Новости за 30.10.2020

Нургазы Анаркулов президенттик аппараттын маалыматтык саясат бөлүмүнүн башчысы болуп дайындалды. Президенттин милдетин аткаруучу, өкмөт башчы Садыр Жапаров тийиштүү жарлыкка кол койгону мамлекет башчынын расмий сайтына 30-октябрда жарыяланды. Дагы бир жарлык менен ага чейин бул кызматта иштеп келген Наргиза Мансурова берген арызынын негизинде бошотулду. Анаркулов «Майдан.kg» сайтынын башкы редактору, «Ата-Журт», «Мекенчил» саясий партияларынын басма сөз катчысы болуп иштеген. «Мекенчил» партиясынын... Читать дальше...

Ош облусунда ишкер Зафарбек Мирбобоев диний ишмер, маркум Чубак Жалилов атындагы китепкана ачты. Ал жерге эки миң чамалуу диний, адабий жана дүйнөбий илимдерге байланыштуу китептер коюлду. Уюштуруучулар китепкана акысыз кызмат көрсөтөрүн "Азаттыктын" кабарчысына айтышты. Китепкана Кара-Суу районунун Нурдар айылында 29-октябрда ачылды. Ага диний аалымдар, Чубак Жалиловдун атасы жана уулу катышты. Китепканадагы китептер - кыргыз, өзбек, орус, англис жана түрк тилдеринде. Борбор Азияга таанымал диний ишмер... Читать дальше...

Улуттук статистика комитетинин төрагасы Акылбек Султановдун 29-октябрдагы өкмөттүн жыйынында билдиргенине караганда, эл каттоо 2021-жылы парламенттик шайлоодон кийин өтүшү мүмкүн. Султановдун айтымында эл каттоону быйыл 23-марттан 1-апрелге чейин өткөрүү пландалып, бирок коронавирус пандемиясына байланыштуу 20-ноябрга жылдырылган.  «20-ноябрга да мүмкүнчүлүк болбой жатат, - деди ал. - Себеби, ноутбуктарга көз каранды болуп калдык. Мамлекеттик каттоо кызматынан 3000 ноутбук алып, каттоого дайындадык эле. Читать дальше...

29-октябрга карата Кошмо Штаттарда соңку бир сутка ичинде 91 295 кишиден коронавирус табылды. Бул өлкөдө эпидемия башталгандан берки эң жогорку көрсөткүч. Буга чейинки жогорку сан 23-октябрда катталып, анда 24 сааттын ичинде COVID-19га чалдыккандардын саны 84 миңден ашкан. АКШда пандемия маалында баш-аягы 8,9 миллион адам коронавирус жугузуп алганы ырасталды. Алардын 228 миңден ашууну көз жумду. «Биз өтө кыйын жолдо турабыз. Туура эмес багытка кетип баратабыз», - деп билдирди өлкөнүн башкы инфекционисти Энтони Фаучи. Читать дальше...

«Түндүкэлектр» ишканасынын кызматкерлери 30-октябрда Бишкекте нааразылык акцияга чыгышты.

Коомдук ишмер Айжан Акылбекова кыргыздын баш кийими болгон элечекти даңазалоо максатында бир жумалык “Элечек жумалыгын” уюштурду. Ал “Элечек жумалыгын” үчүнчү ирет өткөрүп жатат. Жумалыкка ар тармактын өкүлдөрү катышты.

Лондондогу Чыңгыз Айтматов академиясынын жетекчиси, лингвист-профессор Рахима Абдувалиева улуу жазуучунун чыгармаларын чет өлкөлөрдө жайылтуу, аларды чет тилдерге которуп, жайылтуучулардын жаңы муунун өстүрүү аракеттери тууралуу “Азаттыкка” сыябан-маек курду.

Гапар Айтиев атындагы улуттук сүрөт музейинде фотограф Болот Исабеков жана сүрөтчү Анатолий Цыбухтун “Маңкурттун түшү/Маңкурттун арманы” аттуу графика жана фотосүрөттөр көргөзмөсү көрсөтүлүп жатат.

27-октябрда АКШнын Хелсинки комиссиясы Кыргызстанды эркин жана калыс шайлоо өткөрүүгө, коррупцияга каршы күрөшүүгө, адам укуктарын коргоого чакырды. Буга чейин Норвегиянын Хелсинки комитети буга үндөш билдирүү тараткан.

