Новости за 14.11.2023

Հայտնի էր, որ Հայաստանի ու Ֆրանսիայի համագործակցության թեմաներից մեկը հենց «Բաստիոն» զրահապատ մեքենաներն ունենալն էր, և ես շատ ուրախ եմ, որ Ֆրանսիայի հետ այս առումով մենք մեծ առաջընթաց ենք ունեցել և առջևում նաև ավելի լայն համագործակցությունն է Ֆրանսիայի հետ հենց անվտանգության ոլորտում։ Այս մասին Պետրոս Ղազարյանի հետ հարցազրույցի ժամանակ, անդրադառնալով Ֆրանսիայից գնված զինտեխնիկային թեմային, ասաց ՀՀ անվտանգության խորհրդի քարտուղար Արմեն Գրիգորյանը։

Ադրբեջանի նախագահի օգնական Հիքմեթ Հաջիևը Х-ի իր միկրոբլոգում անդրադարձել է Հայաստանի ու Ադրբեջանի միջև խաղաղության պայմանագրին՝ հայտարարելով, որ «հայկական կողմը երկու ամսից ավելի է, ինչ ձգձգում է փաստաթղթի իր տարբերակի ներկայացումը»։

Մենք առաջնային ուզում ենք բանակցությունների գնալ այնտեղ, որտեղ պայմանավորածություններ ենք ունեցել։ Այս մասին այսօր Պետրոս Ղազարյանի հետ հարցազրույցի ժամանակ ասաց ՀՀ անվտանգության խորհրդի քարտուղար Արմեն Գրիգորյանը՝ պատասխանելով հարցին, որ եթե ՀՀ-ն ուզում է բանակցությունները շարունակել, ապա ինչու չի գնում Մոսկվա այն դեպքում, երբ և՛ Իլհամ Ալիևը, և՛ ռուսական կողմը պատրաստակամություն են հայտնում։

Նոյեմբերի 14-ին տեղի է ունեցել «Քաղաքացիական պայմանագիր» կուսակցության Վարչության նիստ, որը վարել է Վարչության նախագահ, ՀՀ վարչապետ Նիկոլ Փաշինյանը: Այս մասին տեղեկանում ենք կուսակցության ֆեյսբուքյան էջից։

Հիմնավոր կասկածներ են առաջացել, որ Ստեփանակերտի մայր եկեղեցու գմբեթներից հանվել են խաչերը։

Հայաստանը բազմաթիվ հարցեր ունի ՀԱՊԿ-ին ուղղված, որոնց պատասխանները չի ստանում։ Սա է պատճառը, որ մենք չենք մասնակցում ՀԱՊԿ-ի միջոցառումներին։ Այս մասին այսօր Պետրոս Ղազարյանի հետ հարցազրույցի ժամանակ ասաց ՀՀ անվտանգության խորհրդի քարտուղար Արմեն Գրիգորյանը՝ անդրադառնալով հարցին, թե եթե հայկական կողմը չի մասնակցում ՀԱՊԿ-ի նիստերին, ապա ինչու ՀՀ-ն դուրս չի գալիս այդ կառույցից։

ՀՀ վարչապետ Նիկոլ Փաշինյանն իր ինստագրամյան էջում դստեր՝ Մարիամ Փաշինյանի ու կնոջ՝ Աննա Հակոբյանի հետ համատեղ լուսանկար է հրապարակել և գրառում արել։

ՀՀ ԱԺ նախագահի տեղակալ Հակոբ Արշակյանի գլխավորած պատվիրակությունը նոյեմբերի 14-ին հանդիպել է Սիրիայի Արաբական Հանրապետության արտաքին գործերի եւ սփյուռքի նախարար Ֆեյսալ Ալ-Միկդադի հետ: Այս մասին հայտնում են ՀՀ ԱԺ-ից։

ՀՀ մարդու իրավունքների պաշտպան Անահիտ Մանասյանն այսօր՝ նոյեմբերի 14-ին, ընդունել է քաղաքացիների։

Կառավարության 2022-ի դեկտեմբերի 1-ի որոշմամբ 10 մլրդ դրամ պետական աջակցություն տրամադրվեց տեղեկատվական տեխնոլգիաների (ՏՏ) ոլորտի ընկերություններին։ Ինչպես գրում է «Հետքը», իրենք կարողացան պարզել պետական աջակցություն ստացած ընկերությունների անունները: Որոշման նպատակն էր օգնել ՏՏ ոլորտի ընկերություններին հաղթահարել ֆինանսական խնդիրները, որոնք առաջացել էին դրամի արժևորման ֆոնին արժեզրկված դոլարի արդյունքում։ «Հետքը» գրել է աջակցության չափերի և ընկերությունների մասին։

Անկարան ընդդեմ Իսրայելի վարչապետ Բենիամին Նեթանյահուի հայց է ներկայացրել Միջազգային քրեական դատարան՝ նրան մեղադրելով Գազայի հատվածում ցեղասպանություն իրականացնելու համար։ Ինչպես գրում է ՌԻԱ Նովոստին՝ այս մասին X-ի իր միկրոբլոգում հայտնել է Թուրքիայի իշխող Արդարություն և զարգացում կուսակցության փաստաբան Մեթին Կյուլյունքը։

Կարմիր խաչի միջազգային կոմիտեն (ԿԽՄԿ) ամեն ինչ անում է պաղեստինյան ՀԱՄԱՍ-ի կողմից գերեվարված պատանդներին հասանելիություն ստանալու համար: Այս մասին հայտնում է ՏԱՍՍ-ը՝ վկայակոչելով ԿԽՄԿ նախագահ Միրիանա Սպոլյարիչին։

