Новости за 22.02.2019

د متحده ایالاتو ولسمشر ډونالد ټرمپ نن په سپینه ماڼۍ کې د چین له مرستیال جمهور رئیس لیو هي سره ویني. دواړه مشران به هڅه وکړي چې د واشنګټن او پیکېنګ ترمنځ د زیانموونکې سوداګریزې جګړې د پای ته رسولو لپاره پر یوې معاملې سلا شي. امریکا په تېره ډېسمبر میاشت کې له چینه د ۲۰۰ میلیاردو ډالرو په ارزښت وارداتو باندې له لس فیصدو ۲۵ په سلو کې تعرفې د لوړلو پلان وځنډاوه، څو د سوداګریزې شخړې د حل لپاره خبرو اترو ته فرصت ورکړي. د امریکا او چین ترمنځ په دې اړه د جنورۍ د میاشتې خبرې اترې بې نتیجې پای ته ورسېدې... Читать дальше...

د اولمپیک نړیوالې کمېټې د راتلونکو لوبو د کوربه توب لپاره د هند ټولې غوښتنې ځنډولي او د دې هېواد د نړیوال ورزش د منزوي کولو غوښتنه يې کړې ده. د اولمپیک نړیوالې کمېټې دا پرېکړه وروسته تر هغې وکړه چې هند دوه پاکستاني ورزشکارانو ته وېزې ورنه کړې. هند په داسې وخت کې پاکستاني ورزشکارانو ته وېزې نه دي ورکړي چې په دې وروستیو کې په کشمیر کې په یوې انتحاري حمله کې د ۴۴ هندي پولیسو د وژل کېدو پېښې د نوي ډیلي او اسلام اباد ترمنځ اړیکې بحراني کړي دي. هند پاکستان تورن کړی دی چې په کشمیر کې په شوې حمله کې لاس لري او دا هېواد به يې غچ واخلي. Читать дальше...

د افغان فیلسوف، ادیب، دیپلومات او سیاستپوه ارواښاد سید بهاو الدین مجروح په باب د جوړ شوي یو ورځيني سمینار...

خپرونه ليکي، جزيات يې روښانه نه دي، خو موافقه لیک به د یوې ساده معاملې په اړه وي او دا چې امریکا له افغانستانه ...

د افغانستان د سولې لپاره د امریکا د بهرنیو چارو د وزارت ځانګړي استازي زلمي خلیلزاد پرون پنجشنبه د ترکیې د بهرنیو چارو د وزارت له مرستیال او همداراز د ترکیې د ولسمشر له لوی سلاکار ابراهیم کالین سره جلا کتنې وکړې. د ترکي رسنیو د راپور له مخې، خلیلزاد او کالین په خپله کتنه کې په افغانستان کې د سولې د ټینګښت په مقصد د روانو هڅو او د افغانستان د وروستیو پرمختګونو په اړه خبرې وکړې. ښاغلي خلیلزاد تېره شپه پر ټوېټر په یوه بیان کې ولیکل چې ده د ترکیې د بهرنیو چارو وزارت له معین او د دې هېواد د ولسمشر... Читать дальше...

د کرنې وزارت وايي، په دبۍ ښار کې د افغان سوداګرو او نړیوالو پانګوالو ترمنځ د لسګونو میلیونو ډالرو په ارزښت د افغانستان د کرنیزو محصولاتو د خرڅلاو تړونونه لاسلیک شوي دي. د کرنې وزارت ویاند اکبر رستمي تېره شپه ازادي راډیو ته وویل، دا تړونونه په یوه نړیوال نندارتون کې لاسلیک شول. دی وایي: "په دې نندارتون کې د څه باندې ۴۰ میلیونو ډالرو په ارزښت د افغانستان د کرنیزو محصولاتو په تېره د وچې مېوې، اینځرو او زعفران او په عین حال کې د طبي نباتاتو د خرڅلاو تړونونه د افغان او بهرنیو پانګوالو ترمنځ لاسلیک... Читать дальше...

د ننګرهار چارواکي په مرکز جلال اباد ښار کې د څو رغنیزو پروژو د پیل خبر ورکوي. د ننګرهار د والي ویاند عطاالله خوږیاڼي ازادي راډيو ته وویل چې د دې پروژو د تطبیق چارې پرون پیل شوې. دی زیاتوي: "د جلال اباد ښار د اتمې ناحیې په مربوطاتو کې د ۳۰۸۰ مترو په اوږدوالي د دوهمې درجې سړکونو، د ۲۳۶۰ مترو په اوږدوالي د ویالو او اتو پلچکونو د رغونې او همداراز ۳۰۰ میرمنو ته د کالیو ګنډلو د پروژو چارې پیل شوې." د ننګرهار د والي ویاند زیاتوي چې د دې پروژو پر رغونه ۲۷ میلیونه ډالره لګښت راځي او د شپږو میاشتو په ترڅ کې به بشپړې شي.

