царини од 25 насто на увезена кинеска стока, овој пат во вредност од 16 милијарди долари. Наплатата на царините треба да почне на 23 август на производи од новиот список како што се парни машини и носачи на големи конструкции, згради и мостови. Новите царини се додаток на порано воведените на 6 јули во висина од 25 насто на кинеска стока во вредност од 34 милијарди долари. Во царинската војна на двете најголеми економии во светот Кина возврати со иста мера и ги зголеми царините на американски производи.

На свадбите во Македонија честопати како почесен гостин е пиштолот или пушката. Така наместо славење, последиците се повредени луѓе или оштетени возила и објекти.

Војската на Естонија соопшти дека трага по остатоците на ракетата која шпански борбен авион по грешка ја истрелал во текот на вежбата во таа балтичка држава, членка на НАТО. Војската наведе дека авион од типот „Јурофајтер“ на шпанските воздухопловни сили по грешка истрелал ракета воздух-воздух во јужниот дел на Естонија. Премиерот на Естонија Јири Ратас на Фејсбук овој инцидент го оцени како „исклучително загрижувачки“, но оти добро било што немало жртви.

Ирачкиот премиер Хајдар ал Абади изјави дека не се согласува со повторното воведување на американските санкции врз Иран, додавајќи дека сепак ќе ги почитува со цел да ги заштити интересите на неговата земја. „Во принцип ние сме против санкции во регионот. Блокадите и санкциите ги уништуваат општествата и не ги слабеат режимите“, изјави тој на прес конференција во Багдад, наведувајќи дека санкциите врз Иран биле стратегиска грешка. Американскиот претседател Доналд Трамп се закани дека на компаниите... Читать дальше...