Новости за 26.11.2020

Коопсуздук кеңешинин катчысынын мурдагы орун басары Өмүрбек Суваналиев «Азаттыктын» «Эки бир» программасында маек куруп, 6-октябрдагы саясий окуяларда криминал бийликти колго алууга аракет кылганы жөнүндө маалыматы болгонун билдирди. «Мен айтып жаттым. «Аянтта кылмыштуу топтун мүчөлөрү жүрөт» деп. Уюшкан кылмыштуу топтун «Дөө Чыңгыз» деген лидери таасирин көрсөткүсү келип жатканын айттым. Бирок мен координацияда турганда Камчы Көлбаев киришпей калды. Анткени биз алардын жолун буудук. Бирок алардын... Читать дальше...

Коопсуздук кеңешинин катчысынын мурдагы орун басары Өмүрбек Суваналиев Башкы прокуратуранын саясатчы Адахан Мадумаровдун Орусиядагы кыргызстандыктар менен жолугушуусу боюнча Борбордук шайлоо комиссиясына (БШК) кайрылганын туура эмес деп эсептейт. Суваналиев мындай пикирин «Азаттык» менен болгон маегинде билдирди. «Мадумаров барып ал жактагы биздин жарандар менен жолугуп эле жүргөн. Ал роль ойнобойт. Бизде мамлекеттик кызматкерлер кызмат көрсөтөбүз дейт. Анын кесепетин ойлош керек. Ар бир аткаминер саясатты дагы ойлошу керек. Читать дальше...

Бишкекте диндер аралык тилектештикке арналган жыйында дүйнөбий мамлекет принциптерин сактоо, динчил чөйрөнүн укуктарын урматтоо сыяктуу чакырыктар айтылды.

Орусиянын тышкы иштер министри Сергей Лавров Батыш өлкөлөрүн "Беларустун ички ишине кийлигишти" деп айыптады. Бул тууралуу ал 26-ноябрда Минскиде Александр Лукашенко менен жолугушуудан кийин  билдирди. Беларус тышкы иштер министри Владимир Макей менен биргеликте өткөн маалымат жыйынында сүйлөп жатып Сергей Лавров Батыш Минскиге одоно түрдө кийлигишип жатканын айтты: “Сырттан кийлигишүү жана ортомчулардын кереги тийбеген  сунуштарысыз эле акылман беларус калкы өз ишин өзү чече алат”. Лавров “Батыш өлкөлөрү коомдук пикирди бурмалап... Читать дальше...

Аргентинанын президенти Альберто Фернандес футболчу Диего Марадонанын өлүмүнө байланыштуу өлкөдө үч күндүк аза күтүү жарыялады. Диего Марадона 25-ноябрда 60 жашында жүрөгү токтоп каза болду. Италиянын Неаполь шаарынын тургундары дагы көчөгө чыгып, аргентиналык генийди эскерип жатышат. Анткени, Диего Марадона бул шаардагы “Наполи” клубун дүйнөгө тааныткан. Чемпиондор лигасынын алкагындагы оюндар да Марадонаны эскерүү мүнөтү менен башталууда. Дүйнө эли коштошуп жаткан Диего Армандо Марадонанын... Читать дальше...

Нидерланддын соту 2014-жылы Украинада атып түшүрүлгөн "Malaysia Airlines" компаниясына таандык учак боюнча иштин алкагында альтернативалуу версияларды териштирүү үчүн тергөөгө кошумча убакыт берүүдөн баш тартты. Бул иштин алкагында төрт адамга айып тагылган. Малайзиянын Амстердам-Куала-Лумпур багытындагы учагы 2014-жылдын 17-июлунда Украинанын Донецк облусунун үстүндө атып түшүрүлгөн. Бул учурда Украинанын чыгышында орусиячыл жикчилдер өкмөттүк аскерлерге каршы согушуп жаткан. Нидерланд жетекчилик... Читать дальше...

