Новости за 12.02.2019

“Талибан” кыймылы АКШнын Ооганстан боюнча атайын чабарманы менен кезектеги сүйлөшүүгө катышууга 14 мүчөсүнөн турган топту жарыялады. 12-февралда жарыяланган билдирүүдө атайын топту Мухаммад Аббас Станекзай жетектеп барары айтылат. Топко “Талибан” кыймылынын фракциясы болуп саналган “Хаккани тобунун" лидеринин абактагы иниси Анас Хаккани дагы кирди.   Кыймылдын басма сөз катчысы Забиулла Мужахид Кабул өкмөтү Хакканини “сүйлөшүү тобундагы ишин башташы үчүн абактан чыгарышы керек” деди.     ... Читать дальше...

ВЫСТУПЛЕНИЕ по случаю 40-й годовщины Исламской Революции в Иране (11 февраля 2019 г., зал приемов Посольства ИРИ в КР)

Бүгүн журналист Уланбек Эгизбаевдин туулган күнү. "Азаттык" радиосунун иликтөөчү тележурналисти тирүү болсо бүгүн, 12-февралда 29 жашка чыкмак. Ал былтыр, 22-июлда Ысык-Көлдө эс алып жүргөн кезинде мезгилсиз кайтыш болду. Ички иштер министрлиги соттук-медициналык экспертизанын жыйынтыгына таянып, журналист сууга чөгүп каза болгонун жарыялаган.

Ош, 12-фераль, 2019-жыл. /ca-irnews.com/. 20-фералда Ош шаарынын «Алай» футболдук клубу Түркмөнстандын “Ахал” командасын кабыл алат.

Бишкекте 12-февралдан тартып "Коопсуз шаар" долбоору иштей баштады. Жол эрежесин бузгандарды аныктоо тартиби кандай болот? Айыппулду жалаң гана автоунаа ээлери төлөп калабы? Автоунаа ээлери менен машине айдап жүргөн адамдын жоопкерчилигин ким текшерет?

Өзбекстандын Улуттук коопсуздук кызматынын (УКК) төрагалыгынан кеткен Ихтиёр Абдуллаевге каршы кылмыш иши козголгону кабарланды. Бир жылдан ашуун өлкөнүн башкы чекисти болгон Абдуллаевге 8-февралда "Паракорлук" жана "Коррупция" беренелери менен иш козголгонун өкмөттөгү маалымат булактары "Азаттыктын" өзбек кызматына билдиришти. Алардын айтымында, соңку эки күндө Өзбекстанда атайын кызматтын жүзгө жакын өкүлү камакка алынган.  Бирок Өзбекстандын Башкы прокуратурасы бул тууралуу маалыматы жок экенин айтуу менен чектелди. Читать дальше...

Мадридде Каталониянын жикчил жетекчилеринин соту башталды. Аларга "мамлекеттик каражатты максатсыз пайдаланышкан" жана "козголоң уюштурушкан" деген олуттуу айыптар коюлууда. Мадрид жикчилер мыйзамсыз референдум өткөрүү менен аймактын өз алдынчалыгын жарыялоону көздөшкөн деп эсептейт.  Жогорку соттун имаратын полиция, анын ичинде терроризмге каршы атайын бөлүктүн кызматкерлери кайтарып турушат. Айпталуучулар эртең менен Мадриддин четиндеги түрмөдөн сотко жеткирилди. Процессте 500дөй күбө көрсөтмө бермекчи. Читать дальше...

Индиянын баш калаасы Нью-Делидеги мейманканада өрт чыгып, андан кеминде 17 киши каза тапты. Шаардык полициянын басма сөз кызматы билдиргендей, "Arpit Palace" отелинде шейшембинин таңында тутанган өрттөн дагы төрт адам жараат алды. Нью-Делинин батыш тарабында жайгашкан бул имараттан 35 киши аман-эсен куткарылды. Тилсиз жоо каптаганда мейманканадагылардын көбү уктап жатканын жергиликтүү маалымат каражаттары кабарлашты. Азырынча кырсыкка эмне себеп болгону аныктала элек. Индияда турак жайларда коопсуздук... Читать дальше...

