Новости за 28.11.2023

Նոյեմբերի 28-ին, ժամը 22։20-ին Ճգնաժամային կառավարման ազգային կենտրոն ահազանգ է ստացվել, որ Գյումրի-Սպիտակ ավտոճանապարհին այրվում է ավտոմեքենա։

Երևան քաղաքի ավագանու քննարկմանն է ներկայացվել «Երևան համայնքում տեղական վճարների 2024 թվականի դրույքաչափերը սահմանելու մասին» Երևան քաղաքի ավագանու որոշման նախագիծը, որով, մասնավորապես, առաջարկվում է 2024 թվականի հունվարի 1-ից մայրաքաղաքի կենտրոնում ավտոկայանատեղում կայանելու համար վճարը սահմանել տարեկան 160 հազար դրամ, իսկ կենտրոնից դուրս՝ 24 հազար դրամ։

Իսրայելական կողմը պաղեստինյան ՀԱՄԱՍ շարժման հետ Գազայի հատվածում մարդասիրական զինադադարի շուրջ ձեռք բերված համաձայնագրի շրջանակներում երեքշաբթի՝ նոյեմբերի 28-ին ազատ է արձակել 30 պաղեստինցի բանտարկյալի։

Գազայի հատվածում Իսրայելի ռազմական գործողության նպատակը պաղեստինյան անկլավի ապառազմականացումն ու ապաարմատականացումն է։

Նոյեմբերի 28-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնում ընդունեց եգիպտացի ղպտի գործարար Նագիբ Սավիրիսին։ Այս մասին հայտնում են Մայր Աթոռի տեղեկատվական համակարգից։

Հայկական «Բազումք» տիեզերական հետազոտությունների լաբորատորիայի և «Գիտական նորարարության և կրթության կենտրոն»-ի (CSIE) համատեղ աշխատանքների արդյունքում ստեղծված և «Հայասաթ-1» անվանումը ստացած հայրենական առաջին արբանյակը տիեզերք կարձակվի դեկտեմբերի 1-ին։

Մանուել Նոյերն ու Սվեն Ուլրայխը նոր պայմանագրեր են կնքել «Բավարիայի» հետ։ Այս մասին հայտնում է մյունխենյան ակումբի մամուլի ծառայությունը։

Պաղեստինյան ՀԱՄԱՍ արմատական շարժումը կոչ է արել ամերիկացի ձեռնարկատեր, Tesla և SpaceX ընկերությունների գործադիր տնօրեն Իլոն Մասկին այցելել Գազայի հատված։ Այս մասին հայտնել է շարժման ղեկավարության անդամ Ուսամա Համդանը։

Թուրքիայի արտաքին գործերի նախարար Հաքան Ֆիդանը հանդիպել է ԱՄՆ պետքարտուղար Էնթոնի Բլինկենի հետ։ Այս մասին տեղեկանում ենք Թուրքիայի ԱԳ նախարարության X-ի միկրոբլոգից։

Հյուսիսատլանտյան դաշինքը կմնա տարածաշրջանային դաշինք, սակայն այն պետք է աշխատի հնդկա-խաղաղօվկիանոսյան տարածաշրջանի գործընկերների հետ՝ արձագանքելով գլոբալ մարտահրավերներին: 

Ոստիկանությունը բիրտ ուժի կիրառմամբ բերման ենթարկեց Ալեքսանդր Թամանյանի արձանի մոտ վրան տեղադրած և իրազեկման ակցիա իրականացնող «Զանգ» շարժման անդամներին։

Ադրբեջանը շարունակում է արգելափակել ՅՈՒՆԵՍԿՕ-ի առաքելությունը Լեռնային Ղարաբաղ ուղարկելու նախաձեռնությունը։ Տեղեկությունը Sputnik Արմենիայի հարցմանն ի պատասխան հայտնում են ՀՀ ԱԳՆ-ից։

Նոյեմբերի 28-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Վաղարշապատի «Հրաչ և Սյուզան Թուֆայան» հայորդյաց տանը հյուրընկալեց Մայր Աթոռ Սուրբ Էջմիածնի և Հայկական Բարեգործական Ընդհանուր Միության հովանու ներքո գործող Հայորդյաց տների հանրապետական ու միջազգային տարբեր փառատոններում, մրցույթներում, ցուցահանդեսներում և մրցաշարերում մրցանակային տեղեր զբաղեցրած շուրջ 280 սաների: Այս մասին հայտնում են Մայր Աթոռի տեղեկատվական համակարգից։

