Новости за 06.11.2016

«Սիրիայի ժողովրդավարական ուժեր» զինված կոալիցիայի զորամիավորումները, որոնց հիմնական մասը կազմում են քրդերը, «Եփրատի ցասում» արշավի առաջին իսկ օրը կարողացել են 10 կմ շարժվել դեպի Ռաքքայի կողմը: 

РИА Новости-ի փոխանցմամբ` այս մասին կիրակի հայտնել են տեղի լրատվամիջոցները` վկայակոչելով քրդական աղբյուրները:

«Սիրիայի ժողովրդավարական ուժերը»` ԱՄՆ օդուժի աջակցությամբ, ավելի վաղ հայտարարել էին Սիրիայում ահաբեկիչների հիմնական հենակետ հանդիսացող Ռաքքայում վերահսկողությունը վերականգնելուն ուղղված գործողություններ սկսելու մասին... Читать дальше...

Օգտատերերից մեկը մատները հարդարելուց հետո Twitter-ում լուսանկար է հրապարակել` «Հենց նոր ավարտեցի եղունգներիս հարդարումը» գրառմամբ:

Ինչպես ներկայացնում է The Telegraph-ը` Omo kekere անունով գրանցված աղջկա լուսանկարը խառնաշփոթ է առաջացրել սոցցանցում: Օգտատերերից ոմանք առաջին իսկ հայացքից նկատել են, որ ձեռքի մատները 4-ն են: Դրանից հետո սոցցանցի այլ օգտատերեր սկսել են հրապարակել իրենց լուսանկարները` ձեռքն ու մատները ցուցադրելով նույն դիրքով:

Ավելի ուշ աղջիկը BuzzFeed News-ին հայտնել է... Читать дальше...

Իսրայելում կայացած Մ17 տարեկանների Եվրոպայի առաջնության որակավորման փուլի երրորդ խաղում Հայաստանի պատանի ֆուտբոլիստները 3:2 հաշվով հաղթել են Իսլանդիայի իրենց հասակակիցներին և դուրս են եկել էլիտ ռաունդ:

Իտալիայի Ա սերիայի 12-րդ տուրում Միլանի «Ինտերը» սեփական հարկի տակ 3 անպատասխան գնդակ է ուղարկել հետնապահ «Կրոտոնեի» դարպասը:

Գերմանայի Տյուբինգենի համալսարանի հնագետներն Իրաքի հյուսիսում բրոնզեդարյան խոշորագույն քաղաքի հետքեր են հայտնաբերել: Gazeta.ru-ի հաղորդմամբ` այս մասին ասվում է համալսարանի կայքում:

Պեղումներն իրականացվել են օգոստոս-հոկտեմբեր ամիսներին Իրաքյան Քուրդիստանի Դահուկ քաղաքի մոտակայքում` Մոսուլից ընդամենը 60 կմ և «Իսլամական պետություն» խմբավորման բազաներից 45 կմ հեռավորությամբ:

Պարզվել է, որ քաղաքը հիմնադրվել է մ.թ.ա. 3000 թվականներին և գոյություն է ունեցել ավելի քան 1200 տարի: Բացի այդ... Читать дальше...

Բուլղարիայի ընդդիմադիր Սոցիալիստական կուսակցության թեկնածու Ռումեն Ռադևը մոտ է նախագահական ընտրությունների առաջին փուլում հաղթանակ տանելուն` ձայների 24-26 տոկոսով: Այս մասին հայտնում է Reuters գործակալությունը` մեջբերելով «Գելափ ինթերնեյշնլի» անցկացրած «էքզիթ փոլի» արդյունքները:

Հաղորդվում է, որ օդուժի նախկին հրամանատար, 53-ամյա Ռադևը նոյեմբերի 13-ին կայանալիք երկրորդ փուլում երկրի բարձրագույն կառավարական պաշտոնի համար կպայքարի «Բուլղարիայի եվրոպական զարգացման քաղաքացիներ» կուսակցության թեկնածու Ցեցկա Ցաչևայի հետ... Читать дальше...

Մոսուլում շրջափակման մեջ գտնվող գրոհայինները քլոր և մանանեխի գազ են կիրառել Իրաքի զինված ուժերի հետ բախման ժամանակ: Այս մասին հաղորդում է Корреспондент-ը` հղում անելով անվտանգության ուժերի քրդական աղբյուրին:

Նշենք, որ Մոսուլը «Իսլամական պետություն» ահաբեկչական խմբավորման 2-ամյա շրջափակումից ազատագրելուն ուղղված գործողություններն իրաքյան ուժերն սկսել են հոկտեմբերի 17-ին: Ռազմական գործողություններին մասնակցում են Իրաքի բանակը, աշխարհազորայինները, քրդական զորամիավորումները, ինչպես նաև ԱՄՆ-ի գլխավորած միջազգային կոալիցիան... Читать дальше...

