Новости за 10.10.2020

Мурдагы премьер-министр Феликс Кулов Садыр Жапаровдун премьер-министрликке мыйзамсыз бекитилгенин билдирди. Бул тууралуу Кулов "Фейсбуктагы" баракчасына жарыялады. Ал белгилегендей, парламенттин кезексиз жыйынында кворум болгон жок. "Жыйынга 51 депутат катышып, 10 депутаттын ишеним каты бар экени жарыяланды. Бирок бул ишеним каттар залда 61 депутат катышкан учурда гана күчкө ээ болот. Эгер мынча сандагы депутат катышпаса, депутаттар кабыл алган чечимдер мыйзамсыз саналат жана аткарылбашы керек.... Читать дальше...

Жаңы эле Жогорку Кеңештин 6-чакырылышындагы курамы премьер-министрлик кызматка шайлаган Садыр Жапаров ички иштер министрлик кызматка Улан Ниязбековду дайындоо тууралуу буйрук чыгарды. Жапаровдун колу коюлган буйрук социалдык тармактарга тарады. Маалыматты “Мекенчил” партиясынын коомдук-саясий кеңешинин мүчөсү Бакыт Аманбаев “Азаттыкка” ырастады: “Ооба, ошондой буйрук чыкты. Эртең Ниязбеков министрликтин жеке курамына тааныштырылат”. Бакыт Аманбаев вице-премьер-министрлик кызматка ким дайындалары азырынча белгисиз экенин кошумчалады. Читать дальше...

Бишкекте ыктыярдуу элдик кошуундун өкүлдөрү борбор шаардагы муниципалдык жана мамлекеттик ишканаларды, кафе-ресторандарды, соода борборлорун түнү менен талап-тоноочулардан кайтарууда. Ыктыярдуу топтун басымдуу бөлүгүн жаштар түзөт.

Башкы штабдын маалыматына караганда, Бишкек шаарынын аймагына киргизилген Өзгөчө абалдын талабына ылайык шаарды курчай блок-посттор коюлду. Блок-посттор: Дэн Сяопин проспекти менен Алыкулов көчөлөрүнүн кесилишине, Чоң Чүй каналынын Тоголок Молдо, Орозбеков, Абдрахманов, Осмонкул, Алматы, Калинин, Жибек Жолу проспектилер менен кесилиштерине, Ауэзов жана Анкара, 7-апрель жана Токомбаев көчөлөрүнүн кесилиштерине коюлду. Мындан тышкары Бишкекке сырттан кирүүчү Пригорондный айылынын Фучик көчөсүнө... Читать дальше...

Башкы прокуратура 6-октябрга караган түнү абактан чыккандарга эскертүү берип, мурдагы президент Алмазбек Атамбаев жана анын тарапкерлери өлкөдө түзүлгөн кырдаалдан пайдаланышканын билдирди. Мекеменин басма сөз кызматы 10-октябрда тараткан билдирүүдө алар судьяларды жана абак администрациясын “ур-токмокко алабыз, өлтүрөбүз” деп коркутуп, жазасын аткарып жаткан жайлардан мыйзамсыз түрдө чыгып кетишкенин маалымдады. Алардын иштери сот органдарында жана тергөө топторунда каралып жатканын кошумчалады. Читать дальше...

10-октябрь күнү Кой-Таштан кармалган Атамбаевдин жансакчысы Канат Сагынбаев менен «Социал-демократтар» партиясынын мүчөсү Темирлан Султанбеков Биринчи май райондук сотунун чечими менен 48 саатка камалды. Бул тууралуу адвокат Бакыт Автандил уулу “Азаттыкка” билдирди. Анын айтуусунда, алар 9-октябрдагы Бишкекте болгон массалык башаламандыкты уюштуруу фактысы менен кармалып, камалды. Бишкек шаарындагы массалык башаламандыктарга байланыштуу козголгон кылмыш ишинин алкагында бүгүн, 10-октябрь күнү мурдагы президент Алмазбек Атамбаев... Читать дальше...

