Новости за 12.02.2019

Бул маалыматты «Азаттыкка» Ысык-Көл облустук милициясынын басма сөз катчысы Сталбек Усубакунов билдирди. Анын айтымында, 12-февраль күнү болжол менен саат 8.23 чамаларында Каракол ШИИБине автоунаа базарынын жанынан жаш жигиттин өлүгү табылганы тууралуу кабар келип түшкөн.  - Каракол шаардык ички иштер бөлүмүнүн жана Ысык-Көл облустук ички иштер башкармалыгынын ыкчам тергөө тобу окуя болгон жерге барып, ал жерди караганда азия улутундагы, болжол менен 20-25 жаштагы, киши колдуу болуп өлгөн белгисиз адамдын сөөгү табылган. Читать дальше...

Мугалимдердин, дарыгерлердин айлык акылары, пенсия жана жөлөкпулдар өз убагында, мөөнөтүнөн кечиктирилбей төлөнүүдө. Бул тууралуу Финансы министрлигинин басма сөз кызматы Борбордук казыначылыкка шилтеме кылып «Азаттык» радиосуна кабарлады. Министрликтин маалыматы боюнча, 8-январдан 11-февралга чейинки аралыкта: -Билим берүү жана илим министрлигине - 1 млрд. 387,7 млн. сом; -Саламаттык сактоо министрлигине – 84,7 млн. сом; - Эмгек жана социалдык өнүгүү министрлигине – 1 млрд. 210,7 млн. сом которулуп берилген. Читать дальше...

Бул тууралуу “Азаттык” радиосуна Коомдук телеканалдын өз атын атагысы келбеген журналисти билдирди. Анын айтымында, мындай учур бул телеканалда биринчи жолу болуп жаткан жок. Бул маселе боюнча КТРКнын башкы директору Илим Карыпбековго кайрылганыбызда, ал азыркы түзүлгөн жагдайга Коомдук каналдын тиешеси жок экенин билдирди:  - Бул КТРКнын маселеси эмес. Бүгүнкү күндө бизге Финансы министрлиги түшүндүргөндөй, ал мекеме жаңы кодекстин негизинде санариптик эсептөө форматына өтүп жатат. Ошол себептен буларда кармалып калды. Читать дальше...

Португалиялык футболчу тепкен топтон жабыркаган спортчуга медициналык жардам көрсөтүлдү.

Бул тууралуу Миграция кызматынын сырткы миграция жана диаспоралар менен иштөө бөлүмүнүн башчысы Улан Шамшиев басма сөз жыйынында билдирди. Анын айтымында, Кытайдын жарандары Кыргызстанга виза аркылуу гана кире алат, чек арадан мыйзамсыз өтчү жолдор жок. Шамшиев кыргыз-кытай чек арасы эки тараптан тең тыгыз делимитацияланганын жана демаркацияланганын айтып, чек арадан мыйзамсыз өтүү эч мүмкүн эмес экенин билдирди. Бишкектин Ала-Тоо аянтында 17-январда активисттер Кыргызстанда мыйзамсыз жүргөн кытайлык... Читать дальше...

13-февралда Кыргызстанда жаан-чачын болбойт. Жолдорго муз тоңот. Түштүк-чыгыштан соккон шамалдын ылдамдыгы секундасына 4-9 метрге жетет. Абанын температурасы: Чүй жана Талас облустарында түнкүсүн -2...-7, күндүз 5...10, Баткен, Жалал-Абад, Ош дубандарында түнкүсүн -2...+3, күндүз 6...11, Ысык-Көл аймагында түнкүсүн -3...-8, күндүз 2...7, Нарын жергесинде түнкүсүн -13...-18, күндүз -3...-8, Бийик тоолуу райондордо түнкүсүн -16...-21, күндүз -5...-10 градус болот. Бишкекте жаан-чачын күтүлбөйт. Читать дальше...

Америка Конгрессинин эки мусулман аял өкүлү сионисттик режимге санкция киргизүү долбоорун колдошту.

Мурдагы саламаттык сактоо министри Талантбек Батыралиев мамлекеттик бюджетке 107 миллион сомдон ашык зыян келтирген деп шек саналып жатат.

Расмий Бээжин Шинжаңда мусулман азчылыктарынын укугу бузулуп жатканы тууралуу Түркиянын билдирүүсүн четке какты. Түркия Кытайдагы саясий лагерлерде 1 миллиондон ашык уйгурлар кармалып турганын билдирип, Бээжинди мындай жайларды жабууга чакырган.

