Новости за 08.07.2021

Mary welaýatynyň Baýramaly şäherinde ýangyn howpsuzlygy we gaz edaralaryň işgärleri öýlere hem-de edara-kärhanalara aýlanyp başladylar. Işgärler gaz plitalaryny, sowadyjylary we peçleri barlaýarlar, düşündiriş işlerini geçirýärler. Olar bu barlaglaryň heläkçilikleriň we ýangynlaryň öňüni almak üçin geçirilýändigini aýdýarlar. Bu barlaglar Lebap welaýatynyň Türkmenabat şäherindäki ýaşaýyş jaýynda bolan partlamanyň yzýanynda amala aşyrylýar.

Türkmenistanyň häkimiýetleri aýal-gyzlaryň daş-keşbine gözegçilik etmegini ýene güýçlendirdi. Polisiýa aýal-gyzlary jynsy, gysga we dar köýnek, makiýaž ýüz boýagy we sary saç üçin tussag edýär. Azatlygyň habarçylarynyň maglumatlaryna görä, soňky günlerde bu ýagdaý, hususan-da, ýurduň gündogaryndaky Lebap welaýatynyň etraplarynda bolup geçýär.

Türkmenistanyň Saglygy goraýyş we derman senagaty ministrligi ýurduň18 ýaşdan ýokary ýaşaýjylaryndan hökmany COVID-19 waksinasyny kabul etmegi talap edýär.

Türkmenistanda dowam edýän yssy howanyň fonunda, raýatlaryň içimlik suw üpjünçiliginiň kesilmegi bilen bagly problema saklanyp galýar. Aşgabadyň etrapçalarynda suw üpjünçiligi yzygiderli kesilýär. Käbir köp gatly jaýlara azyndan bäş gün bäri suw berilmeýär. Bu ýagdaý şäher ýaşaýjylarynyň durmuşyna oňaýsyz täsir edýär. Bu barada Azatlyk Radiosynyň habarçysy maglumat berýär.

Gyrgyz resmileri geçen aý Bişkekde ýitirim bolan türkiýeli gyrgyz magaryf işgäriniň alnyp gaçylmagynda özleriniň türk aňtaw gulluklary bilen gizlin hyzmatdaşlyk edendikleri baradaky aýyplamalary ret etdi. Türkiýäniň kazyýet kararyna esaslanmaýan soňky amallary Gyrgyzystanda garşylyk döretdi. Gyrgyz parlamenti 7-nji iýulda Orhan Inandynyň işinde howpsuzlyk resmileriniň we hökümetiň dildüwşügini ýa-da emelsizligini soraga çekdi. Gyrgyzystandaky “Sapat” bilim edaralarynyň başlygy Inandy 31-nji maýda... Читать дальше...

Eýranyň wezipe möhleti tamamlanýan prezidenti Hasan Rohani elektrik energiýasynyň üpjünçiliginde döreýän yzygiderli bökdençlikler bilen bagly yssy howany we ýiti gurakçylygy günäkärledi we bu şertleriň elektrik energiýasyna bolan talaby ýokarlandyrýandygyny aýtdy. Tähranda we Eýranyň beýleki iri şäherlerinde soňky birnäçe gün bäri elektrik energiýasy yzygiderli kesilýär. Häkimiýetler şeýle ýagdaýyň aýyň ahyryna çenli dowam edip biljekdigini aýdýarlar. “Biz soňky birnäçe gün bäri adamlaryň ýüzbe-ýüz bolýan problemalaryna gynanýarys” diýip... Читать дальше...

Owgan hökümeti Demirgazyk Owganystanyň bir welaýat merkezinde “Talyban” jeňçilerini yza serpikdirendigini öňe sürenden soňra, ol ýerde öz pozisiýasyny güýçlendirmek üçin welaýat merkezine ýüzlerçe goşun iberendigini aýdýar. Goranmak ministrligi 8-nji iýulda Badgys welaýatynyň paýtagty günbatar Galaýnaw şäherinde öz operasiýalarynyň batlanýandygyny aýtdy, ýöne “Talybanyň” agyr hüjüminiň doly yza serpikdirilendigi ýa-da däldigi nämälim galýar, sebäbi ýerli ýaşaýjylar sebitde heniz hem söweşleriň dowam edýändigini aýdýarlar. Читать дальше...

Dünýäde COVID-19 bilen aradan çykan adamlaryň sany 4 milliondan aşdy diýip, Bütindünýä Saglygy goraýyş guramasy 7-nji iýulda habar berdi. Ýöne resmi sanlaryň hakyky sanlardan ep-esli azdygyna ynanylýar. Ýokanjyň çalt ýaýraýan delta görnüşi batlanýan mahaly, birnäçe ýurt aladaly epidemiologiki meýilleri görkezýär. Köp sanly baý ýurtlar pandemiýa çäklendirmelerini gowşatsa-da, soňky epidemiologiki tendensiýalar Aziýada we dünýäniň beýleki künjeklerinde ýurtlary täze çäklendirmeleri girizmäge ýa-da... Читать дальше...