Новости за 29.11.2020

29-ноябрда Индонезиядагы Левотоло жанар тоосу атылып, жергиликтүү тургундар шашылыш үйлөрүн таштап кетүүгө аргасыз болушту. Жабыркагандар же кыйроолор тууралуу маалымдалган жок. Күбөлөрдүн бири тарткан видеодо тоодон түтүн, күл аралаш булут көтөрүлгөнү көрүнүп турат. Адистер атырылган түтүн төрт километрге чейин жеткенин айтышат. Жергиликүү бийлик айланадагы айыл-кыштактардан 3 жарым миңдей киши турак жайларын таштап кетишкенин билдирди. Индонезияда 130 чакты активдүү вулкан орун алып, бул боюнча өлкө рекорд койгон. Читать дальше...

Аргентинанын прокуратурасы футбол жылдызы Диего Марадонанын өлүмү териштириле турганын жекшембиде билдирди. Маркумдун дарыгеринин үйүндө тинтүү жүргүзүү тууралуу буйрук берилди. Прокуратуранын билдирүүсүнө караганда, тинтүү жүргүзүүнү Буэнос- Айрестин жака белиндеги Сан-Исидро шаарчасынын прокуратурасы өтүнгөн. «Чогултулган далилдердин жана көрсөтмөлөрдүн негизинде догдур Леополдо Лукенин үйүн жана иш кеңсесин тинтүүгө уруксат алууну чечтик» деп айтылат прокуратуранын маалыматында. Тергөө кандай негизде жүрүп жатканы такталган жок. Читать дальше...

Орус газын Германияга ташый турган «Түндүк агым-2» куурун салуу декабрдын башында жанданат. Бул тууралуу өткөн ишембиде "Nord Stream 2 AG" компаниясынын өкүлдөрү журналисттерге билдиришти. Германиянын "NDR 1 Radio MV" каналы курулуш 5-декабрда улантыларын маалымдады. Балтика деңизинин түбүндө жаткырылчу куурдун курулушу АКШнын санкцияларынан улам былтыр декабрда токтоп калган. «Кара тизмеге» түтүктөрдү жаткырган кемелер киргизилген. Ошондон кийин курулуш иштери менен алектенген швейцариялык компания ишин токтоткон. Читать дальше...

29-ноябрда Александр Лукашенкону бийликтен кетирүүнү талап кылган нааразылык жүрүштөрүнө катышкан 130дай демонстрант Минск шаарында жана Боровляны жергесинде коопсуздук күчтөрү тарабынан кармалганын укук коргоочу «Весна» уюму маалымдады. Өлкөнүн башка аймактарында да камакка алуулар болгону кабарланууда. Беларус оппозициясы ушуну менен экинча апта бою «Коңшулар жүрүшү» деп аталган тактиканы колдонууда. Ага ылайык, нааразылык чаралары бир жерде эмес, шаардын жана өлкөнүн  башка аймактарында бир учурда уюшулгандыктан... Читать дальше...

Ооганстанда жекшемби күнү жанкечти Газни аймагындагы аскердик базага кол салганда бери дегенде 30 жоокер мерт кетти. Расмий маалыматка ылайык, дүрмөттөлгөн машине жарылганда кеминде дагы 24 аскер жараат алды. Бул тууралуу жергиликтүү бийлик өкүлдөрү билдиришти. Куралдуу күчтөрдүн басма сөз катчысы жардыруу болгонун бышыктады, бирок жабыркагандар тууралуу маалымат берген жок. Кол салуу үчүн эч ким жоопкерчилик ала элек. Газни провинциясында соңку кезде «Талибан» кыймылынын согушкерлери менен ооган... Читать дальше...

Жүрөгүндөгү сүйүү, кусалык, өкүнүч, сагыныч сезимдерин ыр менен туюнтуп, өзү көргөн ажайып жараталышты окурмандарынын да көрүшүн каалап «Фейсбук» баракчасына жарыялаган миграциядагы акын менен маек.

