Новости за 12.05.2021

Татарстандын Казан шаарында 11-майдагы кол салууда набыт болгон окуучулар жерге берилүүдө. Бүгүн, 12-майда республиканын аймагында аза күтүү күнү жарыяланган. Таң эртеден Казандагы башкы өлүкканада маркумдардын сөөгүн алып кетүү үчүн бир нече автоунаа тизилип турду. Кол салуудан гимназиянын жети окуучусу жана эки мугалим көз жумган. Мектепте набыт болгондордун көпчүлүгү мусулмандар болгондуктан бүгүн жерге берилип жатат. Жыйырмадан ашык адам учурда ооруканада. Мектептин имаратына куралчан кирип... Читать дальше...

Кумтөрдөгү ишмердүүлүктү иликтеп жаткан мамлекеттик комиссия «Кумтөр Голд» ишканасы Кыргызстанга төлөп бериши зарыл деген сумманы атады. 12-майда комиссиянын отурумунда анын төрагасы, Жогорку Кеңештин депутаты Акылбек Жапаров ишкана Кыргызстандын мыйзамдарынын негизинде иштөөсү керек экенин белгилеп, жалпысынан «Кумтөр Голд» 4 миллиард 952,8 миллион доллар (459 миллиард 558 миллион сом) төлөөгө милдеттүү экенин айтты. Жапаровдун айтымында, мунун 3 миллиард 501 миллион доллары негизги сумма, калганы туум жана санкция... Читать дальше...

Газа секторунда Израил жана палестиналыктар ортосундагы куралдуу жаңжал өткөн түнү дагы курчуду. 12-майда Газанын саламаттык сактоо мекемеси отуздан ашык палестиналык мерт болгонун, алардын ону балдар экенин кабарлады. Эки күн мурун башталган куралдуу жаңжалда жалпысынан 200дөн ашык палестиндиктер жараат алган. Ал эми израилдик аскерлер тилкеге чабуул учурунда жыйырмадай палестиналык согушкер өлтүрүлгөнүн расмий ырасташты. ХАМАС жана "Ислам жихады" тобу жөөттөр жашаган аймакты ракеталар менен аткылаган учурда жети израилдик мерт болуп... Читать дальше...

Жергиликтүү кеңешке добуш берүүнүн жыйынтыгы жокко чыгарылышына себепкер болгон талапкерлер кайра шайлоого катыша алышпайт. Мыйзамдагы талап ушундай экенин 12-майда «Азаттык» радиосуна Борбордук шайлоо комиссиясынын мүчөсү Гүлнара Журабаева билдирди. Анын айтымында, бул үчүн ошол талапкер шайлоонун жокко чыгарылышына себепкер экенине так далил болушу шарт. Оштогу шайлоонун тегерегиндеги соңку окуяларга байланыштуу комментарий берип жатып Журабаева ал жакта тигил же бул талапкерге байланыштуу доо айтылбаганын белгиледи... Читать дальше...

Кытай Кыргызстандын экономикасын колдоо үчүн 350 миллион юань (54 миллион доллар) өлчөмүндө грант берүү чечимин кабыл алды. Аны 11-майда Кыргызстан менен Кытайдын тышкы иштер министрлери Руслан Казакбаев менен Ваң И макулдашты. Маалыматка караганда, кытай тарап гранттан тышкары коронавируска каршы вакцинасынын экинчи партиясын гуманитардык жардам катары берет. Анын өлчөмү 150 миң дозада болору белгилүү болду. Ошондой эле эки тараптуу макулдашууга ылайык, Кыргызстандын Кытайга болгон карызынын мөөнөтүн узартуу үчүн кошумча төлөмдөр болбойт. Читать дальше...

Тажикстанда 11-майда өлкөнүн айрым аймактарында сел жүрүп, кеминде тогуз адам каза болду. Өзгөчө кырдаалдар министрлиги катуу жааган жамгырдан улам Хатлон облусундагы бир нече айылдарды суу каптаганын кабарлады. Маалыматка ылайык, өлкө чыгышында жайгашкан Сангвор жана Рашт райондорунун айылдары зыянга учурап, үйлөрдү жана унааларды сел алып кеткен. Ошондой эле Куляб-Дарваз-Хорог автоунаа жолун да жууп кетти. Селден каза болгон тажикстандыктардын аты-жөнү белгисиз. Өзгөчө кырдаалдар министрлиги маалыматына караганда... Читать дальше...

