Новости за 27.11.2020

Кыргызстанда жакшы мыйзамдар кабыл алынганы менен ошол мыйзамдар иштебей турганын белгилеген коомдук ишмер Алмамбет Матубраимов бул мүчүлүштүк бийлик башындагыларда да бар деп эсептейт. Экс-спикер бул тууралуу «Азаттыктын» «Бийлик сырлары» программасына маек куруп жатып билдирди: «Мына, мыйзам боюнча Кыргызстанда парламенттик башкаруу системасы. Президенттин бийлиги жок. Парламент өкмөттү бекитет, кааласа кетирет. Президент коргоо министри менен коопсуздук кызматынын жетекчисин коё алат. Калган укуктун баары парламентте. Читать дальше...

Бишкекте «Жаштардын жергиликтүү деңгээлдеги тынчтыкты бекемдөө демилгелери» деп аталган улуттук “тегерек стол” талкуусу өттү. Талкуу “Жаш тынчтык куруучулар” долбоорунун алкагында уюштурулду. Долбоорду “Тынчтык жана өнүктүрүү институту” (IPD) коомдук фонду “Жаштар кеңештери жана уюмдары” ассоциациясы, Жаштар иштери, дене тарбия жана спорт боюнча мамлекеттик агенттик, Билим берүү жана илим министрлиги жана Эл аралык мамилелер институту (IFA) менен биргеликте ишке ашырууда. Жыл башынан бери долбоордун... Читать дальше...

Кыргыз Республикасынын азыркы расмий аталышы өзгөртүлбөйт. Бул тууралуу 27-ноябрда Баш мыйзамдын жаңы долбоорун талкуулап жаткан Конституциялык кеңешменин мүчөсү, Кыргыз улуттук университетинин теория жана мамлекеттин тарыхы жана укук кафедрасынын башчысы, юридика илимдеринин доктору Болот Токтобаев билдирди: «Аталашты өзгөртүү бир да секцияда каралган жок. Кыргызстан деп, Кыргыз Республикасы деп айтып жүрөбүз – бул биздин конституциялык аталышыбыз». 17-ноябрда Жогорку Кеңеш Баш мыйзамдын жаңы долбоорун коомдук талкууга чыгарган. Читать дальше...

Диего Марадонанын каза болгону тууралуу кабар 25-ноябрда айтылган. XX кылымдын мыкты футболчуларынын бири жүрөк кемтигинен каза болду.

Конституциянын жаңы долбоорунда жеке укуктар жана эркиндик боюнча сунуш кылынган норма четке кагылды. Бул тууралуу 27-ноябрда Баш мыйзамдын жаңы долбоорун талкуулаш үчүн түзүлгөн Конституциялык кеңешменин мүчөсү, юридика илимдеринин доктору Нурлан Шерипов билдирди. Анын айтымында, маалымат таратуу жана сөз эркиндигине залака тийгизиши ыктымал болгон норма кеңешмеде көпкө талкууланып, акыры бир чечим кабыл алынды.  «Биздин оюбузча, келечекте бул норма жарандардын укуктарын жана эркиндигин бузууга алып келиши ыктымал. Читать дальше...

«AstraZeneca» фармацевтикалык компаниясы коронавируска каршы өндүргөн вакцинасынын натыйжалуулугун текшериш үчүн кошумча сыноолорду жүргүзүшү мүмкүн. Мындай кабар бул вакцина боюнча суроолор көбөйүп, бир катар окумуштуулар клиникалык сыноолордун жыйынтыгынан күмөн санаган соң тарады. Британиялык «AstraZeneca» компаниясы Оксфорд университети менен бирге даярдап жаткан вакцинасынын натыйжалуулугу 90% чейин жетиши ыктымал экенин ушул аптада башында жарыялаган.  Ыктыярчыларды эмдөө эки жолу жүргүзүлүп... Читать дальше...

Топ дарбазанын так үстүңкү бурчунан кирип, ага голкипер Пламен Ивановдун колу жетпей калган.

