Новости за 15.02.2019

Кошмо Штаттардын президенти Дональд Трамп АКШ менен Мексиканын чек арасына дубал куруу үчүн өлкөдө өзгөчө кырдаал режимин жарыялай турганын билдирди.  15-февралда жасаган билдирүүсүндө Трамп мындай чечимди качан кабыл аларын так айткан жок, бирок анын бул кадамы дубал көтөрүүгө көбүрөөк акча тартыш үчүн Конгрессти кыйгап өтүүгө жол ачат. Конгрессте республикачылар менен демократтардын ортосунда жетишилген соңку макулдашууда чек арага тосмолорду орнотууга Трамп алгач сурагандай, 5,7 миллиард доллар эмес... Читать дальше...

Диссертациялык кеңештерде жана башка отурумдарда интернет аркылуу тикелей жана кыйыр добуш берүү мүмкүнчүлүгүн колдонуу абзел. Илимпоздун Кыргызстандын Жогорку аттестация комиссиясына заманбап добуш берүү усулдарын чыңдоо тууралуу сунушу башка тармактардын өкүлдөрүн деле кайдыгер калтырбас.

Москвадан анча алыс эмес жайгашкан Ивантеевка шаардык соту 2017-жылдын күзүндө жергиликтүү мектепке кол салган 17 жаштагы өспүрүмдү жети жыл үч айга эркинен ажыратты. Сот ошондой эле аны чабуулда жабыркагандарга эки миллион рубль төлөп берүүгө милдеттендирди. 2017-жылдын сентябрь айында окуучу мектепке курал алып кирип, туш келди ок аткан. Ал ошондой эле мугалимге балта менен кол салган. Окуяда бир мугалим жана үч окуучу жабыркап, ооруканага жеткирилген. Массалык маалымат каражаттарында жазылгандай... Читать дальше...

Быйыл күздө Өзбекстанда көк бөрү боюнча Дүйнө чемпионаты өтөт. Эми улакчылар кайсы эреже менен ойнойт деген суроо кызыктырууда.

Сиз сүйүктүүңүз менен кантип тааныштыңыз эле? Азыр жаштар коомдук жайлардан таанышабы? Социалдык тармактар, нике агенттиктеринен башка дагы таанышуунун кандай жолдору бар? “Азаттык плюс” бул ирээт жөнөкөй, бирок жаштар үчүн маанилүү жана кызыктуу таанышуу ыкмалары тууралуу талкуулады. Өткөрүп жибербеңиз!

Бишкектин Октябрь райондук сотунда саясатчылар Азимбек Бекназаров, Ахматбек Келдибеков жана Кеңешбек Дүйшөбаевдин экс-президент Алмазбек Атамбаев жана “Апрель” телеканалына каршы берген доо арызы боюнча экинчи сот отуруму болду.

Кашмирдеги кандуу кол салуудан 40тан ашуун полициячы каза тапты. Түркия, Орусия жана Ирандын лидерлери Сириянын келечегин талкуулашты. Гүлнара Каримованын Лондондо жашаган уулу апасынын саламаттыгы начарлаганын айтып, президент Шавкат Мирзиёевге кайрылды.

Тажикстандын Ички иштер министрлиги бозгундагы белгилүү тажик оппозиционери Шарофиддин Гадоев өлкөгө кайтып келгенин билдирди. Министрлик 33 жаштагы Гадоев Дүйшөмбүгө 15-февралда Москва аркылуу учуп келгенин өз сайтына жарыялады. Анда оппозиционер буга чейин "кылгандары боюнча өкүнүп жатканы" айтылган".  Анын апасы Оишамо Абдуллоева уулу кайтып келгенин билбей турганын "Азаттыктын" тажик кызматына айтты. Бирок Гадоевдин досторунун бири, "Евразия диалогу" фондунун башчысы Мухаммад Сафарзода оппозицонер... Читать дальше...

Өкмөттүк отурумдун жыйынтыгы менен бир катар мамлекеттик администрациялардын жетекчилерине сөгүш берилип, айрымдарын иштен алуу боюнча сунуш түштү. «2018-жылды Аймактарды өнүктүрүү жылы деп жарыялоо тууралуу» президенттин жарлыгын жана өлкөнүн аймактык саясатынын концепциясын аткаруу боюнча 2018-2022-жылдарга карата иш пландарын аткаруу маселеси караган жыйында биринчи вице-премьер-министр Кубатбек Боронов тиешелүү сунуш киргизди. Бул тууралуу өкмөттүн маалыматтык камсыздоо бөлүмү кабарлады.  Андан алынган маалыматка ылайык... Читать дальше...

