Новости за 09.05.2021

Иерусалимде демонстранттар менен Израилдин коопсуздук күчтөрүнүн кагылышуусунда жүздөгөн палестиналыктар жараат алды. Акыркы жылдарга салыштырмалуу эң чоң кагылышуу дүйнө жүзүндө Иерусалимдеги абал мындан да оорлошуп кетет деген кооптонууларды жаратты. Чыңалуу Исламдын үчүнчү ыйык жери болуп саналган Ал-Акса мечитинин айланасында жашаган палестиналыктарды көчүп кетүүгө мажбур кылган жөөттөрдүн аракетинен улам күчөп келет. Палестинадагы “Кызыл жарым ай” коому 9-майдагы түнкү кагылышууда жүздөн ашуун палестиналык жараат алганын... Читать дальше...

Чехиянын премьер-министри Андрей Бабиш Евробиримдикке мүчө өлкөлөрдүн жетекчилерине кайрылып, Врбетице кыштагындагы курал-жарак сактоочу кампалардын жардыруусуна байланыштуу тилектештик көрсөтүп “кеминде бирден орусиялык дипломатты чыгарып салууга” чакырды. Мындай билдирүүнү Бабиш Португалияда Евробиримдиктин президенттери жана өкмөт башчылары чогулган бейрасмий саммиттин учурунда журналисттерге сүйлөп жатып жасады. “Кайсы бир мүчө-мамлекетке кол салуу болсо, ал Евробиримдиктин баарына кол салуу деп түшүнүшүбүз керек. Читать дальше...

Кыргыз-тажик чек арасындагы куралдуу жаңжалда жабыркаган кыргызстандыктарга үй салына баштады. Имараттар Баткендин Чет-Булак конушуна курулууда. Расмий маалыматка ылайык, ар бир үй бардык шарттары менен төрт бөлмөлүү болот жана короо үчүн 6 сотых жер бөлүнгөн. Аймакта бала бакча жана сейил бак да болот. Курулушту "Каганат-Инвест" холдингинин "Ихлас" компаниясы жүргүзөт. Аталган компания өкүлдөрү үйлөр эки айда бүтөрүн маалымдады. Баткен облустук администрациясынын басма сөз кызматы 36 үй-бүлөгө имарат салына баштаганын билдирди. Читать дальше...

Александр Лукашенко 9-майда “Конституциялык түзүлүштү жана суверенитетти коргоо жөнүндө” декретке кол койду. Анда Лукашенконун көзү өткөндөн кийин өлкөнү башкаруу механизми жазылган. Кол коюлган документ дароо күчүнө кирди. Бул тууралуу анын басма сөз кызматы маалымдады. “Документке ылайык, мамлекет башчысы кол салуудан, террордук чабуулдан, сырткы агрессиядан каза болгон учурда бардык мамлекеттик органдар жана кызмат адамдары Коопсуздук кеңешинин чечимине жараша иш кылышат. Кеңештин жыйынына премьер-министр жетекчилик кылат. Читать дальше...

Москва соту 8-майда "Pussy Riot" тобунун мүчөсү, активист Вероника Никульшинаны беш суткага камады. Ага полицияга баш ийген эмес деген айып тагылган. Никульшинаны кармоо протоколунда ал "Жеңиш күнүнө арналган иш-чараны үзгүлтүккө учуратуу максатын көздөгөн" деп жазылган. Активист бул айыпты чекте кагууда. Никульшинаны 7-майда үйүнүн алдында полиция кызматкерлери күтүп туруп, кармап кеткен. Полиция ал паспортун көрсөтүүдөн баш тарткан деп ырастайт. Активисттин адвокаты "ага документтин алып чыгууга мүмкүнчүлүк беришкен эмес" деп жатат. Читать дальше...

Эртең 10-майда көпчүлүк аймакта жаан-чачын, бийик тоолуу райондордо кар жаайт. Күндүз Ош, Жалал-Абад, Баткен облустарынын кээ бир райондорунда өткүн өтүп сел жүрүшү ыктымал. Батыштан соккон шамалдын ылдамдыгы кээ бир райондордо 15-20 метрге жетет. Абанын температурасы: Чүй жана Талас облустарында түнкүсүн 10...15, күндүз 21…26; Ош, Баткен, Жалал-Абад дубандарында түнкүсүн 12…17, күндүз 23…28; Ысык-Көл облусунда түнкүсүн 8…13, күндүз 19…24; Нарында түнкүсүн 5…10, күндүз 20…25; Бийик тоолуу аймактарда түнкүсүн -6…-1... Читать дальше...

