Новости за 03.05.2018

د مې پر درېيمه د اسلام اباد پریس کلب مخې ته د صحافت ازادۍ ورځ ولمانځل شوه. پر دې مهال خبريالانو یو احتجاجي مظاهره وکړه او د رسنیو ازادۍ او د خبریالانو د ساتنې غوښتنه یې کوله. په دې اړه دا ویډیو وګورئ.

د بې پولې خبریالانو ټولنه وايي دا ورځ په داسې حال کې لمانځل کېږي چې په ۲۰۱۸ کال کې د خبریالانو په وړاندې تاوتریخوالی مخ په زیاتېدو دی...

ایران وايي، د دې هېواد او نړیوالو قوتونو ترمنځ د ۲۰۱۵ کال پر شوي اټمي موافقه بیا خبرې ونه کړي. د ایران د بهرنیو چارو وزیر جواد ظریف نن په یوې ویډیو کې وویل چې موږ به بیا پر هغه څه خبرې ونه غږېږو چې څو کاله وړاندې پرې موافقه شوې او عملي شوی دی. د امریکا ولسمشر ډونالد ټرمپ د ایران پر اټمي موافقه سخت انتقادونه کړي او اروپا يې ټولنې ته يې د روانې مې میاشتې تر ۱۲ پورې وخت ورکړی دی چې په دې موافقه کې هغه څه سم کړي چې نوموړي وحشتناکې غلطۍ بللي دي. په همدې حال کې د ملګرو ملتونو سرمنشي انتونیو ګوتیرش... Читать дальше...

نن د صحافت ازادۍ نړيوالې ورځ په موقع د ازادې اروپا راډيو د پراګ په مرکزي دفتر کې د ازادې راديو وژل شوو خبريالانو سباون کاکړ، عبادالله حنانزي او محرمې درانۍ ياد غونډه او فاتحه وشوه.

د ازادو رسنیو نه د ملاتړ یو شمېر بنسټونه په افغانستان کې تېر اولس کلونه د رسنیو لپاره د بریا ترڅنګ د ستونزو کلونه یادوي...

نن [د مې پر دريمه نېټه] د سوات پوهنتون د ژورناليزم څانګې تر انتظام لاندې د مطبوعاتو د ازادۍ ورځ ولمانځل شوه. په دې لړ کې جوړې شوې غونډې ته ويناوالو وويل چې دا وخت خبريالان له ګڼو ګواښونو سره مخامخ دي او د ازاد صحافت لپاره بايد د خبريالانو ټولنې غږ پورته کړي.

د زابل په څلورو ولسواليو کې د عملیاتو پر مهال د پولیسو په ګډون ۱۳۳ وسله والو ته مرګ ژوبله اوښتې ده. د زابل د امنیه قوماندانۍ ویاند عصمت نورزی وايي، له تېرو پنځو ورځو راهیسې د دغه ولایت په دایچوپان، سیوري، شاجوۍ او ارغنداب ولسوالیو کې سخته جګړه روانه ده. د نورزي په خبره په دغه جګړه کې تر دا مهاله د طالبانو د نظامي مسؤل ملا ظهر الله په ګډون ۴۶ وسله وال وژل شوي او ۶۰ نور ټپيان دي. نورزی همدا ډول زیاتوي چې د یادې جګړې پر مهال ۱۴ پولیس وژل شوي او ۱۴ نور ټپيان دي. د امنیه قوماندانۍ ویاند وايي،... Читать дальше...

د افغانستان په شمال کې شاهین قل اردو وايي، په بغلان ولایت کې یوولس وسله وال د یوه ماین په چاودنه کې وژل شوي دي. د شاهین قل اردو ویاند محمد حنیف رضايي نن ازادي راډیو ته وویل چې دا وسله وال تېره شپه د بغلان په جرخشک سیمه کې هغه مهال وژل شوي کله چې پر لویه لاره ماین ښخوه. په همدې حال کې د بغلان د امنیه قومانداني وايي چې په دوشي ولسوالۍ کې د افغان ځواکونو او طالبانو ترمنځ جګړه کې ۶ وسله وال وژل شوي دي. د دولت ضد وسله والو تر دې دمه د بغلان د امنیتي پېښو په اړه رسنیو ته څه نه دي ویلي.

د پاکستان د بهرنیو چارو د وزارت ویاند ډاکټر محمد فیصل د پنجشنبې پر ورځ دا څرګندونې په اونیزه خبري غونډه کې وکړې. نوموړي زیاته کړه، دوی که د انساني خواخوږۍ په بنیاد دا ډول ګام پورته کوي نو هند دې دا د دوی کمزوري نه ګڼي.