Саламаттык сактоо министрлигине караштуу Республикалык наркология борборунун кызматкерлери бүгүн, 30-октябрда министрликтин алдына нааразылык акциясына чыгышты. Алар борбордун имаратын жана жайгашкан жерди жанындагы Республикалык дерматовенерология борборуна өткөрүп берүү тууралуу сөз журүп жатканын, андайга каршы экенин билдирип жатышат. Медицина тармагы боюнча адис Айбар Султангазиевдин "Азаттыкка" билдиргенине караганда учурда акциянын катышуучулары менен министрликтин өкүлдөрү жолугуп жатат. Читать дальше...

Борбордук шайлоо комиссиясы мөөнөтүнөн мурун өтө турган президенттик шайлоо күнүн аныктады.

“МИС” (Машина сыноочу станция) компаниясы 90 миллион сом салык төлөбөй келгени аныкталганын Экономикалык кылмыштарга каршы мамлекеттик кызматы билдирди. 30-октябрда таратылган расмий кабарга ылайык, Чүй облусунун Ысык-Ата районунда компаниянын өндүрүш, соода жана айыл чарба тармагындагы 30га жакын объекти бар экени такталган. Финполдун кабарына караганда, “МИС” ачык акционердик коомунун эки негизги акционери бар. Алар “E.C.L.” деп аталган оффшордук компания жана Ж.А.Б. аттуу кыргыз жараны. ... Читать дальше...

«ЭлТР» мамлекеттик телерадиоберүү компаниясынын башкы директору болуп Эрлан Догдурбеков дайындалды. Бул тууралуу буйрукка премьер-министр Садыр Жапаров кол койгонун өкмөттүн басма сөз кызматы кабарлады. Жапаровдун дагы бир буйругу менен бул кызматка 19-октябрда дайындалган Шайиста Шатманова иштен бошотулду. Догдурбеков буга чейин ушул эле телерадиокомпанияда режиссер болуп иштеп келген. “ЭлТР” мамлекеттин бюджетинен каржыланат. Ал өлкөнүн бардык аймагына көрсөткөн экинчи ири канал. Каналдын... Читать дальше...

Кыргызстанда коронавирус жуктуруп алып, ооруканага түшкөндөрдүн арасында 90 киши өтө оор абалда жатат. Дагы 877 бейтап оор, 2314ү орточо, калгандары канааттандырарлык абалда деп бааланууда. COVID-19 илдетине каршы республикалык штаб 30-октябрда ушундай маалымат таратты. Пандемия башталгандан бери инфекцияны жугузуп алгандардын расмий катталган жалпы саны 58394 адамга жетти. Ооруканадан айыгып чыккандар - 49 522 киши. Каза болгондор 1142ге жетти. Учурда 3359 бейтап стационарда, башкалары үй шартында дарыланууда. Читать дальше...

30-октябрга карата бир сутка ичинде коронавирус жана пневмония үч кишинин өмүрүн алды. Дагы 596 адам ооруну жуктуруп алганы аныкталып, 425 бейтап айыкты. Илдет жаңы жуккандардын арасында жети киши - медицина кызматкери. Саламаттык сактоо министрлигинин эсебинде Кыргызстанда коронавирус чыккан март айынан бери бул дарттан өлгөндөрдүн саны 1142 болду. Ушуну менен пандемия башталгандан бери инфекцияны жугузуп алгандардын расмий катталган жалпы саны 58394 кишиге жетти. Ооруканадан айыгып чыккандардын саны - 49 522. Читать дальше...

Кыргызстанда быйыл жыл башынан бери жол кырсыктарынан 59 баланын өмүрү кыйылды. Бул тууралуу маалымат Ички иштер министрлигинин (ИИМ) сайтына жарыяланды. Балдар туш болгон жол кырсыктарынын жалпы саны 915ке жетип, 1 063 бала жараат алды. ИИМдин маалыматына караганда, быйылкы жылдын тогуз айында 4 184 жол кырсыгы катталып, жалпысынан 496 адам каза болду, 6 271 адам ар кандай жараат алды. Былтыр ушул эле мөөнөт аралыгында 4 691 кырсык катталып, 529 адам көз жумган. Жол кырсыктарын азайтуу максатында... Читать дальше...

Акыркы беттешинен кийин россиялык мушкер менен UFC башчысы жолугуп сүйлөшүп, жеңиштен кийин өтө эле эмоционалдуу болгонун белгилеген.