Անգլիական «Մանչեսթեր Յունայթեդի» գլխավոր մարզիչ Ժոզե Մոուրինյուն խոսել է Պրեմիեր լիգայի 11-րդ տուրի՝ «Սոունսիի» դեմ խաղի մասին, որում իր թիմը հաղթել է 3:1 հաշվով:

Հոլիվուդյան դերասան Ռոբերտ դե Նիրոն մերժել է լուսանկարվել Առնոլդ Շվարցենեգերի հետ հինգշաբթի կայացած գալա միջոցառման ժամանակ:

Ինչպես տեղեկացնում է Daily Mail-ը, դերասանները ներկա են գտնվել Իսրայելի բանակի ընկերների կազմակերպած գալա միջոցառմանը Բևերլի Հիլզում:

Լուսանկարվելուց առաջ Դե Նիրոն Կալիֆոռնիայի նախկին հանրապետական նահանգապետին հարցրել է՝ արդյո՞ք նա ԱՄՆ նախագահական ընտրություններում Դոնալդ Թրամփի օգտին է քվեարկելու:

«Եթե դու Թրամփին ես աջակցում, ապա քեզ հետ ոչինչ չեմ ուզում անել»... Читать дальше...

Անգլիայի Պրեմիեր լիգայի 11-րդ տուրում «Լեսթեր Սիթին» սեփական հարկի տակ 1:2 հաշվով զիջել է «Վեսթ Բրոմվիչը: 

Եվրահանձնաժողովը պատրաստել է մինչ օրս ներկայացված ամենաբացասական զեկույցը Թուրքիայի` ԵՄ-ին անդամակցելուն պատրաստ լինելու մասին:

«Վերջին մեկ տարում խոսքի ազատության ոլորտում ուժեղ hետընթաց է տեղի ունենում», - DW.com-ի փոխանցմամբ` նոյեմբերի 6-ին այս մասին հաղորդել է գերմանական շաբաթաթերթը, որի ձեռքի տակ է Եվրահանձնաժողովի 100 էջանոց զեկույցի կրկնօրինակը: Զեկույցը պաշտոնապես կհրապարակվի նոյեմբերի 9-ին:

Եվրահանձնաժողովի փորձագետներն ընդգծում են, որ Թուրքիան «ընտրողաբար և ինքնակամ»... Читать дальше...

Ծաղրանկիչ Օմար Մոմանին անդրադարձել է Մադրիդի «Ռեալի» կիսապաշտպան Լուկա Մոդրիչին: Խորվաթ ֆուտբոլիստը վնասվածքի պատճառով չէր կարողանում օգնել իր թիմին, սակայն հրավիրվել է Խորվաթիայի հավաքական և պատրաստվում է մասնակցել ԱԱ-2018-ի որակավորման փուլի՝ Իսլանդիայի հետ խաղին:

Գերմանիայի իրավապահ մարմիններն առաջարկել են Միջերկրական ծովում փրկված լիբիացի փախստականներին ետ Աֆրիկա: DW.com-ի փոխանցմամբ` այս մասին գերմանական գերատեսչությունը հայտարարել է նոյեմբերի 6-ին:

«Եվրոպայի ափերին հասնելու հեռանկարի բացակայությունը կարող է ստիպել ներգաղթյալներին զերծ մնալ վտանգավոր ճամփորդությունից, որը լի է կյանքի համար վտանգներով և լուրջ ֆինանսական կորուստներով», - հայտնել է Գերմանիայի ՆԳՆ-ից:

Գերատեսչության առաջարկի համաձայն` Լիբիայի ծովով ճանապարհորդող ներգաղթյալներին կտեղափոխեն այլ հյուսիսաֆրիկյան երկրներ... Читать дальше...

Մադրիդի «Ռեալի» հարձակվող Կրիշտիանու Ռոնալդուն յուրատեսակ հակառեկորդի հեղինակ է դարձել:

Սիրիացի հակակառավարական ակտիվիստների տվյալներով` Դամասկոսի արվարձաններից մեկում նախագահ Բաշար ալ-Ասադի ռեժիմի իրականացրած ռմբակոծության տակ է հայտնվել մանկապարտեզը, ինչի հետևանքով 6 երեխա զոհվել է, ևս 25-ը վիրավորվել են:

Ինչպես տեղեկացնում է BBC-ն, այս տվյալները հաղորդել է Մարդու իրավունքների սիրիական դիտորդական կենտրոնը, որը գործում է Բրիտանիայում: Կենտրոնի տվյալներով` Սիրիայի կառավարական զորքերը ռմբահարել են ապստամբների հսկողության տակ գտնվող թաղամասը, որի ժամանակ մի քանի արկ ընկել է Հարաստա քաղաքի մանկապարտեզի վրա... Читать дальше...

Իսպանիայի Լա լիգայի 11-րդ տուրում «Վալենսիան» արտագնա խաղում զիջել է «Սելտային:

Մենք այս պահին գործ ունենք Թուրքիայի իշխող կուսակցության և մասնավորապես՝ նախագահ Էրդողանի կողմից իշխանությունը մեկ մարդու ձեռքին կենտրոնացնելու գործընթացի հետ. Tert.am-ի հետ զրույցում ներկայացնելով Թուրքիայում այս օրերին քրդամետ «Ժողովուրդների դեմոկրատական կուսակցության» պատգամավորների ձերբակալությունների պատճառները՝ ասաց թուրքագետ Վարուժան Գեղամյանը:

«Այս գործընթացի իրականացումն սկսվել է մի քանի տարի առաջ. նախապես փոխվեց սահմանադրական կարգը, դրանից հետո տեղի ունեցան մի շարք օրենսդրական փոփոխություններ... Читать дальше...