Премьер-министрлик кызматты убактылуу өткөрүп берген Садыр Жапаров орус тилин расмий макамдан ажыратуу туура эмес деп эсептейт. Бул жөнүндө ал 27-ноябрда «Фейсбук» баракчасына жазып, орус тили Бириккен Улуттар Уюмунун трибунасында колдонулган алты тилдин бири экенин белгиледи. Жапаров: «Орус тили - биз кылымдардан бери колдонуп келген, улуттардын байланышын бириктирген тил. Евразия өлкөлөрү менен байланышты жана карым-катнашты орус тилсиз жүргүзүү мүмкүн эмес. Ошондуктан, орус тили расмий тил катары сөзсүз калыш керек», деп жазды. Читать дальше...

Түркмөнстандын бийлиги 45 жаштан өткөн адамдарга өлкөдөгү бир аймактан экинчисине сапарга чыгууга чектөө киргизди. Бул тууралуу «Азаттыктын» түркмөн кызматы жазып чыкты. «Медиа-Түркмөн» басылма 50 жаштан өткөндөргө өз жашаган шаардан сыртка чыгууга тыюу салынганын жазууда. «Азаттыктын» чыгыштагы Лепаб дубанындагы кабарчысынын маалыматы боюнча, жергиликтүү саламаттык сактоо органдарынын өкүлдөрү, милиция кызматкерлери мындай чектөөнү 45 жаштан жогорку курактагылар ар түркүн жугуштуу оорууларды жугузуп алышы мүмкүн деп түшүндүрүп жатышат. Читать дальше...

Мурдагы башкы прокурор, Жогорку Кеңештеги «Ата Мекен» фракциясынын мурдагы депутаты Аида Салянованын иниси Улан Саляновдун өлүмү боюнча соттун өкүмү бүгүн, 27-ноябрда чыкты. Бишкектин Биринчи май райондук сотунун судьясы Марат Сыдыков Улан Саляновду өлтүрүүгө айыпталган Эрмек Осмонкуловду 18 жыл эки айга, ал эми экинчи шектүү Асанэмир Абыкуловду 15 жылга эркинен ажыратты. Ал эми үчүнчү шектүү Заур Насруллаев тууралуу сөз болгон жок. Прокуратура кылмышка шектүүлөрдү өмүр бою эркинен ажыратууну сураган. Читать дальше...

Казакстандагы өзүн оппозициячыл атаган Казакстандын Жалпы улуттук социал-демократиялык партиясы 2021-жылдын 10-январында өтчү парламенттик шайлоону бойкоттой турганын жарыялады. Мындай чечим партиянын 27-ноябрда өткөн жыйынында кабыл алынды. Партиянын лидери Асхат Рахимжанов мындай кадамды Казакстандын саясий айдыңында мурдагы эле саясий элита көзөмөлдөп жатканы менен түшүндүрдү. «Мурдагы эле эрежелер, мурдагы эле саясий партиялар катышып жатат», -д еп билдирди Рахимжанов. Казакстанда расмий каттоодон өткөн алты партия бар. Читать дальше...

Кыргызстандын Куралдуу күчтөрүнүн башкы штабынын башчысы Таалайбек Өмүралиев бүгүн, 27-ноябрда Орусиянын Борбордук аскер округунун командачысы Александр Лапин менен жолукту. Жолугушуу учурунда Таалайбек Өмүралиев Орусия Кыргызстандын негизги стратегиялык өнөктөшү экендигин, эки өлкөнүн ортосунда ар тармактуу кызматташуу өнүгүп жатканын, анын негизинде аскердик жана аскердик-техникалык тыгыз кызматташуу түзүлгөнүн белгиледи. Ал буга аскерлердин ыкчам жана күжүрмөн даярдыгы, аскер кызматкерлерин окутуу... Читать дальше...