Айтматовдун эл аралык клубу менен Чыңгыз Айтматовдун коомдук академиясы адабият, маданият жана илим тармагында иштегендерге "Академик" деген наам менен сыйлык тапшырды. Салтанат 12-февралда Бишкекте өттү. Татыктуулар 2014-2018-жылдардагы жыйынтык боюнча тандалды. Быйылкы сыйлыкка Кыргызстандагы жана чет элдеги бир катар жазуучулар, театр ишмерлери жана илимпоздор татыктуу болду.  Айтматовдун эл аралык клубу менен Чыңгыз Айтматовдун коомдук академиясы 1991-жылдан бери ар төрт жыл сайын адабият... Читать дальше...

11-февралда Ирандын Кыргызстандагы элчилигинде Ислам ыңкылабынын жеңишинин 40 жылдыгына карата салтанаттуу иш чара болду. Анда Ирандын элчиси төмөндөгүлөргө токтолду.

Экс-президент Алмазбек Атамбаевдин бийлигин сындаганы үчүн жалган жалаа менен мыйзамсыз кылмыш ишин козгогон тергөөчүлөр, мыйзамсыз чечим чыгарган соттор жоопкерчиликке тартылсын. Жарандарды куугунтуктап, сот жана тергөө органдарынын ишине кийлигишкени үчүн экс-президент да жоопко тартылсын. Мындай чечимди 12-февралда Бишкекте өткөн экс-президенттин тушунда камалган саясатчылардын маселесин талкуулаган жыйындын катышуучулары кабыл алышты. Мындан тышкары, камактагы саясатчылардын иштери жаңы жагдайларга... Читать дальше...

"Бийликти басып алууга аракеттенген" деген айып менен соттолуп, камакта отурган Кубанычбек Кадыров жана Бектур Асанов шарттуу түрдө мөөнөтүнөн мурда эркиндикке чыгышты деген маалыматтар чындыкка дал келбейт. Бул тууралуу Жаза аткаруу кызматынын басма сөз катчысы Элеонора Сабатарова "Азаттыкка" билдирди: - Экөө тең абакта жазасын өтөп жатышат. Бизге алардын бошотулганы тууралуу соттун чечими келмейинче, эркиндикке чыгарылбайт. 12-февралда Бишкекте саясий туткундарды реабилитациялоо тууралуу жыйында... Читать дальше...

Маалымат булактары Анкара шаарында Орусия менен Түркиянын Коргоо министрлери жолугушуп, Сириянын Идлиб шаарын турукташтыруу үчүн макулдашышканын билдиришти.

Бишкек жылуулук электр борборун жаңылоодогу коррупция боюнча Сапар Исаков, Жантөрө Сатыбалдиев жана Осмонбек Артыкбаев айыпталып жаткан кылмыш иши сотко өттү. Бул тууралуу Башкы прокуратуранын маалымат кызматы "Азаттыкка" кабарлады. Маалыматка ылайык, Башкы көзөмөл органы УКМКнын бул иш боюнча айыптоосун бекитип, сотко ашырды. Кийинки териштирүү Свердлов райондук сотунда болот. Бирок Сапар Исаковдун адвокаты Нурбек Токтакунов бул боюнча маалыматы жоктугун "Азаттык" радиосуна билдирди: - Мен азырынча айыптоо корутундусун ала элекмин. Читать дальше...

Жогорку Кеңеште кийинки убакта өкмөттүн ишине ичи чыкпагандар көбөйдү.

Уланбек Эгизбаев атындагы сыйлыктын жеңүүчүлөрү аныкталып, Журналисттик иликтөөлөр фонду 12-февралда татыктууларга байге тапшырды. Салтанат Бишкек гуманитардык университетинде өттү. Комиссиянын тыянагы менен ар түрдүү медиада иштеген төмөндөгү журналисттер сыйланышты: Карачач Шакирова жакшы материал үчүн сыйлыкка татыктуу деп табылды, "Умтулуу" сыйлыгы Эрик Исраилов менен Адил Турдукуловго, "Үмүт" сыйлыгы Марина Сколышевага берилди. Баш сыйлыкка "Азаттык" радиосунун Ош облусундагы кабарчысы Ыдырыс Исаков татыктуу деп табылды. Читать дальше...