Шайлоодон кийинки толкундоолор учурунда абактан чыккан мурдагы президент Алмазбек Атамбаев кайра кармалды. Түрмөдөн бошогон мындан башка дагы бир нече адам, анын ичинде Фарид Ниязов, Канат Сагынбаев, Дамир Мусакеев жана башкалар да кайра колго түшүрүлдү. Атамбаев кримтөбөл Азиз Батукаевдин түрмөдөн бошотулушуна байланыштуу 11 жылга соттолгон. Кайра тергөө абагына Мурдагы президент Алмазбек Атамбаевди кармоо операциясын Улуттук коопсуздук боюнча мамлекеттик комитети (УКМК) Ички иштер министрлиги (ИИМ) менен чогуу 10-октябрда өткөрдү. Читать дальше...

Сооронбай Жээнбеков өз арызы менен кызматынан баш тарткан соң "экс-президент" деген макамын сактап калат. Бул тууралуу 10-октябрда парламенттин кезексиз жыйынында премьер-министрликке бекиген Садыр Жапаров маалымат жыйынында билдирди. Анын айтымында, эгер мыйзам бузууга барганы аныкталбаса, Жээнбековго эч кандай куугунтук уюштурулбайт. Жапаров ошондой эле ишембиде Сооронбай Жээнбеков менен жолугуп сүйлөшкөнүн жана ал өз арызы менен кызматтан кетүүгө макул болгонун билдирди. "Сооронбай Жээнбеков... Читать дальше...

Бажы кызматынан мурдагы төрагасынын орун басары Райымбек Матраимовду күч органдары издеп жатышканын жаңы бекитилген өкмөт башчы Садыр Жапаров 10-октябрда өткөргөн басма сөз жыйынында билдирди. Ал «Азаттыктын» суроосуна жооп берип жатып, - Райым Матраимовду азыр издеп жатышат. Мага жеткен маалымат боюнча күч органдары издеп жатышат, - деп айтты. Жапаров ошондой жыйындын жүрүшүндө башка журналисттердин да  Матраимов тууралуу суроолоруна жооп берип жатып «Мен жаңы эле ишке киришип атам. Раим Матраимов... Читать дальше...

10-октябрда Бишкектеги массалык башамаландык иштер боюнча козголгон кылмыш ишинин алкагында ички иштер министринин мурдагы орун басары Курсан Асанов кармалды. Улуттук коопсуздук боюнча мамлекеттик комитети учурда бул ишке тишеси бар башка адамдарды иликтеп-издөө иштери жүргүзүлүп жатканын маалымдады. Буга чейин мурунку президент Алмазбек Атамбаев эки жансакчысы Канат Сагынбаев, Дамир Мусакеев менен кайра кармалганы белгилүү болгон. Көп өтпөй Фарид Ниязов да кармалган. УКМК аларды 9-октябрда Бишкекте... Читать дальше...

Кыргызстандын жаңы шайланган өкмөт башчысы Садыр Жапаров журналисттерди жемкорлук менен күрөштө көмөктөшүүгө чакырды. Ал бул тууралуу 10-октябрда өткөн басма сөз жыйынында «Азаттыктын» журналистинин суроосуна жооп берип жатып билдирди. - Мындан ары журналисттер коррупцияга каршы күрөшүү боюнча мен силердин күчүңөргө таянам. Силердин жардамыңар керек. Мисалы, Али Токтакуновдун программалары сыяктуу иликтөөлөрдүн авторлоруна рахмат айтуунун ордуна, бийлик тескерисинче аларды каралаган учурлар болду. Читать дальше...

Алмазбек Атамбаевдин балдары массалык башаламандык фактылары боюнча күбө катары кармалган. Бул тууралуу Ички иштер министрлигинин басма сөз катчысы Бакыт Сеитов "Азаттыкка" билдирди. Анын айтуусунда 10-октябрда Сейит жана Кадыр Атамбаев, Темирлан Султанбеков, Анвар Арматов күбө катары кармалышкан. Алар 9-октябрдагы Бишкек шаарында болгон массалык башаламандыкка байланыштуу козголгон кылмыш ишине күбө катары өтүшүүдө: "9-октябрдагы окуялар боюнча Жазык кодексинин 264-беренесинин ("Массалык башаламандыктарды уюштуруу") негизинде иш козголуп... Читать дальше...