Кыргыздын кыз-келиндеринин кулк-мүнөзү өтө мокок, өтө жалтак. Себеби, тестиер кезинен калыптанган мүнөзү ошол. Болгондо да үй-бүлөдөн! Мына ошол кулк-мүнөзү кийин эр бүлөнүн зордук-зомбулугуна да жол бербей коёбу?! Арийне, кенедейинен басым-кысым астындагы “сен кызсың” деген рамканын ичинде жүрүп бой сунган кургур кийин турмушка чыкса да, ага карата басым-кысымдын баарын көндүм адаттай кабыл алган көрүнүштөрдү турмуштан көп эле кезиктирүүгө болот. Өзгөчө күйөөсүнө кыңк этпес шордууга айланган кыз-келиндер айыл жергесинде толтура. Читать дальше...

"Азаттыктын" 2х1 форматындагы эксклюзив маегинин кезектеги коногу - Коопсуздук кеңешинин мурдагы катчысынын орун басары Өмүрбек Суваналиев. Ал журналисттердин парламенттик шайлоодон кийинки бийлик алмашуу учурундагы жана андан кийинки коомдук-саясий кырдаал, кылмыштуулукка, коррупцияга каршы күрөштүн күңгөй-тескейи тууралуу суроолоруна жооп берди.

АКШ президенти Дональд Трамп Шайлоочулар коллегиясы Жо Байденди президенттик шайлоодо жеңүүчү катары тааныса кызматын тапшырарын алгач жолу ырастады. 26-ноябрда Трамп журналисттердин суроолоруна жооп берип жатып: «Албетте, мен муну кылам, аны силер да жакшы билесиңер», - деп билдирди. Бирок ал дагы эле добуштарды эсептөөдө бурмалоого жол берди деген пикирде экенин эске салды. «Жеңилгенди моюнга алуу кыйын болот, анткени баарыбыз билгендей, абдан кеңири масштабда алдамчылык болду», - деди Дональд Трамп. Читать дальше...

Эскертүү иретинде Чүй облустук жол кыймыл коопсуздугун камсыздоо башкармалыгынын (ЖКККБ) кызматкерлери асманга ок атканын облустук ички иштер башкармалыгынын басма сөз кызматы кабарлады. Маалыматка ылайык, облустук ЖКККБнын кызматкерлери 26-ноябрь күнү Ысык-Ата районунда документ текшерүү максатында «Мерседес-Бенц» үлгүсүндөгү эки машинени токтотушкан. Анда «автоунаанын айдоочулары ага баш ийбей, токтотпой айдап кетишкен. Артынан кууган милиция кызматкерлери автоунаалардын бирин Киров айылынын аймагында кууп жетип... Читать дальше...

28-ноябрда түнкүсүн Талас, Ош, Жалал-Абад, Баткен облустарынын көпчүлүк аймактарында, Чүй, Ысык-Көл, Нарын облустарынын кээ бир райондорунда маал-маалы менен кар жаайт. Эртең менен жана күндүз көпчүлүк аймактарда маал-маалы менен кар жаайт, Чүй, Ош, Жалал-Абад, Ысык-Көл облустарынын кээ бир райондорунда жаан-чачын арбын жаайт. Жолдор тоңголок, тайгак болот. Батыш тараптан соккон шамалдын ылдамдыгы секундасына 4-9 метрден, кээ бир райондордо 15-20 метрге жетет.   Абанын температурасы: Чүй өрөөнүндө түнкүсүн -4…+1... Читать дальше...

Кыргыз театр маданиятынын тарыхында алгачкы жолу I Республикалык жаш театр ишмерлеринин «Жаратман - 2020» форуму өтөт. Иш-чара 27-ноябрда кечки саат беште башталарын Токтоболот Абдумомунов атындагы Кыргыз улуттук академиялык драма театрынын өкүлдөрү маалымдашты. «Форум онлайн форматта өтөт жана бир жумага созулат. Максаты - жаш муундардын билимин тереңдетүү, театр искусствосун өркүндөтүү. Алдыңкы театр чеберлери билими, тажрыйбасы менен бөлүшмөкчү»,- деди долбоордун демилгечиси Назым Мендебаиров. Читать дальше...