Апрелдин этегиндеги чек арадагы куралдуу жаңжалда тажик аскерлеринин Баткендин Максат айылына киргени тартылган видео тасма талкууга жем таштады. Анын аныктыгын текшерген кыргызстандык иликтөөчү журналисттер тасманы “кол салган аракеттердин далили” катары баалашты. Жергиликтүү эксперттер коңшу өлкөнүн аскерлеринин кирип келгенин жөн эле чек ара чыры эмес, “мамлекеттин аймактык бүтүндүгүн бузган доомат артуу” катары кароону сунушташты. Тажик эксперттери видеонун каяктан тартылганын аныктоо татаал экенин белгилеп... Читать дальше...

Европа Биримдиги жайкы туристтик сезон учурунда жарандардын шаркетке мүчө өлкөлөрдө тоскоолдуксуз саякатташына шарт түзүү үчүн июнга чейин COVID-сертификаттарды ишке киргизүүгө үмүттөнүүдө. Мындай демилгени экономикасы туризм секторунан көз каранды болгон өлкөлөр сунуштап жатышат. Европа комиссиясынын вице-президенти Марош Шефчович биримдикке мүчө өлкөлөрдүн тышкы иштер министрлери менен жолуккан соң "Бул биздин өлкөлөр үчүн приоритет. Ошондуктан, биз жай айларына чейин аны макулдашабыз деп ойлойм",-деп билдирди. Читать дальше...

Борбордук шайлоо комиссиясы (БШК) 11-майда Ош шаардык кеңешине өткөн шайлоонун жыйынтыгын жокко чыгарды. Шаардагы добуш берүүнүн жыйынтыгы талаш-талкуу жаратып, башка партиялар аны жокко чыгарууну талап кылып келген эле.

13-майда Ысык-Көл облусунун көпчүлүк аймактарында, Чүй, Нарын, Ош, Жалал-Абад облустарынын кээ бир райондорунда жаан жаап, күн күркүрөйт, бийик тоолордо кар жаайт, Талас, Баткен облустарында жаан-чачын жаабайт. Күндүз Ош,  Баткен, Ысык-Көл облустарынын кээ бир райондорунда, Жалал-Абад облусунун тоолорунда жаан жаап, күн күркүрөйт, бийик тоолордо кар жаайт, калган аймактарда жаан-чачын жаабайт. Бийик тоолуу райондордо жолдор тайгак болот. Батыш тараптан келген шамалдын ылдамдыгы секундасына 4-9 метрге жетет. Читать дальше...

Кыргызстандын эгемендигинин 30 жылдыгына карата эл аралык ТҮРКСОЙ уюму, Улуттук жазуучулар союзу жана Коомдук телерадиоберүү корпорациясы биргелешип уюштурган "Беш акын" теледолбоорунун кезектеги айлампасы өттү. Ага акындар Абдыжалил Бетегеев, Атахан Кожогулов, Нуркан Койчуманова, Динара Мамбетакунова жана Мейликан Тойполотова катышты. Бул айлампада 50 жаштан 60 жашка чейинки курактагы 5 акын катышып, таймаш төмөнкүдөй 5 тур менен өттү: Ата Мекен темасындагы экиден автордук ырларды көркөм окуу. Читать дальше...

Кумтөр алтын кенинин ишмердигин текшерүү үчүн түзүлгөн депутаттык комиссия бүгүн, 12-майда жабык жыйынга чогулуп, болжолдуу жыйынтык чыгарат. Бул тууралуу “Азаттыкка” аталган комиссиянын төрөгасы, депутат Акылбек Жапаров билдирди. “Болжолдуу жыйынтык чыгарабыз. Сандар так болбой калышы мүмкүн. Ошондуктан жабык өткөрүп, тактап алалы деп жатабыз. Расмий жыйынтыкты кийинки аптанын башында жарыялайбыз”, - деди Жапаров. Комиссиянын курамына КСДП фракциясынан Өмүрбек Бакиров, Айнуру Алтыбаева, Рыскелди Момбеков... Читать дальше...

Кыргызстан мусулмандарынын дин башкармалыгы (Муфтият) Иерусалимде (Кудус) Ал-Акса мечитиндеги мусулмандарга кол салууну айыптап, бул окуя мусулман калкы үчүн оор сокку болгонун белгиледи жана муну адамдардын ыйык сезимдерин кордоо, мусулмандарга кысым жана адам укугун бузуу деп баалады. Муфтияттын билдирүүсүндө “Анткени Кудустагы Ал-Акса мечити эң биринчи кыбыла жана исламдын Медина менен Меккеден кийинки үчүнчү ыйык жайы” деп айтылды. Газа тилкесинде абалдын курчушуна Израилде сот жөөт тургундарынын... Читать дальше...

Быйылкы январь-апрель айларында Кыргызстанда ички дүң өнүм (ИДӨ) 166,1 миллиард сомду түздү. Бул көрсөтүч былтыркыга салыштармалуу 3,8 пайызга аз. Мындай маалыматты бүгүн, 12-апрелде Улуттук статистика комитет билдирди. "Кумтөр" кениндеги ишкананы эске албаганда, ИДӨнүн көлөмү 148 миллиарддан ашык сомду түздү жана 1,1 пайызга көбөйдү. ИДӨ - өлкөдө өндүрүлгөн товарлардын жана кызмат көрсөтүүлөрдүн көлөмү. Ал экономиканын эң негизги көрсөткүчү катары каралат. 2019-жылы Кыргызстандын ИДӨсү Улуттук... Читать дальше...

Коронавируска каршы республикалык ыкчам штабдын 12-майдагы маалыматына ылайык, соңку бир суткада илдеттен сегиз бейтап каза болду. Алардын бешөө Бишкекте, үчөө Чүйдө катталды. Муну менен пандемияда вирустан көз жумгандардын жалпы саны 1675 адамга жетти. Акыркы суткада 283 киши коронавирусту жугузуп алды. Алардын көбү Бишкекте (158) жана Чүйдө (75) катталды. Өлкөдө бул оору жуккандардын жалпы саны 99 316 адамга жетти. Бир күндө 289 адам сакайып чыкты. Учурда 1755 бейтап стационарда дарыланып жатат. Читать дальше...

Жогорку Кеңеш келерки дүйшөмбү, 17-майда кезексиз жыйынга чогулганы жатат. Бул тууралуу 12-майда “Азаттык” радиосуна парламенттин басма сөз кызматы кабарлады. Кезексиз жыйындын күн тартиби азырынча жарыялана элек. Айрым депутаттар "Азаттыкка" билдиришкендей, Кумтөр алтын кени боюнча маселе каралат. Жыйынга президент Садыр Жапаров катышып, сөз сүйлөрү да айтылууда.  Быйыл 17-февралда Жогорку Кеңеште кендеги ишмердүүлүктү текшерүү үчүн депутаттык комиссия түзүлгөн, кийин ага мамлекеттик макам ыйгаруу сунуш кылынган. Читать дальше...

Башкы прокуратура "Кадастр” мекемеси "Ч.З" деген кыскартуу менен берилген жеке менчик ишканадан айыл чарба жоготуулары үчүн  133 миллион сом албай, жерди акысыз бергенин аныктады.  Маалыматка ылайык, Жер ресурстары боюнча мамлекеттик агенттикке караштуу "Кадастр" мекемеси тоо-кен тармагындагы "Ч.З"  ишканасына өндүрүш үчүн убактылуу жер пайдаланууга күбөлүк жана 726 га жер тилкесин бекер берген. Буга байланыштуу Жалал-Абад облустук прокуратурасы пайданы өндүрүү максатында сотко доо арыз менен кайрылган. Читать дальше...

Кыргызстан беш айдан бери “Токтогул” гидроэлектростанциясын жаңылоого зарыл болгон жабдыктарды казак-кытай чек арасынан алып өтө албай жатат. Бул тууралуу 11-майда Жогорку Кеңештин Отун-энергетикалык комплекс жана жер казынасын пайдалануу боюнча комитетинин жыйынында депутаттардын суроолоруна жооп берип жатып “Улуттук энергохолдинг” ишканасынын жетекчиси Бакыт Сыдыков билдирди: "“Токтогул” ГЭСинде №4 агрегатты демонтаждоо иштери жүрүп жатат. Ал 15-ноябрга чейин ишке кириши керек. Бүгүнкү күндө ар кандай тоскоолдуктар болуп жатат. Читать дальше...

