Новости за 06.06.2018

Во изложбениот салон на Македонската академија на науките и уметностите, во организација на Асоцијацијата за култура ИКОН, од 6 до 30 јуни, се одржува изложбата на слики, скулптури и графики од Илија Аџиевски, истакнат скулптор и цртач од првата генерација на современи македонски ликовни уметници.

Американскиот амбасадор во Косово, Грег Делави, изрази загриженост поради вознемирувачкиот број инциденти против Србите на Косово, велејќи дека ти се неприфатливи. Тој за Радио Слободна Европа рече дека за тоа разговарале на денешниот состанок со косовскиот премери Рамуш Харадинај. „Јасно е и дека полицијата реагира, тоа е добро, но мислам дека реакцијата треба да се подобри и полицијата повеќе да работи на превенција, отколку да се занимава со тоа само кога ќе се случи инцидент“, рече Делави.

Со грчки знамиња и слогани дека Македонија е грчка, Грците во 24 градови низ целата земја, организирани од „Комитетот за борба за грчкиот карактер на Македонија“ се собираат на протести за да го изразат нивното незадоволство од последните случувања во македонско-грчките односи, но и за да дадат, како што повикаа организаторите, „уште една битка за грчкиот карактер на Македонија“. Како што јави дописничката на МИА од Атина, карактеристиката на централен протест ја има Пела, родниот град на Александар Македонски... Читать дальше...

На целата територија на Западниот Балкан во скора иднина ќе има пораст на температурите за 1,2 степени целзиусови и неминовно ќе продолжи да расте за 1,7 до четири степени целзиусови, се вели во анализа на Советот за регионална соработка за последиците од климатските промени во тој регион. До крајот на векот, растот на температурите на подрачјето на Западниот Балкан може да биде алармантен, бидејќи може да надмине пет степени целзиусови во зависност од резултатите од глобалните настојувања да се намали емисијата на штетни гасови... Читать дальше...

Опозициската ВМРО-ДПМНЕ реагира дека животот дошол „само за Заев, Анѓушев и криминалниот картел во власта“ и оти граѓаните осиромашуваат, а државата се презадолжува. „Вицепремиерот Анѓушев денес повторно излезе со податоци кои Државниот завод за статистика се уште не ги објавил, со што се потврдува дека станува збор повеќе за политика отколку за економија и наука“, реагира ВМРО-ДПМНЕ. Претходно, вицепремиерот Кочо Анѓушев се пофали дека првиот квартал од 2018 година во споредба со истиот период лани бележи раст во сите економски сфери... Читать дальше...

Селото Луковица е единственото во Општина Желино до кое нема асфалтен пат. Градоначалникот вели дека општината нема пари и оти за да се асфалтира патот, ќе мора да помогне државата.

На екипата на Радио Слободна Европа денеска не ѝ беше дозволен влез во градот Пела во Грција, каде што се одржува централниот протест на „Комитетот за борба за грчкиот карактер на Македонија“. Образложението на грчката полиција беше дека влезот не е дозволен поради безбедносни причини. Тие се повикаа и на соопштението на македонското МНР во кое се препорачува македонски државјани да ги избегнуваат местата каде денеска се одржуваат протести против користењето на името Македонија, во називот на името Република Македонија. Читать дальше...

Рускиот амбасадор во ЕУ, Владимир Чижов, порача дека Русија сака решение за спорот со името помеѓу Грција и Македонија, јави дописничката на МИА во Брисел. Чижов на средба со новинарите порача дека „Русија смета дека европската перспектива е димензија на глобализацијата, но оти проширувањето на НАТО е обид да се решат предизвиците на 21 век со средства од 20 век“. „Нема да аплаудираме ако Македонија стане дел од НАТО“, изјави Чижов.

Се очекува министрите за одбрана на земјите-членки на НАТО утре да дадат зелено светло за новата иницијатива на САД, која ќе ја зголеми подготвеноста на силите на Алијансата во случај на криза во време на постојана загриженост поради руската агресивност во Источна Европа, рече шефот на НАТО, Јенс Столтенберг. Состанокот во Брисел ќе се одржи само пет недели пред Самитот на НАТО. „Очекувам да се договориме за иницијативата за подготвеност на НАТО „Четири триесетки“, рече Столтенберг на денешната прес-конференција во Брисел. Читать дальше...