24-28-ноябрда Бишкекте Кыргызстандын бокс боюнча чемпионаты өттү. Анын жыйынтыгына карап Кыргызстандын улуттук курама командасы куралат.

Оболу 2020-жылы жайында өткөрүлө турган Токио Олимпиадасын коронавирустун айынан бир жылга кечеңдетүүнүн айынан анын уюштуруучулары 2 миллиард АКШ доллар  (200 миллиард йен)  кошумча чыгымга кабылышканын маалымдашты. Уюштуруучуларга шилтеме кылып, жапондук «Йомиури» гезити дал ушундай маалыматты жарыялады. Бул кошумча чыгымга кызматкерлерге кошумча айлык акы төлөө, колдонулбай калган билеттерди кайтаруу  системасын түзүү сыяктуу иштердин төлөмдөрү жана башкалар кирет. Токио Олимпиадасын уюштуруучулар... Читать дальше...

Бишкек шаарында жарандык активисттер Конституцияны реформалоо боюнча мыйзам долбооруна каршылык билдирип, кезектеги нааразылык акциясына чыгышты. Алар «Референдумга жол жок!», «Хансыз өлкө», «Мыйзамдуу мамлекет» деген ураандарды айтышты. Конституцияны өзгөртүүгө каршы жана аны колдогон тараптардын талашы дагы деле токтой элек. Биринчи тарап бийликти бир колго топтоо аракети жүрүп жатат, мыйзамдар одоно бузулууда деп кайталап келет. Долбоорду жактагандар болсо ага макул эмес. Конституциялык референдумга... Читать дальше...

Бишкек шаарында 29-ноябрда Конституцияны өзгөртүүгө каршы болгондор нааразылык акциясына чыгышты. Ар жекшембини акция күнү деп белгилеп алган жарандык активисттерге саясатчылар, Бишкек шаарынын тургундары да кошулду. Алар бийликти бир колго топтоо аракети жүрүп, мыйзамдар одоно бузулуп жатканын айтышууда.

Беларустун борбору Минск шаарынын айрым бөлүктөрүндө жана башка шаарларда Лукашенкого каршы “коңшулук жүрүш” алкагында нааразылык жыйындары өтүүдө. 29-ноябрда оппозиция жаңы ыкманы кайталады: эми жыйындар бир жерде эмес, чачкын түрдө уюштурулууда. Нааразылык жүрүшүнүн бөлүктөрүнүн катышуучулары шаарлардагы жүрүш багыттарын өздөрү аныктап алышат. Алардын талаптары мурдагыдай эле: Александр Лукашенконун мамлекет башчы кызматынан чегиниши, саясий камактагыларды дароо абактан бошотуу, коопсуздук күчтөрүнүн зомбулуктарына чек коюу. Читать дальше...

Жогорку Кеңештин мурдагы депутаты, саясатчы Бектур Асанов 29-ноябрда брифинг өткөрүп, ачкачылык акциясын токтотконун кабарлады. Ал мындай чечимди саясаттагы өнөктөштөрүнүн жана досторунун өтүнүчү менен кабыл алганын, ага карабай күрөш улана берерин айтты. Брифингде анын жанында саясатчылар, экс-премьер-министр Феликс Кулов, депутаттар Канатбек Исаев, Каныбек Иманалиев, экс-депутат Равшан Жээнбеков, ички иштер министринин мурдагы орун басары Курсан Асанов чогуу отурушту. Бектур Асанов 27-ноябрда мөөнөтсүз ачкачылык жарыялап... Читать дальше...

АКШнын Калифорния штатындагы Карсон шаарында 28-ноябрда бокс тарыхындагы мыкты мушкерлер Майк Тайсон менен Рой Жонс беттешти. Калыстар сегиз раундга созулган беттештин жыйынтыгында мушкерлер тең күч сынашканын жарыялашты. Бирок Тайсон бул чечимге макул эмес. Ал беттеште жеңгенин айтып, калыстарга нааразычылыгын билдирүүдө.