Борбордук шайлоо комиссиясы (БШК) Ош шаардык кеңешине шайлоонун жыйынтыгын жокко чыгарды. Бишкекте да соңку добуш берүүнүн жыйынтыгына байланыштуу нааразылык токтой элек.

Түркиянын "Маариф" фонду жаңы окуу жылында Бишкекте аянты 11 миң чарчы метрди түзгөн мектептин кампусун ачат. Анда 61 класс тийиштүү жабдуулар менен камсыздалат. Бул тууралуу 10-майда Кыргызстандын билим берүү жана илим министри Болотбек Купешев "Маариф"  фондунун жетекчилиги менен жолугушканда белгилүү болду. Министрликтин сайтындагы маалыматка ылайык, фонддун мектептеринде сабактар кыргыз, түрк, орус тилдеринде жүргүзүлүп, англис тили үйрөтүлөт. Андан тышкары, химия, физика жана биологияны... Читать дальше...

Коронавирус пандемиясына байланыштуу соңку кырдаалдан улам Орозо айт намазы быйыл да Бишкекте эски аянтта окулбайт. Бул тууралуу Бишкек мэриясынын басма сөз кызматы кабарлады. Шаардык бийлик борбор калаада эпидемиологиялык кырдаал курч экенин эскертип, май айынын башынан бери эле 2 138 кишиден COVID-19 илдети аныкталып, бул оорудан 38 адам каза болгонун билдирди. Кыргызстан мусулмандарынын дин башкармалыгы кабарлагандай, Орозо айт быйыл 13-майда болот. Айт намаз Муфтият белгилеген мечиттерде гана санитардык эрежелерди сактоо менен окулат. Читать дальше...

Бул тууралуу Кыргызстандын мурдагы премьер-министри Темир Сариев өкмөт жоюлуп министрлер кабинети болуп түзүлүшү жана анын түзүмү тууралуу "Биринчи радиого" курган маегинде билдири. "Улам-улам эле өзгөртө бербей чыдашыбыз керек. Мамлекеттик бийлик, мамлекеттик органдар туруктуу болушу зарыл. Мунун кесепети экономикага тийип атат. Азыр экономика менен алек болгон адамдар аз", - деди Сариев. Өлкөдө аткаруу бийлигинин түзүмү февраль айында өзгөртүлүп бийлик министрликтер менен ведомстволордун санын 48ден 16га чейин кыскартып... Читать дальше...

Жогорку Кеңештин эс-депутаты Исхак Масалиев “Туран” партиясынын лидери, камакта жаткан оппозициячыл саясатчы Жеңиш Молдокматовдун ишине байланыштуу башкы прокурор Курманкул Зулушевге кайрылды. Анда Молдокматов октябрь окуяларында Улуттук коопсуздук боюнча мамлекеттик комитеттин (УКМК) жетекчилиги менен камакта жаткан саясатчылар, анын ичинде ошол кезде түрмөдө отурган Садыр Жапаровду бошотуу тууралуу сүйлөшкөнү белгиленген.  Эгер Молдокматовдон калайман башаламандык уюштурган деген айып алынып... Читать дальше...

Шейшемби күнү кечинде Газа тилкесинде ХАМАС баштаган кошуундар  Израилди көздөй 130дан ашык ракета атты. Алардын бири Тель-Авивдин жака-белинде бараткан каттамдагы автобуска тийгени кабарланды. Аткылоолордон улам Бун Гуриона аэропорту убактылуу жабылып, имараттагы адамдар эвакуацияланды. Тель-Авивге келе турган учактар Кипрге жөнөтүлүүдө. Жалпысынан акыркы суткаларда Палестина тараптан Израилдин аймагына 600дөн ашык ракета атылды. Алардын көбүн ракетадан коргонуу системасы атып түшүргөнү менен... Читать дальше...