Собраниската Комисија за политички систем и односи меѓу заедниците на денешната седница не го усвои Годишниот извештај за работата на Судскиот совет на Република Македонија за 2017 година. „За“ Годишниот извештај се изјасни еден пратеник, а седум беа „против“. Пратениците од владејачкото мнозинство порачаа дека Судскиот совет не ужива легитимитет и повеќе не треба да го води судството и додадоа дека само купува време и се обидува што повеќе да остане актуелната состојба во судството. За извештајот... Читать дальше...

Дваесет години по својот прв лет во вселената, првиот шпански космонаут Педро Дуке ќе стане министер, дознава Франс прес. Аеронаутичкиот инженер, кој во 1998 беше во вселената, ќе го води ресорот наука, рекле извори од Социјалистичката работничка партија на Шпанија на премиерот Педро Санчез за Франс прес. Дуке дипломирал на Политехничкиот универзитет во Мадрид во 1986 година, а шест години подоцна е избран за учесник во програмата на Европската вселенска агенција за идни космонаути. По обуките во Русија и во САД... Читать дальше...

Турскиот претседател Реџеп Тајип Ердоган изјави дека поседувањето фрижидер во домот е знак за просперитет и дека според бројот на луѓе кои имаат фрижидер се гледа колку Турција напреднала, со што предизвика нова полемика пред предвремените претседателски и парламентарни избори во Турција закажани за 24 јуни, објави „Хуриет дејли њуз“. Ердоган на последниот предизборен митинг во Сакарија ги спореди бројките за продажбата на автомобили и фрижидери од почетокот на владеењето на Партијата на правдата и развојот во 2002 година и денес. Читать дальше...

Вице-премиерот Кочо Анѓушев денеска на прес-конференција во Владата оцени дека во првиот квартал од оваа година, во споредба со истиот период лани, бележи пораст во сите економски сфери, освен во градежништвото-нискоградба. Презентирајќи ги анализите од информациите на државните институции и стопанските комори, вицепремиерот рече дека во првиот квартал од годинава, во споредба со првиот квартал во 2017, се очекува раст на земјоделството за околу седум отсто, на преработувачката индустрија за шест проценти... Читать дальше...

Неколку албански медиуми објавија дека во Албанија ќе се гради центар за повратници од Исламска држава од балкански држави, повикувајќи се на информација која според нив, ја соопштил бугарскиот премиер Бојко Борисов на конференција посветена на насилниот ектремизам, одржана во Тирана. „Во Албанија ќе се изгради центар за координација на повратници од ИД од балканските земји. За тоа предложив секоја држава да испрати по еден офицер за врски, за заедничката борба да биде поорганизирана“, изјавил Борисов по средба со премиерот Рама... Читать дальше...

Чешкиот претседател Милош Земан по втор пат го назначи Андреј Бабиш за премиер мандатар, давајќи му нова шанса за формирање на Влада и за ставање крај на долгиот политички ќор-сокак, јави Ројтерс. АНО, партијата на Бабиш, беше победник на изборите во октомври минатата година, но откако ниедна друга партија не сакаше да коалицира со неа, Бабиш формираше малцинска Влада. Набргу потоа на Владата ѝ беше изгласана недоверба, по што политичката криза продолжи, за денес чешкиот претседател повторно... Читать дальше...

Aмбасадорката Кеј Бејли Хачисон, постојаната претставничка на САД во НАТО, изјави дека Алијансата ќе направи се што е можно за да ја заштити Македонија од, како што вели, руската агресија и покрај тоа што процедурата за прием на земјата во организацијата се уште не е почната заради нерешеното прашање за името, пренесе РИА Новости. „Ако спорот за името не биде решен до средбата на врвот на членките на НАТО и не биде започната процедурата за нејзин прием ќе продолжиме да работиме за заштита на земјата од штетните влијанија. Читать дальше...

Заменик-министерот за надворешни работи на Грција, Јанис Аманатидис, во интервју за грчата ТВ Скај изјави дека Скопје и Атина се блиску до решение на прашањето за името и дека не е загрижен за задоцнувањето во процесот, бидејќи „на другата страна ѝ е потребно време за да го разгледа договорот“. Заменикот на Коѕијас рече дека договорот е во интерес и на двете земји и „ги решава проблемите на таков начин што нема да се создаваат конфликти во иднина“.  „Тоа е пакет решение, министерот откри дека... Читать дальше...