БУУнун башкы катчысынын террорчулукка каршы күрөшүү боюнча орун басары кечээ, 11-февралда БУУнун коопсуздук кеңешинин жыйында Сирия жана Ирактагы ИШИМ террордук уюму дагы деле коркунуч туудуруп жаткандыгын белгилеп, бул террордук топтун көзөмөл астында 3000дей чет өлкөлүк согушкерлер бар экендигин билдирди.

"Бийликти басып алууга аракеттенген" деп соттолгон Кубанычбек Кадыров менен Бектур Асанов шарттуу түрдө мөөнөтүнөн мурда эркиндикке чыгарылат.

Беларустун көз каранды эмес Tut.by маалымат порталынын редакторунун иши сотко өттү. Үч журналистке мамлекеттик кабар агенттигинен “маалыматты мыйзамсыз алды” деген айып коюлган.      12-февралда Минск шаарындагы сотто "Tut.by" жеке менчик интернет-порталынын башкы редактору Марина Золотованын иши боюнча териштирүү башталды.   Былтыр августта "БелТА мамлекеттик агенттигинен мыйзамсыз жол менен маалымат алуу иши" боюнча жалпы 18 журналист шектүү катары кармалып, сурак берип чыккан. Журналисттер... Читать дальше...

Ушул тапта Ооганстанда 18 жылга аяк баскан согушту басыш үчүн «Талибан» кыймылы менен сүйлөшүүлөр ургаалдуу жүрүп жатат.

Кытайдын Кыргызстандагы учурдагы ыйгарым укуктуу элчиси Сяо Цинхуа дипломаттык миссиясы аяктап жатканына байланыштуу 12-февралда Кыргызстандын президенти Сооронбай Жээнбековдун кабыл алуусунда болду. Бул тууралуу президенттин аппаратты кабарлады. Анын маалыматына ылайык, жолугушууда мамлекет башчы Жээнбеков кыргыз тарап Кытай менен кызматташыкка жана ар тараптуу стратегиялык өнөктөштүккө өзгөчө маани берерин белгиледи.  "Биз урматтуу Си Цзиньпин менен мамилебизди жана элдерибиздин достугун жогору баалайбыз. Читать дальше...

Иранда Ислам ыңкылабынын жеңишинин 40 жылдыгын белгилөө салтанатына карата Иран Ислам Республикасынын желегинин сүрөтү түшүрүлгөн 40 метрлик торт даярдалды.

Кадамжай райондук ички иштер бөлүмү тарабынан Өзбекстанда алдамчылык фактысы боюнча айыпталып, кылмыш жоопкерчилигинен качып жүргөн жаран кармалды. Өзбекстандын Фергана облусунун Кува аймагында туулган 34 жаштагы Сайидов Уткир Махаматович Кадамжай районунун Халмион айылынан кармалган. Ал өзбек милициясы тарабынан 2017-жылдан бери эл аралык издөөдө жүргөн. Учурда анын үстүнөн керектүү маалыматтар жыйналып, убактылуу кармоочу жайга киргизилди. Бул тууралуу Баткен облустук ИИБинин басма сөз катчысы Дамира Юсупова "Азаттык" радиосуна билдирди. Читать дальше...

Бишкектин Келечек конушунда турак үй өрттөнүп, 2,3, 4 жаштагы балдар түтүнгө ууланышты. Учурда алар ооруканада жатышат. Алардын абалы орто экенин Өзгөчө кырдаалдар министрлигинин басма сөз кызматы кабарлады.  Өрт 11-февралда күндүз №14 көчөдөгү эки бөлмөлүү үйлөрдүн биринде чыгып, ал толугу менен күйүп кеткен. Окуянын чоо-жайы такталууда.  Маалыматка караганда, жабыркаган балдардын баары бир тууган. Ал кезде атасы жумушка, апасы поликлиникага кеткен. Алар өрт чалган үйдү ижарага алып жашап жүрүшкөн.

Кебабды үй шарттарында туура жасоо ыкмасы.

Мурдагы премьер-министр Темир Сариев өзүнүн дарегине Жогорку Кеңештин депутаты Элвира Сурабалдиева айткан кебин токтотпосо, жагдайды юрист менен кеңешерин билдирди. Мындай пикирин ал 12-февралда Бишкекте журналисттерге уюштурган брифингде айтты.  "Ак шумкар" партиясынын лидери Сариев Сурабалдиеванын "атам өлгөндөн кийин анын мүлкүн тартып алууга аракеттенген" деген дооматын буга чейин да четке каккан.  Элвира Сурабалдиева "Азаттыктын" "Бийлик сырлары" атту теледолбоорундагы маегинде 2005-жылдагы... Читать дальше...

АКШнын коргоо министринин милдетин аткаруучу Патрик Шанахан Багдадга келип, америкалык аскер башчылары жана Ирактын бийлиги менен Сириядан америкалык күчтөр чыгарылгандан кийин алардын бул өлкөдө канча турарын талкуулайт.  12-февралда Шанахан Багдадга алдын-ала кабарлабай туруп Ооганстандан учуп барды. Президент Трамп ушул айдын башында Иранга жакындан көз салып туруш үчүн америкалык күчтөрдү Иракта кармап туруу канчалык маанилүү экендигин белгилеген.  Ирактын президенти Бархам Салих өлкөнүн... Читать дальше...

Кыргызстанда көрүстөндөрдү маркумдун диний ишенимине жараша көмүү жөрөлгөсүн жөнгө салуу максатында атайын нускаманын долбоору иштелип чыкты. Бул тууралуу 12-февралда Бишкекте “Жаштар экстремизмге каршы” форумунда сүйлөп жатып Ички иштер министрлигинин Экстремизмге жана мыйзамсыз миграцияга каршы кызматынын теология бөлүмүнүн башчысы Эрлан Бакиев билдирди. Бакиевдин айтымында, эгер нускама кабыл алынса, сөөктү жерге берүүдө диний көз караштан улам чыккан чыр-чатактардын алдын алууга шарт түзүлөт. Читать дальше...

"Бийликти басып алууга аракеттенген" деп соттолгон Кубанычбек Кадыров менен Бектур Асанов шарттуу түрдө мөөнөтүнөн мурда эркиндикке чыгаралат. Мындай чечим тууралуу Жогорку соттун басма сөз кызматы 12-февралда кабарлады. Ишти кароону алардын адвокаттары суранышкан эле.  Жаза аткаруу мамлекеттик кызматынын (ЖАМК) басма сөз катчысы Элеонора Сабатарова соттун чечими келип түшкөн соң беш-алты саат аралыгында алар бошотуларын айтты.  Бектур Асанов, Кубанычбек Кадыров, Эрнест Карыбеков 2016-жылы март... Читать дальше...

АКШнын демократ-сенатору Крис Мерфи Сауд коалициясынын Йеменди курчоого алып, бул өлкөгө каршы жасаган чабуулдарында ачарчылыктан жана оорудан улам йемендик 85 миң бала каза болгонун билдирди.

10-февраль күнү Бишкектеги Гоголь жана Чүй көчөлөрүнүн кесилишинде «Лексус» автоунаасы «Дэу Нексия» жана «Тойта Марк 2» автоунаалары менен кагышкан. Натыйжада «Лексустун» айдоочусу мас экени жана милиция кызматкери экени аныкталган. Ал наркологиялык текшерүүдөн өтүүдөн баш тарткандыктан, атайын милициянын наряды чакырылып, Октябрь РИИБине жеткирилген. Калган автоунаалардын айдоочулары текшерүүдө соо экени аныкталган. Кырсыктаган үч автоунаа тең Жол кыймыл коопсуздугун көзөмөлдөө башкармалыгынын (ЖКККБ) атайын айып жайына токтотулду. Читать дальше...

Кыргыздын кылымдап келген “бата менен эл көгөрөт” түшүнүгүнө философия илими кандай жооп берерин билбейм, бирок бул түшүнүктү карандай акылга, логикага, турмуштук сезим-туюмга салып кароого мага эч ким тыюу сала албас.

Маалыматты облустук ички иштер башкармалыгы ырастады. Белгилүү болгондой, алардын бири Бакай-Ата районунун 14 жаштагы тургуну болгон. Өз өмүрүнө кол салган сегизинчи класстын окуучусунун чөнтөгүнөн “Мени кечиргиле, тажадым” деген жазуу табылган. Ал эми экинчиси Талас районунда 1992-жылы туулган. Анын жакындары маркум жакынкы арада үй-бүлө курууну пландап жатканы айтышууда.  Милиция эки суициддин себеби аныкталып жатканын билдирди.  Январь айынын аягында эле Таласта 19 жаштагы жигит өз өмүрүн кыйган. Читать дальше...