29-октябрда кечинде Улуттук коопсуздук боюнча мамлекеттик комитеттин төрагасы Камчыбек Ташиев Москвада кыргызстандык мигранттар менен жолугушканын чогулушка катышкан диаспора өкүлдөрү билдирди. Жыйынга кыргыз диаспораларынын 120дай өкүлү – Орусиянын ар кайсы райондук жана облустук бирикмелеринин, коомдук уюмдардын жетекчилери жана активисттер алдын ала тизме менен чакырылган. Жолугушуунун жүрүшүн фото-видеого тартууга жана түз эфирден берүүгө уруксат берилген эмес. Чогулушка катышкандар тарабынан тартылып... Читать дальше...

Франциянын Ницца шаарында 29-октябрда бычак менен куралданган белгисиз адам чиркөөнүн жанында үч адамды өлтүрдү. Франция прокуратурасы террорчулук боюнча кылмыш ишин ачты.

"Түндүкэлектр" ишканасынын кызматкерлери 30-октябрда Улуттук энергохолдинг компаниясынын алдына нааразылык митингине чыгышты. Алар жетекчиси иштен алынып, ордуна жаңы адам дайындалышына нааразы болуп жатышат.  27-октябрда Доскул Бекмурзаевдин ордуна башкы директорлукка Улан Астаркулов дайындалган. Кызматкерлер муну саясий чечим деп баалашууда. Алардын маалыматына караганда, башкы директорду алмаштырууда мыйзам одоно бузулган. Мунун себебин Бекмурзаевдин иштен кетүү тууралуу арызында 28-октябрь деп жазылып турганы... Читать дальше...

Кыргызстандын мурдагы президенти Аскар Акаевдин уулу Айдар Акаевдин адвокаты Икрамидин Айткулов анын өлүмүнө байланыштуу жалган маалыматтарды таратпоого чакырды. 30-октябрда жактоочу билдирүү таратып, расмий экспертизанын жыйынтыгында Айдар Акаев жүрөк оорусунан каза тапканы жазылганын, кандайдыр бир башка таасир болбогонун айтты. Адвокат Айдардын өлүмү тууралуу кабарларды “тогуз айдан кийин атайын таратылып жаткан калп, каралоо жана мыйзамсыз” деп атады. Соңку бир нече күндөн бери интернетте Айдар... Читать дальше...

Аккредитациядан өтүү үчүн билдирмелер 2-ноябрь кечки саат 17:00гө чейин кабыл алынат. Спорт агенттиги блогерлерге бир катар эрежелерди эскертти.

“Бүтүн Кыргызстан” партиясынын лидери Адахан Мадумаров президенттик шайлоого катышарын жарыялады. Бул тууралуу ал 30-октябрда Бишкекте өткөн пресс-конференцияда маалымдап, партиянын атынан эмес, жеке адам катары талапкерлигин коюп жатканын, жазган арызын Боршайкомго бүгүн тапшырарын айтты: “Бул партиянын көрсөтүүсү эмес, мен жеке кыргыз жараны катары талапкерлигимди көрсөтүп жатам. Себеби Кыргыз Республикасынын президенти бир да саясий партиянын же топтун, кызыкчылыгы бар класстын мүчөсү болбой... Читать дальше...

Президенттин милдетин аткаруучу,  премьер-министр Садыр Жапаров коррупцияга каршы күрөш өтө татаал болуп жатканын айтып, аны конституциялык реформа жасап, башкаруу системасына өзгөртүү киргизгенден кийин гана жоюу мүмкүн экенин билдирди. Бирок айрым талдоочулар коррупция менен күрөшүүгө Конституция жана башкаруу системасы тоскоол болуп жатат дегенге кошулбайт. Жаңы өкмөт бюджетти толтуруунун бир жолу катары коррупция менен күрөштү кеп кылып жатат. Садыр Жапаров жетектеген өкмөттүн курамы 29-октябрда алгачкы кеңейтилген жыйынын өткөрдү. Читать дальше...

«Талибан» кыймылы менен болгон кагылышуулар Бадахшандын 22 уездинде уланууда. Ушул тапта Файзабад, Бахорак жана Вардуж, Журм, Кишм, Рогистан, Куфа, Нусай, Моймай Дарваз аймактарында чабуулдар болуп жатат. Айрым уезддер Тажикстандын Хатлон облусу жана Тоолуу Бадахшан автоном облусу менен чектешет. Бадахшан полициясы өткөн аптада эле бул аймактарда коопсуздук күчтөрүнүн онго чукул кызматкери мерт болгонун билдирди. Маалыматка караганда, «Талибан» кыймылынын 50дөн ашуун жоочусу жаракат алган жана өлтүрүлгөн. Читать дальше...