Անգլիայի Պրեմիեր լիգայի 11-րդ տուրում «Մանչեսթեր Յունայթեդը» հյուրընկալվելիս 3:1 հաշվով հաղթել է «Սուոնսիին»:

Հայտնի ֆրանսիացի երգիծաբան Ռեմի Գայլարը հայտարարել է, որ փակվելու է ֆրանսիական Մոնպելյե քաղաքի շների կացարանի վանդակներից մեկում, մինչ այնտեղ բնակվող բոլոր 300 կենդանիները տերեր ունենան:

Ինչպես ներկայացնում է Oddity Central-ը, Գայլարը հայտնի է իր զավեշտալի, երբեմն էլ վրդովեցնող կատակներով, սակայն այս անգամ նա լուրջ մտադրություն ունի հրավիրել մարդկանց ուշադրությունը շատ նուրբ հարցի` լքված շների աղետալի վիճակի շուրջ:

Ֆրանսիացին մտադիր է իր ակցիան սկսել նոյեմբերի 11-ին և փակվել շան վանդակում... Читать дальше...

ՀՀ արտակարգ իրավիճակների նախարարություն նոյեմբերի 6-ին, ժամը 18.44-ին ահազանգ է ստացվել, որ Երևանի Մանանդյան փողոցի թիվ 16ա շենքի բնակարաններից մեկի բնակիչը չի արձագանքում դռան թակոցներին և հեռախոսազանգերին. անհրաժեշտ է փրկարարների օգնությունը: 

Ինչպես հայտնում է ԱԻՆ կայքը, դեպքի վայր է մեկնել մեկ մարտական հաշվարկ: 

Փրկարարները բացել են բնակարանի դուռը. հյուրասենյակի հատակին հայտնաբերվել է 1939 թ. ծնված Վ. Մ.-ի դին:

«Բարգավաճ Հայաստան» խմբակցության պատգամավոր, տնտեսագետ Միքայել Մելքումյանն այսօր Tert.am-ի հետ զրույցում անդրադարձավ Կառավարության ներկայացրած 2017 թվականի բյուջեի նախագծին: 

«Այս բյուջեի առանձնահատկությունն այն է, որ նոր իրավիճակում են տնտեսական գործընթացներն իրականացվելու, այսինքն՝ տրանսֆերտները քչացել են, որոշակի արտաքին մարտահրավերներ կան: Մյուս կողմից՝ Կառավարությունն իր ծրագրում որոշակի նպատակներ է դրել և փորձ է կատարում հասարակական հնչեղություն ունեցող շատ հարցեր լուծել, մասնավորապես՝ կապված մենաշնորհների դեմ պայքարի... Читать дальше...

Անգլիայի Պրեմիեր լիգայի 11-րդ տուրում «Լիվերպուլը» սեփական հարկի տակ 6:1 հաշվով հաղթել է «Ուոթֆորդին»:

WikiLeaks կայքը կիրակի հրապարակել է ԱՄՆ նախագահական ընտրությունների դեմոկրատ թեկնածու Հիլարի Քլինթոնի նախընտրական քարոզարշավի աշխատակազմի ղեկավար Ջոն Պոդեստայի գաղտնի նամակագրության 32-րդ մասը:

Այս մասին տեղեկացնում է РИА Новости-ն` հիշեցնելով, որ առաջին մասը հրապարակվել է հոկտեմբերի 8-ին: Յուրաքանչյուր հրապարակման ժամանակ կայքի ղեկավարությունը մի քանի հազար նամակ է բացահայտում: Ներկա պահին համացանցում հասանելի է ավելի քան 52 000 նամակ: Նախորդ մասի հրապարակումը տեղի էր ունեցել շաբաթ:

Հիշեցնենք... Читать дальше...

Իտալիայի Ա սերիայի 12-րդ տուրում հաղթանակներ են տոնել Թուրինի «Յուվենտուսը» և «Միլանը»:

Հոկտեմբերի 31-ին Սևանա լիճ դուրս եկած և անհետ կորած Նորատուս գյուղի 2 բնակչի որոնումները շարունակվել են նաև այսօր։

Այս մասին հայտնում են ՀՀ արտակարգ իրավիճակների նախարարությունից և նշում, որ ժամը 15.14-ին ափից 13 կմ հեռավորության վրա, մոտ 25 մ խորության տակ հայտնաբերվել է մոտորանավակ: 

Մթության պատճառով ժամը 19.35-ին  որոնողական աշխատանքները դադարեցվել են։ 

Հիշեցնենք, որ 2 երիտասարդները, որոնց որոնումները շարունակվում են արդեն 7 օր,  նավակով ձկնորսության էին դուրս եկել Սևանա լճում։