Дүйнө жүзүндөгү качкындардын улам жаңы толкундары улам жаңы муундун үй-бүлөлүк кайгысы, атажуртту сагынуусу менен коштолот. Публицист Аким Кожоевдин блогу.

Кыргызстандын акыйкатчысы Токон Мамытов Европа Кеңешинин кеңеш берүүчү органы болгон Венеция комиссиясынын төрагасы Жанни Букикиого кайрылып, Кыргызстанда Баш мыйзамдын сунуш кылынып жаткан жаңы долбооруна эл аралык экспертиза жүргүзүүгө көмөктөшүүнү суранды. Бул тууралуу Акыйкатчынын басма сөз кызматы 27-ноябрда кабарлады. Кыргызстандын акыйкатчысы коомдук талкууга коюлган долбоордун өзү да, конституциялык реформа канчалык зарыл деген маселе да талкууланып жатканын айтты. Конституциянын жаңы долбоору... Читать дальше...

Өкмөт коронавируска кабылган медицина кызматкерлерине кенемте төлөш үчүн документтерди кабыл алууну убактылуу токтотту. Мурда кайрылгандардын саны 3000ге чукулдап калгандыктан, алардын документтери текшерилип бүтмөйүнчө башкалардан арыз алынбайт. Бул тууралуу Саламаттык сактоо министрлигинин коррупциянын алдын алуу маселелери боюнча ыйгарым укуктуу өкүлү Индира Жумабаева билдирди. «Жаңы жыл майрамынан кийин кайра кабыл алына башташы мүмкүн. Балким ошондо коронавирус жуккандарга гана эмес, пневмонияга... Читать дальше...

Кечээ, 26-ноябрда, дүйнө эли футбол тарыхындагы мыкты оюнчулардын бири, аргентиналык Диего Армандо Марадона менен коштошту. Ал Буэнос-Айреске жакын жердеги ата-энеси коюлган мүрзөдө жерге берилди.

Талас райондук соту адам өлүмү менен аяктаган жол кырсыгына айыптуу деп табылган кишини үч жылга эркинен ажыратты. Бул тууралуу 27-ноябрда «Азаттык» радиосуна Жогорку соттун басма сөз кызматынын өкүлү Изати Шүгүралиева кабарлады: «Жазык кодексинин 78-беренесине ылайык, белгиленген жазаларды жарым-жартылай кошуу жолу менен Ш.М.Ж. эки жылдык мөөнөткө айдоочулук укугунан ажыратуу менен үч жылдык мөөнөткө эркинен ажыратуу түрүндөгү акыркы жаза дайындалды». Облус башчысынын кеңешчиси Марслатбек Шералиев... Читать дальше...

Баш мыйзамдын жаңы долбоорун талкуулап жаткан Конституциялык кеңешме Кыргызстанда орус тили расмий макамдан ажыратылбашы керек деп эсептейт. Бул боюнча азыркы норма өзгөрүүсүз калтырылганын 27-ноябрда кеңешменин мүчөсү, Мамлекеттик башкаруу академиясынын профессору Урмат Аманалиев билдирди: «Орус тили расмий тил бойдон калды. Ооба, норманы Конституциядан алуу тууралуу сунуш болгон». 26-ноябрда Конституциялык кеңешменин мүчөсү, коомдук ишмер Садирдин Төралиев кыргыз тилинде гана атайын макам болушу керек экенин айтып... Читать дальше...

Бишкектин Октябрь районунун мурдагы акими Константин Куценко үй камагына чыгарылды. Мындай чечим Биринчи Май районундук сотунда чыкканын 27-ноябрда "Азаттык" радиосуна Жогорку соттун маалымат кызматы кабарлады. 24-ноябрда Экономикалык кылмыштарга каршы күрөш боюнча мамлекеттик кызмат (Финансы полициясы) Куценко «соттун чечими менен конфискация боло турган жер тилкесинин ээсин алмаштыруу боюнча коррупциялык схеманы аныктоо ишинин алкагында кармалганын, факт боюнча Жазык кодексинин 319-беренесинин... Читать дальше...