Мамлекеттик салык кызматынын Бишкектин Октябрь райондук башкармалыгынын имаратынын кире бериш чатырчасы күйүп кетти. Бул тууралуу Өзгөчө кырдаалдар министрлигинин басма сөз кызматы ырастады. Анда айтылгандай, өрт имаратка жалгашып курулган күзөтчү отурган күркөдөн чыккан. Тилсиз жоону өчүрүүгө өрткө каршы кызматтын эки бөлүмү тартылып, чектөөгө алган. Жабырлануучулар жок экени маалымдалды. Келтирилген чыгым эсептелип жатат. Өрттүн себептери да иликтенүүдө. Расмий маалыматка ылайык, 2020-жылдын... Читать дальше...

Расмий Ташкент Сириядагы террорчул “Ислам мамлекетинин” мурдагы жоочулары жана алардын жакындары кармалган лагерде кала берип жаткан өзбекстандык жарандардын дагы бир тобун мекенине кайтармакчы. Бул тууралуу Өзбекстандын өкмөтүндөгү өз ысымын атагысы келбеген кызматкер айтканын “Рейтер” агенттиги 29-ноябрда маалымдады. Өзбекстандын расмий өкүлчүлүгү Сириядагы күрттөр көзөмөлдөп жаткан чөлкөмгө барып, мындагы 100 чакты өзбекстандык менен жолуккан. Алардын көбү аялдар менен балдар болгон. Өзбек... Читать дальше...

Жоомарт Оторбаев: “Кыргызстандагы постреволюциялык кыйчалыш”. Аял башкарган өлкөдөгү ийгилик. Кытай Борбор Азиядагы ири долбоорлорун токтотууда.

Улуттук коопсуздук боюнча мамлекеттик комитеттин (УКМК) төрагасы Камчыбек Ташиев ооруканада жаткан жеринен «Фейсбукка» пост жазып, абалы тууралуу кыскача кабарлады. «Эч кимге айтпай үч күн ооруканада жаткандан кийин билип калдыңар, миңдеген-миңдеген адамдар дуба кылып, каалоолорун айтышты. Мен көпчүлүгүнө жооп бере албадым. Баарыңыздарга терең ыраазычылыгымды билдирем, рахмат айтам. Эми өзүмдүн диагнозумду билем, менин өмүрүм - кыргыз элимдики. Эми мындан да катуураак иштейм, үлгүрүш керек»,- деп жазды. Читать дальше...

Украинанын коопсуздук кызматы 1932–33-жылдардагы сталиндик режим атайын уюштурган ачарчылыкта («Голодомор») кырылгандардын санын кыйыр далилдеген архивдик маалыматты ачыктады. Бул демографиялык маалымат совет доорунда цензорлор тарабынан жашыруун сакталып келген. Украинанын коопсуздук кызматы өзүнүн «Фейсбуктагы» барагында жарыялаган маалыматка караганда, 1937-жылдагы Бүткүл союздук эл каттоонун көрсөткүчү бул жумурияттагы чыныгы демократиялык кризисти таасын далилдеген. 1937-жылга карата Украинада... Читать дальше...

«Кыргызгидромет» борбору кабарлагандай, 30-ноябрда түнкүсүн Ысык-Көл облусунун кээ бир райондорунда кар жаашы мүмкүн, калган аймактарда жаан-чачын болбойт. Күндүз жаан-чачын күтүлбөйт. Батыштан соккон шамалдын ылдамдыгы секундасына 4-9 метрден, Ысык-Көл облусунун кээ бир райондорунда 15-20 метрге жетет. Абанын температурасы: Чүй өрөөнүндө түнкүсүн -7…-12, күндүз -3…-8; Талас жергесинде түнкүсүн -14…-19, күндүз -3…-8; Баткен, Ош, Жалал-Абад дубандарында ​түнкүсүн -4 …-9, күндүз -3…+2; Ысык-Көл облусунда түнкүсүн -5…-10... Читать дальше...

