Новости за 15.11.2023

ԱՄՆ-ն պետք է ապահովի ռուս խաղաղապահների դուրսբերումը տարածաշրջանից։ Այս մասին ԱՄՆ Կոնգրեսի Ներկայացուցիչների պալատում Լեռնային Ղարաբաղին նվիրված լսումների ժամանակ ասել է ԱՄՆ պետքարտուղարի Եվրոպայի և Եվրասիայի հարցերով օգնական Ջեյմս Օ՛Բրայենը։

Իսրայելի վարչապետ Բենիամին Նեթանյահուն Թուրքիայի նախագահ Ռեջեփ Թայիփ Էրդողանին մեղադրել է ահաբեկչությանն աջակցելու համար՝ հայտարարելով, որ Իսրայելը չի լսելու նրա քարոզները, գրում է ՌԻԱ Նովոստին։

Միացյալ Նահանգները դադարեցրել է Ադրբեջանին տրամադրվող ռազմական և այլ տեսակի օգնությունը, չեղյալ է հայտարարել բարձր մակարդակի որոշ այցեր, իսկ Վաշինգտոնը Բաքվին ազդարարել է, որ երկկողմ հարաբերությունների կարգավորում չի լինի այնքան ժամանակ, քանի դեռ Հայաստանի հետ խաղաղ բանակցություններում առաջընթաց չի գրանցվել: Ինչպես գրում է ՏԱՍՍ գործակալությունը, այս մասին ԱՄՆ Կոնգրեսում ԼՂ-ի թեմայով լսումների ժամանակ հայտարարել է ԱՄՆ պետքարտուղարի Եվրոպայի և Եվրասիայի հարցերով օգնական Ջեյմս Օ՛Բրայենը։

Պաղեստինի վարչապետ Մուհամմեդ Շտայեն կոչ է արել իսրայելական օկուպացիան դադարեցնելու և պաղեստինյան անկախ պետություն ստեղծելու կոնկրետ ծրագրի ձևավորել: Այս մասին հայտնում է Al Hadath հեռուստաալիքը։

Նոյեմբերի 14-ին, արտակարգ դեպք է տեղի ունեցել Արմավիրի մարզում: Ինչպես հայտնում է shamshyan.com-ը, այդ օրը, ժամ 05:10-ի սահմաններում ՀՀ Ներքին գործերի նախարարության Արմավիրի մարզային վարչության ծառայողները փայլուն ու գրագետ օպերացիայի արդյունքում կանխել են Վաղարշապատ քաղաքի Մաշտոցի փողոցի 14/79 հասցեում գտնվող «Ֆասթ բանկ» ՓԲԸ-ի մասնաճյուղում զինված ավազակային հարձակումը:

Միացյալ Նահանգները՝ պետքարտուղարի հանձնարարությամբ, համապարփակ և թափանցիկ զեկույց է պատրաստում Լեռնային Ղարաբաղում տեղի ունեցածի վերաբերյալ։ Ինչպես գրում է ՏԱՍՍ գործակալությունը, այս մասին ԱՄՆ Կոնգրեսում լեռնային Ղարաբաղի թեմայով լսումների ժամանակ հայտարարել է պետքարտուղարի տեղակալ Ջեյմս Օ՛ Բրայանը։

«Մանչեսթեր Յունայթեդի» գործադիր տնօրեն Ռիչարդ Առնոլդը լքել է զբաղեցրած պաշտոնը, հայտնում է ակումբի պաշտոնական կայքը։

Միացյալ Նահանգներն ու Եվրամիությունը ցանկանում են, որ Հայաստանը մերձենա անդրատլանտյան դաշնակիցների հետ, և սխեմա են մշակում դրա ապահովման համար։ Այս մասին, ինչպես հայտնում է ՏԱՍՍ գործակալությունը, նոյեմբերի 15-ին ԱՄՆ-ի Կոնգրեսի ներկայացուցիչների տան արտաքին հարաբերությունների հանձնաժողովում մեկնարկած լսումներում ասել է ԱՄՆ պետքարտուղարի Եվրոպայի և Եվրասիայի հարցերով օգնական Ջեյմս Օ'Բրայենն:

Չորեքշաբթի օրը Բրյուսելում տեղի է ունեցել Հայաստան-ԵՄ քաղաքական և անվտանգային հարցերով երկխոսության երկրորդ բարձրաստիճան նիստը: Այս մասին հայտնում են ՀՀ արտաքին գործերի նախարարությունից։

Հայաստանը միայն քաղաքական դրդապատճառներից ելնելով է վավերացրել Միջազգային քրեական դատարանի Հռոմի ստատուտը։ Այս մասին ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։

Արարատի մարզի Ռանչպար բնակավայրում ավազի ապօրինի հանք է շահագործվում։ «Հետքը» պարզել է, որ հանքարդյունահանողը ԱԺ «Քաղաքացիական պայմանագիր» խմբակցության պատգամավոր Սերգեյ Բագրատյանի կնոջ ՍՊԸ-ն է։ Հանքավայրը շահագործելուց առաջ փորձաքննություններ չեն իրականացվել, հանքարդյունահանման պայմանագիր չի կնքվել։ Հայաստանի սեփականությունը համարվող ընդերքն ամիսներ շարունակ ապօրինի արդյունահանվել է։ Դա շարունակվում է նաև այսօր։

Երևանի ամանորյա տոնական ձևավորման աշխատանքներով պայմանավորված՝ նոյեմբերի 16-ի ժամը 23:00-ից մինչև նոյեմբերի 17-ի ժամը 07:00-ը ժամանակավորապես կդադարեցվի Կիևյան կամրջի երթևեկությունը:

