Новости за 11.02.2019

Бир катар өзбек маалымат каражаттары Мамлекеттик коопсуздук кызматынын төрагасы Ихтиёр Абдуллаев 11-февралда иштен кеткенин жазып чыгышты. Коңшу өлкөнүн башкы чекисти ээлеген кызматынан ден соолугуна байланыштуу кеткени кабарланды.    Gazeta.uz интернет басылмасынын маалыматына караганда, 52 жаштагы Абдуллаев акыркы жылдары омурткасына эки татаал, ошондой эле көзүнө да операция жасатканын жазды. Мамлекеттик коопсуздук кызматынын башчысы болуп өлкөнүн мурдагы коргоо министри, генерал-лейтенант, 59 жаштагы Абдусалом Азизов дайындалды. Читать дальше...

Украинанын Херсон облусунун жергиликтүү кеңешинин төрагасы Владислав Мангер активист Катерина Гандзюктун өлүмүнө шектүү деп табылды. Бул тууралуу өлкөнүн баш прокурору Юрий Луценко билдирди. Айыптоодо «Гандзюктун токойлордун мыйзамсыз кыйылышына каршы ишмердигинен улам, активист менен пикири келишкен эмес", андыктан Мангер "киши өлтүрүүнү уюштурган" деп айтылат. Мунун алдында "Батькивщина" партиясы Мангерди өз катарынан чыгарган. Активисттин атасы облустук кеңештин төрагасы анын кызын өлтүргөндөр менен байланышта болгонун билдирген. Читать дальше...

Софиядагы Британиянын элчиси Эмма Хопкинс Болгариянын бийлик жетекчилери менен ишкер Емельян Гебревдин ууландырылышын талкуулады. Ишкерди уулантууга «Скрипалдардын ишине» аралашкан деп шектелген дагы бир орус жараны аралашкан болушу мүмкүн.          «Эркин Европа/Азаттык» радиосунун болгар кызматы билдиргендей, британ элчиси менен жолугушууга Болгариянын премьер-министри Бойко Борисов, өлкөнүн башкы прокурору Мотир Цацаров жана ички иштер министри Младен Маринов катышты.    Элчи Хопкинс жолугушуунун... Читать дальше...

Өзбекстандын президенти Шавкат Мирзиёевге жана эл аралык коомчулукка кайрылып, өзүн Кытайга кайтарбоону өтүнгөн шинжаңдык казак Галымбек Шагыман Таиландда экени кабарланууда.

Жаш-карысы топ тепкен Баткендин Кара-Дөбө айылынан чыккан чемпиондор таржымалы. Мамлекеттин жүгүн көтөргөн тубаса көзү азиз Гүлназ Жүзбаеванын коомду шыктанткан жаратмандыгы.

Бээжиндеги АКШ элчилигинин өкүлү дүйшөмбүдө "Associated Press" агенттигине билдиргендй, элчилик Галымбек Шагымандын ишине байланыштуу Улуттар Уюмунун Качкындар комиссариаты жана башка "тиешелүү өкмөттөр” менен менен тыгыз байланышта болуп турат. Элчиликтин өкүлү "Associated Press" агенттигине “биз үчүнчү өлкөгө БУУнун Качкындар комиссариатынын жана башка эл аралык уюмдардын кызматкерлеринин бул адамга жолугуусуна мүмкүнчүлүк берүүгө үндөйбүз. Алар анын башкалка сураган арызын талкуулап, көмөк көрсөтүшөт” – деп айтты. Читать дальше...

Орус-кыргыз президенттеринин Сочидеги күтүүсүз жолугушуусу Владимир Путиндин Бишкекте өтчү сапарынын айрым темаларын ачкандай болду.

Өзбекстандын Тышкы иштер министрлигинин расмий сайтында жарыяланган маалыматка ылайык, кытайлык казак Галымбек Шагыман Ташкент эл аралык аэропортуна келип, бирок транзиттик зонадан өтө албай, 9-февралда Баңкокко учуп кеткен. Мекеме билдиргендей, Шагыман буга чейин Ташкент аркылуу Алматыга учкан. Кытайлык казак өткөн аптада Ташкент аэропортунан Өзбекстандын президенти Шавкат Мирзиёевге жана эл аралык коомчулукка Интернет аркылуу видео кайрылуу жиберип, аны Кытайга кайтарбоону суранган. Ал жакта өлүм жазасына тартылышы мүмкүн экенин айткан. Читать дальше...

Казакстандын Өзгөчө кырдаалдар боюнча комитети Астанадагы беш кыздын өмүрүн кыйган өрттүн себебин аныктады. Мекеменин өкүлү Жасулан Актаев: "Үйдүн шыбы мордон чыккан ысыктан тосулган эмес. Мешти жакканда, мор ысып өрт чыккан. Үйдүн чатыры күйүп, анан кулап түшкөн», - деп билдирди. 4-февралга караган түнү Астананын кичи райондорунун биринде жеке менчик үйдөн чыккан өрттөн бир үй-бүлөнүн беш кызы каза болгон. Жергиликтүү бийлик өкүлдөрү өрт учурунда кыздардын ата-энеси иште болгонун маалымдашкан. Читать дальше...

Бир нече жылдан бери ишке ашпай келаткан “Коопсуз шаар” долбоору 12-февралда иштей баштайт.

Иран Ислам революциясынын 40 жылдыгын белгилеп жатат. Түркия Шинжаңдагы мусулман азчылыктарынын таламын талашып, Кытайды айыптады. Москвада кыргызстандык мигрант келиндин тагдырын чагылдырган «Айка» кинотасмасынын бет ачаары өттү.

“Коопсуз шаар” долбоору 12-февралда иштей баштайт. Аталган долбоордун биринчи баскычында Бишкектин негизги көчөлөрүнүн 10 кесилишине камералар орнотулду. Андан тышкары жол эрежесин бузууларды аныктоочу жылып жүргөн радарлар кызматка киришет. “Коопсуз шаар” долбоору кантип иштейт, камералар кандай жол эрежелерин бузууну каттайт, айыппулдар автоунаа ээлерине кантип жеткирилет жана бул долбоор боюнча айдоочулардын кабарбы?

Расмий Бээжин Шинжаңдагы мусулман азчылыктарынын абалы боюнча Түркиянын билдирүүсүнө жооп кайтарды. Кытайдын тышкы иштер мекемеси түрк тышкы иштер министрлигинин басма сөз өкүлү Хами Аксойдун айткандарын "калпка негизделген айыптоо" деп мүнөздөдү.  Аксой ишемби күнү жарыялаган билдирүүсүндө Түркия Шинжаңдагы уйгурларга жана башка мусулмандарга кылган мамилеси үчүн Кытайды айыптап, муну "бүткүл адамзатты уяткарган" иш-аракет катары сыпаттай тургандыгы белгиленген.  Билдирүүдө "Кытай өзүм билемдик... Читать дальше...

Былтыр күзүндө Кыргызстандын башкы телеканалы тартып, коомчулукка көргөзгөн “Ак шоола” тасмасы укук коргоочулардын сынына кабылууда. Анда күйөөсү ала качып алган келин жакындары ынандыргандан кийин тагдырына моюн сунуп жашап калат.

Иран Ислам революциясынын 40 жылдыгын белгилеп жатат. Карга карабастан Тегеранда жана башка шаарларда өкмөт уюштурган демонстрацияларга жүз миңдеген киши катышты.

Чүйдүн Аламүдүн райондук сотунда каралып жаткан Бурулай Турдаалы кызынын өлүмү боюнча 11-февралга белгиленген процесс күбөлөрдүн келбей калганына байланыштуу 15-февралга жылдырылды. Бул тууралуу Бурулайдын атасы Турдаалы Кожоналиев "Азаттыкка" билдирди. Анын айтуусунда, сотто Бурулайдын өлүмү боюнча Жайыл райондук ички иштер бөлүмүнүн кызматкерлеринин иши каралып жаткан.  Буга чейин беш милиция кызматкерине Кылмыш-жаза кодексинин 323-беренеси ("Шалаакылык") менен кылмыш иши козголгон. Алардын төртөө күнөөсүн жарым-жартылай моюнга алып... Читать дальше...

Жалал-Абаддын Сузак районундагы Карамарт айылындагы орто мектептин физика жана математика сабактарынан берген 77 жаштагы мугалими 6-класстын окуучусуна кол көтөргөндүгү үчүн сөгүш алды. Бул тууралуу мектеп директору Жумакүл Абданбаева “Азаттыкка” маалымдады. Мектеп директорунун айтымында окуя 21-январь күнү болгон. Окуучу тентек кылганына байланыштуу мугалим аны жакалап сыртка алып чыккан. Учурда мугалимге окуучуларга кол көтөрбөө боюнча түшүндүрүү иштери жүргүзүлдү. 77 жаштагы агай - мектепте физика менен математикадан берген жалгыз мугалим.

"The Heritage Foundation" уюму "Index of Economic Freedom 2019" - дүйнөдөгү экономикалык эркиндиктин жылдык рейтингин жарыялады.  Ага 180 өлкө кирип, Кыргызстан 79-орунду ээледи. Былтыр ал 78-орунда болчу. Борбор Азия өлкөлөрүнүн ичинен Казакстан 59-орунду ээлеп, Кыргызстан менен кошо экономикасы дээрлик эркин өлкөлөрдүн катарына кирген. Тажикстан 122-орунда, Өзбекстан 140-орунда. Булар экономикасы эркин эмес өлкөлөрдүн катарында деп бааланган. Ал эми Түркмөнстан 164-орунда "экономикасы репрессивдүү" өлкөлөргө киргизилген. Читать дальше...

Ирандагы Ислам Ыңкылабынын жеңишинин 40 жылдыгына арналган салтанаттуу жүрүштү жүздөгөн чет өлкөлүк журналисттер чагылдырышууда.

АКШнын коргоо министринин милдетин аткаруучу Патрик Шанахан Ооганстанга алдын-ала кабарланбаган сапар менен келди. Анын бул келиши Вашингтон талибдерге өкмөт менен тынчтык сүйлөшүүлөрүнө баруу боюнча басым кылып жаткан учурда болуп жатат.

Тегеранда жана башка шаарларда өкмөт уюштурган демонстрацияларга кар жаап атканына карабай жүз миңдеген киши катышты. Баш калаанын "Азади" аянтында өткөн иш-чарада президент Хасан Роухани сөз сүйлөп, революциялык жана улутчул ырлар жаңырып турду. Бул жолку майрам АКШ менен алака чыңалып, Вашингтон Иранга экономикалык санкциясын кайра киргизген маалда өтүп жатат. Ошондон кийин Европадагы бир катар компаниялар Ирандагы ишин токтоткон болчу. Президент он миңдеген кишиге кайрылуусунда АКШ Иранга каршы “кутум” уюштурганын айыптады. Читать дальше...

Парламент депутаты Кубанычбек Нурматов Бишкектеги Каба уулу Кожомкул атындагы спорт сарайын сатууну сунуш кылууда. Анын жүйөсү боюнча спорт сарайынын эскилиги жетип, ар кандай иш-чара өткөрүүгө шарты туура келбей калды. Депутаттын айтымында, борбордук футбол стадионунун ордуна жаңы спорт сарайы салынышы керек. Ал эми футболдук стадионду шаардын чекесине чыгарган оң.  - Азыр спорт сарайында ыр кече, спорттук иш-чара, жармаңке аралашып эле өтүп жатат. Жаңы спорт сарайын салып, азыркысын сатып же башка имарат кылыш керек, - деди ал. Читать дальше...

Ооган согушунда дайынсыз жоголгон жана жакындары өлдү деп эсептеген Ноокен районунун тургуну 36 жылдан кийин тирүү табылды.

Бир катар маалымат каражаттарында иштеп келген журналист Жайнагүл Тазабекова 10-февралда жол кырсыгына кабылып каза болду. Анын жакындарынан алынган маалымат боюнча, түнкү саат эки чамасында журналист үй-бүлөсү менен түшкөн автоунаа Ак-Өргөө жаңы конушундагы Ахунбаев менен Кырк кыз көчөлөрүнүн кесилишинде мамыны сүзүп, натыйжада 28 жаштагы келин алган жаратынан ооруканага жетпей көз жумган. Өмүрлүк жолдошу менен алты айлык баласынын абалы канааттандырарлык деп айтылууда.  Жайнагүл Тазабекованын артында алты айлык кызы калды. Читать дальше...

Башкырстандын Сибай шаарында абадагы күкүрттүн кош кычкылынын деңгээли белгиленген нормадан 23 эсе ашты. Бул шаарга чукул жерде кен байыткан карьер күйүп жатат.  Тургундар булганыч аба менен дем алып, өздөрүн жаман сезип жатканын жазышууда. Сибай шаарынын башчысы Рустем Афзалов «аба өтө булганган» жерде жашагандарга убактылуу Башкыр мамлекеттик университетинин жатаканасына барып турууну сунуш кылды. Шаардын үстүн уюган зыяндуу газ былтыр ноябрь айынан бери каптап турат. «ВКонтакте» социалдык тармагында «Сибай,  дем ал» деген топ түзүлгөн. Читать дальше...