Новости за 03.11.2023

Գազայի դպրոցներից մեկին Իսրայելի հասցրած հարվածների հետևանքով ավելի քան 20 մարդ է զոհվել, կան տասնյակ վիրավորներ։ Այս մասին հայտնում է ՏԱՍՍ գործակալությունը՝ Al Jazeera հեռուստաալիքին հղումով։

Վաղը՝ նոյեմբերի 4-ին, Մայամիում հայազգի բռնցքամարտիկ Նոել Միքայելյանը (26-2) կպայքարի WBC վարկածով առաջին ծանր քաշային կարգում աշխարհի չեմպիոնի տիտղոսի համար։ 33-ամյա հայի մրցակիցը կլինի 35-ամյա Իլունգա Ջունիոր Մակաբուն (29-3) Կոնգոյից:

Ներքին գործերի նախարարությունում նոյեմբերի 3-ին տեղի է ունեցել օպերատիվ խորհրդակցություն, որի ընթացքում ամփոփվել են ՆԳՆ ոստիկանության ծառայությունների և տարածքային մարմինների 2023-ի 9 ամիսների օպերատիվ-ծառայողական գործունեության արդյունքները:

Հնդկաստանի ու Նեպալի սահմանին 6,0 մագնիտուդ ուժգնությամբ երկրաշարժ է գրանցվել։ Այս մասին հայտնում է Եվրոպական-միջերկրածովյան սեյսմոլոգիական կենտրոնը։

Գերմանիայի արտաքին գործերի նախարար Անալենա Բերբոքը նոյեմբերի 3-ին այցելեց Հայաստանի զինված ուժերի խաղաղապահ բրիգադ։ «Արմենպրես»-ի թղթակցի հաղորդմամբ՝ Բալահովիտում գտնվող զորամասում Բերբոքը հանդիպեց ՀՀ ՊՆ խաղաղապահ ուժերի բրիգադի հրամանատար, գնդապետ Արսեն Մանգասարյանի հետ, զրուցեց հայ խաղաղապահների հետ, ծանոթացավ նրանց անցած ուղուն, տարբեր երկրներում խաղաղության առաքելությունների մասնակցությանը։ Գերմանիայի ԱԳ նախարարը նաև ականատես եղավ ցուցադրական վարժանքին։

Նոյեմբերի 3-ին տեղի է ունեցել «Քաղաքացիական պայմանագիր» կուսակցության Վարչության նիստ, որը վարել է Վարչության նախագահ, ՀՀ վարչապետ Նիկոլ Փաշինյանը:

Պաղեստինյան արմատական ՀԱՄԱՍ շարժման քաղբյուրոյի ղեկավար Իսմայիլ Հանիան դիմել է Եգիպտոսի իշխանություններին՝ կոչ անելով ամբողջությամբ բացել «Ռաֆահ» անցակետը, որը գտնվում է Գազայի հատվածի հետ սահմանին և ուշադրություն չդարձնել որևէ փաստարկի, որը կարող է խոչընդոտել դրան։ Շարժման առաջնորդի հայտարարությունը մեջբերել է Al Jazeera հեռուստաալիքը։

Վարչապետ Նիկոլ Փաշինյանն ընդունել է Գերմանիայի արտաքին գործերի նախարար Անալենա Բերբոքի գլխավորած պատվիրակությանը: Այս մասին հայտնում են ՀՀ վարչապետի աշխատակազմից։

Ֆրանսիան կոչ է անում դադարեցնել Գազայի հատվածում ռմբակոծությունները և հումանիտար զինադադար հաստատել: Այս մասին, ինչպես գրում է ՏԱՍՍ գործակալությունը, լրագրողների հետ զրույցում հայտարարել է Ֆրանսիայի նախագահ Էմանուել Մակրոնը։

Չավին կարծում է, որ Լիոնել Մեսսին արժանի էր «Ոսկե գնդակին»:

Երկուշաբթի արգենտինացին 8-րդ անգամ արժանացել է France Football-ի՝ տարվա լավագույն խաղացողի մրցանակին։

«Լեոն արժանի էր այդ մրցանակին։ Նա աշխարհի առաջնության լավագույն խաղացողն էր։  Նա լավագույնն է պատմության մեջ:

Ես խոսեցի նրա հետ այս շաբաթ, և նա շատ ուրախ էր»,- «Բարսելոնայի» մարզչի խոսքն է մեջբերել Mundo Deportivo-ն։

ՌԴ ԱԳ նախարար Սերգեյ Լավրովը և Իրանի արտգործնախարար Հոսեյն Ամիր Աբդոլլահիանը հեռախոսազրույց են ունեցել, որի ընթացքում քննարկել են իրավիճակը պաղեստինա-իսրայելական հակամարտության գոտում։

Չի բացառվում, որ Բաքուն փորձում է հանգստացնել ՀՀ-ին ու որևէ պահի կոնկրետ ուղղությամբ հարվածել։

Փաստաբան Ռուբեն Մելիքյանն իր ֆեյսբուքյան էջում սեպտեմբերի 20-ին ԱԱԾ-ում Նարեկ Մալյանի հարցաքննությունից տեսանյութ է հրապարակել, որում վերջինս հայտարարել է, որ հրաժարվում է ցուցմունք տալ գործի շրջանակներում ։