نن [د مې پر دريمه نېټه] د خېبر اېجنسی په لواړګي کې د ځايي پریس کلب لخوا د صحافت ازادۍ ورځ ولمانځل شوه. پر دې مهال خبريالانو یو احتجاجي کېمپ لګولی و او د ازاد صحافت او ساتنې غوښتنه یی کوله. پر دې مهال ويناوالو وويل چې په فاټا کې خبريالي ډېره ګرانه شوې ده. نور حال د مشال راډيو په دې ويډيو کې وګورئ.

د کابل د دوشنبې ورځې په انتحاریو حملو کې د وژل شویو خبریالانو د فاتحې مراسم د افغانستان د خبریالانو او رسنیو ټولنو فدارسیون...

د ملګرو ملتونو سرمنشي انتونیو ګوترش خبردارۍ ورکړی دی چې د یوه دوامداره بدیل د نه‎شتون په صورت کې باید د ایران او نړیوالو ترمنځ اټمي موافقه له‎منځه لاړه نه‎شي. ښاغلي ګوترش پرون پنجشنبې د بي بي سي راډیو څلورم چینل سره په مرکه کې وویل، که کومه ورځ تردې ښه موافقه ولرو، نو بیا سمه ده، که‎نه ترهغې وخت چې ښه بدیل ونه‎لرو دا موافقه باید پرځای پاتې شي. دا په‎داسې حال کې ده چې د متحده ایالاتو ولسمشر ډونالډ ټرمپ له ایران سره پر اټمي موافقې سخت انتقادونه کړي او له هغې يې د وتلو ګواښ کړی دی. که څه هم فرانسې،... Читать дальше...

د روسيې د دفاع وزارت نن پنجشنبه وویل، په سوریه کې د یوې جنګي الوتکې د غورځېدو په پېښه کې دوه پیلوټان وژل شوي دي. د روسيې سوخوي ۳۰ ډوله الوتکه د سوريې له حمیمیم هوايي اډې څخه تر پورته کېدو وروسته وغورځېده. روسي چارواکو ویلي، الوتکه د چا له‎خوا نه‎ده ویشتل شوې او لومړنی پلټنې ښيې چې پېښه له الوتکې سره د یوه مارغه د لګېدو په نتیجه کې شوې ده. د روسيې شاوخوا پنځوس جېټ الوتکې او هلیکوپټرونه، ځانګړي ځمکني ځواکونه او پوځي سلاکاران په سوریه کې د بشارالاسد د رژیم په ملاتړ د وسله‎والو پرضد جګړه کې برخه لري.

د لوګر د والي ویاند سلیم صالح چې یوه اوونۍ مخکې د لوګر پر مرستیال والي د وسله وال برید پر مهال سخت ټپي شوی و، نن د پنجشنبې ورځې سهار يې د ژورو ټپونو له امله ساه ورکړه. سلیم صالح د تېرې پنجشنبې ورځې راهیسې د کابل د سردار محمدداوو خان په پوځي روغتون کې تر درملنې لاندې وو. د لوګر د اطلاعاتو او فرهنګ رئيس شفیق پوپل ازادي راډیو ته وویل، سلیم صالح تېره اوونۍ د محمداغې په ولسوالۍ کې د لوګر د وژل شوي مرستیال والي قمرالدین شکیب سره په یو موټر کې وو چې د وسله والو په کمین کې سخت ټپي شو او د همدې سختو ټپونو... Читать дальше...

نن د مې پر درېیمه د مطبوعاتو نړیواله ورځ ده چې د بخښنې نړیوال سازمان د دې ورځې په مناسبت ویلي دي چې په افغانستان کې خبریالان له ګواښ، وېرې او خشونت سره مخامخ دي.

د افغانستان د ولسمشر دوهم مرستیال ټینګار کوي چې له تروریستانو نه د غچ اخیستلو یوازینۍ لار، په هېواد کې د رسنیزو کارونو دوام دی...

له کلونو ځنډ وروسته د پاکستان په پایتخت اسلام‎اباد کې نن پنجشنبه یو نوی نړیوال هوايي ډګر پرانیستل شو. دا هوايي ډګر د اسلام‎اباد د پخواني هوايي ډګر پر ځای چې د بې‎نظیر بوټو په نوم یادېده، جوړ شوی دی. د هوايي ډګر د افتتاح په مراسمو کې د پاکستان صدراعظم شاهد خاقان عباسي ګډون کړی و. دا هوايي ډګر د اسلام‎اباد ښار په ۱۵ کېلو مترۍ کې پروت دی او د جوړولو چارې يې په ۱۹۸۰ کال کې پیل شوې وې. د اسلام‎اباد پخوانی هوايي ډګر چې د مسافرو د اوږدو کتارونو له امله بدنام و، په ۲۰۱۴ میلادي کال کې د هوايي ډګرونو... Читать дальше...

