Новости за 28.10.2020

Режиссёр Артыкпай Сүйүндүковдун «Шамбала» тасмасы Индиянын Калькутта шаарында өтө турган («Kolkata International Film Festival») эл аралык кино фестивалына катышат. Фестиваль 5-12-ноябрь күндөрү өтөт. Калькутта кино фестивалы Индиядагы эң эски фестивалдардын бири болуп эсептелет. Режиссёр Артыкпай Сүйүндүковдун «Шамбала» тасмасы буга чейин Орусиянын Анапа шаарындагы «Киношок»  фестивалында эки сыйлык алган. Кыргыз кинематографиясын өнүктүрүү фондунун расмий сайтындагы маалыматка караганда,... Читать дальше...

Парламентте президенттин милдетин аткарып жаткан премьер-министр Садыр Жапаров жаңы министрлер кабинети менен чогуу ант берди. Жогорку Кеңештин 6-чакырылышынын мөөнөтүнө байланыштуу маселе талаш бойдон калууда. Бул арада «Үмүт» аттуу саясий кыймыл түзүлүп, парламенттик кайра шайлоону 20-декабрда өткөрүүнү талап кылып чыкты. "Эксперттер талдайт" программасы ушул темада талкуу уюштурду.

Кыргыз Эл акыны Эрнис Турсуновдун 85 жылдыгына карата акындын өзү жашап өткөн үйүнө эстелик тактасы илинди. Замандаштары анын элесин эскеришти. Акындын“Хан Теңир”, “Кыдыр аке баяны”, “Муктаждык” аттуу китептери быйыл жарык көргөн.

АКШнын Филаделфия шаарында массалык нааразылык акциясы шаршембиге караган түнү да уланды. Акциялар 26-октябрда полиция ынды кара Уолтер Уоллес аттуу жигитти атып салгандан кийин башталган. Тартип коргоочулар ал бычак менен куралданып аларды көздөй баскандан кийин ок чыгарышканын билдиришкен. Шейшембинин кечинде албууттанган топ дүкөндөрдү талап- тоноого киришти. Жергиликтүү полиция жардамга Улуттук гвардиянын аскерлерин чакырууга аргасыз болду. Айрым маалымат каражаттары демонстранттар өздөрүн өтө агрессивдүү алып жүрүшкөнүн жазышты. Читать дальше...

"Facebook", "Twitter" жана "Google" компанияларынын жетекчилери 28-октябрда АКШ Сенатынын комитетинин жыйынында маалымат берет. Америкалык алдыңкы компаниялардын өкүлдөрү жыйынга Республикалык партиянын мүчөлөрүнүн демилгеси менен чакырылган. Бул партиялардын өкүлдөрү технологиялык компанияларга таандык маалыматтык платформаларда консервативдик көз караштагы маалыматтар чектелип жатат эсептешет. Алардын нааразылыгын өткөн аптада "The News York Times" басылмасы Демократиялык партиядан президенттикке... Читать дальше...

Премьер-министр Садыр Жапаров башында турган жаңы өкмөт мүчөлөрү Жогорку Кеңеште ант беришти.  Аткаруу бийлигинин бул жолку ант берүү аземи парламенттин шайланганына туура беш жыл болуп, анын легитимдүүлүгү талаш жараткан учурга туш келди. Депутаттар Жогорку Кеңештин мөөнөтүн 2021-жылдын жарымына чейин узартып, муну өлкөдөгү саясий, экономикалык кырдаал менен байланыштырышты. Юристтер менен талдоочулар парламентте кабыл алынган документти мыйзамсыз деп эсептеп, бийликти узурпациялоо катары мүнөздөшүүдө. Читать дальше...

15 партиянын өкүлдөрү Бишкекте басма сөз жыйынын өткөрүп, азыркы учурдагы шайлоо мыйзамдарына киргизилип жаткан өзгөртүүлөрдү бийликти узурпациялоо катары баалай турганын билдиришти.

Жаза аткаруу мамлекеттик кызматы (ЖАМК) Акыйкатчы институтунун, Кыйноонун алдын алуу боюнча улуттук борбордун жана «Бир дүйнө Кыргызстан» коомдук уюмунун пандемия шартындагы жабык мекемелердеги абал тууралуу берген маалыматтарына жооп кайтарды. Мекеменин басма сөз кызматынын маалыматына караганда, COVID-19 пандемиясы башталгандан бери анын алдын алуу максатында бардык тиешелүү чаралар көрүлүп келет. 1-майда ЖАМКтын тергөө абактарында өзгөчө режим шарттары киргизилген. Башкы прокуратуранын макулдугу... Читать дальше...