Орусиянын белгилүү илимпоздорунун бири, академик Владимир Фортов 29-ноябрдын таңында коронавирустун айынан дүйнөдөн кайтты.  2013-2017-жылдары Орусия Илимдер академиясын жетектеген академик Владимир Евгеньевич Фортов (1946 —2020) тыгыз плазмадагы кубаттуу толкун соккусунун физикасы жана заттардын адаттан тышкаркы абалдары боюнча эмгектери менен маалым.  Орусия Илимдер академиясынын вице-президенти Владимир Иванов академик Фортовдун өлүмү ата мекендик жана дүйнөлүк илим үчүн оор жоготуу болду, деп билдирди. Читать дальше...

Бүгүн бокс дүйнөсүндө чоң майрам болду. Спорттун дөө-шаалары Майк Тайсон менен Рой Жонс рингде көптөн күттүргөн кармашты тартуулады.

Ооганстандын расмий бийлигинин маалымдашынча, 29-ноябрда эртең менен өлкөнүн Газни вилейетинде бир жанкечти жардыргыч зат жүктөлгөн автоунаасы менен Газни шаарынын чет жакасындагы аскердик базага кол салып, натыйжада коопсуздук күчтөрүнүн бери дегенде 26 кызматкери набыт болду. «Ушул тапта бизге 26 кишинин сөөгү жана 17 жарадар жеткирилди. Бардыгы тең – коопсуздук күчтөрүнүн кызмакерлери», – деп Газни шаарынын ооруканасынын директору Мухаммед Хемат «Франс Пресс» агенттигине маалымдады. Газни... Читать дальше...

Сербиянын Монтенегродогу (Черногория) элчиси Владимир Божович Монтенегронун бийлигинин Сербия менен биригүү тууралуу 1918-жылкы чечимин «боштондук» деп атаганы эки өлкө ортосунда чатак жаратты. Сербиялык дипломаттын сөзүн расмий Подгорице (Монтенегронун борбору) «Монтенегронун ички ишине кийлигишүү» катары баалап, Божовичке 72 сааттын ичинде өлкөдөн чыгып кетүү тууралуу эскертүү берди. Буга жооп кылып серб бийлиги Монтенегронун Белграддагы элчиси Тарзан Милошевичтин Сербиядан чыгып кетишин талап кылды. Читать дальше...

Эл аралык «Ассанабил» кайрымдуулук фонду Жалал-Абад шаарынын Спутник кичи районунда «Бахрейн» деп аталган жаңы шаарча кура баштады. Бул тууралуу Жалал-Абад шаардык мэриясынан кабарлашты. Бүгүн, 29-ноябрда шаарчадагы алгач социалдык объект болгон мектептин пайдубалына капсула салынды. Ага жергиликтүү жетекчилер жана «Ассанабил» фондунун жетекчиси Саид Баюми жана шаар тургундары катышты. Фонд бул аймакта мектептен сырткары бала бакча, үй-бүлөлүк дарыгерлер пунктун, мечит жана аз камсыз болгон үй-бүлөлөргө турак-жайларды куруп бермекчи. Читать дальше...

Орусиянын полициясы коронавирус пандемиясы башталгандан бери эрежелерди бузган миллиондон ашык адамды административдик жоопкерчиликке тартып, айыппул салды. Бул тууралуу өлкөнүн Ички иштер министрлигине таянуу менен ТАСС агенттиги жазды. Алардын көпчүлүгү, тагыраагы 976 миң киши өзгөчө кырдаал тартибин бузганы үчүн жазага тартылды.  Эң төмөнкү жазана катары миң рубль айыппул салынат. Экинчи кезекте Москва шаарындагы эпидемиялык эрежелерди бузгандар 109 миңдей адамды түзөт. Калгандары санитардык-эпидемиологиялык эрежелерди бузгандар. Читать дальше...