Новости за 23.05.2021

د ملګرو ملتونو د کډوالو اداره (UNHCR) وايي ښه به وي‌چې د پاکستان حکومت د خپلو وګړو تر څنګ ثبت شوو او غير ثبت شوو افغان کډوالو ته هم د کورونا وایرس واکسين وکړي ځکه چې دا وایرس هر چاته لګېدلی او له هر چا خپرېدلی شي. د دې ادارې ترمخه، په پاکستان کې دا مهال د راجسټر افغان کډوالو شمېر ۱۴ لکه او د ناراجسټر هغو څه د پاسه اته لکه دی. د دې ادارې مرکزي وياند قيصر اپريدي د مې پر ۲۳مه مشال راډيو ته وويل چې د پاکستان حکومت تېره اپريل مياشت کې ويلي وو چې د خپلو وګړو ترڅنګ به راجسټر افغان کډوالو ته هم د کووېډ ۱۹ ناروغۍ واکسين لګوي. Читать дальше...

د افغانستان په خوست ولایت کې د ۴۲ کلينيکونو ډاکټرانو د مې په ۲۳مه د احتجاج په توګه کاربندیز اعلان کړ. دوی وايي‌له څلورو میاشتو راهیسې ورته تنخا نه ده ورکړل شوې او له ۲۹ میاشتو راهیسې يې قراردادي ادارو سره خپل پاتې شل سلنه معاشونه هم نه دي ترلاسه کړي نو ځکه په احتجاج دي. له احتجاج کوونکو څخه ډاکټر صدیق الله منیب مشال رېډيو ته وويل: ((هغه درمل چې دوی موږ ته رالیږي، ډیرې بې کیفیته دي او ناروغانو باندې يې هیڅ مثبت تاثیر نه لري. زموږ تنخاوې هم نه دې راکړل شوي او کلينيکونو مو ارتقا هم نه ده کړې نو ځکه... Читать дальше...

په پاکستان کې په تېرو ۲۴ ګېنټو کې له کورونا وایرسه ۷۴ کسان مړه شوي دي. په دې سره د کووېډ-۱۹ ناروغۍ څخه د ټولو مړو شوو شمېر شل زره دوه سوه يو پنځوسو (۲۰۲۵۱) ته ورسېد. د کورونا وايرس په اړه د معلوماتو حکومتي ويبپاڼې ترمخه د مې ۲۳مې پورې، په ټول پاکستان کې د کورونا وايرس مثبتو کېسونو شمېر نهه لکه پنځه سوه دوه پنځوسو (۹۰۰۵۵۲) ته رسيدلی دی. خو له کوويډ-۱۹ ناورغۍ اته لکه ولس زره شپږ سوه يو اتيا (۸۱۷۶۸۱) کسان رغيدلي هم دي. دا وخت په پاکستان کې د کورونا وايرس د فعالو کېسونو شمېر دوه شپته زره شپږ سوه شل (۶۲۶۲۰) ښودل شوی. Читать дальше...

په خوست کې د کتاب اوونۍ لمانځل کېږي او په هم دې پلمه، یاد ولایت کې، د کتابونو نندارتون پرانېستل شوی. په دغه نندارتون کې زرګونه ټوکه بیلابیل کتابونه نندارې او په ټيټه بیه خرڅلاو ته اېښودل شوي دي. د خوست روڼ اندي او فرهنګیان خوشاله دي چې هلته د کتاب لوستنې فرهنګ په غوړیدو دی. نور حال د نجیب الله الوخیل په وېډيويي رپوټ کې

په ارزګان ولایت کې یو شمېر کورنۍ د زیاتو کوچنیانو د زیږون د مخنیوي سپارښتنې نه مراعتوي. روغتیاپالان زیاتوي، د دې کورنیو دا نه پاملرنه میندې له ګڼو روغتیايي ستونزو په ځانګړي ډول د وینې د کموالي سره مخ کوي. بشپړ ویډیويي راپور یې ددې تړوني په کېکاږلو سره وګورئ:

افغانستان کې هغه کورنۍ چې خپل عزیزان یې په وروستیو شخړو کې وژل شوي، د خپلې بې وسۍ او بې وزلۍ کیسې کوي. د هلمند مرکز لښکرګاه ته څېرمه د بولان سیمې د دې اوسېدونکې د کورنۍ ټول نارینه په تازه جګړه کې وژل شوي دي: "نن مې شپږمه ده چې له بولان څخه په خاړپوڅو له خپلو یتیمانو او کونډو سره راوتلې یم. دوې کونډې ښځې راته پاتې دي. زما کور له یتیمانو ډک دی." دا ښځه هم د زرګونو نورو بې ځایه شوېو په څېر د لښکرګاه پر لارو سړکونو خپلو یتیمانو ته د نفقې په برابرولو پسې لالهانده ګرځي. هغه ملکیان چې په تازه جګړو... Читать дальше...

د زېږون پر مهال مور او ماشوم ته د ستونزو پیدا کېدل او بیا روغتیايي اسانتیاوو ته نه لاسرسی اوس هم په افغانستان کې یوه جدي ستونزه ده. افغان مېرمنې وايي، په روغتونونو کې د لازمو اسانتیاوو او مسلکي روغتیاپالانو کمښت دغه ستوتزه جدي کړې ده. روهینا په شل کلنې کې واده وکړ، دا چې د بامیان ولایت اوسیدونکې ده وايي، له زېږون وروسته دا او ماشوم یې ښه نه وو، ځکه ماشوم ته يې تنفسي ستونزه پیدا شوې. ۲۲ کلنه روهينا وايي، د زېږون پرمهال یې د ماشوم سمه ساتنه ونه شوه، اوس ورته اندېښمنه ده. نوموړې د قابله ګانو... Читать дальше...

ایپاک ټایمز ایپاک ټایمز Epoch Times ورځپاڼې په وروستۍ ګڼه کې لیکلي چې له افغانستانه د ټولو بهرنیو ځواکونو د وتلو په حال کې د بې ثباتۍ یو حالت حاکم شوی او د نړۍ قدرتونه دغلته د خپل نفوذ پیدا کولو په هڅه کې دي.  ایپاک ټایمز چې په نیویارک کې د یوې لویې نشراتي شبکې  ایپاک میډیا ګروپ یوه څانګه ده، د کارپوهانو په حواله وايي، د افغانستان د سولې بهیر په دې پورې تړلی چې د نړۍ قدرتونه یې په اړه همکارۍ کوي که سیالۍ.  له افغانستانه د ټولو بهرنیو ځواکونو د وتلو نېټې ته نژدې څلور میاشتې پاتې دي، همدې څلورو... Читать дальше...