2010-жылкы апрель окуясынын катышуучулары жана курман болгондордун жакындары «Бакиевдин таасири кайрадан жандана баштады» деп кабатыр болуп жатышат.

Тоолуу Карабактагы азери-армян согушун токтотуу боюнча эл аралык дипломатиялык аракеттер кайра жанданды.

Кыргызстандык блогерлер даярдаган жыныстык тарбия темасындагы подкасттар угармандар арасында популярдуу боло баштады.

Орусиянын аймактарындагы дарыгерлер ооруканаларда бейтаптарга орун, дарыгерлер жетишпей жатканын айтып, Москвадан жардам күтүп жатышат.

Алмазбек Атамбаев ачкачылыгын токтотту. Бул тууралуу мурунку президенттин адвокаты Замир Жоошев «Азаттыкка» билдирди. Анын айтымында Алмазбек Атамбаев Жаза аткаруу мамлекеттик кызматынын (ЖАМК) жетекчилигине койгон талабы аткарылганы үчүн ачкачылыгын токтотту.  «Атамбаев дарыланууга муктаж. Ошондуктан №1 тергөө абагынан жок дегенде №47 абакка которууну талап кылган. Бүгүн, 28-октябрда Атамбаев ачкачылыгын токтотту», - деди адвокат. Алмазбек Атамбаев былтыр август айында кармалгандан бери УКМКнын тергөө абагында болуп келсе... Читать дальше...

Үч жылдан бери Нарында жашап жаткан памирлик кыргыздар Ош облусунун Алай районуна көчтү.Тогуз үй-бүлө Алайда өкмөт салып берген үйлөрдө жашай турган болушту. Эки үй-бүлө Нарын облусунун аймагында калышты.

2020-жылдын тогуз айында Кыргызстанда 4184 жол кырсыгы катталды. Бул тууралуу 28-октябрда Ички иштер министрлигинин (ИИМ) январь-сентябрь айларындагы ишмердүүлүгүн жыйынтыктоо боюнча онлайн коллегияда айтылды. Анда белгиленгендей, бул кырсыктар учурунда жалпы 496 адам каза болуп, 6271 жаран ар кандай дене жаракаттарын алышты. Отчёттук мезгилде балдардын катышуусу менен 915 жол-транспорт кырсыгы катталып, 59 бала каза болду. 1063 бала ар кандай жаракат алган. ИИМдин басма сөз кызматы тараткан маалыматта жол кырсыктары азайганы айтылат. Читать дальше...

Жогорку Кеңеште 28-октябрда президенттин милдетин аткарып жаткан премьер-министр Садыр Жапаров жаңы министрлер кабинети менен чогуу ант берди.

Президенттин милдетин аткаруучу, премьер-министр Садыр Жапаров бүгүн, 28-октябрда кол койгон жарлыкка ылайык, Элвира Сурабалдиева Кыргызстандын вице-премьер-министри болуп дайындалды. Сурабалдиева КСДП фракциясынан Жогорку Кеңештеги депутаттык мандатын 27-октябрда тапшырган. Бүгүн, 28-октябрда парламент анын талапкерлигин вице-премьер-министрлик кызматка жактырды. Парламент ошондой эле 28-октябрдагы жыйынында мурдагы вице-премьер-министр Аида Исмаилованы Эмгек жана социалдык өнүктүрүү министрлигинин... Читать дальше...

Быйылкы жылдын тогуз айында Кыргызстанда күч түзүмдөрү жалпысынан каттоого алган 103 миңден ашуун кылмыштын жана жоруктун дээрлик 99 миңин милиция органдары каттаган. Бул тууралуу 28-октябрда Ички иштер министрлигинин (ИИМ) коллегиясынын жыйынында айтылды. Жыйында ички иштер органдарынын жыл башынан берки ишмердүүлүгүнүн жыйынтыгы чыгарылды. ИИМдин басма сөз кызматы кабарлагандай, тогуз ай ичинде 23 миңге жакын кылмыштын бети ачылып, бул көрсөткүч дээрлик 57 пайызга жетти. Бети ачылган иштердин 16 миңге жакыны сотко өттү. Читать дальше...