Генералниот секретар на НАТО, Јенс Столтенберг, изјави дека Русија треба да го смени однесувањето за да ѝ бидат укинати санкциите. „Санкциите се важни, затоа што она што Русија го направи во Украина води кон последици. Не сакаме да ја изолираме Русија, ја поздравувам поддршката на Италија за дијалог со Москва“, додаде Столтенберг на прес-конференцијата пред дводневната средба на министрите за одбрана на Алијансата. Тој истакна дека НАТО сериозно ги сфаќа разликите кои се создадоа меѓу САД... Читать дальше...

Радио Слободна Европа ја осуди одлуката на азербејџанскиот Врховен суд, донесена на 4 јуни, да ја поддржи владината забрана за азербејџанската веб-страница на компанијата, оквалификувајќи го чинот како напад врз слободата на печатот. "Во 2014 година, кога азербејџанските власти го затворија нашето биро без законско право, научивме дека ние и сите независни медиуми сме мета, цел", рече Томас Кент, претседателот на Радио Слободна Европа. Според Кент, „оваа одлука го потврдува тоа“ и дека „тоа е... Читать дальше...

Владејачкиот СДСМ денеска обвини дека лидерот на ВМРО-ДПМНЕ Христијан Мицкоски, во телефонска изјава за еден национален медиум, признал дека земал пари додека бил советник на Никола Груевски, спротивно на она што го тврдеше во дуелот со премиерот Зоран Заев, дека го советувал грувски без надомест. „Ова негово лично признание, потврдува дека Христијан Мицкоски ги излажа граѓаните. Јавно објавените документи покажуваат дека Мицкоски, додека му бил советник на Груевски, земал пари од Буџетот и тоа ги чинело граѓаните околу 2 милиони денари“... Читать дальше...

Владата се уште без официјален став за тоа кога би се реализирал евентуалниот телефонски разговор или средба меѓу премиерите на Македонија и Грција, Зоран Заев и Алексис Ципрас во рамки на процесот на преговорите за решавање на спорот со името. Портпаролот на Владата, Миле Бошњаковски денеска на прес-конференција не прецизира до каде се преговорите и дали е можна средба или телефонски разговор на премиерите на Грција и Македонија до крајот на неделава.

Европската служба за спречување измами (ОЛАФ) се сомнева дека Грција и Унгарија се во центарот на повеќемилионска измама со увоз на кинеска облека и обувки со потценета вредност, преку инфраструктурата на новиот кинески „Пат на свилата“. Измамата со големи размери, во вид на намалување на вредноста на увезената стока поради плаќање помали царини и данок на промет, прво е откриена во Британија, поради што Европската комисија побара од Лондон годинава да уплати 2,7 милијарди евра во Буџетот на ЕУ на име изгубени приходи од ненаплатени царини. Читать дальше...

Денешното рочиште за обидот за убиство на пратеникот Зијадин Села во Собранието на 27 април 2017 беше прекинато откако му се слоши на еден од обвинетите, Александар Јаневски - Тошта. Претходно, обвинителот Дарко Јакимовски рече дека се утврдени нови елементи со изнесувањето на новите докази на претходното рочиште, и затоа се предлага измена на обвинителниот акт. Обвинителството од новата снимка утврдило дека обвинетиот Сашко Сенков го заштитувал, а не го напаѓал Села, по што е запрена постапката против него. Читать дальше...

Владите на Македонија и на Косово наскоро ќе одржат заедничка седница на која ќе бидат потпишани повеќе договори за зајакнување на соработката во железничкиот сообраќај, дијаспората, одбраната, иновациите, културата, економијата... „Вицепремиерот задолжен за европски прашања Бујар Османи вчера на владина седница беше назначен за координатор за седницата и тој заедно со заменик-претседателот на косовската Влада треба да го одредат датумот за одржување на седницата“, информираше на денешната прес-конференција владиниот портпарол Мухамед Хоџа. Читать дальше...

Вицепремирот Бујар Османи денеска и утре во Брисел го презентира Планот 18, а со предвидените мерки ќе биде запознаена и високата претставничка на Европската Унија Федерика Могерини. Упатените сугерираат дека новата владина реформска агенда треба да има поконкретни и мерливи мерки.