امریکايي مقاماتو هغه ۳۸۰۰ لرغوني اثار پرون عراق ته وسپارل چې له دغه هېواده په غیر قانوني توګه قاچاق شوي وو. د متحده ایالاتو د ګمرګ چارواکو دا تاریخي اثار په واشنګټن کې د عراق سفیر ته د هغه په کور کې وسپارل. د عراق دا لرغوني اثار په امریکا کې د هوبي لوبې په نوم د تاریخي او هنري اثارو یوې کمپنۍ پېرلي وو. دغې کمپنۍ په تېر جولای میاشت کې موافقه وکړه چې له عراقه قاچاق شوي لرغوني اثار به بېرته سپاري. دې کمپنۍ دغه‌راز د امریکا د عدليې وزارت په یوې قانوني دعوه کې درې میلیونه ډالر هم ورکړي دي.

د افغان حکومت اجرائیه رئیس عبدالله عبدالله وايي، د برښنايي پېژندپاڼو د وېش په پرېکړه کې دی شریک نه‎دی. ښاغلي عبدالله نن په کابل کې وویل د برښنايي تذکرو وېش ستونزه نه‎شي حلولی. دی وايي: "ستونزه نه‎شي حلولی، ستونزه زیاتوي. له همدې امله زه په‎دې پرېکړه کې زه شریک نه‎یم او نه به په‌کې شریک شم. پرته له‎دې چې ناسمې شمېرې د افغانستان خلکو ته وړاندې کړو دا پروسه ځای ته هم نه‌رسېږي." تر دې مخکې افغان ولسمشر محمد اشرف غني د لومړنۍ الکترونیکي تذکرې په اخیستلو سره رسماً په افغانستان کې د برقي تذکرو د وېش لړۍ پیل کړه. Читать дальше...

د ازادې اروپا/ ازادي راډیو په مرکزي دفتر کې نن پنجشنبه د کابل په وروستۍ حمله کې د ازادي رادیو د درېیو وژل شویو همکارانو فاتحه واخیستل شوه. په دې مراسمو کې د ازادې اروپا/ ازادي رادیو عمومي رئیس ټام کېنټ په ګډون د مدیره هئیت غړو، د بېلاو بېلو څانګو مشرانو او همکارانو ګډون وکړ. د ازادې اروپا/ ازادي را‌ډیو عمومي رئیس ټام کېنټ وویل، خبریالان په پېښو کې خپل ژوند له لاسه ورکوي، خو د ازادي رادیو د درېیو همکارانو په ګډون د دوشنبې په ورځ د ۹ افغان خبریالان مړینه یوه پېښه نه، بلکې عمدي قتل دی. د ازادي... Читать дальше...

د اسلام اباد نوي هوايي ډګر نن [د مې پر دريمه نېټه] په بشپړه توګه کار پېل کړ. دا هوايي ډګر پر څه باندې ۴۰۰۰ ايکړه ځمکه جوړ شوی دی. په دې کې د مسافرو لپاره څلور ټرمينل او دوه ځغاستليکې جوړې کړل شوي دي . له پېښوره نوي هوايي ډګر ته لاره هم لنډه شوې ده.

افغان ولسمشر محمد اشرف غني نن د لومړنۍ برېښنايي تذکرې په اخېستلو سره رسماً په افغانستان د برقي تذکرو د وېش لړۍ پیل کړه.

د خیبر پښتونخوا حکومت د هايي کورټ په حکم د شخصي سکولونو د انتظام ښه کولو او زده کوونیکو د اضافي فیسونو اخستو د مخنیوي لپاره د قانون سازۍ وروستو د خیبر پښتونخوا ریګولیټري اتهارټي په نوم یوه اداره جوړه کړې ده چې اوس يې خپل کار پیل کړی دی.

د غزني ولایت مرکز او ولسواليو یو شمېر او سېدونکو له تېرو دوولسو ورځو راهیسې نن هم د دغه ولایت په مرکز کې د ټاکنو....

د بغلان چارواکي وایي، پرون پنجشنبه د دې ولایت په دوشي ولسوالۍ کې د افغان ځواکونو او وسله‎والو طالبانو ترمنځ په نښته کې ۱۵ طالبانو ته مرګ ژوبله واوښته. د بغلان د امنیه قوماندانۍ ویاند ذبیح‎الله شجاع ازادي راډیو ته وویل، په دغې نښته کې چې پرون پنجشنبه ناوخته د دوشي ولسوالۍ په کیان سیمه کې رامنځ‎ته شوه، شپږ طالبان په‎کې ووژل شول او ۹ نور ټپیان شول. د شجاع په وینا طالبانو غوښتل چې د بغلان-بامیان لویه لاره بنده کړي چې دغې مرګ ژوبلې دې ته اړ کړل چې سیمه پرېږدي. په‎دې پېښه کې افغان امنیتي ځواکونو... Читать дальше...