Жогорку Кеңештин 28-октябрдагы жалпы жыйынында социалдык маселелер боюнча вице-премьерликке Элвира Сурабалдиеванын талапкерлиги жактырылды. Ал эми Аида Исмаилованы Эмгек жана социалдык өнүктүрүү министрлигинин жетекчилигине дайындоо боюнча өкмөттүн сунушу колдоо тапкан жок. Жалпы жыйында депутаттар Сурабалдиеваны бир добуштан жактырып, ага анча көп суроо беришкен жок. Ал эми Аида Исмаилованын талапкерлигине келгенде суроолор жаады.  Жыйынтыгында парламент Эмгек жана социалдык өнүктүрүү министрлигинин... Читать дальше...

Тоолуу Карабактагы азери-армян согушун токтотуу боюнча эл аралык дипломатиялык аракеттер кайра жанданды. Мунун алдында АКШнын ортомчулугу менен түзүлгөн атышпоо боюнча макулдашуу үзгүлтүккө учураган жана ушундан улам чырдашкан тараптар бири-бирин айыптаган. АКШнын мамлекеттик катчысы Майк Помпео Азербайжан менен Арменияны чатакты дипломатиялык жол аркылуу жөнгө салууга, атышууну токтотуу тууралуу 26-октябрдагы макулдашуунун шарттарын сактоого чакырды. Помпео эки өлкөнүн лидерлери менен өз-өзүнчө телефондон сүйлөшкөн. Читать дальше...

2010-жылкы апрель окуясынын катышуучулары Мамлекеттик күзөт кызматынын мурдагы башчысы, Жаныш Бакиевдин орун басары Нурлан Темирбаевдин мөөнөтүнөн мурда абактан бошотулушуна байланыштуу нааразылык билдирип, басма сөз жыйынын өткөрүштү. Жыйынга ыңкылаптын катышуучуларынан жана анда каза болгондордун жакындарынан түзүлгөн «Мекен Шейиттери» уюмунун өкүлү Гүлмира Абдылдаева, «Айкөл Таза Коом» бирикмесинин өкүлү Баялы Төрөбеков, «Таза Коом» бирикмесинин өкүлү Усупбий Шеримбаев жана башкалар катышты. Читать дальше...

Иран парламентинин төрагасы Мухаммад Багер Галибаф коронавирус жугузуп алды. Ал 28-октябрда «Твиттердеги» баракчасына карантинден соң ишин улантарын жазды. 59 жаштагы Галибаф быйыл май айында Иран парламентинин төрагалыгына шайланган. Иран Жакынкы Чыгыштагы коронавирустун кесепети оор болгон өлкөлөрдүн бири болуп калды. Бул өлкөдө вирусту жугузуп алгандар 580 миңден ашса, андан 33 миңдей киши каза болду. 27-октябрда Иранда вирустан 345 адам каза болуп, бул акыркы айлардагы эң жогорку көрсөткүч болуп калды. Читать дальше...

Көбүнчө жаш жубайлар балалуу болууну пландашпайт. Жаңы үй-бүлө ата-энеликке алдын ала камынып, атайын адистерге, медициналык жайларга кайрылган учурлар өтө сейрек кездешет.

Президенттин милдетин аткаруучу премьер-министр Садыр Жапаров өкмөт Жогорку Кеңештин кароосуна экономикалык багыттагы мыйзам долбоорлорун киргизгенин билдирди. 28-октябрда парламент алдында өкмөт башчы катары расмий ант бергенден кийин Жапаров кыскача сөз сүйлөп, депутаттарга «оор абалда кезексиз жыйындарга чогулуп, өкмөттү бекитип бергени үчүн» ыраазычылыгын билдирип, ошол мыйзамдарды тезирээк кабыл алып берүүнү өтүндү. «Сиздерге кезексиз кароого экономикалык мыйзамдар киргизилди. Ошолорду карап... Читать дальше...

АКШда сенаторлор тобу Кытай бийлигинин Шинжаңдагы уйгур жана башка мусулмандарга карата аракетин геноцид катары баалаган резолюция сунуш кылды. 27-октябрда жарыяланган документке республикачылар жана демократтар партияларынын мүчөлөрү кол койгон. Орегон штатынан шайланган демократ-сенатор Жефф Меркли бул резолюция Кытайды БУУнун Геноцид кылмышынын алдын алуу боюнча конвенциясына ылайык жоопкерчиликке тартууга мүмкүнчүлүк түзөрүн билдирген. «Кытайдын уйгурларга жана башка мусулман азчылыктарынын өкүлдөрүнө карата куугунтугу... Читать дальше...