Новости за 07.11.2023

Նոյեմբերի 7-ին, ժամը 20։40-ին Ճգնաժամային կառավարման ազգային կենտրոն ահազանգ է ստացվել, որ Կոտայքի մարզի Աբովյան քաղաքի 6-րդ միկրոշրջանում այրվում է անասնակեր։

Կարմիր խաչի միջազգային կոմիտեի (ԿԽՄԿ)՝ հումանիտար օգնությամբ բեռնված հինգ բեռնատարից ու երկու մարդատար ավտոմեքենայից բաղկացած ավտոշարասյունը Գազա քաղաքում գնդակոծության տակ է հայտնվել, հայտնում են ԿԽՄԿ-ից։

2020 թվականի հոկտեմբերի 7-ին իրականացված հակահարձակման դրվագով հանրային քրեական հետապնդումը ՊԲ նախկին հրամանատար Ջալալ Հարությունյանի նկատմամբ դադարեցվեց արդարացնող հիմքով։

Դոնեցկում Ուկրաինայի զինված ուժերի հրետակոծության զոհերի թիվը գերազանցել է 20-ը։ Այս մասին իր թելեգրամյան ալիքում հայտնել Ուկրաինայի պատերազմական հանցագործություններին առնչվող հարցերի վերահսկման և համակարգման միացյալ կենտրոնում ԴԺՀ-ի ներկայացուցչությունը։

Այսօր՝ նոյեմբերի 7-ին, մահվան ելքով վրաերթ է տեղի ունեցել Շիրակի մարզում: Ժամը 20:00-ի սահմաններում Շիրակի մարզի բնակիչ 31-ամյա Սաշա Սարգսյանն իր վարած ՎԱԶ-2121 մակնիշի ավտոմեքենայով Գյումրի քաղաքի Մարմարաշենի խճուղում վրաերթի է ենթարկել տղամարդ հետիոտնին:

Գազան պետք է պաղեստինյան հող մնա։ Այս մասին լրագրողների հետ ճեպազրույցում հայտարարել է ԱՄՆ պետքարտուղարության փոխխոսնակ Վեդանտ Պատելը։

Նոյեմբերի 7-ին ՄԱԿ-ի Գլխավոր ասամբլեայում կայացած Արդարադատության միջազգային դատարանի զեկույցին նվիրված հանդիպմանը ելույթ է ունեցել ՄԱԿ-ում Հայաստանի մշտական ներկայացուցիչ Մհեր Մարգարյանը։

Եվրախորհրդարանում Լեռնային Ղարաբաղին նվիրված համաժողովին ընդառաջ Բրյուսելում տեղի է ունեցել մամուլի ասուլիս՝ համաժողովի բանախոսնեի մասնակցությամբ։ Մամուլի ասուլիսը կազմակերպել էին «Եվրոպացիները հանուն Արցախի» նախաձեռնությունը եւ ՀՅԴ Հայ դատի Եվրոպայի գրասենյակը։

Չինաստանի հյուսիս-արևմուտքում գտնվող Սինցզյան-Ույղուրական ինքնավար շրջանում 5,5 մագնիտուդ ուժգնությամբ երկրաշարժ է տեղի ունեցել։

Նոյեմբերի 7-ին, ժամը 19։21-ին Գեղարքունիքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Ծովազարդ գյուղի մոտակայքում տեղի է ունեցել ՃՏՊ, կան տուժածներ․ անհրաժեշտ է փրկարարների օգնությունը:

Իսրայելը չի համաձայնի Գազայի հատվածում հումանիտար դադարներն, քանի դեռ անկլավում պահվող պատանդներն ազատ չեն արձակվել։

Նոյեմբերի 7-ին ՀՖՖ Տեխնիկական կենտրոն/Ֆուտբոլի ակադեմիայում կայացել է ՀՖՖ Գործադիր կոմիտեի հերթական նիստը:

Ուկրաինայի ԶՈւ-ի կողմից Դոնեցկի կենտրոնի հրետակոծության հետևանքով վեց մարդ է զոհվել։ Այս մասին գրում է ՌԻԱ Նովոստին՝ հղում անելով Դոնեցկի քաղաքապետ Ալեքսեյ Կուլեմզինի թելեգրամյան ալիքին։

Եվրահանձնաժողովը հայտարարել է, որ Աֆղանստանում հումանիտար իրավիճակի վատթարացման կապակցությամբ Եվրամիությունը 61 մլն եվրո է հատկացրել հումանիտար օգնության տեսքով՝ երկրում բնակչության առավել կարիքավոր խավերի և Պակիստանում փախստականների համար: Այս մասին հայտնում է «Ինտերֆաքս»-ը՝ հղում անելով Բրյուսելում հրապարակված Եվրահանձնաժողովի կոմյունիկեին:

Նոյեմբերի 7-ին, ժամը 15։39-ին Ճգնաժամային կառավարման ազգային կենտրոն ահազանգ է ստացվել, որ հրդեհ է բռնկվել Վարդաշեն թաղամասի 12-րդ փողոցի տներից մեկին հարակից չբնակեցված շինությունում։

Ադրբեջանի նախագահ Իլհամ Ալիևի կարգադրությամբ՝ ադրբեջանցիներն ապամոնտաժել են օկուպացված Արցախի Մարտակերտի շրջանի Վանք գյուղի պետհամարանիշներով հայտնի պատը, որն Արցախյան ազատամարտում հայերի հաղթանակների մասին վկայող խորհրդանիշներից մեկն է համարվում։

Աֆղանստանի մայրաքաղաք Քաբուլում մարդատար ավտոբուսում տեղի ունեցած պայթյունի հետևանքով զոհվել է առնվազն 7 մարդ, վիրավորվել՝ 20-ը։

Վարչապետ Նիկոլ Փաշինյանը տիկնոջ՝ Աննա Հակոբյանի հետ, Ապարան համայնքի Քուչակ բնակավայրի Սուրբ Աստվածածին եկեղեցում մասնակցել է Ազգային ժողովի «Քաղաքացիական պայմանագիր» խմբակցության պատգամավոր Մաթևոս Ասատրյանի հոգեհանգստի արարողությանը: 

Հոկտեմբերի 7-ից առ այսօր Գազայի հատվածում Իսրայելի գործողությունների հետևանքով զոհված պաղեստինցիների թիվը գերազանցել է 10,4 հազարը։

ՀՀ ԱԳՆ խոսնակ Անի Բադալյանը X-ի իր միկրոբլոգում անդրադարձել է արցախցի Վագիֆ Խաչատրյանի դատավճռին՝ մեջբերելով 68-ամյա տղամարդու խոսքերը՝ «Ես անմեղ եմ»։

Բարձրագույն դատական խորհրդի նախագահ Կարեն Անդրեասյանն այսօր ընդունել է Եվրոպայի խորհրդի Խորհրդարանական վեհաժողովի (ԵԽԽՎ)՝ Հայաստանի պարտավորությունների կատարման մոնիթորինգի գծով համազեկուցողներ Կիմո Կիլյունենին, Բորիանա Աբերգին և ԵԽԽՎ Մոնիթորինգի հանձնաժողովի քարտուղար Մեթյու Մոնինին։

Հորդանանի Թագավոր Աբդալլահ երկրորդի՝ Եվրամիություն կատարած այցի ընթացքում Եվրահանձնաժողովը (ԵՀ) հայտարարել է Հաշիմյան Թագավորությանը 902 մլն եվրոյի չափով ֆինանսական օգնության մասին: Այս մասին հայտնում է ՌԻԱ նովոստի-ն՝ հղում անելով Բրյուսելում հրապարակված ԵՀ-ի կոմյունիկեին:

2023թ. նոյեմբերի 7-ին 72 տարեկանում կյանքից հեռացել է Միավորված ազգերի կրթական, գիտական և մշակութային կազմակերպությունում (ՅՈՒՆԵՍԿՕ) Հայաստանի Հանրապետության մշտական ներկայացուցիչ և Ֆրանկոֆոնիայի միջազգային կազմակերպությունում Հայաստանի Հանրապետության վարչապետի անձնական ներկայացուցիչ, դիվանագետ Քրիստիան Միշել Տեր-Ստեփանյանը, ով երկար տարիներ անձնվիրաբար մաս է կազմել Հայաստանի Հանրապետության դիվանագիտական ծառայության՝ իր անգնահատելի ավանդը ներդնելով միջազգային հարթակներում Հայաստանի Հանրապետության... Читать дальше...

Վարչապետ Նիկոլ Փաշինյանն ընդունել է Եվրոպայի խորհրդի խորհրդարանական վեհաժողովի մոնիթորինգի հանձնաժողովի Հայաստանի հարցերով համազեկուցողներ Կիմո Կիլյունենին և Բորիանա Աբերգին: Այս մասին հայտնում են վարչապետի աշխատակազմից։

Նոյեմբերի 7-ին, ժամը 13։23-ին Տավուշի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Իջևան քաղաքից Այգեգովիտ տանող ավտոճանապարհին ծառն ընկել է, ավտոճանապարհը դարձել է միակողմանի երթևեկելի․ անհրաժեշտ է փրկարարների օգնությունը։