"Адилет" укук клиникасы "Ата Мекен" партиясынын абактагы төрагасы Өмүрбек Текебаев менен мурдагы элчи Дүйшөнкул Чотоновдун кылмыш ишин жаңы ачылган жагдайлардын негизинде кайра кароо үчүн Жогорку сотко өтүнүч келтирди.

15-февралда советтик армиянын Ооганстандан чыгарылганына отуз жыл болду. Буга байланыштуу Улуттук филармонияда президент Сооронбай Жээнбековдун катышуусунда салтанаттуу иш-чара өттү. Анда Сооронбай Жээнбеков кыргыз жарандарынын ар кандай террордук топторго кошулуп кеткени токтобой жатканын айтты. 1979-89-жылдары Ооганстанда "интернационалдык кызмат өтөөгө" 7 миң 141 кыргызстандык жоокер чакырылган. Анын ичинен 249 жоокер ооган жергесинде курман болуп, 504ү жараат алган. Төртөө бүгүнкү күнгө чейин дайынсыз. Читать дальше...

15-февралда Астанада жүздөгөн аялдар, негизинен көп балалуу энелер нааразылык акциясын уюштурушту. Алар өткөн жумадагыдай эле бул ирет да "Астана" концерттик залына чогулушту. Аялдар Астананын акими Бахыт Султанов менен жолугушууну талап кылып, чогулушка келген акимдин орун басарын сүйлөтпөй коюшту.  Акыры Астананын акими да келип, энелердин талаптарынын баары каралып жатканын жана буга убакыт зарыл экенин билдирди. Бирок нааразы аялдар анын айткандарына макул болушкан жок.  Көп балалуу энелер... Читать дальше...

Бишкектин четинде өрттөн бир аял жашы жете элек эки баласы менен кошо күйүп кетти. ИИМ азырынча өрттүн себебин расмий билдире элек. Маркумдун коңшулары келин өзүн-өзү өлтүргөнүн айтышууда. Өрт катталганга чейин ал бир нече литр бензин сатып алганы белгилүү болду. Келиндин кайненеси менен мамилеси начар болгону айтылууда.

Эл аралык “Балдарды сактоо” (Save the Children)  уюму дүйнөдө согуштун айынан жыл сайын 100 миңден ашуун ымыркай көз жумарын баяндамасында билдирди.

Айлана-чөйрөнү коргоо жана токой чарбасы боюнча мамлекеттик агенттикте 2016-жылы бюджеттик жана башка каражаттарды пайдалануу боюнча жүргүзүлгөн аудиттин натыйжасында ушундай тыянак чыгарылган. Аны жүргүзгөн Эсеп палатасы "Азаттыкка" кабарлагандай, анын ичинен 1 млн. 764 миң сом калыбына келтирилген, агенттик дагы 13 млн. 467 миң сомдун ордун толуктоого тийиш. Мындан тышкары, жаратылышты коргоо жана токой тармагын өнүктүрүү боюнча республикалык жана жергиликтүү фонддорго 2016-жылы 263,9 млн. сом өлчөмүндө акча келип түшкөн. Читать дальше...

Кашмирдин Индия көзөмөлдөгөн аймагында 44 полиция кызматкеринин өмүрүн алган террордук чабуул үчүн Дели Исламбадды күнөөлөп, Пакистан бийлигинен өз аймагындагы террордук топторго колдоо көрсөтүүнү токтотууну талап кылды.  14-февралда болгон жанкечтинин жардыруусунан көп өтпөй Индиянын Тышкы иштер министрлиги Исламбаддан Пакистанды база катары пайдаланып келген "террорчуларды жана террордук топторду колдоону токтотууга" чакырды.  Жардыруу үчүн жоопкерчиликти Пакистанда жайгашкан “Жаиш-и-Мухаммед” радикал тобу өз мойнуна алды. Читать дальше...

15-февралда Бишкектеги Ленин райондук сотунун судьясы Бактыбек Сыдыгалиев ушундай чечим чыгарды.  Улуттук коопсуздук боюнча мамлекеттик комитеттин (УКМК) мурдагы жетекчиси Мурат Суталиновду оорусуна байланыштуу эркиндикке чыгаруу маселеси 7-февралдагы отурумда каралган. Анда Жаза аткаруу мамлекеттик кызматынын өкүлү Суталиновдун мүнөзү чырдуу болбогонун, аны бошотууга каршылыгы жок экенин айтты. Андан кийин дарыгер да көрсөтмө берип, Суталиновдун бөйрөгү 4-баскычтагы өсмө (рак) илдети менен жабыркай тургандыгын... Читать дальше...