Кабулдун батышындагы балдар жана кыздар чогуу окуган мектептеги жардыруудан кеминде отуз адам каза болуп, элүүдөн ашыгы жараат алды. Көз жумгандардын көпчүлүгү 11-15 жаштагы өспүрүмдөр. Ооганстан Ички иштер министрлиги жардыруу 8-май күнү кечинде болгонун кабарлады. Милициянын маалыматына караганда каза тапкандардын саны көбөйүшү мүмкүн. Мамлекеттик департаменттин билдирүүсүндө, АКШ ооган элине колдоосун уланта берерин жана Кабулдагы мектептин жанындагы чабуулду айыптай турганы айтылат. Ооганстандын... Читать дальше...

Акыркы бир сутка ичинде Кыргызстанда COVID-19 илдетинен дагы алты бейтап жумду. Алар Чүй облусунда жана Бишкек шаарында дарыланып жатышкан. Илдетке каршы республикалык штаб кабарлагандай, 9-майга карата 321 адамдан оору жаңы аныкталды. Мурда ооругандардан 292 киши айыкты. Ушуну менен өлкөдө коронавирус пандемиясы башталган 2020-жылдын март айынан бери андан каза болгондордун саны расмий эсепте 1655ке жетти. Кыргызстанда Кытайдын "SinoPharm" жана Орусиянын "Спутник V" вакциналары менен эмдөө жүрүп жатат. Читать дальше...

40тан ашык чөбөрө, 30дан ашык небере жана тогуз уул-кыздуу болгон ардагер согуш жылдары ал үчүн өтө оор мезгил болгонун айтат. Кенжебай Жакшылыков советтик армиянын катарында жети жарым жыл кызмат өтөгөн. Улуу Ата Мекендик согуш аяктагандан кийин 428-аткычтар полкунун катарында 1947-жылга чейин Новосибирск шаарында жапон согуш туткундарын кайтарууга катышкан. Ал эми 1947-1948-жылдары Арменияда чек ара бөлүктөрүндө кызмат өтөгөн экен.

Кыргызстандын Ички иштер министрлигинин тергөө топтору Баткен облусунун аймагындагы кыргыз-тажик чек арасындагы куралдуу жаңжалда кыйраган үйлөрдү, имараттарды жана мүлктү кароо аяктаганын маалымдады. Мекеменин басма сөз кызматынын маалыматына ылайык, министрдин орун басары Сүйүн Өмүрзаков келтирилген чыгымдын, жабыркаган мүлктүн так санын эсептөөдө кыйынчылыктар болуп жатканын билдирген. Облусттук бийлик чек ара чатагынан улам үй-жайын таштап кеткендер кайтып жатканын кабарлаган. Милициянын 9-майдагы... Читать дальше...

Ат-Башы районунун Ак-Моюн айылынын тургуну Бактыгүл Акунбаева беш жылдан бери Экинчи дүйнөлүк согушта каза болгон, дайынсыз жоголгон жана туткунга түшүп көзү өткөн кыргызстандыктар тууралуу маалыматтарды издеп, чогултуп келет. Бул мезгил аралыгында туткунга түшкөндөр жөнүндө 4 миңден ашуун документтерди тапкан.

Кыргыз-тажик чек арасындагы куралдуу жаңжалдан улам коопсуз жайга чыгарылган миңдеген тургундарга атайын транспорттор уюштурулуп үйлөрүнө жөнөтүлдү. Бул тууралуу 9-майда өкмөттүн Баткен облусундагы ыйгарым укуктуу өкүлчүлүгүнүн басма сөз кызматы маалымдады. Жаңжалдан кийин Баткен шаарындагы тогуз жайга жайгаштырылган тургундар менен облус башчысы Абдикарим Алимбаев жолугуп, чек арада коопсуздукту сактоого чаралар көрүлүп жатканын жана турак жайсыз калган үй-бүлөлөргө убактылуу үйлөр курулуп жатканын билдирди. Читать дальше...

Улуу Ата Мекендик согуштун ардагери Исак Кубатов 96 жашка чыкты. Анын Жеңиштин 76-жылын көрсөм деген тилеги ишке ашты. Кубатов 11 баланы эрезеге жеткирип, 40 небере, 103 чөбөрө, төрт кыбыра көрүп турган учуру.

95 жаштагы Амантур Токтоназаров быйыл Жеңиштин 76-жазын тосуп жатат. Жети-Өгүз районундагы Ак-Кочкор айылынын кадырлуу тургуну согушка 18 жашында барган. Төрт тилде эркин сүйлөп, мыкты педагог болом деген кыялын Амантур ата согуш талаасына алмаштырган. Бир үйдүн тун уулу Жеңишти Германияда тосуп алып, беш жылдан кийин мекенине кайтып келген.

Ат-Башы районунун Кара-Суу айылынын тургуну, Улуу Ата Мекендик согуштун ардагери Тапа Керимкулов 97 жашта. Ардагер быйыл Жеңиштин 76-жазын тосуп жатат. Мектепте сабак окуп отурган жеринен согуш талаасына 17 жашында кеткенин айткан ардагер жеңишти Берлинде тосуп, алты жылдан кийин мекенине кайтып келген.