Президент Сооронбай Жээнбеков арызын жазып берип, кете турган болду. Бул тууралуу ушу тапта парламенттин кезексиз жыйынында сүйлөп жатып премьер-министрликке талапкер Садыр Жапаров билдирди: "Сооронбай Шарипович менен жолуктум бүгүн. Сиздер өкмөттү бекитип берсеңер арыз жазып берип, кетем деп өз сөзүн айтты". 4-октябрдагы парламенттик шайлоодогу добуш берүүнүн жыйынтыгын жокко чыгарууну талап кылып башталган митингдер башаламандыкка айланып, 6-октябрга караган түнү митингчилер парламент менен... Читать дальше...

Жогорку Кеңеш премьер-министр катары сунушталып жаткан Садыр Жапаров Кумтөр кенин мамлекетке кайтаруунун зарылчылыгы жок деп эсептейт. Бул тууралуу Жапаров парламенттин ушу тапта өтүп жаткан кезексиз жыйынында айтты:   “Кумтөрдү сегиз жыл мурда алсак болот эле. Азыр кеч болуп калды. Андан бери запасы калбай деле калды. “Центерраны” аягына чейин иштетип, бузулган тоолорду калыбына келтиртүү зарыл". Жапаров парламенттик шайлоодон кийинки нааразылык учурунда абактан бошонуп чыккан. 6-октябрда... Читать дальше...

Садыр Жапаров Жогорку Кеңештин кезексиз жыйынында Кыргызстандын өкмөт башчысына жалгыз талапкер катары сөз сүйлөп жатат. Ал өкмөттүн программасы да, курамы да азырынча өзгөртүлбөй турганын, азыр иштеп жаткандардын баары ордунда кала берерин билдирди. 4-октябрдагы парламенттик шайлоодон кийин Кыргызстанда бул жараяндын жыйынтыгына нааразылардын митингинен соң саясий абал курчуп турат. 6-октябрдагы митингден кийин президенттин кеңсеси жана парламент жайгашкан имараттын ичи талкаланган. Премьер-министр... Читать дальше...

Жогорку Кеңештин кезексиз жыйынына жалпысынан 63 депутат катышууда, алардын ону ишеним кат жазып беришкен. Бул тууралуу жыйындын спикери Мыктыбек Абдылдаев билдирип, кворум бар экенин жарыялады. Абдылдаев өкмөт отставкага кеткенин, 6-октябрдагы жыйын мыйзамдуу болгонун, бүгүнкү жыйында өкмөттүн программасы, структурасы жана курамы караларын айтты.  4-октябрдагы парламенттик шайлоодон кийин Кыргызстанда бул жараяндын жыйынтыгына нааразылардын митингинен соң саясий абал курчуп турат. 6-октябрдагы... Читать дальше...

Президенттик аппараттын мурдагы башчысы, мурдагы президент Алмазбек Атамбаевдин кеңешчиси Фарид Ниязов Бишкекте жапырт башаламандык уюштурууга шектүү катары кармалды. Бул тууралуу 10-октябрда Улуттук коопсуздук боюнча мамлекеттик комитеттин (УКМК) маалымат кызматы кабарлады. Мекеме билдиргендей, Ниязов борбор калаадагы башаламандык боюнча ыкчам тергөө иштеринин алкагында кармалды. Азыр бул окуяга тиешеси бар башка адамдарды да издөө уланып жатканы белгилүү болду. 4-октябрда өткөн парламенттик... Читать дальше...

"Ала-Арча" мамлекеттик резиденциясында Жогорку Кеңештин чукул жыйыны фракция лидерлеринин кеңешүүсүнөн кийин башталмай болду. Бул тууралуу жыйындын спикери Мыктыбек Абдылдаев билдирип, лидерлер менен өзүнчө жыйындар залына кирип кетти. Алгач саат 11ге белгиленген жыйындын убактысы саат 16га которулган. Бирок саат 18ге чейин жыйын баштала элек болууда. Буга чейин жыйындын күн тартибинде Бишкекке өзгөчө абал киргизүү, жаңы депутаттын ант берүүсү жана премьер-министрлик кызматка талапкерди кароо деген үч маселе бар экени айтылган. Читать дальше...

Коопсуздук кеңешинин катчысы Дамир Сагынбаев менен анын орун басары Өмүрбек Суваналиев кызматынан бошотулду. Бул тууралуу жарлыкка президент Сооронбай Жээнбеков 10-октябрда кол койду. Азырынча анын себептери белгисиз. Мамлекет башчынын дагы бир жарлыгы менен Жаныбек Капаров Коопсуздук кеңешинин катчысынын орун басары болуп дайындалды. Кыргызстанда парламенттик шайлоонун баштапкы жыйынтыгына байланыштуу чыккан нааразылык акциялары массалык тополоң менен коштолуп, абал курчуп кеткен. 6-октябрга... Читать дальше...

Жогорку Кеңештин чукул жыйынына азыркы убактыка карата 46 депутат келди, дагы алтоо ишеним катын жазып беришкен. Бул тууралуу “Азаттык” радиосуна вице-спикер Аида Касымалиева билдирди.   6-октябрдагы чукул жыйында спикер болгону айтылган Мыктыбек Абдылдаев кеминде 61 депутат катышуусу зарыл экенин айтууда: "Кворум чогулбаса, анда, албетте, парламент бийлик бутагы катары жок экени белгилүү болот". Жыйын алгач эртең мененки саат 11де болору айтылган. Кийин саат 16га которулган. Андан бери дээрлик бир жарым саат өттү, жыйын баштала элек.

Мурдагы президент Алмазбек Атамбаев бүгүн, 10-октябрь күнү Кой-Таштагы үйүндө кармалды. Аны менен кошо жансакчылары Канат Сагынбаев менен Дамир Мусакеев да кармалганын Улуттук коопсуздук боюнча мамлекеттик комитети (УКМК) кабарлады. Маалыматка ылайык, алар 9-октябрда Бишкектеги "массалык башаламандыкты уюштуруу" боюнча козголгон кылмыш ишинин алкагында кармалышты. Учурда бул ишке тиешеси бар башка адамдарды иликтеп-издөө иштери жүргүзүлүүдө. 9-октябрда Бишкектин Ала-Тоо аянтында мурдагы президент... Читать дальше...

“Саясий репрессияларга каршы комитет” бирикмеси саясатчылар Өмүрбек Бабанов менен Садыр Жапаровду премьер-министр болуу ниетинен ачык баш тартууга чакырды. Бирикменин 10-октябрда жарыяланган кайрылуусунда соңку окуялар өлкөдө элдин көпчүлүгү колдой турган улуттук масштабдагы лидер жоктугун көрсөткөнү, Бабанов да, Жапаров да андай боло албаганы, кырдаалды жөнгө салуу максатында экөө тең өкмөт башчылык ниетинен баш тартышы керектиги белгиленди. Андан көрө партиялык иштер менен алектенип, шайлоого катышып... Читать дальше...

"Ала-Арча" мамлекеттик резиденциясында ушу тапта алтынчы чакырылыштагы Жогорку Кеңештин кезексиз жыйыны башталууда. "Азаттыктын" кабарчылары жеринен маалымдагандай, күн тартибинде үч маселе бар: Бишкекке өзгөчө абал киргизүү, жаңы депутаттын ант берүүсү жана премьер-министрлик кызматка талапкер. 4-октябрдагы парламенттик шайлоодон кийин Кыргызстанда бул жараяндын жыйынтыгына нааразылардын митингинен соң саясий абал курчуп турат. 6-октябрдагы митингден кийин президенттин кеңсеси жана парламент жайгашкан имараттын ичи талкаланган. Читать дальше...

Бишкекте Sputnik.kg маалымат сайты кеңсесине 25-30 чакты белгисиз бирөөлөр барып коркутканын, алар саясатчы Садыр Жапаровду колдогон митингди чагылдырууну талап кылганын кабарлады. Ал адамдардын митингге тиешеси бар же жогун аныктоо мүмкүн болгон жок. Редакция эркектер тобу барып, 30 мүнөт ичинде митингди чагылдыра баштабаса эшиктерин талкалап, күзөтчүнү ур-токмокко ала турганын билдиришкенин маалымдады. Sputnik сайтынын редактору Эркин Алымбеков милиция чакырууга аргасыз болушканын билдирди. Читать дальше...