Լրագրողների պաշտպանության կոմիտեն հաստատել է Գազայում պատերազմի սկսվելուց ի վեր 57 լրագրողների և լրատվամիջոցների աշխատակիցների մահը, հայտնում է Tasnim գործակալությունը:

ԵՄ դիվանագիտական ծառայության ղեկավար Ժոզեպ Բորելը հայտարարել է, որ չի ծրագրում հանդիպել Ռուսաստանի արտգործնախարար Սերգեյ Լավրովի հետ Սկոպիեում ԵԱՀԿ արտգործնախարարների խորհրդի նիստի շրջանակում, հայտնում է ՏԱՍՍ գործակալությունը:

«Սևիլիայի» գլխավոր մարզիչ Դիեգո Ալոնսոն կիսվել է Չեմպիոնների լիգայի խմբային փուլի 5-րդ տուրի ՊՍՎ-ի հետ հանդիպումից իր սպասելիքներով.

Առնվազն երեք պայթուցիկ սարքեր են գործի դրվել երկու տարբեր վայրերում՝ Գազայի հատվածի հյուսիսում գտնվող Իսրայելի պաշտպանության բանակի (ՑԱԽԱԼ) դիրքերի անմիջական հարևանությամբ՝ խախտելով հրադադարը: Այս մասին հայտնում է «Ինտերֆաքս»-ը՝ հղում անելով ՑԱԽԱԼ-ի X-ի միկրոբլոգում արված հայտարարությունը:

Հունաստանում Հայաստանի Հանրապետության արտակարգ և լիազոր դեսպան Տիգրան Մկրտչյանը նոյեմբերի 28-ին հանդիպել է Հունաստանի իշխող «Նոր ժողովրդավարություն» կուսակցության պատգամավոր, խորհրդարանի ազգային պաշտպանության և արտաքին հարաբերությունների մշտական հանձնաժողովի նախագահ Դորա Բակոյանիի հետ։

Թատրոնի և կինոյի խորհրդային և ռուսական դերասան, երգիչ և հեռուստահաղորդավար Միխայիլ Բոյարսկին հոսպիտալացվել է։ Արտիստի որդին՝ ՌԴ պետդումայի պատգամավոր Սերգեյ Բոյարսկին Газета.Ru-ի հետ զրույցում հաստատել է լուրը՝ հայտնելով, որ դերասանը հիվանդանոց է տեղափոխվել սրտամկանի ինֆարկտից հետո։

Փոխվարչապետ Տիգրան Խաչատրյանն այսօր ընդունել է Արտաքին գործողությունների եվրոպական ծառայության և Եվրոպական հանձնաժողովի հարևանության և ընդլայնման բանակցությունների հարցերով գլխավոր տնօրինության համատեղ պատվիրակության անդամներին: Հանդիպմանը ներկա է գտնվել նաև ՀՀ-ում ԵՄ պատվիրակության ղեկավար, դեսպան Վասիլիս Մարագոսը։

Նոյեմբերի 28-ին, ժամը 17։34-ին Արագածոտնի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Քուչակ-Շենավան ավտոճանապարհին տեղի է ունեցել ՃՏՊ։

ՊԲ նախկին հրամանատար Ջալալ Հարությունյանի վերաբերյալ քրեական գործն ուղարկվել է դատարան։ Քրեական գործը հոկտեմբերի 27-ին մակագրվել է Սյունիքի մարզի ընդհանուր իրավասության դատարանի դատավոր Գարիկ Աբելյանին։

Փոխվարչապետ Մհեր Գրիգորյանն ընդունել է Համաշխարհային բանկի (ՀԲ) Կովկասի տարածաշրջանի տնօրեն Ռոլանդ Փրայսին: Այս մասին հայտնում են փոխվարչապետ Մհեր Գրիգորյանի գրասենյակից։

Եվրահանձնաժողովն առաջարկել է ևս 12 ամսով երկարաձգել անցյալ տարվանից ԵՄ-ում գործող արտակարգ միջոցառումները էներգետիկայի ոլորտում: Այս մասին հայտնում է «Ինտերֆաքս»-ը՝ հղում անելով Եվրահանձնաժողովի հայտարարությանը:

ՀՀ քննչական կոմիտեի նախագահի տեղակալ Արսեն Այվազյանն այսօր ընդունել է Հայաստանում ԱՄՆ դեսպանատան թմրամիջոցների դեմ պայքարի և իրավական համագործակցության գրասենյակի տնօրեն Ալեքսիս Հաֆտվանի գլխավորած պատվիրակությանը։ Այս մասի հայտնում են Քննչական կոմիտեից։