Եվրոպայի խորհրդի խորհրդարանական վեհաժողովի (ԵԽԽՎ) Հայաստանի պարտավորությունների և պարտավորությունների մոնիտորինգի գծով համազեկուցողներ Կիմմո Կիլյունենը (Ֆինլանդիա, SOC) և Բորիանա Աբերգը (Շվեդիա, EPP/CD), Եվրոպայի խորհրդի անդամ երկրներին կոչ են արել աջակցել Հայաստանին, քանի որ նա բախվում է Լեռնային Ղարաբաղից փախստականների հետ կապված «հսկայական մարտահրավերների»՝ միաժամանակ առաջ մղելով ժողովրդավարական բարեփոխումները: 

Ամերիկյան վարչակազմը կարծում է, որ Հայաստանի և Ադրբեջանի՝ խաղաղ համաձայնության հասնելն այժմ կախված է Բաքվից։ Ինչպես գրում է ՏԱՍՍ գործակալությունը, այս մասին հայտարարել է ԱՄՆ պետքարտուղարի՝ Եվրոպայի և Եվրասիայի հարցերով օգնական Ջեյմս Օ'Բրայենը։

Մոնտենեգրոյում ընթացող բռնցքամարտի Եվրոպայի մինչև 22 տարեկանների առաջնությունում Հայաստանն առաջին մեդալն ունի։

Մոսկվան կոշտ կարձագանքի, երբ Երևանը իրոք հատի կարմիր գծերը՝ բազան հանելու և ՀԱՊԿ-ից դուրս գալու հարցում:

ՀՀ մարդու իրավունքների պաշտպան Անահիտ Մանասյանն այսօր՝ նոյեմբերի 15-ին, ընդունել է ՀՀ-ում Ռուսաստանի Դաշնության արտակարգ և լիազոր դեսպան Սերգեյ Կոպիրկինին։ Այս մասին հայտնում են ՀՀ ՄԻՊ գրասենյակից։

ՀՀ ԱԺ նախագահի տեղակալ Հակոբ Արշակյանի գլխավորած պատվիրակությունը նոյեմբերի 15-ին հանդիպել է Սիրիայի Արաբական Հանրապետության նախագահ Բաշար ալ-Ասադի հետ: Այս մասին հայտնում են ՀՀ ԱԺ-ից։

Արևմուտքի խորհուրդները խանգարում են Հայաստանին ավարտին հասցնել Անդրկովկասում հաղորդակցությունների ապաշրջափակման աշխատանքները։ Այս մասին, ինչպես գրում է ՏԱՍՍ գործակալությունը, լրագրողների հետ ճեպազրույցում ասել է ՌԴ ԱԳՆ պաշտոնական ներկայացուցիչ Մարիա Զախարովան։

Բրյուսելում նոյեմբերի 15-ին ՀՀ ԱԳ նախարար Արարատ Միրզոյանը ելույթով հանդես է եկել Արևելյան գործընկերության Քաղացիական հասարակության ֆորումի 15-րդ տարեկան վեհաժողովին։ Ինչպես հայտնում են ՀՀ արտաքին գործերի նախարարությունից, նա մասնավորապես նշել է, որ Հայաստանի կառավարությունն ունի քաղաքական կամք Արևելյան մեկ այլ գործընկեր հանդիսացող Ադրբեջանի հետ հարաբերությունները կարգավորելու համար, և մենք պատրաստ ենք առաջ շարժվել այս ուղղությամբ՝ հիմնվելով Հայաստանի վարչապետ Նիկոլ Փաշինյանի, Եվրոպական խորհրդի նախագահ Միշելի... Читать дальше...

Պաշտպանության նախարարությունը այս տարի նախաձեռնել է Հայաստանի Հանրապետության  զինված ուժերի համազգեստի փոփոխություն։ Այս մասին ԱԺ-ում կառավարության անդամների հետ հարց ու պատասխանի ժամանակ ասաց ՀՀ պաշտպանության նախարար Սուրեն Պապիկյանը։

ՀՀ վարչապետ Նիկոլ Փաշինյանի՝ ՀԱՊԿ գագաթնաժողովին մասնակցելուց հրաժարվելն ու Երևանին արևմտյան սպառազինությունների մատակարարումը Ռուսաստանը դիտարկում է որպես փոխկապակցված իրադարձություններ։ Ինչպես հաղորդում է ՌԻԱ Նովոստին, այս մասին լրագրողների հետ ճեպազրույցում ասել է ՌԴ ԱԳՆ պաշտոնական ներկայացուցիչ Մարիա Զախարովան։

«Ռիվեր Փլեյթի» նախկին մարզիչ Մարսելո Գալյարդոն կգլխավորի «Ալ-Իթիհադը»։

Միավորված ազգերի կազմակերպության (ՄԱԿ) գլխավոր քարտուղարի՝ հումանիտար հարցերով տեղակալ Մարտին Գրիֆիթսն առաջարկել է տասը կետից բաղկացած ծրագիր՝  Գազայում արյունահեղությունը դադարեցնելու համար: Այս մասին հաղորդում է ՌԻԱ Նովոստին՝ հղում անելով Գրիֆիթսի գրասենյակի մամլո հաղորդագրությանը:

Երեկ՝ նոյեմբերի 14-ին, վրաերթ է տեղի ունեցել Վայոց ձորի մարզում: Ժամը 17:30-ի սահմաններում Վայոց ձորի մարզի բնակիչ՝ 46-ամյա Վահե Խ.-ն, իր վարած Hyundai մակնիշի ավտոմեքենայով Եղեգնաձոր քաղաքի Նարեկացի փողոցում վրաերթի է ենթարկել հետիոտն, Վայոց ձորի մարզի բնակիչ՝ 10-ամյա աղջկա: