Новости за 27.01.2019

Ооган жергесинде тынчтык орнотууну көздөгөн АКШ менен “Талибан” кыймылынын сүйлөшүүлөрү “олуттуу прогресске” жеткени маалым болду. Бул тууралуу АКШнын атайын чабарманы Залман Халилзад 27-январда Кабулга кайтып баргандан кийин билдирди. Ал Катардын башкалаасы Дохада алты күндүк сүйлөшүүгө катышты. Халилзаддын белгилешинче, талибдер менен келишимге кол коюлган жок, бирок ал жакында ишке ашат. “Мурдагы сүйлөшүүлөргө салыштырмалуу бул жолугушуу натыйжалуу болду. Өтө маанилүү маселелер боюнча олуттуу прогресске жетиштик” деди атайын чабарман. Читать дальше...

Венесуэланын Вашингтондогу аскер атташеси, полковник Хосе Луис Силва оппозиция лидери Хуан Гуайдону өлкөнүн «легитимдүү президенти» деп тааный турганын билдирди. Ал мындай билдирүүнү жекшембиге караган түнү Вашингтондогу кеңсесинде туруп таратты. «Бүгүн мен Венесуэланын элин, өзгөчө улуттук куралдуу күчтөрдөгү ага-инилеримди Хуан Гуайдону өлкөнүн жалгыз легитимдүү президенти катары таанууга чакырам», - деди Силва. Ал Мадуронун бийлигин тааныбаган Венесуэланын биринчи жогорку кызматтагы дипломаты жана аскер кызматкери болду. Читать дальше...

Крикет боюнча эл аралык кеңеш (The International Cricket Council  - ICC) Пакистандын крикет командасынын капитаны Сарфраз Ахмедди спорттогу расизмге каршы кодексти бузганы үчүн төрт оюндан четтетти.   Эл аралык кеңеш 27-январда өз чечимин бышыктап, Сарфраз уюмдун расизмге каршы эрежелерин бузганын мойнуна алганын билдирди.   Пакистандык таанымал крикетчи түштүк африкалык ындыкара оюнчуга каршы расисттик маанайдагы сөз айтканы үчүн кечирим сурады. Окуя 22-январда Түштүк Африканын Дурбан шаарындагы мелдеш маалында болгон. Читать дальше...

Москвадагы тажик элчилигинин маалыматына караганда ушул тапта Орусиянын түрмөлөрүндө 10 миңден ашуун Тажикстандын жарандары жазасын өтөп жатат. Бул тууралуу «Азаттыктын» тажик кызматы кабарлады.   Орусияда ондогон тажик жаранынын үстүнөн сот иштери жүрүп жатат. Алардын көбү терроризм жана экстремизмге шек саналгандар. "Азаттыктын" тажик кызматынын өз булагы «алардын канчасынын терроризм жана экстремизмге тиешеси бар экени белгисиз, бирок соңку эки-үч жылда мындай иштер көбөйдү» деп айтып берген. Читать дальше...

Германия бөлгөн 12 миллион доллар Санкт-Петербург шаарындагы ардагерлер үчүн ооруканаларды модернизациялоого жумшаларын "Азаттыктын" орус кызматы кабарлады. Орусиядагы немис элчилигинин билдиргенине караганда «Ленинград блокадасы бүтүндөй бир шаарга жана анын калкына каршы карасанатай кылмыш катары тарыхка киргени» айтылат.   Ал эми блокаданы баштан өткөргөндөргө жардам берүү «немис элинин атынан мындай мыйзамсыздык үчүн жоопкерчиликти моюнга алуу» экени белгиленет. Мурдараак немистердин таасирдүү... Читать дальше...

Кремлдин басма сөз катчысы Дмитрий Песков Москва Венесуэланын президенти Николас Мадуронун коопсуздугун камсыздоого жалданма аскерлерди жибербегенин билдирди. Песков Орусиянын телеканалындагы “Москва. Кремль. Путин” деп аталган программага катышканда 400 жалданма аскер Венесуэлага жиберилгени тууралуу суроого “андай эмес”, - деп жооп берди. Ал “коркконго кош көрүнөт” деп кошумчалады.   25-январда "Reuters" агенттиги Орусиядагы "ЧВК Вагнер" деп аталган жеке аскердик компаниянын 400 жоокери Венесуэланын... Читать дальше...

Орусиянын Саратов облусундагы кафеде эки жолу жарылуу болуп, бир киши каза тапты. 11 адам жабыркап, ооруканага түштү.  ТАСС агенттиги облустук прокуратурага таянып билдиргендей, Лысые горы айылындагы "Рандеву" деген кафеде газ баллону жарылган. Кырсык 26-январда болгон. Ал жерде бир тургундун 60 жылдык мааракеси өтүп жаткан. Туулган күн ээсинин көп жери күйүп, ооруканада көз жумду.  Кафедеги коопсуздук чараларын аныктоо үчүн тергөө башталды.

Бразилиядагы "Vale" деп аталган тоо-кен компаниясы Минас-Жерайс штатындагы Брумадиньо аймагында дагы бир дамба жырылып кетүү коркунучунда экенин билдирди. Жекшембиде компаниянын расмий сайтында жарыяланган маалыматта дамбада суу ашыкча топтолуп жатканы белгиленген.  Аталган штатка караган Белу-Оризонти шаарынын аймагындагы шахтанын чыгындылары топтолгон дамба жума күнү жырылып, апаатта 34 адам курман болду. 23 киши жабыркаганы такталды. Дагы 296 кишинин дайыны чыкпай жатканын "Globo" телеканалы кабарлады. Читать дальше...