د افغانستان د کرکټ ملي لوبډلې پرون پنجشنبه له ایرلنډ سره د لوبو د لړۍ لومړۍ مسابقه په پنځو ویکټو وګټله. لوبه ایرلنډ پیل کړه چې په شلو اورونو کې یې د شپږو لوبغاړو په سوځېدو ۱۳۲ منډې وکړې او افغانستان ته یې د ۱۳۳ منډو هدف وټاکه. د افغانستان لوبډلې دا هدف د پنځو لوبغاړو په سوځېدو په داسې حال کې چې ۴ توپونه یې لا پاتې وو، پوره کړ. د افغانستان لپاره تر ټولو زیاتې منډې محمد نبي محمدي وکړې چې د غوره لوبغاړي لقب هم ورکړل شو. نبي د ۵ څلوریزو او یوې شپږیزې په وهلو سره په ۴۰ توپونو ۴۹ منډې وکړې. ورپسې... Читать дальше...

ایران په پام کې لري چې په روانه اوونۍ کې د هُرمُز په ستراتیژیک تنګي او شااوخوا اوبو کې یې د سمندري ځواکونو درې ورځني پوځي تمرینونه پیل کړي. د ایران دولتي رسنیو د چارواکو له قوله راپور ورکړی چې وايي، دا کلني تمرینونه به چې نن د فبرورۍ په ۲۲مه پیلېږي، د عمان له سمندرګي نیولې د هند د سمندر تر لمنو پورې وغځېږي. ایران په هرمز تنګي کې چې د ټولو نفتي تولیداتو له درېیو د یوې برخې د انتقال سمندري لاره ده، منظم پوځي تمرینات کوي. د ایران د سمندري ځواکونو قوماندان حسین خانزادي یو دولتي ټلویزیون ته وویل،... Читать дальше...

د هالنډ د بهرنیو چارو وزارت وايي، د تاجکستان چارواکو تأیید کړې چې د اپوزېسیون فعال شرف الدین ګدایوف چې تېره اوونۍ له خپلې خوښې تبعید څخه پلازمېنې دوشنبې ته ستون شوی و، د جنايي فعالیتونو په تور توقیف شوی دی. د هالنډ د بهرنیو چارو وزارت ویاندې ویلیمین ویلډمن پرون د فبرورۍ په ۲۱مه ازادي راډیو ته په یوه استول شوي بیان کې وویل، هالنډ اوس مهال په دې اړه څېړنه کوي چې له ګدایف سره مرسته وکړي که نه او که یې کوي نو څنګه یې وکړي. د ګدایوف د یوه مدافع وکیل په وینا، هالنډي چارواکو وروسته له هغه دا څېړنې پیل... Читать дальше...

په داسې حال کې چې ټاکل شوې د طالبانو استازي او امریکايي چارواکي راتلونکې اوونۍ په قطر کې د خبرو نوی پړاو...

د غزني د ولایتي شورا غړي، مدني فعالان سیاسي شنونکي او ولسي خلک په دغه ولایت کې د هوا له تودېدو ...

د قزاقستان ولسمشر نورسلطان نظربایوف پرون کابینه منحل کړه او د دې کار علت یې خلکو ته د معیاري معیشت د برابرولو...

امریکا وايي، د دې هېواد شااوخوا دوه سوه سرتېري به د یوې مودې لپاره په سوریه کې پاتې وي. د سپینې ماڼۍ ویاندې سارا سنډرز پرون وویل، د کم شمېر سرتېرو یو سوله ساتی ځواک به تر یوه وخته پورې په سوریه کې پاتې شي. ولسمشر ډونالد ټرمپ په تېره ډېسمبر میاشت کې وویل، په سوریه کې داعش ډله ځپل شوې ده او دغلته نور امریکايې ځواکونو ته اړتیا نشته. د امریکا کانګرس د ولسمشر ټرمپ پر دې پرېکړې انتقادونه وکړل او د امریکا د متحدانو په اړه یې اندېښنه څرګنده کړه. سپینه ماڼۍ وايي، ولسمشر ټرمپ پرون د ترکيې له ولسمشر... Читать дальше...