Լոնդոնում պաշտոնական այցով գտնվող ՀՀ ԱԳ նախարար Արարատ Միրզոյանը նոյեմբերի 14-ին հանդիպել է Հայաստան-Միացյալ Թագավորություն բարեկամության խմբի ղեկավար Թիմ Լոութընի և խմբի անդամների հետ:

Հայաստանի ֆուտբոլի ազգային թիմի կիսապաշտպան Էդուարդ Սպերցյանի կարծիքով՝ Եվրոպայի առաջնության ընտրական փուլի Ուելսի դեմ տնային խաղում հավաքականը պարտավոր է հաղթել:

Նոյեմբերի 10-12-ը ՀՀ կենտրոնական բանկի Դիլիջանի ուսումնահետազոտական կենտրոնում տեղի ունեցավ CaseKey բիզնես խնդիրների լուծման մրցույթ 2023-ի գալա միջոցառումը, որի գլխավոր գործընկերն այս տարի Բիբլոս Բանկ Արմենիան էր։

Այսօր՝ նոյեմբերի 14-ին, ավտովթար է տեղի ունեցել Վայոց ձորի մարզում: Ժամը 12:20-ի սահմաններում Գեղարքունիքի մարզի բնակիչ 34-ամյա Վ. Պողոսյանը իր վարած Mercedes մակնիշի ավտոմեքենայով Երևան-Մեղրի միջպետական ավտոճանապարհի 129 կմ հատվածում, դեռևս անհայտ հանգամանքներում, դուրս է եկել աջ երթևեկելի գոտուց դեպի ձախ, հարվածել ճանապարհային նշանին:

Եվրահանձնաժողովը հայտարարել է, որ 110 մլն եվրո կհատկացնի Ուկրաինային լրացուցիչ մարդասիրական օգնության համար՝ կապված ձմռան մոտենալու հետ:

Գագիկ Ծառուկյանը հանդիպել է մի խումբ դիվանագետների, միջազգայնագետների, վերլուծաբանների հետ։ Տեղի է ունեցել անկաշկանդ քննարկում Հայաստանի շուրջ զարգացումների, առկա իրավիճակի, տարածաշրջանային նոր ռիսկերի, աշխարհում տեղի ունեցող փոփոխությունների շուրջ։ Այս մասին իր ֆեյսբուքյան էջում գրել է Գագիկ Ծառուկյանի մամուլի խոսնակ Իվետա Տոնոյանը։

Բարսելոնայի դատարանն ավարտել է կապտանռնագույնների և Բրազիլիայի հավաքականի նախկին ֆուտբոլիստ Դանի Ալվեշի գործի հետաքննությունը, որը մեղադրվում է գիշերային ակումբում աղջկա բռնաբարության համար։  Այս մասին հայտնում է Footmercato-ն։

Նոյեմբերի 13-ին համատեղության կարգով Անդորրայի Իշխանապետությունում ՀՀ դեսպան Սոս Ավետիսյանը (նստավայրը՝ Մադրիդ) Ելիսեյան պալատում տեղի ունեցած հանդիսավոր արարողության ժամանակ իր հավատարմագրերն է հանձնել Անդորրայի համիշխան, Ֆրանսիայի Հանրապետության նախագահ Էմանուել Մակրոնին։

«Ուրարտու» ֆուտբոլային ակումբը և «Ուրարտու-2»-ի գլխավոր մարզիչ Իգոր Պադերինը երկկողմ համաձայնությամբ դադարեցրել են համագործակցությունը։ Այս մասին հայտնում է ակումբի մամուլի ծառայությունը:

Պաղեստինա-իսրայելական հակամարտությունում Իսրայելի դեմ Թուրքիայի նախագահ Ռեջեփ Թայիփ Էրդողանի մեղադրանքները անհեթեթ են, Թել Ավիվը հարգում է միջազգային նորմերը և մարդու իրավունքները։ Այդ մասին Հունաստանի վարչապետ Կիրիակոս Միցոտակիսի հետ համատեղ ասուլիսում հայտարարել է Գերմանիայի կանցլեր Օլաֆ Շոլցը։ Այս մասին գրում է ria.ru-ն:

«Սա մի երկիր է, որը պարտավորվել է հարգել մարդու իրավունքները և միջազգային իրավունքը և իր գործողություններում գործում է համապատասխանաբար: Եվ հետևաբար, Իսրայելի դեմ այս մեղադրանքները... Читать дальше...

Նոյեմբերի 14-ին, ժամը 12:42-ին Ճգնաժամային կառավարման ազգային կենտրոն ահազանգ է ստացվել, որ հրդեհ է բռնկվել Երևանի Չեխովի փողոցում գտնվող բնակելի շենքերից մեկի տանիքում:

Չինաստանի ղեկավար Սի Ծինփինը երեքշաբթի երեկոյան Պեկինից մեկնել է ԱՄՆ, հայտնում է Սինհուա գործակալությունը ։

Միացյալ Նահանգների նախագահ Ջո Բայդենի հրավերով Սի Ծինփինը կմասնակցի Չինաստանի և ԱՄՆ-ի ղեկավարների հանդիպմանը Սան Ֆրանցիսկոյում և Ասիա-խաղաղօվկիանոսյան տնտեսական համագործակցության առաջնորդների 30-րդ ոչ պաշտոնական հանդիպմանը։

Մեզ տեղեկություններ են հասնում, որ քաղաքացիներից բժշկական հաստատություններում  կանխիկ գումարներ են ուզում։