Кыргыз элинин башка элдердин салтынан айырмалуу ай аталыштары бар. Тарыхчы өз блогунда баса белгилегендей, бул он эки айдын аталышын төрт топко бөлүп оңой-олтоң жаттай аласыз.

Дүйнөлүк басма сөзгө баяндама (21-28-январь).

Алымбек датканын неберелери Кадырбек Камчыбеков менен Жамшитбек Карабеков Кыргызстанда социализмдин орун-очок алышына жан аябай кызмат кылып, 1937-жылы атылып кеткен.

Түркияда кыргызстандык келин өз жанын кыйды. Бул тууралуу жергиликтүү "Ihlas" агенттиги маалымдады. Маалыматка караганда, 27-январда 31 жаштагы кыргызстандык келин  Адана шаарында өзү жашаган үйдө муунуп калган. Каза болгон келин ал жакта бир үй-бүлөнүн кичинекей баласын карап иштеген. Ал эртең менен жумушка келбегендиктен иш берүүчүсү телефон чалган, бирок эч ким жооп берген эмес. Полиция келин жашаган үйдүн эшигин ачтырып кирип, анын өлүгүн көргөн.  Кыргызстандык келиндин сөөгү Адана шаардык өлүкканасына жиберилди. Читать дальше...

Ишмердүүлүгү өлкөбүздүн тарыхындагы урунттуу окуялар менен ажырагыс байланыштагы Турдакун Усубалиевдин ысымын Бишкек шаарынын Киев көчөсүнө ыйгаруу демилгесин айрым депуттаттар көтөрүп чыгышты.

28-январда Кыргызстанда жаан-чачын болбойт. Жолдорго муз тоңот. Батыштан соккон шамалдын ылдамдыгы секундасына 4-9 метрге жетет. Абанын температурасы: Чүй өрөөнүндө түнкүсүн -3...-8, күндүз 3...8, Талас жергесинде түнкүсүн -5...-10, күндүз 3...8, Баткен облусунда түнкүсүн -3...-8, күндүз 5...10, Ош, Жалал-Абад аймактарында түнкүсүн -2...-7, күндүз 5...10, Ысык-Көл дубанында түнкүсүн -5...-10, күндүз 1...6, Нарын облусунда түнкүсүн -25...-30, күндүз -11...-16, Бийик тоолуу райондордо түнкүсүн -27...-32... Читать дальше...

Айыл өкмөттөрдү өнүктүрүү жана алардын башчыларынын ишмердүүлүгү жөнүндө сөз.

Индонезиянын Борбордук Сулавеси аймагында ташкындан жана көчкүдөн улам 68 киши курман болуп, 47 адам жабыркады. Бул тууралуу "Синьхуа" агенттиги жекшембиде расмий кабарларга таянып билдирди.  "France-Presse" агенттиги болсо 25 адам дайынсыз экенин, үч миңдей тургун үй-жайын таштап кетүүгө аргасыз болгонун жазды.  Узакка созулган нөшөрдөн улам ташкын болуп, бийлик дамбаны ачууга мажбур болгону айтылууда. Бул кадам аргасыздан жасалганы, болбосо нөшөрдүн кесепети мындан да трагедиялуу аякташы мүмкүн болгону кабарланды.

Филиппинде 27-январда чиркөөдөгү кош жардырууда курман болгондордун саны 27 кишиге жетти. Алардын жетөө аскер кызматкерлери. Ондогон адамдар жарадар болду. "Associated Press" маалымат агенттиги кабарлагандай, бир жардыруучу түзмөк Холо аралындагы католиктердин чиркөөсүндө, эртең мененки сыйынуу учурунда жарылган. Экинчиси ошол жерге жакын собордо жарылды.  Бийликтин маалыматына караганда, курман болгондордун көбү сыйынууга келген кишилер.  Жардыруу үчүн азырынча эч кайсы террордук топ жоопкерчилик алган жок. Читать дальше...

Жакында Улуттук кардиология жана трансплантология борборунун ревмотология бөлүмүндө тутумдашкан кызыл жүгүрүк (системная красная волчанка) илдетинен жабыркаган 32 жаштагы бейтап ооруканада каза болду.

Видеороликти Кыргызстандын футбол федерациясы жарыялаган.

Кытайлык кыргыздардын укук маселесине кайдыгер карабаган жагдайыбыз кийинки кезде көңүл чордонун ээлеп келет.

Азыркы Өзбекстандын президенти Шавкат Миромонович Мирзиёевдин балалыгы татаал болуптур.

Узап бараткан жуманын урунтуу окуяларына сереп.

42 жаштагы Емельяненко спорттук беттештерде ушуну менен алтынчы жолу утулду.

Соңку жылдарда бир аз басаңдагансып калганы менен, аягы али тыйыла элек, ал тургай көнүмүшкө айланып, ал гана эмес, жаңыдан калыптана баштаган муундун кан-жанына биротоло сиңип, көнүмүш адатка айланып бара жаткан жазгы саясий толкундоолорду ар ким ар башкача маанайда күтүү алдында турат.

Бразилиянын Куткаруу кызматы билдиргендей, Минас-Жерайс штатындагы дамбанын жырылуусунан 34 өмүр кыйылганы такталды. Дагы 296 кишинин дайыны чыкпай жатат. "Globo" телеканалы билдиргендей, 23 адам ооруканада. Белу-Оризонти шаарынын аймагында шахтанын чыгындылары топтолгон дамба жума күнү жырылган. Натыйжада шахтаны жана бир канча үйдү суу каптаган. Апаат болгон жерде ондогон куткаруучу иштеп жатат. Тургундар коопсуз жакка көчүрүлгөн.