Новости за 26.11.2020

Аргентиналык легендарлуу футболчу Диего Марадона 25-ноябрь күнү 60 жашында каза болду. Ал ушул айдын башында ал Буэнос-Айрестеги ооруканага түшүп, он күн мурун дарыланып чыккан.

Кошмо Штаттардын шайланган президенти Жо Байден Алкыш күнүн утурлай америкалыктарга кайрылып, коронавируска каршы чараларды эки эсе көбөйтүүгө чакырды. Ал майрамды салтка айлангандай үй-бүлө мүчөлөрү менен жоон топ болуп чогулуп белгилебей, айылчылабай турууга үндөдү. АКШ өпкөнү сезгентүүчү илдетке кабылган жана андан ажал тапкандардын саны боюнча дагы эле биринчи орунда турат жана абал оңоло элек. АКШда соңку бир күндө оору дагы 200 миңге жакын адамдан табылды. Ушул тушта өлкө боюнча ооруканаларда... Читать дальше...

Расмий Канберра Британиянын жана Австралиянын жараны Кайли Мур-Гилберттин бошотулушун кубаттады. Мелбурн университетинде ислам таануудан дарс окуган мугалим Иранда тыңчылык үчүн 10 жылга кесилген. Австралиянын тышкы иштер министри Мариз Пэйн Австралия өкмөтү Мур-Гилбертке коюлган айыпты негизсиз деп четке кагып келгенин билдирди. Ирандын мамлекеттик телеканалы шаршембиде Тегеран Мур-Гилбертти чет жактарда кармалып жаткан ирандык үч кишиге айырбаштаганын маалымдаган. «Iribnews» каналы алар жок жерден айыпталганын... Читать дальше...

АКШда коронавирустан улам бир күндө 2400дөн ашык адам каза болуп, бул акыркы алты айдагы эң жогорку көрсөткүч болуп калды. Ал эми акыркы суткада 200 миңге жакын адам вирус жугузган. Кырдаалды 26-ноябрда белгиленип жаткан Алкыш айтуу күнүнө карата иш-чаралар күчөтөрү болжолдонууда. Америкалыктар эң атактуу майрамы болгон бул күнү көпчүлүк адамдар үй-бүлө мүчөлөрү, дос-жары менен чогулуп, бирге тамактанышат. Өлкөдө 25-ноябрда вирустун кесепетинен 2439 адам каза болуп, пандемия өмүрүн алган адамдардын жалпы саны 262 миңден ашты. Читать дальше...

Улуттук банк 25-ноябрда сатыкка 3,1 миллион доллар чыгарды. Ушуну менен ноябрь айында сегизинчи, ал эми жыл башынан бери 23-жолу интервенция жүргүзүлүп, сатыкка жалпысынан 407 миллион доллардан ашуун каражат коюлду. Бүгүн, 26-ноябрга карата доллардын расмий курсун Улуттук банк 84,80 сом деп аныктады, акча алмаштыруучу жайларда орточо сатуу курсу 84,90 сом болууда. 2016-жылдан бери туруктуу бойдон 69 сомдун тегерегинде сакталып келген доллар быйыл март айында 85 сомго жетип, кийин кайра арзандап, 73 сомго түшкөн. Читать дальше...

COVID-19 пандемиясы Кыргызстандын эли үчүн катаал сыноого айланды. Айрыкча кош бойлуу аялдарда коронавирус жуктуруп алуу тобокелдиги жогору, аларды жеке өзү эле эмес, курсактагы баласынын саламаттыгы да түйшөлтүп турган кези.  Вирусологдордун пикиринде, боюнда бар кезде аялга коронавирус жукса организмине эки эсе күч келет. Бөйрөк, боор, кан-тамыр, жүрөк, дем алуу органдары өзгөчө катуу басым алдында иштейт. Төрөттүн өзү эле эбегейсиз энергияны талап кылат, андыктан төрөт маалында дем алуу... Читать дальше...

Атайын комиссия коронавирус жугузуп алган дагы 2550 дарыгердин кенемте төлөп берүү тууралуу арызын карап жатат. Бул жөнүндө 26-ноябрда Коронавируска каршы ыкчам штаб кабарлады. Штабдын маалыматына караганда, бул оорудан каза болгон дагы төрт медицина кызматкеринин үй-бүлөсүнө кенемте төлөө маселеси да каралууда. Буга чейин 479 дарыгерге 200 миң сомдон, каза болгон 29 кызматкердин үй-бүлөсүнө 1 миллион сомдон төлөнүп берилген. 26-ноябрга карата Кыргызстанда COVID-19 вирусу 71 миңден ашуун кишиге жукту, алардын 1251и каза болду. Читать дальше...