Чехиядагы “Баррандов” студиясын "Чыгыш Европанын Голливуду" деп коюшат. Ал жакта дүйнөлүк режиссерлор өз фильмдерин тартып, Чехияга миллиондогон инвестиция салышат. Ал эми Кыргызстанды кантип дүйнөлүк кинокомпаниялар кызыккан платформага айлантса болот? “Биз жана дүйнө” телеберүүсүндө жооп издедик.

Өзбекстан медициналык максатта кара куурай өстүрүп, колдонуу үчүн мальталык компания менен келишим түздү. Мальтанын “Мелабис” компаниясы менен түзүлгөн келишимге ылайык, кара куурай Сырдарыя облусунун Сардаба районундагы 3000 гектар жерде өстүрүлөт. Бул тууралуу 26-ноябрда Өзбекстандын маалымат каражаттары өкмөткө таянып жазышты. "УзА" маалымат агенттиги кабарлагандай, өндүрүлгөн продукция негизинен чет өлкөлөргө экспортко кетет. Ошондой эле бул долбоорду ишке ашыруу максатында алгач 33 миллион  доллар көлөмүндөгү инвестиция салынат. Читать дальше...

«Клооп» басылмасынын кабарчысы Аскарбек Мырзабековду 25-ноябрь күнү райондук милиция суракка чакырган. Суракка анын тарткан тасмасы себеп болгон. Милиция Мырзабековдун телефонундагы маалыматтарды көрүп, буга чейин Интернетке жарыяланган видеосун өчүрүүнү талап кылган. Бул тууралуу «Азаттыкка» басылманын редактору Элвира Султанмурат кызы билдирди. Кабарчынын суракка чакырылышына Каныш-Кыя айылдык кеңешинин депутаттары, алтын өндүргөн компаниянын өкүлдөрү жергиликтүү тургундар катышкан жыйында Мырзабеков тарткан тасма себеп болгон. Читать дальше...

АКШнын шайланган президенти Жо Байден коронавируска каршы чараларды эки эсе көбөйтүүгө чакырды. Санкт-Петербургдун метросундагы жардыруу үчун айыпталгандардын доо-арызы аскердик сотто карала баштады. Дүйнөнүн булуң-бурчунда даңазалуу футболчу Диего Армандо Марадонага аза күтүп жатышат.

Улуттук коопсуздук боюнча мамлекеттик комитеттин (УКМК) төрагасы Камчыбек Ташиев ден соолугуна байланыштуу ооруканага жатты. УКМКнын басма сөз кызматкери учурда Ташиевдин ден-соолугу канаттандыраарлык экенин билдирди. Кыргызстанда 4-октябрда өткөн парламенттик шайлоодон кийин 5-октябрда Бишкекте болгон нааразылык акциялары ири башаламандыкка айланган. Шайлоонун жыйынтыгына нааразы болгондор 6-октябрга караган түнү президенттик аппараттын жана Жогорку Кеңештин имаратын талкалап салышкан. Бул окуялар өлкөдө бийликтин алмашуусуна алып келген. Читать дальше...

Коопсуздук кеңешинин катчысынын мурдагы орун басары Өмүрбек Суваналиев «Азаттыкка» маек куруп, Мамлекеттик бажы кызматынынын төрагасынын мурдагы орун басары Райымбек Матраимовду "өлкөдө мафия системасын түзүп алган" деп айыптады. «Ак үйдө иштеген жалаң эле министр же жетекчилер эмес. Алардын орун басарлары бар, УКМКда балдары бар. Райымдын, криминалдын феномени бүт жерлерге кишилерин коюп алган. Күч түзүмдөрүнүнүн, кала берсе журналисттер алардын карамагында. Эмне үчүн мафия деген терминди колдонуп жатам? Читать дальше...

Түркияда 2016-жылдагы мамлекеттик төңкөрүш аракети боюнча 400дөй адамга соттун өкүмү чыкты. Анын ичинде ондогон мурдагы армия командирлери, учкучтар өмүр бою эркинен ажыратылды. Бул адамдар өлкөдөгү конституциялык түзүлүштү кулатууга, президент Режеп Тайып Эрдоганды өлтүрүүгө аракет кылган деп айыпталганын соттук жараянга катышкан маалымат каражаттары жазып чыгышты. Түрк өкмөтү 250 кишинин өмүрүн алган окуялар үчүн АКШда бозгунда жүргөн динаятчы Фетхуллах Гүленди айыптап келет. Динаятчы ал окуяга эч кандай тиешеси жок экенин билдирип жүрөт.