Белгилүү дүйнөлүк брендди пайдаланып, жасалма товарларды чыгаргандарды катуу текшерүү керек. Бул маселени Жогорку Кеңештин депутаты, мурдагы спикер Чыныбай Турсунбеков аларга келген видеоматериалдарды көргөн соң көтөрүп чыкты. Эл өкүлү Кыргызстандын аймагында антисанитардык шартта, бир эле жерде шампунь жана көк чай даярдалып жатканын белгиледи.  - Экотехинспекция, башка кызматтар иштеш керек. Инвестиция жөнүндө айтып жатабыз. Инвестиция аткезчилик же контрафакт түрүндө болбошу керек. Ал расмий жана Кыргызстандын экономикасына салым кошуп... Читать дальше...

Бишкек шаардык соту Бурулай Турдаалы кызынын өлүмү үчүн айыпталган Марс Бөдөшевдин апелляциялык арызын карайт. Айыпталуучунун апасы Гүлипа Бөдөшеванын “Азаттыкка” айтымында, соттук териштирүүдө күбө катары Бурулайдын бирге окуган курбу кызы суралышы күтүлүүдө. 12-декабрда Свердлов райондук соту Бурулай Турдаалы кызынын өлүмүнө Марс Бөдөшевди айыптуу деп таап, 20 жылга күчөтүлгөн режимде камакка алуу жөнүндө чечим чыгарган. Анын досу Акмат Сейитов "Ала качуу" беренеси менен жети жылга эркинен ажыратылган. Читать дальше...

Түркияда аскерий тик учак кулап, борттогу төрт аскер каза болду. Тик учак авариялык конуу жасаган. UH-1 үлгүсүндөгү тик учак 11-февралда Стамбулдун Чекмикой районундагы көп кабаттуу үйлөр жайгашкан аймагына кулаганын шаардын губернатору Али Ерликая Twitter баракчасына жазды. Тургундардын арасынан жабыркагандар жок. Стамбулдун прокуратурасы кырсыктын себептери азырынча белгисиз экенин, иликтөө иштери башталганын кабарлады.

Өлкө намысын тогуз спортчу коргойт.

Эстониянын соту Коргонуу күчтөрүнүн Башкы штабынын мурдагы офицери, майор Денис Метсавасты Орусиянын кызыкчылыгы үчүн тыңчылык кылган деп айыптап, 15 жылга эркинен ажыратты. Ушундай эле берене менен анын атасы Петр Волин алты жылга соттолгонун Postimees басылмасы жазды. Тергөөнүн версиясына караганда, айыпталуучу жашыруун маалыматтарды Орусиянын Куралдуу күчтөрүнүн Башкы штабынын башкы башкармалыгына берип турган. Метсавас орус чалгынчылар менен 10 жылдай, атасы беш жылдай иштеген. Маалыматтар үчүн алар акча алып турушкан. Читать дальше...

 10-февралда Орусия Иракка кеткен жарандарынын балдарынын экинчи тобун өлкөгө кайтарып келди. 

“Уланбек Эгизбаев” атындагы сыйлыктын жеңүүчүлөрү аныкталды. Журналисттик иликтөөлөр фонду бүгүн, 12-февралда Бишкек шаарында сынактын жыйынтыгын чыгарат. Кыргызстандагы иликтөө журналистикасын өнүктүрүүгө багытталган сынак былтыр декабрдын соңунда жарыяланган. Ага жалпысынан 2018-жылдын 1-январынан 31-декабрына чейин чыккан 30дан ашуун иш келип түшкөн. Фонддон кабарлашкандай, жеңүүчүлөр акчалай сыйлык, атайын статуэтка жана диплом менен сыйланат. Сыйлыктын фонду 100 миң сом. "Азаттыктын" иликтөөчү... Читать дальше...

Коомдук телерадиоберүү корпорациясынын жетекчилик ордуна бир да талапкер арыз тапшыра элек. Бул тууралуу каналдын Байкоочу кеңешинин төрагасы Жыпар Жекшеев “Азаттыкка” билдирди. Ал оозеки сурап кызыккандар көп болгону менен расмий арыз түшө электигин кошумчалады. - Оозеки чалып, сурагандар көп. Кызыгып жатса керек. Бизде чектөө жок, ким каааласа сынакка катышсын. Ким жеңсе ошол иштейт, эч кимисине жолтоо боло албайбыз. КТРКнын жетекчилигине сынак 18-январда жарыяланган. Арыздар 18-февралга чейин кабыл алынат. Читать дальше...