Мыйзамсыз миграцияга каршы 17-январда Бишкекте митингге чыккандардын айрымдары 15-февралда Улуттук коопсуздук боюнча мамлекеттик комитетке (УКМК) чакырылган. Бул тууралуу митингди уюштурган "Жети дубан, кырк уруу кыргыз ынтымагы" коомдук кыймылынын өкүлү Кадырбек Үсөнбаев "Азаттыкка" билдирди:  - Бүгүн биздин уюмдун мүчөлөрү Абдымалик Мырзаев менен Аман Артыковду УКМКга чакырып, алып кирип кетишкен. Мырзаевдин киргенине беш-алты саат болуп калды, эмгиче чыга элек. Белгилеп айтып коелу, биздин уюмдун... Читать дальше...

Москвада кыргызстандык өспүрүм адам өмүрүн куткарганы үчүн сыйланды.

Казакстандан 15-февралдын таңында Адам укуктары боюнча Италия федерациясынын байкоочулары, украин жарандары Людмила Волошина менен Валерий Явтушенко Киевге депортацияланды. Казак бийлиги аларды "өлкөнүн миграция мыйзамдарын бузду" деп айыптоодо. Волошина менен Явтушенко бейшембиде Астанада кармалган. Астана полициясы жергиликтүү маалымат каражаттарына Людмила Волошина Казакстанга жеке сапар менен келип, башка иштер менен алектенип мыйзам бузганын билдирген. Жумага караган түнү сот эки байкоочуну өлкөдөн депортациялоо боюнча өкүм чыгарган. Читать дальше...

Аламүдүн райондук сотунда бүгүнкүгө белгиленген сот жараяны 1-мартка жылдырылды. Буга күбөлөрдүн толук келбегени себеп болду.  Кыз ала качуунун курмандыгы болгон Бурулай Турдаалы кызынын өлүмү боюнча 11-февралдагы соттук процесске да күбөлөр келбей калып, 15-февралга жылдырылган эле.  Сотто Бурулайдын өлүмү боюнча Жайыл райондук ички иштер бөлүмүнүн кызматкерлеринин иши каралып жатат.  Буга чейин беш милиция кызматкерине Кылмыш-жаза кодексинин 323-беренеси ("Шалаакылык") менен кылмыш иши козголгон. Читать дальше...

15-февралда Бишкектин Октябрь райондук сотунда саясатчылар Азимбек Бекназаров, Ахматбек Келдибеков жана Кеңешбек Дүйшөбаевдердин экс-президент Алмазбек Атамбаев жана “Апрель” телеканалына каршы берген доо арызы боюнча сот отуруму уланды. Соттук жараянда Азимбек Бекназаров мурдагы президент Алмазбек Атамбаев аларды негизсиз каралап, кадыр-баркына шек келтиргенин айтты:  - Бул доо арыздын максаты - Атамбаевден же “Апрель” телеканалынан акча өндүрүү эмес. Көп жылдан бери ушундай системалуу ушак-айыңды мамлекет башчысы... Читать дальше...

Таш-Көмүр шаарына караштуу Шамалды-Сай шаарчасындагы көп кабаттуу үйлөргө жылуулук толук берилбей жатат. Бул тууралуу шаарчадагы №4, 6 көп кабаттуу үйдүн тургундары “Азаттыкка” билдиришти.  Алар муну айынан батирлерде кошумча электр тогу менен иштеген мештерди колдонууга аргасыз болуп жатышканын, карылары менен жаш балдары бар үй-бүлөлөргө оор болуп жатканын айтышты. Жергиликтүү тургундар от казандарга жагылуучу көмүр башкаларга сатылып жатат деген күмөн санашууда.  Таш-Көмүр шаардык жылуулук... Читать дальше...

Жыл сайын дүйнөдө куралдуу кагылыштардан жана алардын кесепеттеринен кеминде 100 миңдей бала курман болот. Бул тууралуу "Save the children" уюму 15-февралда жарыялаган "Балдарга каршы согуштарды токтоткула" деген аталыштагы баяндамасында айтылат.  Аталган уюмдун билдирүүсүнө ылайык, куралдуу жаңжалдардан балдардын физикалык, акыл-эс, психосоциалдык өнүгүүсү да жабыркап жатат. Ошондой эле баяндамада окко учуп же бомбанын жардырууларынан курман болгондорго караганда жетиштүү тамактанбагандыктан,... Читать дальше...

14-февралда дүйнөдө Ыйык Валентин же махабат күнү белгиленди. Бул күнү Жапониядагы аялдардын көбү он жылдан бери келаткан салтка каршылыгын билдирип, эркектерге шоколад берүүдөн баш тартышты.