Бишкекте «Тез жардам» бригадалары жетишсиз болуп жатат. Бул тууралуу 26-ноябрда Коронавируска каршы республикалык ыкчам штаб кабарлады. Штабдын маалыматына караганда, «Тез жардам» кызматына түшкөн чакыруулар көп болгондуктан дарыгерлер ыкчам медициналык жардамга муктаж тургундарды толук тейлөөгө жетишпей жатышат. Бир миллионго жакын калкы бар борбор калааны жүздөн ашуун бригада тейлеши керек болсо, азыр 38 көчмө бригада иштеп жатканы айтылды. 26-ноябрдагы маалыматка караганда, Кыргызстанда коронавирус 70 миңден ашуун адамга жукту... Читать дальше...

АКШнын президенти Дональд Трамп өзүнүн улуттук коопсуздук боюнча мурдагы кеңешчиси Майкл Флиннге ырайым берди. Бул тууралуу Трамп «Твиттердеги» баракчасына жазды. «Генерал Майкл Флинн ырайым алганын жарыялайм. Флиннди жана анын абдан сонун үй-бүлөсүн куттуктайм, эми силерге жомоктогудай Алкыш айтуу күнү болот», - деп жазды Трамп. Анын Флиннге ырайым берген чечими Сенаттагы демократтардын сынына кабылды. Өкүлдөр Палатасынын спикери Нэнси Пелоси муну «олуттуу коррупциялык иш жана одоно түрдө бийликтен кыянаттык менен пайдалануу» деп атады. Читать дальше...

27-ноябрда Кыргызстандын аймагында түнкүсүн жаан-чачын жаабайт, күндүз Чүй, Ош, Жалал-Абад облустарынын тоолуу райондорунда кар жаайт, калган аймактарда жаан-чачын жаабайт. Жолдор тоңголок, тайгак болот. Батыш тараптан соккон шамалдын ылдамдыгы секундасына 4-9 метрге, 28-29-ноябрда кээ бир райондордо 15-20 метрге жетет. Абанын температурасы: Чүй өрөөнүндө түнкүсүн 0…-5, күндүз 6…11; Талас жергесинде түнкүсүн -5...-10, күндүз 5…10; Баткен, Ош, Жалал-Абад дубандарында ​түнкүсүн 0…-5, күндүз 7…12; Ысык-Көл облусунда түнкүсүн -3…-8... Читать дальше...

Комментаторлор белгилегендей, видеонун жайлатылган версиясында беттеш алда канча кызыктуу жана ар бир сокку даана көрүнөт.

Казакстандын мурдагы президенти Нурсултан Назарбаевдин улуу кызы Дарига Назарбаева "Нур Отан" партиясынан Мажилиске депутаттыкка талапкер болуп көрсөтүлдү.

"Башкыр графикасынын чеберлери" көргөзмөсүнүн экспозицияларын Орусия жана Башкырстан республикаларынын алдыңкы сүрөтчүлөрүнүн басылма графика (офорт, линогравюра, автолитография, кагазга басуу) жана оргиналдуу (акварель, гуашь) чыгармалары түзөт.

25-ноябрда Жогорку Кеңеш 2021-жылга карата республикалык бюджеттин долбоорун биринчи окууда колдоду. Кыргыз өкмөтү келерки жылы каражатты натыйжалуу пайдаланып, чыгаша казынага түшкөн акчага жараша болорун билдирди. 2021-жылы да буга чейинкидей эле бюджеттин тартыштыгы 7 млрд. сом деп болжолдонууда. Коронавирус пандемиясы жана саясий каатчылыктын фонунда келерки жылы өлкөнүн бюджети кандай болот? Бюджеттин долбоору Өкмөттүн маалыматына караганда, 2021-жылы республикалык бюджеттин кирешеси 163 млрд. Читать дальше...

Азери күчтөрү Тоолуу Карабак менен Армениянын ортосундагы Калбажар районуна киришти. Ушуну менен Карабактагы кармашты токтотууну көздөгөн тынчтык келишиминин алкагында экинчи район Бакунун көзөмөлүнө өттү.

Футболчу Буэнос-Айрес шаарынан анча алыс эмес жайгашкан Тигре шаарында жашап жаткан. Кечээ эртең менен ойгонгондо абалы жакшы эмес экенин айткан.

Мелдеш коронавирус кырдаалына байланыштуу Монголияда өтпөй турган болгон. Аны уюштуруучулар жокко чыгарып, эмки жылы Кыргызстанда уюштуруу боюнча чечим кабыл алган.

Түркиянын саламаттык сактоо министри Фахреттин Кожа 25-ноябрдагы басма сөз жыйынында бир суткада өлкөдө 28 миңден ашык кишиден коронавирус табылганын жана бир күндө 168 киши көз жумганын кабарлады. Министр Кожа Стамбул, Бурса жана Измир баштаган ири шаарларда бейтаптардын көбүнөн ооруканалардын кайра жандандыруу бөлүмдөрү толуп калганын билдирди. Түркияда 20-октябрдан баштап коронавируска байланыштуу чектөөлөр кайрадан киргизилип, дем алыш күндөрү кечки саат сегизден эртең мененки саат 10го чейин көчөгө чыгууга тыюу салынган. Читать дальше...