Իսրայելական անօդաչու թռչող սարքը հարվածներ է հասցրել Գազայի Ալ-Շեֆա հիվանդանոցային համալիրին։ Այս մասին հայտնում է ՌԻԱ Նովոստիի թղթակիցը՝ վկայակոչելով ականատեսին։

Նոյեմբերի 3-ին, ժամը 16։18-ին Սյունիքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Տեղ գյուղի մոտակայքում տեղի է ունեցել ՃՏՊ, կա տուժած․ անհրաժեշտ է փրկարարների օգնությունը։

Հայաստանն այսօր է լուրջ մտավախություններ ունի, որ Ադրբեջանի կողմից դեռ կան հավակնություններ ու տարածքային պահանջներ։ Ինչպես հաղորդում է «Արմենպրես»-ը, այս մասին Երևանում Գերմանիայի արտաքին գործերի նախարար Անալենա Բերբոքի հետ հանդիպումից հետո կայացած ասուլիսի ժամանակ ասաց Հայաստանի արտաքին գործերի նախարար Արարատ Միրզոյանը։

Հանրապետության նախագահ Վահագն Խաչատուրյանն այցելել է հայ-ադրբեջանական սահմանին գտնվող Ներքին Խնձորեսկ գյուղ։ Այս մասին հայտնում են ՀՀ նախագահի աշխատակազմից։

Եվրամիությունը Հայաստանի հետ ավելի ամուր և ավելի խորը հարաբերություններ է ակնկալում։ Այս մասին Երևանում ՀՀ ԱԳ նախարար Արարատ Միրզոյանի հետ հանդիպումից հետո կայացած ասուլիսին ասաց Գերմանիայի արտաքին գործերի նախարար Անալենա Բերբոքը՝ մեկնաբանելով Եվրոպական խորհրդարանում վարչապետ Նիկոլ Փաշինյանի հայտարարությունը, որ Հայաստանը պատրաստ է խորացնել հարաբերությունները ԵՄ-ի հետ այնքան, որքան ԵՄ-ն դրան պատրաստ կլինի։

Երևանի քաղաքապետարանը Շառլ Ազնավուրի 100-ամյակին ընդառաջ հայտարարել է հուշարձանի
նախագծի բաց մրցույթ: Այս մասին հայտնում են քաղաքապետարանի աշխատակազմի լրատվության վարչությունից։

Հայաստանն ակնկալում է Գերմանիայի Դաշնության գործարար շրջանակների հետ ակտիվ փոխգործակցության համատեքստում առևտրաշրջանառության ծավալների նոր նշաձողեր սահմանել։

Երևանում այսօր տեղի ունեցավ ԱՊՀ հակամենաշնորհային քաղաքականության միջպետական խորհրդի 55-րդ նիստը, որին մասնակցում էին Ռուսաստանի, Հայաստանի, Բելառուսի, Ղազախստանի, Ղրղզստանի, Տաջիկստանի, Ուզբեկստանի մրցակցային մարմինների ղեկավարներ, Եվրասիական տնտեսական հանձնաժողովի, ԱՊՀ գործադիր կոմիտեի, Եվրասիական Ալյանսի ներկայացուցիչներ:

Իսրայելը չի համաձայնի Գազայի հատվածում մարդասիրական հրադադարի հաստատմանը, քանի դեռ դա չի ներառում պաղեստինյան «Համաս» արմատական կազմակերպության կողմից պատանդների ազատ արձակումը:

ՀՀ քննչական կոմիտեն ամփոփել է սեպտեմբերի 19-ին, 20-ին և դրան հաջորդող մի քանի օրերին Երևան քաղաքում իրականացված զանգվածային հավաքների, երթերի և այլ գործողությունների ընթացքում դրանց անմիջական մասնակիցների, ինչպես նաև այլ անձանց կողմից կատարված հանցավոր արարքների դեպքերի վերաբերյալ ՀՀ քննչական կոմիտեի տարբեր ստորաբաժանումներում քննվող վարույթներով քրեական ընդհանուր շարժընթացը։ Այս մասին հայտնում են ՀՀ քննչական կոմիտեից։

Հայաստանում «Շահումով խաղերի, ինտերնետ շահումով խաղերի և խաղատների մասին» և «Վիճակախաղերի մասին» օրենքներում լրացում կատարելու մասին օրենքների նախագծերի փաթեթի շուրջ քննարկումների ֆոնին չափազանց կարևոր է հավասարակշռված հեռանկար ապահովելը։ Վերջին շրջանում մամուլը կենտրոնացել է այնպիսի վիճակագրության վրա, որը կարող է թյուր պատկերացում ստեղծել ոլորտի կարգավորմանն ուղղված ջանքերի վերաբերյալ, մասնավորապես Հայաստանի տնտեսության խոշոր խաղացող՝ «Սոֆթ Կոնստրակտ» ՓԲԸ-ի (գրանցված ապրանքանիշ՝ VBET, նախկինում՝ Vivaro) դեպքում... Читать дальше...

Մենք Հայաստանում ենք այնպիսի ժամանակահատվածում, երբ հայ ժողովուրդը գտնվում է բազմաթիվ խնդիրների մեջ։ Այս մասին Հայաստանի և Գերմանիայի արտաքին գործերի նախարարների հանդիպմանը հաջորդած մամուլի ասուլիսի ժամանակ ասաց Գերմանիայի արտգործնախարար Անալենա Բերբոքը։