Коопсуздук кеңешинин катчысынын мурдагы орун басары Өмүрбек Суваналиев кызматта турган Садыр Жапаровдун машинесин жана күзөтчүлөрдү алып коюуга буйрук бербегенин билдирди. Суваналиев мындай пикирин «Азаттыктын» «Эки бир» программасында айтты. Ал бул техникалык талап болгонун белгиледи. ««Достук» мейманканасында премьер-министр Садыр Жапаров, спикер кылып Юсупович шайланды» деп расмий айтылгандан кийин УКМКнын 9-башкармалыгы дароо күзөтчү берди. Андан кийин кайра «легитимсиз» деген сөздөр пайда болду. Читать дальше...

Баш мыйзамдын жаңы долбоорун талкуулап жаткан конституциялык кеңешменин курамына дагы он киши кошулду. Ушуну менен анын мүчөлөрүнүн саны 100 адамга чукулдады. Ошол эле учурда Конституцияны өзгөртүүгө каршы болгон бир катар саясатчылар, юристтер жана жарандык коомдун айрым өкүлдөрү сөз болуп жаткан кеңешмени тааный элек. Алар кеңешменин иши мыйзамсыз экенин айтып, коомдук келишимге ээ болбогон Баш мыйзам көпкө иштебесин эскертишүүдө. Президенттин милдетин аткаруучу, Жогорку Кеңештин төрагасы... Читать дальше...

Коронавирус пандемиясынан улам “Дордой” базарындагы соода солгундады. Буга базардан чогулган салыктын көлөмү далил. Мисалы, “Дордойдогу” ишкерлер 2019-жылы 414 млн. 585 миң сомду мамлекеттин казынасына төккөн. Бул жылдын тогуз айында 160 млн. 498,6 миң сом чогулган. Орто Азиядагы ири базардагы сооданы токтоп калышынан 100 миңдеген адамдар жабыр тартып, тигүү цехтери четинен жабыла баштады.

«Жарандык көзөмөл комитети» уюму өкмөт башчылык кызматты убактылуу тапшырып берген Садыр Жапаровдун тарапкерлери агрессия жана коркутуп-үркүтүү ыкмаларын колдонуп жатышканын белгилеп, жарандарды жана укук тартибин коргоо органдарын аларга каршы биригүүгө чакырды. Уюм тараткан кайрылууда конституциялык реформанын тегерегиндеги талкуу курч өтүп жатканы, ар бир адам ачык сүйлөөгө укуктуу экени жана пикирин ачык айткандар азыр Жапаровдун тарапкерлери көрсөтүп жаткандай агрессияга буга чейин эч качан туш болбогону белгиленген. Читать дальше...

Жогорку Кеңештин мурунку депутаты Бектур Асанов 27-ноябрдан тартып мөөнөтсүз ачкачылык жарыялайт. Бул тууралуу ал 26-ноябрда басма сөз жыйынында кабарлады. Ал мунун себебин өзүнүн сот иштери улам жылдырылып жатканы менен байланыштырды. «Мага 2016-жылы козголгон иш боюнча соттук отурум 25-ноябрда Жогорку сотто кайра каралышы керек эле. Бирок «соттук коллегиянын курамы толук эмес» деген негиз менен отурумду 10-декабрга жылдырышты. Бул саясий буйруктун негизинде, мени президенттик шайлоого катыштырбоо максатында... Читать дальше...

5-октябрда шайлоонун жыйынтыгына нааразы болуп чыккан митингчилерге ок атууга башкы командачы катары президент, андан кийин өкмөт жана башка жетекчилер жооп берүүгө тийиш. Бул тууралуу Коопсуздук кеңешинин катчысынын мурдагы орун басары, «Бүтүн Кыргызстан» партиясынын курамында парламенттик шайлоого катышкан Өмүрбек Суваналиев «Азаттыктын» «Эки бир» программасында билдирди. Ал айрым саясатчылар 5-октябрдагы ок атууга Улуттук коопсуздук боюнча мамлекеттик комитеттин мурдагы башчысы Орозбек Опумбаев... Читать дальше...

Кыргызстандын Улуу Британиядагы элчиси Эдил Байсалов 26-ноябрда «Азаттык» радиосу менен болгон маегинде Конституциялык кеңешменин иши тууралуу айтып, Баш мыйзамды өзгөртүү боюнча жеке пикирин ортого салды.  Кеңешменин мүчөсү катары ал өз сөзүндө конституциялык реформаны жана башкаруунун президенттик формасы кайтып келишин колдой турганын белгиледи: «10 жыл бою керек болсо кандуу эксперимент жүргүзүлдү, биздин мамлекетте. Бул эксперименттин жыйынтыгы – азыр биз өтө чоң туңгуюкка түшүп калганыбыз. Читать дальше...

Кошмо Штаттарынын шайланган президенти Жо Байден Алкыш айтуу күнүн утурлай америкалыктарга кайрылып, коронавируска каршы чараларды эки эсе көбөйтүүгө үндөдү.

Ырчы жана активист Зере Асылбек кызынын «Апам айткан» аттуу ыры коомчулуктагы кыздарды тыюу маселесин чагылдырат. Анда ырчы кыздарга бала кезинен тартып «сен кыз баласың, абайла» деген мааниде салынып келген тыюулар жөнүндө ырдаган. Зеренин адам укуктарын урматтоого чакырган «Кыз» аттуу клиби былтыр күзүндө жарыяланып, коомчулуктун кызуу талкуусуна түшкөн. Клипти Интернеттен өчүрүүнү талап кылгандар аны «өлтүрүп кетебиз» деп коркутушкан. Зере андан кийин да кыздардын укуктарына арналган бир нече ыр жаратып... Читать дальше...

Дүйнөдөгү футбол ышкыбоздору аргентиналык даңазалуу футболчу, дүйнө чемпиону Диего Армандо Марадонага аза күтүүдө. Ал шаршембиде жүрөгү кармап 60 жашында каза болгон. Аргентинадан баштап Италияга чейин ышкыбоздор көзү тирүү кезинде эле тарыхка кирип, легендага айланган ХХ кылымдын эң мыкты футболчуну эскерип жатышат. Марадонанын мекени Аргентинада президенттин буйругу менен үч күндүк аза күтүү жарыяланды. Маркумдун сөөгү коштошуу үчүн Буэнос-Айрестеги президенттик сарайга коюлмакчы. Марадона... Читать дальше...

Бул тууралуу Бишкек шаарынын мэринин милдетин аткаруучу Балбак Түлөбаев «Фейсбуктагы» баракчасында шаардыктарга кайрылуусунда билдирди. Анын айтымында 10-декабрда борбордук Ала-Тоо аянтында Жаңы жылдык балатынын гана оттору жанат. «Былтыркы жасалгалар менен символдуу түрдө аянтка балаты орнотобуз, отун жандырабыз. Бирок Жаңы жылдык концерт болбойт жана салют атылбайт. Буга 4 млн. сомдой каражат керектелет. Учурдагы өлкөдөгү эпидемиологиялык кырдаал ашыкча чыгымга жол бербейт», - деди ал. Мэрдин... Читать дальше...

Бишкекте бүгүн, 26-ноябрда «Азыркы дүйнөбий мамлекеттеги ислам: конфессия аралык кызматташтык тажрыйбасы» деген темада эл аралык конференция өттү. Аны уюштурган Дин иштери боюнча мамлекеттик комиссиянын маалыматына караганда, конференция дүйнөдөгү азыркы диний абалды, ислам дининин дүйнөбий мамлекеттеги ордун жана ролун, конфессиялар ортосундагы кызматташтыкты талкуулоону көздөйт. Ал диний тармактагы демократиялык башкаруунун натыйжалуулугун жогорулатуу боюнча сунуштарды иштеп чыгуу жана диний негизде... Читать дальше...