8-майда Орусия президенти Владимир Путин менен Тажикстандын президенти Эмомали Рахмон Москвада жолугушту. Бул тууралуу тажик президентинин сайтында кабарланды. Ага ылайык, эки тараптын жолугушуусунда 29-апрелдеги кыргыз-тажик чек арасындагы куралдуу жаңжал да  талкууланган. Анда Эмомали Рахмон "бардык маселени тынчтык жолу менен чечүүгө кызыкдар экенин" белгилеген. Орус президентинин расмий сайтында эки мамлекет башчынын жолугушуусунда кыргыз-тажик чек арасындагы абал талкууланганы тууралуу жазылган жок. Читать дальше...

Токтоналы Ашыралиев Улуу Ата мекендик согуштун отун сегиз жыл кечип, өз айылына аман-эсен кайтып келет. Райондук партия комитетинде иштеп жүргөндө 1950-жылдардын башындагы саясий репрессиянын торуна түшүп, ит чыдагыс оор кыйноодон жасабаган ишин аргасыз моюнга алып, 10 жылга Воркутага айдалат. Токтонаалы Ашыралиев 1918-жылы Кетмен-Төбө өрөөнүнүн Торкен айылында төрөлгөн. Ата-энесинин бул дүйнөгө келген жети баласы тең токтобой чарчап калат. Зар какшап кудайдан тилеп жүргөн жубайлар кыздуу болгондо атын Токтокан... Читать дальше...

Бүгүн Кыргызстанда Жеңиш күнү белгиленүүдө. 9-май - Экинчи дүйнөлүк согуштун бир бөлүгү болуп саналган Улуу Ата Мекендик согуштун бүткөн күнү. Германия менен СССРдин ортосундагы согуш 22-июнда башталып, 1945-жылдын 9-майында СССР жеңишке жеткен. Ал эми Экинчи дүйнөлүк согуш 1939-жылдын 1-сентябрында тутанып, 1945-жылдын 2-сентябрында аяктаган. Тарыхта 1939-жылы башталган Экинчи дүйнөлүк согуштун бир бөлүгү (1941-1945-жж.) Улуу Ата Мекендик согуш деп аталат. Ал согушка ошол кездеги СССРдин курамындагы... Читать дальше...

Кыргызстандын президенти Садыр Жапаров 9-май - Улуу Ата Мекендик согуштагы жеңиштин 76 жылдыгы менен кыргызстандыктарды куттуктады. Анда Жапаров «Жеңиш күнү эрдиктин жана даңктын, тынчтык жана эркиндик үчүн каарман эмгектин символу болуп кала берет” деп билдирди. Президент Улуу Ата Мекендик согушта жеңишке жетүү үчүн кыргызстандыктар зор салым кошконун белгиледи. “Бүгүнкү күнү биз согуш талааларында жана оорукта жеңишке жетүү үчүн өз жанын аябаган баатырларыбызды терең ыраазычылык жана зор сыймык менен эскеребиз. Читать дальше...

Эксперттер Кыргызстан энергетикалык кризистин ордун кичи ГЭСтер аркылуу толтурса болорун эскертишет. Ал үчүн бул тармактагы бюрократияны жоюп, ишкерлерге шарт түзүп берүү зарыл экенин айтып жатышат. Токтогул суу сактагычындагы суунун көлөмү кескин азайып, өлкө энергетикалык кризиске кептелип калган учурда кичи ГЭСтердин ролу канчалык? Рамис Ыдырысов сегиз айдан бери Кара-Кулжа районунун Алайкуу өрөөнүнө кичи ГЭС курам деп аракет кылып жүрөт. Ал үчүн 16 мамлекеттик мекемеден уруксат алууга туура келген. Читать дальше...

"Каганат" жана "Алай" футбол клубдары кезектеги беттештин алдында кыргыз-тажик чек арасындагы куралдуу жаңжалда жабыркагандарга тилектештик билдиришти. Сүрөттөрдүн автору - Азамат Алымкулов.

8-майда кыргызстандыктар Бельгиянын башкалаасы Брюсселде Европарламенттин алдына акцияга чыгышты. Алар эл аралык коомчулукту кыргыз-тажик чек арасында болгон куралдуу жаңжалга көңүл бурууга үндөп, коңшу өлкөнү “аскердик аргессия” жасады деп айыпташты. Ошондой эле чек арада куралсыз жай тургундар аткылоого кабылып, турак-жайлар өрттөлүп, 10 миңдеген киши үй-жайын таштап качууга мажбур болуп, адам укуктары тепселгенине нааразылык билдиришти. Буга чейин Германияда, Италияда, Швейцарияда, Британияда... Читать дальше...